رواية انتقام الفصل السابع 7 بقلم منار ضيفي

رواية انتقام الفصل السابع 7 بقلم منار ضيفي

رواية انتقام البارت السادس

رواية انتقام الجزء السادس

رواية انتقام الحلقة السابعة

عند ايهاب ف المستشفي
ايهاب بزعيق ” ايمااااان
روحتي فين
الممرض ” مستر ايهاب ارجوك احنا هنا ف مستشفي مينفعش الصوت العالي دا
ايهاب يمسك الممرض من ياقته ” المريضه اللي كانت هنا راااحت فيين
الممرض ” معرفش والله تقدر تسأل الدكتور اللي كان متابع حالتها
الدكتور ” ايه ف ايه
ايه اللي بيحصل هنا
ايهاب ” انت شرفت يا دكتور الحمير
مراتي فين
الدكتور ” اهدا يا ايهاب بيه المدام حالتها استقرت خلاص وهي طلبت انها تخرج وجي أبوها أخدها كنت هتصل بحضرتك بس هي قالتلي انها كلمتك واتفقت معاك ع كل حاجه
ايهاب ” انت متأكد من الكلام دا يعني ايمان بنفسها قالتلك كدا
الدكتور ” وايه اللي هيخليني اكذب عليك هو دا اللي حصل
ايهاب ” وايه اللي هيخليني أثق فيك مبقاش عندي ثقه ف حد خلاص
*ف ڤيلة رياض عزمي*
ايهاب ” وصلت عندهم وطبيعي الأمن هيحاولوا يمنعوني بس مقدروش
ايمااان انا عارف انك موجوده أخرجي يا ايمان واسمعيني احنا لازم نتكلم
رياض ” انت
انت ازاي دخلت هنا

اومال الدواليب اللي برا دي بتعمل ايه
ايهاب ويرفع إصبعه ف وجه رياض ”
النهارده محدش هيقدرر ياخد مني حاجه تخصني ايمان مراتي وانا عايز مراتي بكل ادب وهدوء
رياض ” ايهاب امشي من هنا ايمان هي اللي رافضه تكلمك
ايهاب يرفع المسدس ف وجه رياض ” هتقولي مراتي فين ولا تلاقي المسدس دا كله ف دماغك
ايمان ” ايهاااب
نزل البتاع دا واحترم نفسك انت ف بيت محترم مش هسمحلك تتواقح اكتر من كدا
ايهاب بحب ” ايمان ارجوكي اسمعيني انتي فاهمه غلط
ايمان ” انا فعلا كنت فاهمه غلط لما فكرت انك ممكن تتعدل وحالك ينصلح كنت فاهمه غلط لما كنت فاكره انك انسان صادق
مكنتش اعرف انك مجرم وحرامي سرقت مال والدك ورميته وقولت أنه مات وجاي بكل بجاحه بتقول أن بابا هو السبب
انت مريض انت لا يمكن تكون انسان انا بكرهكك
ايهاب بضعف ” ايمان انتي مراتي متنكريش الحقيقه الوحيده اللي ف حياتنا
ايمان ” انا مش مراتك انت اتزوجتني غصب ومكنتش راضيه بزواج زي دا مش هسمحلك تضيعلي حياتي ولا هسمح لنفسي أن أعيش مع واحد مجرم زيك مش عايزه اشوف وشك تاااني انت فاهم
ايهاب ” استني يا ايمان الكلام بينا مخلصش
رياض ” سيبها يا ايهاب ايمان بنتي وانا حافظها هتحسبها مع نفسها وتهدأ
ايهاب ” اه يا ابن ال وكمان ليك عين تتكلم
خربت حياتي دمرتني سرقت فلوسي وابويا ومراتي
لييييه اذيتك ف ايه انا
رياض ” عمرك ما هتصدقني ولا هتقتنع
أن وغلاوة بنتي ما عملت حاجه من دي محمد كان اخويا ومقدرش اشوفه زعلان حتي مقدرش اعمل كدا
ايهاب بالصوت مخنوق من البكاء ” كذب كذب انتوا كلكم كاذبين كلكم قاتليين من يوم ما جيت ع الدنيا ومشوفتش فيها يوم حلو موت امي وموت اختي بأبشع الطرق وبابا وإيمان
ارجووووك رجعلي ايمان ابوس ايدك كفايه كدا
رجعلي ايمان وابويا وانا اوعدك أن هنسي كل حاجه
ونبتدي صفحه جديده ارحمني ورجعلي مراتي وابويا ومش هأذيك
*ضعفت واتذليت طب ما انت اللي حبيت
كنا بهبتنا يا قلبي ولا اتهذينا ولا

اتذلينا
لكن هدوس ع كرامة قلبي ف سبيل انك تبقي جمبي*
رياض وقلبه انفطر من حالة ايهاب ” قوم يا بني ارجوك متصعبهاش عليا اكتر والله يبني ما حصل كنت اعز ما ليا انت و والدك لولا دخول الشيطان دا ف حياتنا والله يبني ما ليا ذنب ف اللي حصل هدودني أنهم هيفضحوني قدام بنتي كانوا هياخدوا بنتي مني يا ايهاب
ايهاب بحده ” خلاص يا عزمي ملوش لزوم الكذب انا مش ضعيف
ايمان اختارت أنها تبعد عني براضاها وهسيبها لكيفها وابويا وهرجعه بطريقتي بس بلاش تكذب اوعدك أنها هتكون اخر مره تشوف وشي فيها
رياض ” لا يا ايهاب متمشيش ايمان بتحبك والله يا بني بتحبك هي سرقاها السكينه بس
ايهاب بصدمه ” يعني انت عايزني اكمل مع ايمان ؟
رياض ” قابلك زوج بنتي يا ايهاب ومش هلاقي اكتر منك يخاف عليها بس انت لازم تسمعني وتصدقتي وتعرف أن وغلاوة ايمان عندي وعندك أن مش هكذب ف حرف
ايهاب ” اسمع ايه
رياض ” والله ما ليا دخل بسرقة الشركه ولا ليا علاقه بإختفاء ابوك ولا
ولا انا اللي قلت لايمان الكلام اللي قالته دا
ايهاب بسخريه ” طب مقولتش لايمان وماشي وملكش دعوه بإختفاء ابويا وهنعديها
انما سرقة الشركه والفلوس دي كمان مش انت
مش انت اللي روحتله واترجيته أن يرجعلي الفلوس ورفضضض انت بتكذب ليييه كفياك كذب انا كرهت حياتي بسببكم
رياض بإنهيار ” والله والله يبني كنت تحت تهديد كانوا هيفضحوني قدام بنتي
ايهاب ” قصدك ايه بيفضحوك قدام بنتك
رياض بكسرة نفس وينظر الي الارض
” …..
ايهاب بصوت عالي ” بسألك رد عليا
رياض بإنهيار وتعب ” ايهاب ايمان ايمان
مش بنتي والله العظيم مش بنتي كانوا هيعرفوها الحقيقه ويبعدوها عني
ايهاب بصدمه ” اا انا مش مستوعب انا سمعت غلط صح
ارجوك يا رياض خلاص انا مش عايز اعرف الحقيقه انت كسرتني ودمرت حياتي وانا مسامحك بس
بلاش تكسر بنتك بكلام زي دا عشان بس تنقذ نفسك من الموضوع قلتلك خلاص انسي وهتنازل عشان ايمان
رياض بحسره ” يارت ياريتني كنت بكذب
ابوك عارف الحقيقه
حقيقة أن مبخلفش وعشت مع مراتي احلي سنين عمري صبرت واستحملتني بس ربنا كان رحيم بيها ورحمها برحمته
ماتت و كنت كل يوم بروح اقعد عند قبرها و ف ليله وانا راجع لقيت طفله
لقيته مرميه قدام باب المقبره شلتها و كنت رايح بيها مركز الشرطه عشان يتصرفوا فيها
كلمت ابوك وحكتله قولتله يجي معايه
بس كان رده أن معملش كدا وان الطفله دي هدية ربنا ليا بعد العذاب اللي شوفته ف حياتي واعتبرها تعويض ليا
اقتنعت بكلام والدك وجبتها البيت كنت ليها اب وأم مخليتش حد غريب يقرب منها ولا حتي داده حياتي اتعلقت بيها لدرجة أن انعزلت عن الناس كتير عشان اعرف اربيها وربيتها احسن تربيه والطفله دي هي مراتك يا ايهاب ايمان
ايمان بصدمه ودموع ” اييييه
اي الكلام دا يا بابا انت بتقول ايه
ايهاب بتوتر ” ايمان
ايمان متصدقهوش يا ايمان دا ابوكي الحقيقي
بس هو بيقول كدا عشان خايف مني بس

رياض ” لا يا ايهاب
ايمان دي الحقيقه الحقيقه المره اللي كان لازم تعرفيها بس انا كنت جبان مكنتش قادر احكي
ايمان بعياط حاد ” مستحييييل انا مش قادره استوعب اكيد انا بحلم اكيد
انتوا كلكم كاذبين كلكم خاينين انا بكرهكم كلكم
“قد ايه انتي غداره بتلعبي بالصناره اصدق مين فيكي وانت كل اللي فيكي كذاب حولوا حياتي لعذاب”
رياض ” ايمان اسمعيني يا بنتي اقفي رايحه فين
ايهاب بعصبيه ” بنتك انت لسه بتسميها بنتك هو ف حد يعمل ف بنته كدا كسرتها ليه دمرت حياتها بالكذب ليه قلتلك
انا هسامحك بس بلاش تدمر حياتها بكذبه زي دي
رياض ” والله ما كذب والله العظيم كل اللي حكيته حقيقه
ايهاب” لا كذب انت كذاب انت راجل اناني فضلت سعادتك ع سعادة بنتك
شريف ” رياض بيه مش كذاب يا ايهاب كل اللي حكهولك حقيقه
ايهاب ” انت ايه اللي جابك هنا
شريف ” جايبلك هديه جايبلك اللي بتدور عليه
ايهاب ” قصدك ايه
شريف ” رياض بيه تقدر تقولي مين اللي كان بيهددك
رياض ” والله يا بني ما اعرف
التواصل بيني وبينه كان عن طريق المحامي بتاع محمد الألفي حاولت كتير اعرفه بس فشلت
ايهاب ” ههههههههه انت لسه بتكذببب
شريف ” ايهاب قلتلك انه مبيكذبش انت اللي عيونك مغمضه عن الحقيقه بس بعد ما تشوف دي اعتقد كل حاجه هتبان
ايهاب ” ايه دي
شريف ” ممكن يا رياض بيه تحتط الفلاشه دي وتشغلها
رياض ” حاضر
ايهاب ” انا مش فاهم حاجه
ايه دا الدكتور اللي اتقتل ودا الدليل اللي الدكتور اتقتل قبل ما يقولي عليه
ومين دا اللي بيكلمه الكاميرا مش جايبه صورته
بس لحظه دي جيابه صوته
الصوت دا انا سمعته ايوه سمعته مستحييييل لا اكيد دا فيديو متفبرك مستحيل
شريف ” ساكت ليه يا ايهاب ما تتكلم
ايهاب بتلعثم ” الفيديو دا متف متفبرك مستحيل

شريف ” دا الدليل اللي الدكتور اتقتل عشانه يا ايهاب
دا الدليل اللي بيثبت أن اخوك وحبيبك وصاحبك هو اللي ورا كل دا
ايهاب بصدمه ” مستحيل اكيد ف حاجه غلط أسر مستحيل يعمل كدا
* صوت مسج واتساب *
ايهاب ” دي رساله من أسر
شريف ” اقرأها بصوت عالي
المسج “قدرت تنقذ ابوك وريني هتنقذ ست ايمي ازاي يا بطل ”
ايهاب ” ليييييه يا أسر ليه يا اسر دا انا كنت بدورلك ع مخرج تقوم تعمل كدا وتزيد حسابك عندي
رياض ” بنتي يا شريف بنتي رجعولي بنتي ايمان ملهاش علاقه بكل دا
شريف ” لا انا مليش دعوه دي قضية ايهاب هو هيرجع مراته وياخد حقه تالت ومتلت
بس بشرط يا ايهاب ترجعهولي حي متوسخش ايدك
ايهاب ” موعدكش
قولت اخر كلمه جريت ع العربيه عشان الحق اتصرف قبل ما يعمل حاجه ولحد الان مش مستوعب ازاي صديق عمري يغدر بيا انا
شريف ” استني يا ايهاب
ايهاب ” ارجوك يا شريف سيبني انا مش طايق نفسي و هقتلي قتيل النهارده
شريف ” مش لما تعرف مكانه فين الاول
ايهاب ” انت تعرف مكانه ؟
شريف ” انا بقالي سبوع براقب أسر ومكلف ناس مخصوص ليه دلوقت كلمتهم وعرفوني مكانه
يلا اركب بسرعه
*ف شقة ف العجمي*
ايمان ” ايه دا انا فين هو انا مخطوفه ولا ايه
تاني يا ايهاب تاني خطفتني انا مش عارفه ايه الأسلوب دا بجد انا تعبت
أسر بضحكه ” ازيك يا مرات اخويا
ايمان ” أسر انت هنا اكيد ايهاب اللي قلك اخطفني صح
أسر طريق ايهاب دا غلط متمشيش فيه ايهاب خطر عليك
أسر بضحكه شريره ” هههههههه يااااه دا انتي طلعتي مغفله زي زوجك بقي
والله اللي انتي متعرفهوش يا مدام أن انا الخطر
انا اللي خطر ع زوجك و عليكي و ع كل حاجه تخص ايهاب
ايمان ” انت بتقول ايه
* صوت باب بيتكسر وقع ع الارض*
ايمان بصويت ” ابييييه الصوت دا ايه اللي بيحصل
أسر يوجه المسدس علي ايمان ” دا زوجك يا حلوه كنت عارف أنه هيوصل بس متوقعتش بالسرعه دي
تعالي معايه يللا قومييي
ايمان ” اااااه سيبني اوعي ايدك
ايهاب ” ايمااااان انتي فين
أسر ” نحن هنا يا رفيقي
ايهاب “أسر اهدي ومتجننش

متلبسش نفسك تهمه اكتر من اللي لبسهم سيبها ونتصافي احنا مع بعض
أسر ” ايه يسطا هو ف حد بيتعدم مرتين ما انا كدا كدا لابس مفيهاش حاجه لما اقتل راس او اتنين قبل ما انعدم
ها يلا ابدأ بيك ولا بيها
بس انا بقلك اقتلك انت الاول واخلص منك
ايهاب ” ليه يا أسر ليه دا انا عمري ما شوفت منك يوم وحش
أسر ” بس انا شوفت شوفت منك اسود ايام حياتي من صغرك ولد مدلل كل طلباتك مجابه مسكت شركه بحالها وانت لسه متخرجتش
وانا حفيت وحفرت ف الصخر بعد كل دا انت كل سبوبه تاخدها مني انت ليك الشهره والسلطه وانا برضو لسه عيل
كلهم بيفضلوك عليا روح شوف ايهاب عمل ايه خليك زي ايهاب اتعلم من ايهاب
ايهاب ايهاب هو ايه مفيش غيرك
كان لازم اخليك تتذل كان لازم اخليك تجرب احساس الفقر والحرمان كان لازم تجرب النقص يا ايهاب
ايهاب بيقرب منه ” اهدا يا أسر اهدا انت صعبان عليا انت محتاج تتعالج مش محتاج سجن
أسر ” اياك اياك تقرب خطوه هقتلك وهقتل مراتك ودا مش صعب مانا حاولت اقتلك قبل كدا بس سوبر ايمو منقذ البشريه خدت الرصاصه مكانك
ايهاب بيحاول يلهي أسر ويقرب منه اكتر ” أسر اقتلني انا
مش انا اذيتك انتقم مني بس خرج ايمان من اللعبه
أسر ” انت اللي دخلتها وانا اللي هخرجها مش بس من اللعبه من الدنيا كله اتشاهدي ع روحك يا حلوه
* صوت رصاصه صدر *
ايهاب ” ايمااان
تعالي بسرعه يلا
أسر بيوقع ع للارض”
ايمان ب صويت ” اييييييه دا حرام عليك قتلته ليه
شريف ” قتلته ايه دي الرصاصه ف دراعه بعدين انا لو معملتش كدا الرصاصه كانت هتاجي ف دماغك
ايهاب يحتضن ايمان بقوه ” ايمان انتي كويسه
شريف ” ايهاب خد ايمان وامشوا من هنا بسرعه الباقي يخص الشرطه
ايهاب بعصبيه ” شرطة مين دا ف بينا حساب كبير لازم ينتهي
ايمان ” ارجوك يا ايهاب خلينا نمشي وخلي شريف هو اللي يتصرف عشان خاطري كفايه لحد كدا
ايهاب بتنهيده ” ماشي يا ايمان
نزلت وانا كنت ماشي معاها مش مصدق عيوني وأن اخيرا حبيبتي رجعتلي ركبنا العربيه ومشينا
*وقربك رد فيا الروح بعد ما كان الحزن حالف ما يرووح*
ايمان ” وقفت ليه
ايهاب ” وصلنا يلا انزلي
ايمان ” ايهاب لو سمحت خدني ع بيتك هو انا مش مراتك خدني بيتك
ايهاب بيمسك أيدها ويبوسها ” اللي جوا دا يبقي ابوكي
ابوكي اللي تعب ورباكي احسن تربيه طلعك احسن بنت ف الدنيا
ايمان انتي احن قلب شوفته ف حياتي
اروجكي متقسيش
ايمان بعياط ” بس بس مكانش ينفع يكذب عليا بالشكل دا
ايهاب ” هو مكذبش يا ايمان ف بعض الأحيان بنضطر أننا نخبي بعض الحقائق خوفا من ردة الفعل
وانتي بردة فعلك دي اثبتي أنه كان معاه حق ف اللي عملوا
ايمان بعياط ” انا مخنوقه مخنوقه بجد حاسه ان عايزه اصرخ بأعلى صوت انا تعبانه ومش عارفه اعمل ايه
ايهاب ” تعالي ننزل وهنعمل حاجه تخلصنا من كل اللي احنا فيه دا

ايمان ” هنعمل ايه
ايهاب ” هنصلي ركعتين لله ونقرأ شوية قرآن وندعي
ايمان ” معاك حق والله يلا بي
ايه دا انت قولت ايه هو انا سمعت صح
انا بتخيل صح قول بالله أن سمعت صح
ايهاب بإبتسامه حزن ” ياريتك كنتي ظهرتي ف حياتي من زمان يا ايمان عمري ما كنت أتخيل أن فعلا يبقالي نصيب من اسمك
ايمان بفرحه ” طب امتي وازاي
ايهاب ” مش عارف كل اللي اقدر اقلهولك
ان اخر فتره دي الدنيا عكت معايه جامد فجأه لقيت نفسي ف قلب مسجد وقابلني شيخ لقيني تايهه خايف سألني وحكتله وهو علمني كل حاجه
ايمان ” انا مش مصدقه والله
ايهاب ” أن الله يهدي من يشاء يا ايمان ربنا أراد أنه يتم هدايتي
ايمان ” لا يا ايهاب ربنا هداك عشان انت كنت حابب دا هو دا تفسير الايه الصح
“ان الله يهدي من يشاء”
معناها وتفسيرها الصح أن ربنا بيهدي الإنسان اللي قلبه عايز يتهدي ويمشي ف الطريق الصح اللي بيكون فعلا حابب قربه ومعرفته
ايهاب ” ايمان تتزوجيني
ايمان ” انا كنت فاكره أننا متزوجين ؟!
ايهاب بضحك ” لا هناك فرق انتي ف الاول مكنتيش موافقه عشان كدا بتقدملك من اول وجديد ها موافقه ولا لا
ايمان ” حيث كدا بقي انت لازم تتطلب ايدي من بابا الاول
ايهاب ” طب يلا بينا
*واخيرا يا دنيا عرفتي تتضحكي وانتي كل اللي فيكي بيشتكي *
دخلنا الفيلا وصوت ضحكنا مسمع
بس اللي شوفته خلاني اعرف ان يإما الضحكه هتكمل يإما هتختفي
ايهاب بخوف ” بابا
والد ايهاب ” مش هتيجي لحضني يا بني دا انت وحشتني وكأن روحي اللي كانت مفرقاني
ايهاب بيجري يحضن ابوه ويعيط ”
والد ايهاب ” رياض جابني وحكالي كل حاجه انا اسف يبني ان ظلمتك
ايهاب يقبل ايد والده ” متقولش كدا انا اللي اسف
اسف أن معرفتش اختار اصحابي ولا طريقي
رياض ااقصد عمي تسمحلي أن أطلب ايد بنتك ونعمل فرح ونعزم كل الناس ونفرح اخيرا بقي
رياض وهو ينظر إلي ايمان بحزن ” اللي اتشوفوه يبني
ايمان ” رأيك مهم يابابا دا فرح بنتك الوحيده
رياض بدموع وهو يحتضن ايمان بشده” مبارك يا بنتي مبارك يا ايهاب

ايهاب ” انا اسف ع كل حاجه وحشه عملتها معاك سامحني يا عمي
رياض ” مسامحك اثبتلي انك راجل وانك مبتفرطش ف حقك هزعل منك ليه بقي
ايهاب ” ايمان عشان زواجنا يتم ف شرط لازم يتحقق
ايمان بخوف ” ايه
شرط ايه
ايهاب ” حابب زوجتي تبقي منتقبه وحابب فرحي يبقي اسلامي منعزل
ايمان والدموع ف عيونها ” موافقه طبعا
**************
بعد يومين
ندا ” اه يبنت المحظوظه بقي بعد كل دا تطلعي بعريس لقطه زي دا
ايمان ” عقبالك يا رفيقتي
ندا ” هو حد هيبص للوش العكر دا
*********
ف الجنينه
شريف ” احلي عريس دا ولا ايه
ايهاب ” أسر عامل ايه
شريف ” هيتحكم عليه بالاعدام خلاص
انسي يا ايهاب انسي وادخل حياتك الجديده بصفحه جديده ومتبصش وراك ابدا
ندا ” ايهاب انت فين يا سطا قلبت عليك الدنيا
ايهاب ” خير يا وش المصايب
ندا ” تشكر يا ذوق ف مشكله ف البوفيه والطباخيين روح شوفها
ايهاب ” شريف خليك انا محتاجلك متمشيش هرجعلك
شريف بضحكه ” لا انا هبات معاك الليلادي اصلا
ندا ” مش للدرجادي يا اخ
شريف بتناكه ” بتتكلمي
ندا ” تؤ عن اذنك
شريف ” استني ايه رأيك
ندا ” بقلك ايه مش فضيالك أنجز عايز تعاكس عاكس قبل ما اليوم يخلص

شريف بضحكه ” يا بنت المجنونه لا يستي مش عايز اعاكس كنت عايزه أسألك ع الديكور انا اللي منظمه ايه رأيك
ندا ” اها حلو عقبال لما تنظملي ديكور فرحي
شريف ” هو في حد بينظم ديكور فرحه
ندا ” ايه
شريف ” ايه
ايهاب بضحك” مأذون هنا لو سمحت الليله ف اربع عرسان
واليوم دا يومنا ومين يلومنا
***********
#تمت
#منار_ضيفي
هداية الله لا تأتي لقلب لا يخشع
* ان الله لا يغير ما بقوم حتي يغيروا ما بأنفسهم *
عزيزي السعاده الحقيقه هي التي تأتي بعد المعاناه بعد العذاب
أن أردت أن تشعر بالسعاده الحقيقه لا بد من بعض المعاناه والعذاب
لك يا عزيزي روايه بنهايه سعيده
لكن يجب أن تعلم أن كما السعادة لا تدوم ف الحياه
فكذلك أيضا
ف كتاباتي لا تدوم
الي لقاء قريب جدا

لقراءة الرواية كاملة اضغط على : (رواية انتقام)