رواية انتقام الفصل السادس 6 بقلم منار ضيفي

رواية انتقام الفصل السادس 6 بقلم منار ضيفي

رواية انتقام البارت السادس

رواية انتقام الجزء السادس

رواية انتقام الحلقة السادسة

عند ايمان ف المستشفي
ندا ” يعني ايه تاخدي الرصاصه مكانه وليه اصلا تضحي بحياتك عشان واحد زي دا
ايمان ” معلش يا ندا انا تعبانه ومش قادره اتكلم
ندا ” لا تتكلمي يا ايمان لازم تتكلمي انتي حبتيه يا ايمان حبتيه صح ؟
ايمان بسخريه ” ومحبهوش ليه هو مش زوجي قرة عيني حلالي
ندا بعصبيه ” ايمان انا مبهزرش انتي ازاي اتغيرتي كدا دا واحد ملحد يا ايمان فاهمه يعني ايه ملحد
ايمان ” يا ندا بالله خلاص ايهاب مش ملحد ومش وحش هو تايهه بس وانا هرشده للطريق الصح يا شيخه دا كفايه الصدق اللي ف عيونه عيونه صادقه مبتكذبش مش زي اي واحد قابلته ف حياتي
ندا ” انا مش فاهمه بجد دا اكيد ساحرلك يعني انتي هتسيبي باباكي بعد العمر دا كله عشانه
ايمان ” مش هسيب بابا وف نفس الوقت مش هسيب ايهاب الا لما ادخل النور ف حياته دا وعدت اخدته ع نفسي
عند إيهاب ف الفيلا
ايهاب ” جريت عشان اشوف ايه صوت ضرب النار دا اللي صدر
طلعت جري ودخلت الأوضه اللي دخل فيها الدكتور
لكن انصدمت من اللي شوفته مستحييييييل مين اللي عمل كدا وازاي وليه الدكتور سايح ف دمه ماخد رصاصتين ف القلب كأن اللي ضربه قناص محترف قاصد أنه مينفدش منها
نزلت تحت وانا الرعب مسيطر عليا كان لازم امشي لو الحكومه شمت خبر هبقي انا القاتل ف نظرهم اخدت عربيتي ورجعت شركتي وفور ما دخلت
أسر ” ايهاب طمني عملت ايه

ايهاب بإنهيار ” انا لييييه الدنيا بتعمل معايه كدا ليه كل الناس بتحقد وبتكره لييه عملتلهم ايه انا عشان يحرموني من ابويا ويخسروني كل حاجه ليه لما قربت اوصل للحقيقه قتلوه ومحوا معاه كل دليل ممكن يجمعني ب بابا طب ليه يخلوني أأذي ناس ملهاش ذنب
أسر ” قصدك ع مين قصدك ع رياض
إيهاب ” رياض دا هو السبب في كله حاجه وشرفي لإقتله واشرب من دمه بس بس ايم ايمان ملهاش ذنب ف كل دا انا كنت عايز أحرم رياض من بنته زي ما حرمني من ابويا بس ابويا طلع عايش مكانش ينفع اعمل اللي انا عملته دا مكانش ينفع اقرب منها
أسر بضحك” انت اتهبلت صح بقي بعد كل اللي عمله رياض فيك خسرك شركتك وقتل ابوك وبعد كل دا ندمان فين رجولتك ودمك الحامي ع ابوك يا ايهاب يا الفي
ايهاب بعصبيه ” ابويا طلع عايش مماتش وفلوسي ورجعتها من غير ما أأذي حد اللي خلاني انتقم موت بابا لو كنت عرفت أنه عايش من البدايه مكنتش هنتقم كنت هرجع فلوسي وشركتي من غير ما أأذي حد خصوصا لو كان ملوش علاقه ولا ذنب زي إيمان
أسر ” اها قول كدا انت قلبك حن ووقع طب ومستني ايه مش خلاص عرفت أن ابوك عايش وشويه وهترجعه لحضنك روح رجعها لابوها وخليه ينتصر عليك روح وفرط ف حقك وحق ابوك من غبائك انك متعرفش أن رياض هو ورا كل دا
روح يا ايهاب مستني ايه رجعها سيبها
ايهاب وكاد أن يبكي ” مقدرش صدقني مقدرش اسيها مقدرش ابعد عنها دا انا مخليتش أبوها يقرب منها خوفا من أنها تطلب تمشي معاه مش هقدر اشوفها بتبعد بعد ما لقيت الأمان اللي كنت بدور عليه طول عمري مش هسيبها يا أسر مش هسيبها حتي لو قتلت أبوها عشان ميخدهاش مني
“واسيبك ليه و ازاي هو انتي اللي زيك بتساب طب دا انا حتي حياتي قبلك عذاب جيتي والفرحه ف عنيكي واخدتي قلبي بقي بين ايدكي ”
مشيت وسبته معرفش ليه حسيت أن محتاجلها محتاج أن اشوفها معرفش امتي وازاي بقيت بحس بالامان معاها وشها البريئه وملامحها الطفوليه كل دا بيديني أمل أن لسه ف ناس ممكن تتحب ف العالم الظالم الاسود اللي انا عايش فيه
وصلت عندها لقيتها نايمه ف ثبات وهدوء
يا رتني كنت أملك نص او ربع حتي السلام النفسي اللي عندك دا
قعد جمبها ومسكت أيدها ولاول مره بعترف أن حبيتها وحقيقي بتمني أنها لو فايقه يمكن كان حضنها أو حتي صوتها يخفف عني شويه
رنة موبايل ايهاب
ايهاب ” لقيته
يعني ايييه مش عارفين دور ف كل المستشفيات الحكوميه القديم والجديد ف كل شبر ف مصر لو ابويا مرجعليش هقتلكم واحد واحد والمراادي مش تهديد
ايمان بتفوق ع صوت ايهاب وبتسمع المكالمه
ايمان بصدمه ” ايهاب انت انت باباك عايش
باباك عايش يا ايهاب وكذبت عليا وفهمتني أنه مات
بتتمني لابوك الموت عشان بس تحقق انتقامك
انت انت مش انسان انت مستحيل تكون واحد طبيعي انا بكرهك يا ايهاب بكرهك
ايهاب بتوتر ” ايمان ارجوكي افهميني مكنتش اعرف ان
إيمان بعصبيه وتعب ” مكنتش تعرف ايييه انت أذيتني دمرت حياتي خطفتني اتزوجتني غصب شوهت سمعتي وسمعة بابا وكل دا كوم وانك تتمني لابوك الموت وهو عايش دا كوم ت تاني ان انا بكرهك بكرهك يا ايها
ايهاب بخوف ” ايمااان ايمااان لا ف فوقي ارجوكي حصلك ايه يا ايمان
الدكتور بيجري ” خير يا ايهاب بيه حصل ايه
ايهاب ” معرفش كانت بتتكلم معايه وقعت فجأه ارجوك شوفها مالها

ف مركز الشرطه
الظابط مدحت بعصبيه ” شريف انا قلتلك ف الفون إن القاتل هو ايهاب الألفي
هو كان آخر حد عنده والبصامات اللي ف الفيلا بتثبت أن مكانش فيها غير اتنين بس الدكتور وايهاب يبقي هو القاتل سايبه ليه مجبتهوش ليه انت بتتستر ع مجرم يا حضرة الظابط
شريف ” مدحت ارجوك افهمني ايهاب مش هو القاتل يمكن تكون كل حاجه ضده بس والله مش هو
ايهاب ميقتلش وبعدين ايه مصلحته ف قتل الدكتور
القضيه دي غامضه يا مدحت لازم نركز عشان منظلمش حد دا حبل مشنقه مش سجن سنه ولا اتنين
مدحت بتحذير ” شريف قدامك يومين لو مجبتش القاتل وأثبت فعلا ان الألفي بريئ انا هسحب منك القضيه وهقبض ع ايهاب واقفل القضيه يومين يومين بالعدد يا حضرة الظابط ومن غير سلام
شريف ” ليه يا ايهاب ليه بتوقع نفسك كدا ليه
هنقذك ازاي دلوقت انا ف يومين
ف المستشفي
الدكتور ” متقلقش يا ايهاب بيه هي اتعرضت لصدمه ومستحملتش شويه كمان وهتفوق
ايهاب ” متشكر
رنة موبايل ايهاب
ايهاب ” عملتوا يا حبة حمير مانا مشغلكم صدقه مش اكتر
المتصل ” لقنياه
ايهاب ” ايييه انت بتتكلم بجد يعني بابا عايش طب فين وازاي
المتصل ” هبعتلك عنوان ف رساله
ايهاب ” استلمت الرساله وجريت ع العنوان
وصلت كانت مستشفي ف مصر القديمه
لحد اللحظه دي وانا مش متأكد ان هلاقي بابا ولا لا بس لو لقيته بجد وغلاوة بابا يا رياض ما هسيبك ف حالك أنا متأكد انك انت ورا كل البلاوي دي
دخلت المستشفي اتلقاني واحد من اللي كنت مكلفه يدور ع بابا
” ايهاب بيه تعالي معايه هوصلك للمكان
ايهاب ” مشيت معاه كأن طفل صغير ماشي جمب الأستاذ بتاعه ورايح يعاقبه عند الناظر
لحد ما وصلت عند اوضه
” والدك جوا
“وياريت كل الخيال حقيقه مكنش حد تعب ولو دقيقه ”
ايهاب ” دخلت وانا خايف وفرحان المشاعر كلها دخلت ف بعض معرفش انا حاسس بإيه بس انا متأكد ان ف حلم وممكن يخلص ف اي وقت دخلت شوفت ابويا قاعد ع السرير بيبص للسقف ولحد اللحظه دي برضو مش مصدق عيوني ناديت بصوت خافت مهزوز
بابا
والد ايهاب بصدمه ” انت انت ايه اللي جابك هنا
انت جاي تتشفي فيا بعد اللي عملته فيها
ايهاب بصدمه ” ايييه بابا انت بتقول ايه
والد ايهاب بكره وعصبيه ” جاي عندي ليه يا ابني يا ضنايه جاي عندي ليه بعد السنين دي كلها بعد ما اتبريت مني ودخلتني مستشفي زباله زي دي كل اللي فيها مجانين ليه يا ايهاب عملت كدا ليه ف حد يعمل ف ابوه كدا انت مستحييييل تكون ابني اللي ربيته مستحييل اطلع من هنا مش عايز اشوف وشك غور من وشييي

ايهاب بصدمه وعياط ” بابا انت ايه اللي بتقوله دا انا معلمتش كدا انا بحبك انا اتذيت جدا ف غيابك من اللي فهمك كدا ضحكوا عليك زي ما ضحكوا عليا يا بابا صدقني
والد ايهاب ” انا مش ابووك انا اتبريت منك من ساعة ما دخلتني هنا عشان تستولي ع املاكي بعد ما افتكرت أنها ضاعت بسببي حملتني المسؤوليه واني وثقت ف واحد ميستهلش الثقه زي رياض حبيت تعقبني جبتني هنا وقولت لكل الناس إني مت عشان تعرف تستولي ع الأملاك
يا خسارة تربيتي ليك دلعتك وخليتك تعمل كل اللي عايزو و ف الآخر تدبحني بسكينه تلمه
ايهاب بعياط اكتر ” بابا ارجوك انت مين اللي قلك الكلام دا قولي وانا وحياتك مش هرحمه قولي مين اللي مصمم أنه يبعدك عني
والد ايهاب بتعب ” انا مش عايز اشوف وشك هنا اطلع بره ارحملي أن اقعد ف مكان زي دا واموت فيه اهون من اني ابص ف وشك اطللع برااااا
الدكتور بيدخل عندهم ” انت مين يا فندي انت وازاي تدخل تتكلم مع المريض بالشكل دا
والد ايهاب ” دا ابني يا دكتور ابني اللي اتبرا مني وسرق املاكي وجابني هنا هو اللي كنت بحكيلك عنه بالساعات خرجه ارجوك طلعه من هنا مش عايز اشوف وشه
الدكتور ” انت
ف حد يعمل ف ابوه كدا كل دا عشان خاطر الفلوس ملعون أبوها الفلوس اللي تقسي قلب ابن ع ابوه يا خي
ايهاب ودموعه لم تنشف بعد” محصلش محصلش كل دا كذب انا اضحك عليا زيكم فهموني أن ا
الدكتور ” انت نصاب كبير اللي يعمل ف ابوه كدا مستحيل يبقي انسان أخرج بره فين الأمن اللي هنا خرجوا الحيوان دا بره ومتخلهوش يدخل هنا تأني
ايهاب ” لا لا مستحيل اوعوا ابعدوا عني سبوني خلوني افهمه يا باباااااا انت لازم تصدقني معملتش حاجه كل اللي سمعته دا كذب اوعواا سبوني ارجوك يا بابا متسبنيش بابا انا محتاجلك صدقني انا مظلوم يا باباااااا
“وبتسرقي اعز ما ليا ليه يا دنيا بتسرقي فرحتي من قبل ما تترسم طب خليني حزين يا ستي ولا تضحكيني سبيني ومتخدعنييش خليني اعييش ”
شريف ” ايهاااااب لا
شريف ” بيدي ايهاب بالقلم ” انت اتجننت يا ايهاب عايز تتنتحر عايز ترمي نفسك دا بدل ما تدور ع اللي عمل فيك كدا ودمر حياتك وحياة ابوك بتستسلم للدنيا يا ايهاب بتستسلم لغدرها هو انت اول ما هتتغير للاحسن هتضعف
ايهاب بإنهيار وعياط ” انا مش عايز حاجه انا مش عايز انتقم انا مش عايز اعيش هعيش ليه ولمين ابويا فاكر ان موته واتبريت منه وإيمان شايفه اني كذاب ودمرت حياتها هعيييش ليه ولمييين مش عايز انتقم مش عايز فلوس مش عايز حاجه عايز اعيش ف سلام وسط الناس اللي بحبهم
ايمان وبابا
شريف ” عشان عايز تعيش مع ابوك ومراتك لازم تثبتلهم الحقيقه لازم تثبتلهم انك مش وحش وان ف حد لعب بيحياتكم واحد واحد لازم تاخد حقك يا ايهاب
ايهاب ” رياض هو اللي ورا كل دا سرق شقي ابويا و خباه عني وعن الدنيا دي كلها وفهمه اني عملت كدا هنتقم منه هخليه يبكي بدل الدموع دممم
شريف ” ايهاب رايح فين
ايهاب ” عند اللي بحس جمبها بالامان عند اللي بتديني دافع أن أعيش وأكمل
“وبوجودك جمبي الحياه تتعاش و ف بعدك يا حبيبتي الجنه ما تنداس”
ايهاب ” وصلت المستشفي دخلت الاوضه اللي كانت فيها

إيمان انتي لازم تف
ايمان
هي راحت فين كانت هنا انا سبتها هنا ايمااان روحتي فين
دكتووور انتوا يا اللي هناااا
………………….
ف مركز الشرطه
شريف ” مش معقول مستحيل ايهاب لازم يشوف الفيديوهات دي
مدحت ” فيديوهات ايه
شريف ” شوفت يا مدحت قلتلك أن ايهاب برئ دا الفيديو اللي بيثبت أنه مقتلش وهيدلك ع القاتل
مدحت ” انت كمان هتقول أن رياض عزمي هو ورا كل دا
شريف ” طب تعال القي نظره بس
مدحت ” مستحييييل

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية انتقام)