رواية 30 يوم حياة 2 الفصل السابع والعشرون 27 بقلم أميرة أسامة

رواية 30 يوم حياة 2 الفصل السابع والعشرون 27 بقلم أميرة أسامة

رواية 30 يوم حياة 2 البارت السابع والعشرون

رواية 30 يوم حياة 2 الجزء السابع والعشرون

رواية 30 يوم حياة 2 الحلقة السابعة والعشرون

في المساء
خرجت بوسي من اوضتها كان صالح بيتفرج عالتلفزيون
بوسي…صالح انت فاضي
صالح..من غير ما يبصلها ايوه يابوسي
بوسي…بملامح حزينه طيب انا محتاجه اتكلم معاك
قفل صالح التلفزيون وبصلها
صالح…وانا سامعك
راحت بوسي بخطوات بطيئه اعدت ادامه عالكرسي.
وهي بتدعك في ايدها
بصلها صالح…ها يابوسي في ايه
بوسي….صالح انت قولتلي انك هتديني وقت افكر براحتي وانا فكرت
صالح…بلع ريقه بصعوبه حاسس ان اللي هتقوله هيوجعه..وياتري وصلتي لأيه
بوسي….انا هشتغل يا صالح
بصلها صالح بصدمه.كملت بوسي
بوسي…وانا معاك مش واحنت بعيد عن بعض
صالح…عدم فهم تقصدي ايه هتكملي في المحل بتاعكم
بوسي…لا ياصالح الشغل اللي قولتلك عليه
صالح…وانا مش موافق
لوسي….بس انا موافقه ياصالح وزي ما انت ليك رأي انا كمان ليا رأي صالح المحل بتاعنا الكل خلاص يعتبر سابه توته وخلاص قالت انها أكتفت مش عايزه تنزل الشغل تاني عشان ولادها قالت لو بس احتجت ني في يوم هبقي معاكم امي ياصالح هي كمان هتسيب المحل عشان جوازها من عم احمد مش معقول هتشتغل وهو يفضل اعد في البيت مستنيها تطلعله اخر اليوم و قالتلي هسيبلك المحل تشتغل انتي فيه براحتك وشمس هي كمان هتتجوز خلاص وفالعادي اصلا شمس مكانتش بتشتغل كانت يادوب في المواسم ممكن تنزل تساعدنا وقت الزحمه لكن هي ملهاش في شغلتنا هي خلاص بقيت لوحدي
وانا شايفه ان ادام هبقي لوحدي كده كده يبقي اكمل في مكان احسن وفرصتي فيه اكبر ادام كده كده المبدأ موجود وانت موافق علي شغلي عموما.

 

 

صالح…ومين قالك اني موافق من الاول علي شغلك يا بوسي انا اصلا رافض الفكره وواقفت غصب عني مش جايه علي هوايا فكره انك تشتغلي دي من البدايه ومع ذلك اتنازلت عشان خاطرك اظن جه وقتك بقي تتنازلي ولا ايه وبما ان الكل ساب الشغل يبقي جت من عند ربنا وانتي كمان سبيه
و أتنازلي مره في حياتك
بوسي…بأبتسامه وجع أتنازل مره في حياتي يوم ما حبيت يا صالح اني اسكن في مكان تاني وده مش غلط ولا عيب اني اختار المكان اللي احب اعيش فيه ومش معني ده اني بكره المكان هنا بالعكس المكان ده بالنسبالي حياتي كلها بس اني احاول اعيش في مكان أحسن مش عيب ومع ذلك انت رفضت وقولت انك مش هتسيب المكان وانك عندك شقتك…وافقت يا صالح عشانك وعشان ابقي معاك…واتنازلت…قبل فرحنا بشهر كنت منكد عليا ليل ونهار بسبب انك عايزني اسيب الشغل خالص الكل كان شايف انك مظلوم وان انا اللي جايه عليك لكن محدش كان شايف طريقتك معايا محدش حط نفسه مكاني محدش عيط واتنكد ادي حتي امي وتوته و شمس شافوني وحشه ودافعوا عنك وشايفين ان انت اللي صح وانا اللي غلط..
صالح…واظن اني فالاخر وافقت
بوسي…بعد ايه بعد نكد وخناق وعياط قضينا شهر قبل جوازنا في مشاكل بدل ما نقضيه مع بعض في تجهيز بيتنا وفرحنا زي اي اتنين عاديين ومع ذلك انت وافقت عشان انت عارف ان شغلي مهم ومكنتش هوافق ياصالح وبردو انت وافقت بس مكنتش كويس علي طول مضايق ومكشر ومن اقل حاجه بتتخانق عشان حسيت انك وافقت وانت مش راضي…وقبل فرحنا لما طلبت منك اني اشتغل في الفندق واسيب الشغل فالكوافير بتاعنا خالص رفضت اتحايلت عليك كتير وبردو رفضت وفالاخر سكت عشانك واتجوزنا
صالح…وردتيهالي انتي يوم فرحنا اظن يبقي كده احنا خالصين
بوسي…لا ياصالح مش خالصين لاننا مش في خناقه مستنين مين فينا اللي يدي فالقلم للتاني الاول ولا مين فين اللي علم عالتاني اكتر انا مردتهاش يا صالح ولا قصدت اردها بس حقيقي كنت مضايقه فرحتي كانت ناقصه الشغل اللي رفضته عشانك ده مرتبه كان بتمن مرتب 3 شهور من محلنا…ولو هستبعد كلامي عالفلوس عشان انت شايفني عموما طماعه هقولك ان الاهم من الفلوس كان الشغل نفسه مكان نضيف في فندق معروف اي حد هيدخل فيه مش زبون عادي في فرصه اكبر ليا في نجاح اكتر وناس تشجعني وتقدر مجهودي اكتر بس عادي مليش نصيب في الشغل ده ومع ذلك اضايقت من طريقتنا مع بعض ومقدرتش نفضل بعيد عن بعض مقدرتش اشوف حبيبي معايا وفي بيت واحد ومبقاش معاه وفي حضنه مقدرتش اشوف زعلك مني وانا اللي جيتلك بنفسي ياصالح وعشنا عادي طول الفتره اللي فاتت…بس ظهر شغل كويس ادامي مسابقه وقدمت فيها ومن وسط آلافات اتقبلت الشغل فالمكان ده مش مجرد شغل وبس ياصالح ده في كورسات وتعليم وحاجه تفيدني اكتر
انا اتنازلت ياصالح كذا مره وكل مره انت اللي بتعند معايا بس المرادي مش هقدر اضيع فرصه زي دي اعتبرني بشتغل في المحل ياصالح مش هتفرق كتير زيه زي المحل.
صالح….وانا مش موافق يا بوسي قولتلك وبمناسبه الشغل انسي الشغل اللي جايلك ده خالص وانسي شغل الكوافير كمان بالمره لان بصراحه لو كنت وافقت غصب عني فالاول انك تفضلي فالمحل فا ده عشان كانت امك وتوته بيشتغلوا معاكي لكن الوقت هما يعتبر سابو الشغل وانا مش موافق انك تبقي لوحدك
بوسي بصدمه…انت بتقول ايه
صالح…زي ما سمعتي يا بوسي وده اخر كلام عندي من انهرده مفيش شغل خالص مش عاجبك كل واحد يروح لحاله يابنت الحلال

 

 

بوسي…نزلت دموع توته بسرعه بصدمه بلاش كده يا صالح بلاش تبقي قاسي عليا
انا مش طالبه حاجه عيب ولا غلط ولا حرام ده شغل ولو ياسيدي مضايق اوي كده خلاص بلاش شغل في اي مكان تاني بس افتكر يا صالح انك كده بتهد حلمي بدل ما تكون انت اول حد يقف جمبي ويفرح لنجاحي
مش هوافق عالشغل يا صالح عشانك عشان متبقاش بتقول انك بتتنازل وانا مش بتنازل عشانك بس انا مش راضيه يا صالح ومش موافقه
صالح….شكرا يا ستي للتنازل بس قبل ما تتنازلي ركزي في كلامي كويس يابوسي انا مش بتكلم عن شغلك اللي جايلك ده أمر مفروغ منه اصلا وانا مش موافق عليه ومش هوافق من الاساس
انا بتكلم عن المحل كمان يا بوسي المحل من بكره خلاص مقفول عشان تجهيزات الفرح بتاع شمس اختك وامك طبعا خلاص هتتلخم الاسبوع ده مع جواز شمس ومع جوازها هي كمان يعني خلصت يا بوسي تودعيه بقي وتعرفي امك انك مش هتنزلي المحل لوحدك واني رافض ده وتسلميها المفتاح ونركز في حياتنا بقي ولا كوافير بلا مسخره انا اصلا مبحبش الشغلانه دي
بوسي…كانت بتسمعه بصدمه ودموعها نازله بسرعه في صمت وزهول…حلم بينهار وحب مبقاش سند💔
كمل صالح…تأعدي بقي وتاخدي بالك من البيت عارف انك مش مقصره في اي حاجه بس اظن الوقت اللي كان بيضيع في المحل بيتك أولي بيه وربنا يكرمك وتحملي هتتلخمي زي توته ومش هيبقي عندك اصلا وقت وعموما عشان مبقاش جيت عليكي يا بوسي وعشان تعرفي اني بحبك انا هديكي الفلوس اللي كانت بتطلعلك فالشهر وملزوم بي كل حاجه تخصك اظن كده عداني العيب ولا ايه
بوسي….لا عداك العيب فعلا انت عملت اللي عليك وزياده ده كرم زياده عن اللزوم يا راجل انا مكنتش فكرتك جدع اوي كده وهتيجي علي نفسك…وكملت بحزن انت عارف ياصالح انا عمري ما شوفتك اناني حتي وانا هموت واعمل كل اللي في نفسي وانت رافض لما كنت بأعد مع نفسي كنت اقول يابت ده بيحبك يا بت ده خايف عليكي يابت ده غيران كنت بفضل اقنع نفسي عشان ألاقيلك مبرر واتصل بيك وأصالحك بعد ما كنت انا اللي زعلانه لما كنت أصمم يا صالح و الاقي امي ولا توته يفضلوا يأنبوا فيا ويقولولي صالح طيب وانتي مفتريه كنت بتصعب عليا واجري اراضيك بسرعه واقنع نفسي اني فعلا مفتريه وقاسيه عليك زي ما قالوا مع انك لو دورت صح يا صالح هتلاقي ان انت اللي قاسي عليا انت طول الوقت انا مبصعبش عليك وبتيجي عليا عشان انت الراجل اللي المفروض كلمته سيف علي رقبتي واللي المفروض كلمته هو اللي تمشي وانا ابقي تابع ليك مش اكتر كلمتي ملهاش لازمه..طول الوقت شايفني بجري ورا الفلوس وطماعه مش عايز تصدق انه حلمي بجد مش عايز تصدق اني مقدرش اسيب الشغل لانه جزء مني واحده غيري يا صالح لو الفلوس هي بس اللي هماها كانت قبلك بعرضك اعد زي الهانم احط رجل علي رجل اكل واشرب واصرف والحمد لله ليا بيت زي ما انت شايف وكمان باخد مرتب بعد ما اعدت من الشغل لكن لا يا صالح الفلوس يمكن هي بتعمل حجات كتير بس مبتعملش اسم مبتحققش نجاح النجاح اللي بيجيب الفلوس كان ممكن اسمع كلامك في حاله واحده لو انا مجرد موظفه بتشتغل عشان تاخد راتب كل اول شهر لا المرتب هيزيد ولا وظيفتها هتكبر وتترقي فيها وقتها كنت هسمع كلامك واعد لكن انا ياصالح شاطره في مجالي وانت عارف كده انا مش مجرد كوافيره عاديه من الاف الكوافيرات الموجودين في البلد انا مميزه ومش لوحدي في كتير مميزين ونجحوا واسمهم بقي معروف عشان هما مميزين عارف ياصالح انت خلتني حاسه انك خايف اني انجح خايف اني يبقي ليا اسم ومعروفه فاكر اني معنديش اصل ولو كبرت هبعد عنك مع انك شوفت اتقدمولي اد ايه وكانوا ايه واختارتك انت انا مش واطيه يا صالح بس انت شايفني كده لا عندك ثقه فيا ولا في نفسك ولا حتي ثفه في حبي ليك انا لاخر لحظه حالا بقولك خلاص مش عايزه الشغل عشان ارضيك للمره المليون

 

 

 

وباجي علي نفسي بس انت لما شوفتني باجي علي نفسي عشانك أتماديت فيها وفكرت اني هرضي بأي حاجه فا بسرعه قررت ان حتي شغلي في الكوافير بتاعنا خلاص مينفعش وغيرت كلامك معايا انت عرفتني و اتجوزتني وانا بشتغل يعني دي مش حاجه جديده عليك ومع ذلك حابب تفرض رأيك عليا لا شغل بره ولا شغل في ملكنا من الاخر انت بتمحي أي امل ليا في اني اكبر او ابقي حاجه او حتي اشتغل عادي زي ما كنت …ياشيخ ده انت لو بتتلكك عشان تلاقي طريقه تسبني بيها مش هتبقي بالطريقه دي انا من صغري شايله الهم كبرت لاقيت امي شغاله بطولها في المحل بعد ما ابويا رمانا كبرت توته ولقت تساعد امي وبعدها انا كمان قررت اساعدها عشان منجبش اي واحده تشتغل من بره وتتحكم في امي قررت اشتغل وادرس فضلت اتعلم واتعب واشقي لحد ما بقيت اطلب بالاسم وقفنا بيتنا علي رجلنا من غير راجل وكنا احنا اجدع من اي راجل عرفنا نحيب القرش عرفنا نعيش من غير راجل استحملت بعد ابويا ورميته لينا استحمل ابقي من غير اب وهو لسه علي وش الدنيا استحملت معكسات وكلام وقله قيمه عشان نلاقي ناكل
لحد ما انت ظهرت في حياتي حسيت اني خلاص لقيت سند لقيت ضهر حسيت ان ربنا هيعوضني بيك عن ابويا قولت انك هتبقي اماني وسندي قولت اني لما هقع في اي وقت هلاقي في ضهري راجل قولت لما انجح هلاقي راجل واقف يصقفلي ويقويني عنري ما عملت حاجه صح ولاقيت ابويا واقف فرحان بيا عمري ما نجحت في المدرسه ولاقيت ابويا فخور بيا حتي لما جيت اتجوز ملقتهوش جمبي بس مكنتش مضايقه بالعكس قولت انت كفايه…
الكوافير اللي مش عاجبك ولا عجباك شغلتنه دي هو اللي كبرنا الكوافير اللي انت شايفه مسخره ده انت عرفتني منه لما انت شايفني وحشه دخلت بيتنا ليه ناسبت امي ليه ياصالح لما انت شايف ان الكوافير شغله شمال ارتبطت بيا ليه من الاول ليه من اول ما لاقتني بحبك ماقولتليش انك رافض الشغل من الاساس وانا كنت اقرر وقتها ليه علقتني بيك كنت عايز تضمن وجودي يا صالح ….اوعي تفكر ان جواز الست من الراجل بيديله الحق انه يقتل طموحها ويرفض نجاحها عشان فاكر انه ضمن وجودها وبقت تابع ليه عشان كده يا صالح انا بقولهالك انا عمري ما هكون تابع ليك إلا لو لقيتك اكبر داعم ليا عمري ما هخليك ضامن وجودي إلا لو حسيت ان وجودي معاك بيضيف ليا مش بيوقعني اوعي تفكر ان الاكل والشرب والشقه مكانوش موجودين قبل ما ادخل بيتك يا صالح كنت باكل واشرب وبنام في شقت امي يعني اللي حاصل الوقت مش اضافه كبيره زي مانت فاكر اللي حاصل امر طبيعي لاتنين حبوا بعض وقرروا يتجوزوا انا الاصافه اننا نشد بعض وننجح ونكبر انا اقف معاك وانت تقف معايا انا اتمني اشوفك انجح راجل فالدنيا وانت تتمني تشوفني احسن ست فالدنيا بس للاسف انت اناني اوي
مسحت بوسي دموعها بعنف
عشان كده يا صالح انا اه هسيب شغل الحاره والكوافير بتاعنا لكن هكمل في الشغل اللي جايلي حقق حلمي ياصالح وهنجح وهثبتلك وأثبت للكل اني اقدر اكون ناجحه اني مميزه في مجالي
صالح….حتي لو قولتلك يا نا يا الشغل يابوسي
بوسي….اه ياصالح عشان مينفعش اصل تحط نفسك في مقارنه زي دي كان ممكن اختارك لاي سبب إلا انك عايز تمشي رايك ومش عايزني انجح
صالح….وانا قولتلك انا رافض ولو فضلتي مصممه يبقي دي النهايه يابوسي وهنبعد عن بعض
نزلت دموع بوسي بوجع وانا مش هندم با صالح علي قراري ده عارف ليه عشان لو انت متمسك بيا ولو واحد فالميه وبعد كل الكلام اللي قولناه ده كمت حاولت تختار حل وسط لكن انت سديتها خالص ياصالح
صالح….تمام يا بوسي خلصت كل اللي بينا انتهت هتكلم مع امك ونخلص كل حاجه
بوسي…بوجع غمض عينها وحاسه انها هتقع في اي لحظه…ماشي يا صالح بس ليا عندك طلب واعتبره اخر طلب بلاش تتكلم مع امي اليومين دول خليهم يفرحوا بلاش ننكد عليهم فاضل اسبوع علي فرح شمس وجواز امي بلاش بسببنا نلغبطلهم كل حاجه ونضيع فرحتهم بلاش نفتح الموضوع ده غير بعد ما يتجوزوا لو معندكش مانع هفضل هنا لحد معاد جوازهم ولو مش موافق عادي مش مشكله هروح اعد معاهم الاسبوع ده من غير ما يعرفوا اي حاجه بحجه اني هساعدهم فالفرش والتجهيز

 

 

 

صالح…لا مفيش داعي البيت لسه بيتك بعد الفرح كل واحد فينا هيروح لحاله
بوسي….تمام بعد اذنك
دخلت بوسي بسرعه اوضتها قفلت الباب واترمت عالسرير تكتم في بوئها عشان ميسمعش صوت عياطها وصريخها💔💔😭
……………….
في صباح يوم جديد
كان عامر في الاستديو بيتابع اخر تطورات الاغنيه وبيشوف اللمسات الاخيره
قبل نزول الكليب
سمع عامر الاغنيه وشاف الكليب اللي كان بالنسباله نتيجته مرضيه جدا ليه…
وفالوقت ده جاله تليفون
استغرب عامر 🤨 ورد
عامر…الو
انس…ازيك يا نجم
عامر…بابتسامه ازيك يا انس عامل ايه واحشني
انس…انت اكتر بقولك ايه انا عايز اشوفك فاضي امته
عامر…..اي وقت في حاجه ولا ايه
انس…لا ابدا كنت حابب اخد رايك في حاجه فاضي انهرده
عامر…اه فاضي انا لسه مخلص شغل لو حابب نتقابل معنديش مشكله
انس..طيب ايه رايك اقابلك بعد ساعه من الوقت في كافيه قريب في وسط البلد
عامر…معنديش مشكله
انس…خلاص هستناك وهبعتلك اللوكيشن اول ما اوصل
عامر…ماشي مستنيك
انس….تمام يا صاحبي يلا سلام
عامر…سلام…قفل انس وهو مستغرب مكالمه انس كان هيكلم منار يسألها لو في حاجه حصلت لكن خاف يكون مقابلته مع انس بسبب شغل او اي حاجه ويقلقها عالفاضي فا قرر انه يروح الاول يشوف انس عايز ايه…
………….
خرجت وعد من الجامعه لقت زين مستنيها
زين….بقلق عملتي ايه يا وعد
وعد…بأبتسامه مالك قلقتن كده ليه بس الحمد لله الامتحان سهل جدا
زين…براحه الحمد لله كنت قلقان جدا
وعد…قلقان ليه بس ده حتي اللي بيذاكرلي الماده دي شاطر اوي
زين…بحب لا ياشيخه وده بجد ولا تريقه
وعد…والله لو مش مصدق ممكن اديك رقمه وتتأكد بنفسك
زين…لا ياستي خلاص انا واثق في رأيك😂
وعد….طب ايه يلا بقي نروح
زين…لا مش هنروح هنتغدي مع بعض ايه رايك
وعد…موافقه طبعا
زين…طيب تحبي تاكلي ايه
وعد….اممممممم من ماك
زين….والله كنت متأكد 😂

 

 

ركبوا مع بعض ووصلوا ادام اقرب فرع ماك وطلبوا الاكل وبعد شويه جالهم الاوردر وابتدوا ياكلو
زين….هانت الحمد لله كلها مادتين وتخلصي
وعد….انا مش مصدقه ان خلاص بعد المادتين دول اكون خلصت خلاص الجامعه
زين….الحمد لله يا حبيبي انتي تعبتي واكيد ربنا مش هيخذلك ابدا
وعد…يارب يا زين
زين…طيب قوليلي بقي بتفكري تعملي ايه الفتره اللي جايه في حاجه في دماغك نفسك تعمليها
وعد…والله يا زين مش عارفه اكيد نفسي في حجات كتير اولعم انه يبقي عندي مكتب هندسه خاص بيا بس طبعا لسه ادامي وقت ولازم أبدأ من الصفر
زين….عادي مش مهم أبدأي من الصفر وواثق انك في وقت قليل اوي هتقدري تحققي حلمك ده وانا ياستي هساعدك بكل اللي اقدر عليه عشان توصلي لاول خطوه
بس ياريت مننساش اننا نتجوز بقي عشان خلاص مش قادر استني
وعد…بابتسامه احراج صحيح يا زين هو احنا المفروض نتجوز امته
زين….انا شايف اننا نتجوز علي الصيف الجاي شهر 8 او 9 الشقه لسه فيها شويه حجات والكام شهر دول بيتهيألي هنخلص كل حاجه فيهم
وعد…ان شاء الله زبن هو انا ممكن اسالك سؤال واطلب منك طلب
زين…🤨الاتنين لا كده كتير
وعد…بضحك معلش خليها عليك
زين…طيب يا ستي أسالي واطلبي
وعد…هبدأ الاول بالسؤال
هو الفلوس اللي معايا فالبنك ممكن تجبلي شقه كويسه اعملها مكتب ولا لا
ولو هينع الطلب بقي ممكن توافق اني اعمل كده
زين…بصي هو ميتهيأليش المبلغ يقضي بس حتي لو ينفع يا وعد انا مش هوافق وطلبك مرفوض عالاقل هقنعك بسبب رفضي اولا مينفعش الفلوس اللي معاكي كلها تحطيها في شقه وتفضلي اعده حاطه ايدك علي خدك وانتي لسه مش معاكي تمن تجهيز المكتب ولا الناس اللي هتشتغل معاكي ولا الدعايه اللي هتتعمل لازم عالاقل يكون معاكي مبلغ فوق الشقه دي
انا المبدأ مش رافضه رخامه انا قولتلك قبل كده شيلي فلوسك لحد ما تحسي انك محتجاها لحاجه مهمه تخص مستقبلك صح.. وعشان كده ياستي انا كنت عاملك مفجأه لما تخلصي امتحاناتك بس بما انك اتكلمتي فالموضوع ده فا هضطر احرق المفجأه…انا كلمت حد اعرفه بيشتغل في شركه هندسه كبيره وفيها قسم خاص بالديكور هو رحب بالفكره جدا وقاللي انهم طالبين اصلا مهندسين ديكور لسه حديثي التخرج فا ان شاء الله بس تخلصي امتحانات واحدد معاه يوم تروحي تعملي انترڤيو وعموما اطمني كده كده هتتقبلي جوزك مش اي حد بردو🤨
وبعدها ياستي ابتدي مشوارك وحلمك وبس نتجوز يا وعد ونخلص من خطوه مهمه زي دي تكوني انتي شديتي حيلك اكتر شيلتي مبلغ تاني وطبعا هتكونب كونتي خبره كويسه جدا عشان لما تقدري تفتحي مكتب خاص بيكي تبقي عارفه تشغليه صح من تجربتك في الشركه اللي اكيد هتضيفلك اكتر ووقت ما تنوي يا وعد انك تستقلي هساعدك ياستي بباقي المبلغ اللي هيكون ناقص ايه رايك

 

 

وعد…بحب ربنا يخليك يا احلي زين فالدنيا عارف يا زين انا معاك بحس اني مش شايله هم اي حاجه وبحس ان اي حلم بحلمه مش بتنام غير لما تحققهولي
زين…بحب واوعدك يا وعد اني هحقق حلمك ده قريب وهتبقي اكبر معندسه ديكور و اقول للناس كلها دي وعد حبيبتي ومراتي واشطر مهندسه ديكور فالدنيا
وعد…بحبك يا زين
زين…بحبك يا احلي واجمل وعد..
…………
انس كان اعد في الكافيه مستني حضور عامر وعلي وشه حزن بيحاول يداريه كان ساكت وشارد…
منار….عمو عامل ايه الوقت
انس…الحمد لله احسن من يوم ما خرج وهو علي طول في اوضته نفسيا بس تعبان شويه لانه مش بيحب اعدت المستشفي ولا بيحب المرض فا اتأثر نفسيا شويه
منار…معلش ان شاء الله هيبقي احسن خليكم بس جمبوا لحد ما ينسي الفتره دي
انس…يارب
منار….صحيح انت قولتلي انك عايزني في حاجه ايه هي …منار كانت عارفه من اول ما انس كلمها وكلب انهم يتقابلو انه هيفتح معاها الموضوع من تاني ويكملوا كلام عشان كده قررت تسأله وعزمت أمرها انها تصارحه بكل حاجه.
أمس…هقولك بس مش الوقت اصلي مستني حد يجي يقابلني هنا وبعدين نتكلم.
منار….حد حد مين شغل يعني
أنس….أبتسم اهو جه اهو🙂
بصت منار وراها وكانت صدمه عمرها 😳😳لما شافت عامر جاي
وكان نفس الحال عند عامر لما شاف منار اعده معاه مبقاش عارف ولا فاهم اي حاجه ورغم قله الخطوات اللي تفصله عنهم لكن كان في ميت سؤال في دماغه اهمهم باتري في ايه عرف حاجه وجامعنا حوار الحلقه شككه في حاجه ولا منار قالتله عاللي بينا
وصل عامر وسلم علي انس وسلم علي منار واعد وهو باين عليه التوتر خصوصا لما شاف توتر منار الظاهر بقوه
أنس…عامل ايه يا صاحبي
عامر…الحمد لله كله تمام
انس…ايه خلصت شغل
عامر…اه كنت بشوف الكليب بعد ما أتمنتچ واتظبط كل حاجه فيه
انس…وايه هينزل امته
عامر….هو المفروض كده جاهز عالنزول ممكن بعد بكره او تلات ايام بالكتير
انس…طيب حلو ده علي خير يارب…عندي مفجاه ليك انا كمان
بص عامر لمنار بتوتر وبصله ورسم غصب عنه علي وشه ابتسامه ايه قول
انس….انهرده الصبح مضيت عقد مع شركه انتاج وهبتدي انا كمان شغل هنبقي زمايل ياصاحبي
عامر…بفرحه حقيقيه بتتكلم جد
انس….اه والله العظيم

 

 

عامر…حلو ده اوي والله فرحتني يا انس
انس…يعنب اعتبر ده وعد اننا نعمل اغنيه مع بعض
عامر…طبعا ونزل اول اغنيه وبعدها علي طول هتبقي اغنيه ليا انا وانت
انس….خلاص لما نشوف
المهم تشرب ايه
عامر….ممكن قهوه عشان مصدع اوي
منار…كانت بتتابع كلامهم وقلبها هيقف خاسه ان في حاجه ورا اجتماع انس بيهم
وصل الطلبات اللي طلبوها
ولع عامر سيجاره وبص لانس.
عامر….ايه ياصاحبي قولت انك عايزني في حاجه
منار فالوقت ده تلجت وحست بتوتر غير عادي
انس….بحزن هقولك يا صاحبي طبعا انت مستغرب وجود منار وعارف ان هي مستغربه وجودك وعارف كمان ان هي من وقت ما شافتك داخل وهي متوتره وقلقانه حتي انت ياصاحبي
بص عامر لمنار وسكتوا معرفوش يردو
اتجمعت الدموع في عين منار في صمت.
انس….بص يا عامر عشان مطولش عليكم وجو التوتر ده يزيد فانا هدخل فالموضوع علي طول..
انس…بعد ما اتخرجنا من المعهد يا انس انا ارتبطت ببنت يمكن منار عارفه الحكايه دي كويس بس هحكيهالك…البنت دي اتعلقت بيها فوق ما تتخيل كانت ملاك انا مكنش ليا في الحب وجو الارتباط انت عارفني بس هي خطفتني كانت مختلفه بجد حبيتها لدرجه انا نفسي مش مصدق اني حبيتها كده كانت كل حياتي وانا كنت كل حياتها فضلنا اربع سنين مع بعض كنت بشتغل ليل نهار في اي حاجه تقابلني عشان اقدر انجز وارتبط بيها وتبقي معايا ويمكن ده اللي خلاني اتأخر في تحقيق حلمي اني ابقي مطرب وقتها كان عندي استعداد قوي اني اتنازل عن حلمي واشتغل اب حاجه في مقابل اني ارتبط بيها…وعشان اضمن ان هي تبقي ليا كلمت أهلها وعرفتهم كل ظروفي كانوا ناس طيبين اوي رحبوا بيا ووافقوا روحت انا واهلي بعدها قرانا فاتحه ولبستها دبله وخاتم ده كل اللي كنت اقدر عليه وقتها واشتغلت وبقيت احط قرش علي قرش عشان اقدر اعمل حاجه كنت بشتغل شغلتين او تقدر تقول تلاته الصبح فالشركه اللي انا فيها الوقت وارجع علي الساعه اتنين الضهر انام ساعه وانزل اشتغل ويتر في كافيه من 4 لحد 12وبعدها كان حلمي بردو بيلاحقني كنت بطلع علي مطعم عالنيل اغني كان ليا فقره ثابته من الساعه اتنين لحد تلاته واخلص واجري عالبيت اتقتل كام ساعه واصحي سبعه وطيران عالشركه كنت بموت نفسي فالشغل عشانها وعشان هي تستاهل اني اتعب وافوز بيها….لحد ما في يوم كلمتني وهي راحه شغلها هي كمان وكل حاجه كانت تمام بعد مكالمتها ليا بساعه لقيت رقمها بيتصل رديت ويارتني ما رديت لقيت حد بيقولي ان صاحبه الموبايل دي عملت حادثه بس هي كويسه اتنقلت علي المستشفي بش لازم حد يجيلها وبكون معاها عشان غالبا رجلها اتكسرت علي اد صدمتي فالتول بس لما كنل كلامه حسيت براحه وحمدت ربنا انها جت علي كسر جريت عالمستشفي وعرفت وقتها انها ماتت من اول ما دخلت او كانت جايه ميته اصلا واللي كلمني ما حبش يخوفني كسور الحوض كسر فالجمجمه وكسر في العمود الفقري وكدمات في كل مكان في جسمها اللي عرفته انها بعد ما وصلت مكان الشغل عدت طريق سريع عشان توصل شغلها…وعربيه خبطتها طيرتها مسافه كبيره عالارض …انا لما شوفتها اتصدمت كنت حاسس اني بحلم مش مستوعب رافض كنت ميت من الاخر لحد ما بعد كده ابتديت شويه شويه اتحسن يمكن وجعها مراحش بس الحياه مشيت من غيرها لما منار جت اشتغلت فالشركه من اول ما شوفتها شوفت فيها هنا خطيبتي فيها ملامح كتير منها بس مش هقول اني حبيت منار او فكرت ارتبط بيها عشان كده لا خالص بس حسيت انها شبهي وقت ما ظهرت منار في حياتي كنت انا مدمر وعلي اد ما هي وصحابي حاولوا يقووني ويشجعوني اقف علي رجلي من تاني كنت بشوف في عينها وجع وكسره غريبه كانت بتضحك وروحها حلوه لكن حزنها مسيطر عليها حاولت اعرف وقتها قالتلي بسبب موت اخوها وعرفت انها كانت خارجه من عمليه قلب كبيره فا قولت يمكن ده اثر علي نفسيتها بس بعد ظهروك يا عامر في حياتنا قدرت اعرف سبب حزن منار اللي ملازمها طول الوقت

 

 

 

عامر….انس انا…قاطعه انس
انس ..معلش يا عامر سبني اكمل..
عامر…اتفضل
انس….لما حسيت اني حابب اكمل مع منار انا اتقدمت علي طول منار رفضتني 3 مرات سالتها عن سبب الرفض باي سؤال يجي في دماغك مكنش في سبب مقنع مكنتش بلاقي غير حزن لحد ما في مره وافقت منار اخيرا وقبل ما نرتبط قالتلي كلمه مش قادر انساها لحد الوقت واحترمتها بجد وكان شرط ليها قبل الارتباط انا تقولي الكلام ده واوافق عليه….قالتلي مش معني اننا اتخطبنا اني اديتك قلبي يمكن انا لسه مش بحبك ومش مستوعبه اني هرتبط اصلا فا عشان خاطري اوعي تزعل مني او تطلب مني اديك حب هو لسه مش موجود ليك في قلبي وافقت وقولت مع الوقت هتحبني فرحتها مكانتش زي اي عروسه بتلبس شبكتها مش عشان هي زي ما قالت لسه مش بتحبني لكن كان في سبب اقوي هتجنن واعرفه وعرفته يا عامر…بعد ظهورك يوم فرح اخوك التوتر اللي بان علي وشوشكم انتو الاتنين لفت نظري نظراتكم لبعض يوم ما اتجمعنا عند عم سعيد عالسطح كلنا لفتوا نظري يوم ما شوفناك فالسيده مع دكتوره سهر يوم عيد ميلادي طريقتك وعصبيتك اللي كنت بتحاول تداريها حتي توترها ونظرات عينها اللي رايحه جايه. كلامك يوم لقاءك مع مني الشاذلي كل حاجه يا عامر بتأكد حبكم لبعض
منار…بدموع انس انا عايزه افهمك
انس….اوعي تفكري اني مضايق منك يا منار وبلاش دموعك دي انتي غاليه عندي عايز اكون صريح معاكي يمكن اكون ارتبطت بيكي لان لقيتك كويسه محترمه اهلك ناس طيبين كل حاجه فيكي تجبر الواحد انه يرتبط بيكي يمكن مكنش في حب قوي لان هنا حبها مسيطر عليا لحد الوقت اه بحاول اكمل حياتي بس مش عارف انساها…انا لما حكيت عن حكايتي بهنا كان في مغزي مش عارف خدت ا بالكم منه ولا لا….بس اقدر اقولكم ان اللي حب زي ما انت حبيت هنا يقدر يحس بحب اللي أدامه وانا حسيت بحبكم يمكن مش عارف ايه السبب اللي مخليكم بعيد ادام بتحبوا بعض اوي كده بس صدقوني نصيحه يعني الحب اللي بجد مينفعش يروح عالفاضي مينفعش نسيبه من غير ما نحارب عشانه…
عامر….انس انت لازم تفهم حجات كتير

 

 

انس….هسمعكم يا صاحبي بس قبل ما اسمعكم عايز اخلص كلامي الحب ده لعنه ياعامر بيدخل القلب يعمل حاجه من الاتنين يا يخليه اسعد قلب فالدنيا يا يخليه اتعس قلب فالدنيا منار من غيرك حد تاني ياعامر يمكن مينفعش اقول الكلام ده بس دي الحقيقه منار لما بتشوفك بترجعلها حياتها من تاني وانت كنان يا صاحبي وقت ما بتلمح منار بتبقي عامل زي الطفل اللي لقي امه ومن فرحته الابتسامه اترسمت علي وشه من غير ما يحس.
انا حبيت اوي ياعامر حبيت بكل مافي واللي بيحب بجد ياعامر مينفعش يكون اناني ويجي علي قلب حد تاني عشان كده ياعامر هقولهالك وانصحك اوعي تضيع الحب من ايدك مهما حصل وانتي كمان يا منار متفرطيش فالحب ده بأيدك زي ماقولت انا معرفش سبب البعد كان ايه بس اللي انا عارفه وحسيته اني بشوف اتنين ادامي كل ما يشوفوا بعض بترجعلهم الحياه…وانا استحاله يا منار اكمل معاكي وانتي قلبك مع غيري سيبك من حكايه ان عشان كرامتي ورجولتي ده شئ مفروغ منه فعلا بس الاهم ان اللي اتوجع من الحب والفراق وداق طعم الوجع بجد عمره مايوجع عشان كده انا مش هقبل بوجعك يا منار انتي وعامر
بص لعامر وابتسم خد بالك منها ياصاحبي واوعي توجعها هي ببتحبك بجد وعارف انك بتحبها بس لما ترتبطوا بقي اوعوا تنسوا تعزموا أخوكم
ابتسم عامر بحزن ونزلت دموع منار.
عامر….انس يمكن كل اللي قولته ده صح بس معلش لازم تفهم حكايتنا كلها والاهم من كل ده لما كنت مسافر ورجعت علي فرح اخويا كنت لسه عارف من كام يوم ان منار اتخطبت ورحمه امي ما كنت عارف هي مخطوبه لمين ويوم ما شوفتها فالفرح كان بقالي كتير مشوفتهاش ولا اعرف حاجه عنها وصدمتي الاكبر لما شوفتك وعرفت ان صاحبي هو خطيبها….هحكيلك كل حاجه.
انس…احكي ياصاحبي سامعك

 

 

فضل عامر يحكي كل تفصيله حصلت في موضوعهم من بدايته لنهايته
منار…دموعها كانت نازله في صمت ….
عامر….دي كل حكايتنا يا انس…صدقني مكنش مقصود وجعك ولا انا قصدت وجع منار ولا هي قصدت وجعي ده طريق اتكتب علينا
انس…بابتسامه حب بس لازم ينتهي الطريق ده نهايه صح تليق بيه ويرجع الحق لصحابه…منار مش حقي ياعامر انا محبتهاش الحب اللي هو الكبير لا كنت بحبها عشان طيبتها جدعنتها ادبها وهي انا عارف محبتنيش يبقي ليه نفضل منار بتحبك وانت بتحبها وانا لو هعمل حاجه في حياتي صح هو اللي انا بعمله الوقت…انا بس طالب ان لو مش هيضايقكم افضل معاكم وسطكم وسط ناسكم اللي حسيت معاهم بالدفا والحب الناس دي مقدرش ابعد عنهم عشان هما ميتعوضوش ولو ليا طلب عندكم هيبقي انكم تعتبروني فرض من لمتكم
عامر….بابتسامه طبعا يا انس انت صاحبي وكبرت في نظري اكتر بكتير بعد اللي عملته انت واحد مننا ولا يمكن نبعد عنك
انس…بص لمنار…وانتي ياستي بطلي عياط بقي وربنا اروح اجيبلكم المأذون الوقت اضحكي كده وفوقي بسرعه عشان هخليكي تدوريلي علي عروسه قريب
بصتله منار بضحك من بين دموعها بصدمه
انس…ابه بتبصيلي كده ليه فكراني هقطع شراييني عليكي لا معلش انا معنديش وقت انا عايز اتجوز واجيب عيال وابص لطريقي بقي
منار…بابتسامه انت طيب اوي يا انس وتستاعل احسن حد فالدنيا
انس…بحب وانتي تستاهلي تفرحي وتحبي وتعيشي حياتك طبيعيه من غير حزن الواد بيحبك وبصراحه انتي مرمطتي اهله معاكي كفايه كده بقي الواد هيفيص مننا
ضحك عامر ومنار بحزن.
انس….متسبيوش بعض يا عامر وكفايه اللي ضاع متضيعوش وقت تاني
عامر….ربنا يخليك ليا يا انس بيتهيألي رغم محاولات الكل بس لنت جيت زي السهل الممتنع خلصت كل حاجه
انس….ياض هو انا في زيي انا خساره فالبلد دي…بقول ايه انت ا رغيتوا كتير وخدتوا من وقتي اكتر انا عندي اجتماع مع شركه الانتاج ومش فاضيلكم هطير انا واي فرحه عندكم قريبه انا راشق فيها
عامر…بضحك طبعا هبلغك
انس….سلام ياصاحبي وبص لمنار سلام يا احلي اخت فالدنيا
منار….سلام يا انس
……….
الحب تضحيه الحب مينفعش يكون في انانيه
الحب انك تدي و تاخد الحب انك تشوف كل اللي حواليك بيحبوا بجد….
و ميعرفش معني الحب غير اللي حب بضمير💔

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة 2)