رواية بيت السلطان الفصل العشرون 20 بقلم منار مجدي

رواية بيت السلطان الفصل العشرون 20 بقلم منار مجدي

رواية بيت السلطان البارت العشرون

رواية بيت السلطان الجزء العشرون

رواية بيت السلطان الحلقة العشرون

حلا:فى ايه.
مريم شاورت وهى مصدومه على التليفزيون
حلا بصيت بإستغراب بس اتصدمت لما شافت مازن طالع بيغنى فى فيديو منتشر على مواقع التواصل وبيطلبو يقابلوه.
حلا صرخت جامد وهى بتطنطت
مريم بفرحه كلمتهم فى الميتم والكل انبسط.
نادر بخضه:فى ايه.
الكل دخل.
حلا وهى بتطنطت:الليثى الصغير طلع على التلفزيون.
نطيت عليه وحضنته
ابتسم نادر
حامد:مبروك يا حلا.
حلا بعدت بإحراج: احم اسفه.
حامد:ده جوزك يا حلا.
حلا بصيت لنادر:لا انا جوزى يبقا ليا لوحدى غير كده معرفهوش.
نادر حرك رأسه بمواقفه واستسلام.
لفت حلا وخرجت خالص.
حامد:معلش يا بنى
نادر:كل ده بسببك يا جدو انا عمرى ما هسامحك.
مشى وسابه.
حامد اضايق.
كريمه:معاه حق كله بسببك انت.
حامد:بسببى انا ليه انا عملت ايه
كريمه:عايز ترمى لحمنا فى الشارع عرفت عملت ايه.
مشيت وسابته
حامد:انتى كمان مشيتى وسبتينى.
قعد يكح جامد وغمض عينيه من شده الكح حس بحد بيشربه شرب وبقا ياخد نفسه وفتح عينيه وهو بيشكر مريم لقتها روزى.
حامد بصيلها بصدمه:انتى انتى.
روزى: انا اسفه
حامد:انتى اسفه على ايه
روزى:عشان هما متضايقين منك بسببى انا بجد اسفه.
حامد:ده مش ذنبك.
روزى:بجد يعنى انت
حامد:بس ده مش معناه انى هقبلك حفيده ليا.
روزى عيطت وحامد حرك الكرسى ومشى.
عند حلا قعدت فى الجنينه تقرأ روايه ومندمجه جدا حسيت بإيد على رأسها رفعت وشها شافت نادر بيبتسم ليها.
حلا اتعدلت ولفتله:حبيبى.
نادر قعد على ركبته قدامها وهو حاطط ايديه على شعرها:حياتى كلها بتعملى ايه.
حلا بصيت للكتاب:بقرا روايه.
نادر حرك أيده جميع وقطف ورده بنفسجى صغيره وحطها على شعرها:احلى واحده بتقرأ روايات.(ياااه حلو التشبيه ده يا رب واحد يقولى زيها يا رب😂😂)

حلا ابتسمت بكسوف وبصيت فى الارض.
كريمه:نادر تعال.
حلا بصيت ليها وبصيت لنادر.
نادر قام وباس راسها:هشوفك بليل.
حلا ابتسمت وهزيت راسها.
قام نادر ومشى.
حلا حطيت إيديها على الورده إلى على شعرها وشالتها باستها وحطيتها فى الكتاب وقفلت عليها.
تليفونها رن.
حلا:ألو يا مريم ازيك عامل ايه اه انا كويسه احلف بجد طبعا هاجى معاكم طيب سلام.
حلا قامت وطلعت عشان تغير.
دخل نادر وهو بيتسحب
نادر وهو بيقفل الباب:حلا نادر بيلعب مع مريم وياسين وجدو نام ايه ده انتى بتطلعى هدوم ليه
حلا بفرحه:هنروح نحتفل فى الميتم كريم عمل حفله صغيره هناك عشان ليثى.
نادر:مين هيروح.
حلا:انا ونادر ومريم وياسين و كان نفسى اقول انت
نادر: انا لا ليه
حلا:عشان جدك.
نادر:هقوله رايح مشوار تانى
حلا:مش هينفع يا حبيبى استحمل معايا شويه (باسته من خده
وبعدت شويه ) دلوقتى قولى ألبس أنهى ده وله ده.
نادر فكر أنه طالما مش معاها يبقا تلبس حاجه مقفوله بس برضو فكر أنها هتعاند وتختار العكس كالعاده بتحب تعانده.
نادر:اممم ده
حلا:بجد (حطيت إلى اختاره على الكرسى ومسكت التانى) خلاص يبقا هلبس ده.
نادر ضحك وبرضو عمل إلى هو عايزه )شايفين نادر فاهمها ازاى انا عايزه واحد يفهمنى زيه)
فعلا لبست ومشيت.
فى الحفله كانت بتشرب عصير وزهقانه من غير نادر الكل بيحتفل مع مازن بس هى حاسه بتعب ودايخت من الرقص ومعدتها قلبت
كريم:حلا بتعملى ايه هنا مش مبسوطه.
حلا:لا مبسوطه جدا عشان مازن بس تعبانه شويه.
كريم:مالك.
حلا ابتسمت:لا متقلقش انا كويسه تعب بسيط قولى انت اخبارك ايه مع الموزه الجديده صحيح شوفتها فين
كرين ابتسم:لا ديه حكايه طويله
حلا بصيت فى الساعه:انت وراك حاجه.
كريم ابتسم:قابلتها فى المستشفى فاكره العمليه إلى كانو عايزنى فيها كانت هى المريضه بصى ضربتنى وبهدلتنى اخر بهدله وطول البينج بتشتم فيا بس لما فاقت اعتزرتلى واتعرفنا على بعض ولقينا اننا شبه بعض فى حاجات كتير وبس اتقدمت ليها واتخطبنا وفرحنا كمان شهر وله حاجه.
حلا ابتسمت:فرحتلك يا صاحبى من قلبى ربنا يهنيك.
كريم:وانتى كمان ربنا يريح قلبك.
حلا:ايه هموت يعنى.
كريم ضحك وخبطهاوعلى راسها بخفه:يا بنتى متندمنيش انى بتكلم معاكى.
حلا ضحكت:خلاص خلاص شالله يسترك يا شيخ خلاص .
كريم ضحك

وقفت على صوت طبل عالى بس ايقاع الطبله ده هى عارفاه كان نفس الإيقاع إلى سمعته هى ونادر فى شوارع لبنان.
قامت تشوف لقيت نادر واقف وبيطبل وهى بيبتسم ليها
اتكسفت وبقيت تبصله وهى بتبتسم ليه.
لحد ما خلص .
ساب الطبله ونزل قرب لحلا وهى بتبصله بابتسامه.
حط أيده على خدها:وحشتينى.
اتكسفت حلا ابتسمت وبصيت فى الارض وبعدين بصيتله.
نادر ضحك وبصيلها:بتتكسفى.
حلا ضربته على كتفه براحه:بس بقا.
جت تمشى مسكها من ايديها وشدها على المسرح وكان كل الكابلز على المسرح
حلا: ايه هتعمل ايه
نادر:هنرقص سلو
حلا:بس انت مش بتعرف
نادر:لا مانا اتعلمت.
حلا بصدمه:بتهزر صح.
نادر ابتسم وشدها من وسطها ليه حضنته حلا بصدمه
الرقصه هنزلها فيديو عشان جميله اوى ومهما اوصف مش هوصف جمالها.
نادر فى الاخر مسك أيديها وبقا يدوخها حلا اصلا دايخه ومعدتها مقلوبه اول ما سابها حطيت إيديها على بقها وجريت بعيد.
نادر جرى وراها بخضه:حلا.
حلا راحت بعيد عن الناس ورجعت.
نادر:انتى كويسه يا حبيبتى
حلا هزيت راسها وهى بتمسح بقها:اكيد عشان عكيت انهارده فى الاكل كتير معدتى وجعانى اوى.
نادر:تحبى نروح عند دكتوره
حلا ابتسمت:لا انا رجعت خلاص هبقا تمام.
نادر:متأكدة.
حلا:اكيد يالا بينا بقا نروح عشان تعبت اوى من الترجيع وعايزه انام.
نادر:طيب تعالى.
حلا:فين نادر الاول.
نادر:هناك مع مريم.
حلا:طب روح هاته.
نادر:تمام خدى مفتاح العربيه استنينى هناك.
حلا ابتسمت وهزت راسها:تمام
حلا راحت العربيه وركبت لقيت نادر جاى لوحده.
حلا:فين نادر.
نادر:هيجى مع مريم عايز يلعب معاهم.
حلا:طيب.
نادر:انتى تمام.
حلا:اه تمام.
نادر ركب العربيه جمبها :متأكدة يا حبيبتى احنا ممكن نعدى على المستشفى نطمن بس.
حلا ابتسمت:بجد انا كوبيه بس عايزه انام

نادر باس راسها:تمام.
اتعدل واتحرك بالعربيه حلا كانت راسها تقيله جدا مسكت دراعه وحضنته ونامت على كتفه.
نادر ابتسم وكمل طريقه لحد بيت السلطان.
وصلو وركن العربيه بص لحلا إلى نايمه وشعرها على وشها حرك شعرها ورا ودنها وباس راسها:حبيبي يالا اصحى وصلنا البيت.
حلا فتحت عينيها ببطء:امممم وصلنا.
نادر:ايوه انتى كويسه.
حلا ابتسمت ليه:انا كويسه متقلقش عليا تصبح على خير.
نادر مسك أيديها:استنى هاجى معاكى.
حلا:لا عشان لو جدو صاحى خلينا ملتزمين بالخطه احسن ماشى.
باسته من خده ونزلت.
نادر ابتسم بس من جواه مش مرتاح.
طلعت حلا اخدت دش عشان تفوق شويه من التهميد ده وخرجت وهى لابسه البرنس وبتنشف شعرها بالبرنس لقيت نادر بيدخل بكوبايه يانسون.
نادر:جبتلك يانسون عشان معدتك.
حلا قربت واخدته:تسلم ايديك يا حبيبى
اخدته وقعدت على السرير وسابت الفوطه على السرير
نادر:لازم ننشفه كويس عشان كده تاخدى برد.
حلا اتنهدت.
نادر بابتسامه:انا هنشفه استنى.
حلا ابتسمت وبدأت تشرب اليانسون.
نادر لف وراها وقعد وبقا بينشفلها شعرها براحه.
حلا خلصت اليانسون: الحمدلله.
حطيت الكوبايه على الترابيه قدامها ولفت لنادر بابتسامه:كان طعمه حلو اوى شكرا.
نادر غصب عنه عينيه راحت لجسمها لأن البرنس نزل شويه من على كتفها .
حلا لاحظته واتكسفت لفت وشها وعدلت البرنس براحه
نادر ابتسم ومسك شعرها وحطه على جمب وبص لحلا الناحيه التانيه بابتسامه حلا بصيتله بجمب عين بتوتر.
جت تقوم:انا هقوم.
نادر شدها بضحك:ليه هتقومى.
حلا:عشان عشان .
نادر حط أيده على كتفها ومسك بدايه البرنس:عشان .
حلا غمضت عينيها بتوتر:عشان اغير
نزل نادر كتف البرنس:ليه كده احلى .
حلا:بس ب…
نادر طبع شفايفه على كتفها جامد(غمضت حلا عينيها جامد وهى بتاخد نفسها بصعوبه من التوتر).
نادر طلع لرقبتها ولفها ليه وبقا بيبوسها من كل جسمها وهو بيدخلها بين ضلوعه
بعد فتره كبيره كانت حلا حاسه بهبوط وهمدان كبير وتعبانه.
خرج نادر من الحمام وراح قعد جمبها لاحظ انها عرقانه جامد حط أيديه على رأسها لقاها سخنه مولعه
نادر:حلا حلا.

حلا بتعب:امممم.
نادر:حلا انتى كويسه
حلا:سقعانه
نادر :سقعانه طيب طيب استنى لحظه
دخل وجابلها هدوم ولبسها هدومها وهى مغمضه عينيها وتعبانه جدا..
نادر: دلوقتى اعمل ايه وانتى سخنه كده لقيته مفيش غيره جوجل (عمل سرش لقا اسم العلاج وقرأ أن الكمدات كويسه)
بقا يعملها كمدات طول الليل بالنسبه للعلاج حلا مقبلتش تفتح بقها اصلا لحد ما تعب نادر ونام وهو قاعد جمبها لما أتأكد أن حرارتها نزلت.
تانى يوم صحى لقاها لسه نايمه قام واخد دش وحلا لسه نايمه
خرج وراح لحلا
نادر:حلا بقيتى احسن.
حلا فتحت عينيها بتعب هزيت راسها: عايزه انام.
نادر ابتسم وباسها من راسها وخرج من الاوضه
بعد فتره دخل بصنيه اكل
نادر:حلا لسه نايمه قومى يالا عشان تاكلى
حلا:لااااا (عيطت)عايزه انام.
نادر قعد جنبها:حلا انتى تعبانه اوى قومى يالا عشان نكشف
حلا:لا
نادر:حلا هتقومى وله اشيلك واخدك بالعافيه
حلا ضحكت:لا شيلنى.
نادر:اه دلع يعنى طيب وماله
نادر لسه هيشيلها
حلا فتحت عينيها بجديه:انت هتعمل ايه
نادر:هشيلك واحطك فى العربيه.
حلا ضحكت:لا خلاص هقوم لوحدى.
نادر:طيب يالا.
حلا قامت وقعدت :يالا فين بقا انا كويسه بس جعانه
نادر جاب صنيه الاكل ليها:اتفضلى بس برضو هتكشفى.
حلا:نادر مش بحب الدكاتره يا نادر بيدونى حقن كتير وبعدين انا كويسه .
نادر:مش عيب تكونى ام وكبيره وحلوه كده وبتخافى من الحقن والدكاتره.
حلا:لا خالص مش عيب.
نادر:خلصى يا حلا عشان هنروح نكشف
حلا:هنشوف هنشوف.
بعد ما اكلت وشبعت نادر شال الصنيه

حلا بصيت للسقف جسمها كله كان مهمد وتعبانه.
نادر:يالا عشان نروح للدكتوره.
حلا قامت:اوكى.
نادر استغرب:بالسرعه ديه اقتنعتى تمام.
دخلت حلا وخرجت بعد فتره صغيره بس بفوطه صغيره لفتها حوالين جسمها.
نادر تلقائيا قرب ليها.
حلا بابتسامه:ايه مش هنروح للدكتوره
نادر مسكها من وسطها وقربها ليه:بعدين
حلا:ما هنتأخر
نادر:يبقا نأجلها.
حلا:بجد.
نارد:اها.
فك الفوطه بس كانت حلا لبسه هوت شورت وبادى كب.
حلا ضحكت عليه:انام بقا عشان مش قادره.
راحت ونامت تحت البطانيه:بقولك يا عسل متنساش اللمبه وانت خارج وخد الباب فى ايديك.
نادر:بقا كده تضحكى عليا يا حلا.
حلا بضحك:تعيش وتاخد غيرها.
نادر:مش هحلك انهارده.
حلا ضحكت:لا لا خلاص انا اسفه جسمى واجعنى اوى.
نادر اتنهد وراح جنبها:عشان كده يا حبيبتى لازم تكشفى.
حلا:بس انا بخاف
نارد:بتخافى من المايه والدكاتره والابراص ايه تانى يا حلا بتخافى منه.
حلا:بخاف تسيبنى
نادر ابتسم:مش هسيبك قومى بقا انا قلقان اوى عليكى.
حلا اتنهدت وقامت :طيب خلاص.
نادر:حبيبى إلى بيسمع الكلام
حلا راحت غيرت وخرجت وهى دايخه بسيط.
نادر:انتى كويسه

حلا:بس جدو
نادر:جدو امبارح راح البلد يشوف اخواته وهيرجع بليل.
حلا:طيب يالا.
نزلو وركبو العربيه ومشيو للمستشفى.
حلا خايفه اوى:ن نادر انا بجد كويسه خلينا نروح.
نادر:أهدى يا حبيبتى بس اجيبلك عصير عشان تهدى استنى هجيب واجى
قام ومشيى
الممرضه:فين حلا السيد.
حلا بتوتر:ا انا
الممرضه:اتفضلى دورك .
حلا:طب ما تتدخلى اى حد غيرى
الممرضه:مفيش حد بعدك يالا يا مدام الدكتوره عايزه تمشى
حلا بصيت لمين وشمال وملقتش نادر قامت وهى بتتنهد ودخلت كشفت
نادر رجع ملقهاش جرى يشوفها ملقهاش لسه هيتصل لقا باب العياده بيتفتح والممرضه واخده عينه وخارجه للمعمل.
دخل لنادر لحلا ورفع وشها المتوتر وهى عماله تفرك فى ايديها .
نادر:فين الدكتوره.
حلا بتوتر:بتغسل ايديها.
نادر:طب قالتلك ايه وخلاكى متوتره كده .
حلا:قالت قالت إنى احتمال كبير حامل وسحبت عينه تعملى تحليل حمل ودلوقتي مستنين النتيجه.
نادر:حامل.
حلا بضيق هزيت راسها:تقريبا لسه هنتأكد.
نادر حضنها: متقلقيش يا حبيبتى .
حلا:نادر انا خايفه عليه اكيد هيتظلم اوى معايا.
نادر: انا معاكى مش هيتظلم متقلقيش
دخلت الممرضه بالتحليل:مبروك يا مدام طلعتى حامل مبروك.
حلا بدوخه:حااام..
جت تقع لحقها نادر من وسطها وشالها
الممرضه:حطها هنا هنا.

حطها نادر والممرضه جابت كحول وفوقتها.
نادر:هى كويسه.
الممرضه بضحك:ايوه هى بس مصدومه حبتين احنا متعودين على كده.
نادر ابتسم:المهم تبقا كويسه.
الدكتوره دخلت:هى تمام بس عندها انيميا بسيطه كده هكتبلها على حديد وفيتامينات تمشى عليهم كويس وهتبقا تمام هى والجنين.
نادر كان مبسوط اول مره يحس بالمسئوليه ديه لان حلا لما كانت حامل في نادر مكنش معاها حس بتأنيب ضمير أنه مكنش معاها فى اكتر وقت هى كانت محتاجاه فيه.
حلا كانت بتفكر في نادر الصغير
حلا بتفكير:ابنى لسه صغير وبعدين هعمل ايه دلوقتى اكيد نفسيته هتتعب لازم اهتم بيه جامد طب ازاى انا لما ببقا حامل ببقا مقرفه اوى ونفسيتى زفت وبضرب اى حد وبعدين هتعملى ايه يا حلا كمان انا مش متأكدة إذا كنت هفضل مع نادر وله لا جدو عنيد جدا ومش هيقبل بروزى بسهوله وانا مش هقبل باى طريقه اكون زوجه تانيه وله حتى أولى انا لاما ابقا الزوجه الوحيده لاما بلاها جواز خالص دلوقتى مش هبقى ام لنادر بس ازاى هتصرف بس.
فاقت على صوت نادر
نادر: يالا يا حلا.
جت تقوم
نادر:براحه براحه متقوميش بسرعه عشان هتدوخى.
حلا ابتسمت:متقلقش يا نادر مش اول مره ابقى حامل انا عارفه..

قامت ومشيت معاه هو اضايق بس هى قالت الحقيقه كان نفسه يبقا معاها فى كل لحظه كانت حامل في ابنهم فيها.
ركبو العربيه وكل واحد فى دماغه ديوان
ركن نادر ونزل عشان يجيب العلاج ورجع لقا حلا بتعيط.
نادر بخضه ركب جمبها:مالك يا حبيبتى بتعيطى ليه.
حلا بعياط:انا خايفه اوي يا نادر خايفه اوى انت هتسيبنى صح.
نادر:لا يا حلا مش هسيبك انتى روحى حد يسيب روحه انا هموت لو بعدت عنك.
حلا بصيت له بدموع:اوعدنى متسبنيش اوعدنى حتى لو انا طلبت منك متسبنيش.
نادر:اوعدك مستحيل اسيبك.
حلا اترمت فى حضنه:مش عايزه اعيش تانى لوحدى انا كنت ضعيفه جدا لوحدى مش عايزه ارجع وحيده تانى.
نادر بقا بيطبطب عليها وهو مضايق: حبيبتى مش هتبقى وحيده ابدا تانى انا هفضل جمبك طول مانا عايش عمرى ما هسيبك.
حلا دفنت راسها فى حضنه وهى بتعيط وهو فضل يطبطب عليها لحد ما نامت وهو عدلها وكمل طريقه للبيت وفى دماغه قرار وهياخده سواء عجبهم أو لا.
وصل بيت السلطان وشال حلا وطلعها أوضتها وغطاها كويس.
كريمه:انت ازاى تطلع بيها كده هى اتصلت ما تمشى لوحدها.
نادر:لو سمحت يا تيته متعلمنيش ازاى اتعامل مع مراتى
كريمه بإستغراب من أسلوب نادر:انت ازاى تكلمنى كده.
نادر:انا بقول إلى جوايا من هنا ورايح مش هسمحلك تتحكمى فيا تانى.
كريمه:انا كنت بتحكم فيك.
نادر:ايوه بتتحكمى فيا لما استغلتينى وانا فاقد الزاكره عشان اتجوز روزى كنتى بتتحكمى فيا لما كنتى دائما لما اقولك فى واحده حلمت بيها وحاسس انى متعلق فيها كانت حلا وانتى كنتى تقوليلى انسى يا نادر انسى كل حاجه وخليك كده ده مش استغلال ليا انا وافقت اكمل بس عشان روزى صعبت عليا بس خلاص مش هصبر تانى .
كريمه:تقصد ايه.

يتبع ….

لقراءة الفصل التالي : اضغط هنا 

لقراءة جميع فصول الرواية اضغط على ( رواية بيت السلطان )