رواية 30 يوم حياة 2 الفصل السادس والعشرون 26 بقلم أميرة أسامة
رواية 30 يوم حياة 2 الفصل السادس والعشرون 26 بقلم أميرة أسامة
رواية 30 يوم حياة 2 البارت السادس والعشرون
رواية 30 يوم حياة 2 الجزء السادس والعشرون
رواية 30 يوم حياة 2 الحلقة السادسة والعشرون
ابتدا عامر يرجع بهدوء زي ما جه الكل كان مترقب والكل فالشبابيك والبلكونات
صحابه متوترين جدا..وصل عامر عند النص رفع رجله براحه حطها عاللوح التاني
لكن لفت نظره ان الميه دخلت عالحوش بتاع يوسف وغرقته ويوسف في دور ارضي وهو الوحيد اللي مش واقف
زين….يلا ياعامر متقفش
عامر…بص عامر لزين بصدمه والدموع متجمعه في عينه وشكله يبين ان في حاجه صعقته غير الكهربا
زين…بعصبيه خفيفه مالك يا عامر واقف ليه اتحرك يلا😡
عامر….بصدمه يوسف يا زين الميه دخلت علي يوسف وروحيه يازين🥺🥺
زين…واصحابه وكل الشارع كانت ملامحهم مرسوم عليها الصدمه😳😳😳
زين…بصوت عالييي يا يووووووسف يوسفففف
هيما….ياروحيه
ادهم….بلع ريقه بصعوبه. طب يلا ياعامر تعالي بس انت الاول وهنشوف يوسف
ايهاب…يلا يا عامر ركز براحه
زين…كان مستمر في النداء علي يوسف هو ولاحه وصالح وعادل
جري زين بسرعه يكلم يوسف لكن مكنش بيرد
وعد…مبيردش
حط زين ايده علي راسه وفضل يلف فالمكان مش عارف يعمل ايه
جري بسرعه تاني عالبلكونه فضل ينادي عليه
وصل اخيرا عامر مسكه بسرعه ادهم وايهاب
عادل….زيييين يا زين انا سامع صوت يوسف من بعيد
يوسف كويس اطمنوا
ادهم…..هما فين جيرانه عم حافظ او عم سرور يطمنونا عليه محدش ليه باصص منهم.
عامر….زين تعالي بسرعه نطلع السطح وننط علي السطح بتاعه وننزل نشوفه
زين…بصله بامل وكان الفكره دي كانت راحت من باله
جري زين وعامر وباقي صحابه وراه
طلعوا السطح فوق ونطوا للسطح التاني كانت المسافه بينهم بيسيطه حوالي متر جريو بسرعه عالسلم وبمجرد ما نزلوا كام درجه شافو يوسف واقف أدام شقته اللي المفروض هيتجوز فيا وروحيه أعده عالسلم
جريوا عليه صحابه واعد عامر بنفس رايح عالسلم حط ايده علي وشه
ادهم….انت ا كويسين
زين….بغضب انت مش بترد علي موبايلك ليه هااا وضربه في صدره مبتردش ليه 😡
يوسف…اهدي يا زين احنا كويسن متقلقش بس سامعكم بتنادوا عليا وبرد عليكم بس انتوا مش سامعني
زين…مطلعتش ليه نطيت زي ما عملنا تطمنا عليك انت غاوي وجع قلبك
عامر…بدموع يا اخي حرام عليك انت وقفت قلبي حرام عليك يا يوسف انا مش حمل خساره اي حد تاني
قرب منه زين طبطب علي كتفه وراحله يوسف حضنه
يوسف…ياض انا كويس بص لزين
انا بس يازين معرفتش اطلع وانط اطمنكم عشان روحيه شافت المطر من هنا وإلا تجري علي بره خوفت اسيبها تنزل علي تحت انا بصيت علي عمر وانتوا بتقولوله يبعد وكنت خارج انط علي الحجر واحاول الف واوصله بس لقيت الحوش بيغرق جريت خدت امي وطلعت علي فوق قولت هنأعد فالشقه بتاعتي لما طلعت فوق افتكرت اني مش معايا الموبايل ولا مفاتيح الشقه جيت انزل بسرعه الميه كانت وصلت جمب الشقه معرفتش ادخل اجيبها والنور اعد يروح ويجي والكهربا اعده تعمل شرار خوفت يجرالي حاجه وامي تنزل تشوفني يجرالها حاجه هي كمان خبط علي عم حافظ وعلي عم سرور مش بيردوا امي قالتلي عم حافظ بقاله يومين بايت عند اخوه وافتكرت ان عم سرور الصبح خد مراته وبنته وراحه لاهل مراته هو كمان فا معرفتش اعمل حاجه غير اني اعد عالسلم
ابهاب…خلاص الحمد لله انكم بخير وقعتوا قلبنا ياچو
يوسف…حقكم عليا مكنتش عارف اتصرف والله
هيما…المهم متأكد ان عم حافظ وعم سرور مش هنا لا يكون في حد وحصله حاجه
ادهم….هيحصلهم ايه وهما في شققهم متقلقش اكيد كويسين ولما نرجع هكلمهم اطمن عليهم
زين…طيب يلا تعالوا نطلع واعد معايا لحد ما حد يجي يشوف اللي حاصل ده الناس كلها مبلغه ان شاء الله هيتحركوا
يوسف…طب امي هتنط ازاي
انا هكسر الباب وخلاص واعد جوه
زين…تأعد جوه فين الشقه مش مفروشه ومفيش اكل ولا ميه ولا هتعرف تجيب اي حاجه من بره يلا بلاش مناهده ولو علي روحيه احنا معاها دي مسافه صغيره وروحيه جدعه هتعرف تنط صح يا روحيه
روحيه…ايوه هعرف
يوسف…بقله حيله ماشي يا زين
طلع ا مع بعض فوق نط ادهم وهيما وزين
جاب عامر خشبه مربعه كبيره حطها عالسور عشان تعدي روحيه من عليها
يوسف…بلاش دي احسن تاخد روحيه وتنزل
عامر…متخافش الخشبه تقيله وروحيه مفيهاش يلا بس تعالي. حطوا الخشبه وطلع عامر وقف عالسور
وطلعها يوسف براحه جمب عامر مسكها عامر من ايدها وخلاها تمشي عالخشبه بسرعه مسكها زين وادهم ونزلوها وطلع باقي الشباب كلهم نطوا ونزلوا عالسلم لبيت زين اول ما نزلت
سهير….الف حمد وشكر ليك يارب وقعتوا قلبنا
احمد العربي…انتوا كويسين
يوسف…متقلقوش احنا بخير
دخلوا اعدوا كلهم وباب الشقه مفتوح
خرج ايهاب من البلكونه يطمن الناس وصحابه علي يوسف وروحيه اتنهد الجميع براحه دخلوا بيوتهم اخيرا
ساعه قلبت كيان الحاره ساعه من القلق والتوتر اللي اقسم كل واحد فيهم انه مهما عدي الوقت مش هينسوا اليوم ده ابدا
فضل عامر اعد ساكت ولسه دقات قلبه مش بتقف
منار…بصوت واطي انت كويس
رفع عامر عينه ليها وأبتسم الحمد لله
منار….الحمد لله
عامر…فين النسكافيه
ابتسمت منار بحزن…انت كان قلبي واقع نسكافيه ايه حرام عليك
عامر…بحب ايه خوفتي عليا
منار….برد سريع طبعاا وركزت في اندفاعها يعني اقصد اكيد كلنا خوفنا عليك
عامر….أبتسم عامر هتفضلي عنديه كده علي طول
رن موبايل عامر فالوقت ده
عامر…ده عادل
الووو
عادل…انت كويس ويوسف وروحيه كويسين
عامر…متقلقش كلنا بخير الحمد لله
عادل…عامر الوضع كده اتغير مفيش مجازفه اياك تخرج تفضل فب مكانك لحد ما ما حد يجي ويتصرف
عادل…حاضر يا عادل
عادل…لو في حاجه كلموني عشان اطمن عليكم
عامر…متقلقش كله تمام وكلهم هنا معانا
عادل….ماشي يا عامر
يلا روح سلام
عامر…سلام…
فضل النور يروح ويجي بصوره مستمره الكل قلقان ومتوتر بعد وقت بسيط طلعوا علي شققهم بعد ما كل واحد فيهم عرض علي يوسف وروحيه وعامر انهم يجوا معاهم لكن زين رفض وقالهم انهم هيفضلوا مع بعض
وكان الوضع كالاتي زي ما رتبه زين منا ووعد في اوضه وعد عامر مع زين فالاوضه بتاعته يوسف وروحيه في اوضه مديحه
انسحب الجميع وفضلوا هما لوحدهم لكن كان قرار وعد ومنار انهم هيفضلوا بره في الصاله عشان خايفين
فضل معاهم زين وعامر نامت روحيه وفضل يوسف اعد معاهم وحاول يوسف يخف من حده توترهم وفضل يضحك ويهزر معاهم
لحد ما اخيرا زارهم النوم ونامو عالكنب منار ووعد في حضن بعض زين عالكرسي عامر عالكنبه ودخل يوسف نام جمب روحيه.
في صباح يوم جديد ملئ بالاحداث
اجتمع الجميع علي كارثه واحده وهي العاصفه اللي دمرت كتير اوي المطر كان لسه شغال يقف دقايق وينزل من تاني الهوا شديد جدا واتصنفت العاصفه انها الاولي من نوعها اللي شهدتها مصر علي مر السنين
النور فضل يروح ويجي وابتدا يجي شويه ونص ساعه ويقطع لكن الحال بقي افضل شويه بوجود النور واول ما كان يجي يشحنوا موبايلاتهم بسرعه لانها كانت النور الوحيد اللي بيستخدموه وقت ما بيقطع النور كان المفروض فاضل علي رجوع اهلهم من العمره يوم واحد بس لكن بسبب العاصفه واللي حاصل في شارعهم قرروا ينزلوا يأعدوا في شقه عند حد من معارف زين لحد ما الدنيا تظبط ويرجعوا لبيوتهم من تاني
كانوا بيتابعوا اخبار العاصفه علي السوشيال ميديا وعلي التلفزيون البلد كانت مقلوبه
الوضع في البلد وخصوصا الاماكن الجديده والاماكن الشعبيه والقري البسيطه كان متبهدل ناس كتير ماتوا وناس بيوتها غرقت من اول اصحاب الڤللل اللي ڤللهم أتدمرت لحد اصحاب القري اللي بيوتهم تشبه الورق
عشان كده كانت الاستجابه للانقاذ شبه معدومه فألتزم الجميع في البيت لحد ما الازمه تعدي .
زين….لعامر ويوسف قوموا يلا خدوا دش كده وانا حاططلكم هدوم جوه بدل هدومكم اللي عليكم من امبارح دي
عامر…بضحك علي اساس ان. هدومك دي هتيجي مقاسي
زين…بضحك يا عم اهدي تقضي الغرض وخلاص
يوسف….هيبقي شكلنا مسخره
زين…😂😂اعمل ايه طيب اهو اي حاجه وخلاص انتوا هتتصوروا
نزل فالوقت ده هيما يشوفهم هو ومنه
زين…ادخلوا
دخل هيما ومنه
هيما…امسك ياض انت وهو غيار لكل واحد فيكم
عامر…بضحك اهي كده تبقي معقوله شويه
يوسف…بضحك هو سمعنا ولا ايه
هيما…في ايه ياض انت وهو🤨
عامر…ابدا اصل زين سبقك ولسه عارض علينا خدماته فالغيار😂😂 بس زي ما انت شايف الفرق
هيما…بضحك يارتني ما جبتلكم كان زمان شكلكم مسخره
عامر…انا ألبس لبس جودزيلا😂😂😂😂
زين…وحيات امك🤨🤨
عامر…مش دي الحقيقه
زين…ماشي يا خويا
وعد…يوسف انا طلعت لروحيه لبس من عند خالتوا اكيد هيجي كويس عليها
يوسف…ماشي يا وعد ما تحرمش منك
وعد…علي ايه بس اغيرلها انا ولا تغيرلها انت
يوسف…عادي واحد مش هتفرق بس انا هغيرلها كفايه تعبك معانا
وعد…تعب ايه بس يا يوسف انا معملتش اي حاجه
يوسف…كفايه اعدتنا معاكم هنا
زين…انت عبيط ياض ده بيتك وبعدين ده بيت روحيه اكتر هي اعده معانا علي طول اصلا بيك او من غيرك
يوسف…ربنا يخليكوا ليا يا صاحبي
وعد….وانتي يا منار غيارك جوه عالسرير يلا بسرعه بقي احسن النور يقطع اي وقت
منار…ماشي
عامر….مبروك يا صاحبي مبروك يا منه عالحمام زين قالنا ونسيت اباركلكم امبارح بسبب اللي حصل
منه…بأبتسامه الله يبارك فيك يا عامر عفبالك ان شاء الله
هيما….عقبالك يا صاحبي لما افرح بيك قرب ان شاء الله
دخلوا ورا بعض كل واحد فيهم يغير هدومه ويظبط نفسه وبعد وقت بسيط رجعوا كلهم تاني اعدوا مع بعض كانت وعد بتعمل الاكل ومنار بتساعدها هي ومنه
وبعد وقت بسيط اتجمعوا كلهم ومعاهم منه وهيما علي السفره يتغدوا سوا
زين…الحمد لله اني خرجت جبت كل اللي ناقصنا امبارح
عامر….كان قلبك حاسس يا بومه😂😂
زين…لا والله دي فكره وعد في حجات ناقصه فالبيت فا قولت اروح اجيب كل حاجه قبل ما مديحه ترجع واهي ترتاح كام بوم من السفر ومتنزلش السوق
هيما….اهي الحاجه نفعت
زبن…المشكله ان مفيش عيش ده اخر عيش عندنا
وعد ايوه صح مفيش عيش جوه تاني ومفيش كده للعشا
منه….ولا احنا عندنا بردو
خبط ادهم فالوقت ده قام زين يفتح
زين…ادخل حماتك بتحبك
وقف ادهم عالباب وانا بحب بنتها بقولك ايه عندكوا عيش ضحك زين عليه
لسه بنتكلم فالحوار ده مفيش غير اللي بياكلوه جوه
عامر…من جوه بضحك اعملوا دايت بقي
ادهم…بس ياض🤨🤨 ورجع بص لزين طب وبعدين البيت كله مفيهوش وابويا معندوش عيش
زين…مش عارف طب بقولك ايه استني
دخل زين جاب كام رغيف عيش واداهمله امسك دول كلوا بيهم وربك يحلها علي بال بليل
ادهم…ياعم ودي العيش هناخده منهم وهما بياكلوا
زين…ياعم ماهو في رز الوقت يعني يمشي الحال
واهو نشيل بعض لحد ما ربك يحلها
هيما…خده يا ادهم في رز كتير
ادهم…بص براسه لجوه انت بتعمل ايه ياض هنا
هيما…ايه باكل
ادهم…والله انت ما عندك دم اطلع ياض علي شقتك انت ومراتك الناس بتشحت الاكل 😂😂😂😂😂
زين…ضربه علي كتفه احنا بردو اللي بنشحت يا واطي يلا ياعم اطلع علي بيتك
ادهم…بقي كده ماشي ياواطي
طلع ادهم بسرعه علي السلم وهو ماسك العيش دخل زين يكمل اكل
بعد وقت بسيط نزلت سهير عندهم
سهير….عامله ايه يا روحيه
روحيه….كويسه انتي مين🤔
سهير…والنبي ياروحيه ما وقتك خالص المراره وشلتها اشيل ايه تاني
ضحكوا علي سهير كلهم
يوسف…وهو بيلعب في الموبايل لا طول ما انتي مع روحيه هتشيلي كل حاجه يا سهير 😂😂
سهير….علي رأيك المهم هنعمل ايه في حوار العيش ده
زين….كان بودي اشتغل فران يا سهير 😂😂😂 بس حتي الافران كلها قافله يعني لو حد هيحاول يخرج ويحارب الموت الفرن قافل اصلا
سهير…طيب بقول ايه انا عندي فكره
خبط ادهم قام فتح كان الكل معاه توته وشمس رحاب وايهاب واحمد العربي دخلوا اعدوا معاهم
زين.. كنتي بتقولي ايه يا سهير فكره ايه
سهير….امك عندها هنا فرن لو عندكم دقيق انا اخبزلكم عيش
زين….عجبته الفكره حلوه الفكره دي يا سهير راحت عن بالي
وعد…وهنا في دقيق كتير
توته…وانا كمان عندي دقيق كتير يا اما فوق عندي شوال بحاله انتي عارفه ان ادهم بيجبلي الحاجه مره واحده عشان منزلش السوق ويادوب خدت منه كوبايه
منه…وانا كمان
رحاب….وانا بردو عندي دقيق
سهير…طيب كده حلو اوي ربك دبرها بس معلش بقي هعمله عندكم هنا انت عارف ان بنات اليومين دول بيستقلوا بأفران زمان ومحدش فيهم عنده فرن
زين…ياستي المطبخ كله تحت امرك بس هتحتاجي دقيق بس
وعد…في خميره هنا كمان
سهير….بس كده خلاص اهي اتحلت الجيش قالك اتصرف ومش هنأعد حاطين ايدنا علي خدنا احنا بعون الله نسد في اي حاجه والبنات معايا تساعدني
زين…ربنا يخليكي يا سهير فكرتيني بامي لما كانت تلاقي الفرن زحمه تيجي تخبز هي
سهير…هو في احلي من خبز الايد
زبن….طيب بقول ايه بما ان في دقيق كتير الحمد لله فا ياريت تكتروا شويه عشان لو اي حد من الجيران احتاج اكيد هما زينا محتاسين
سهير….والنبي انت حنين يا زين وماله نكتر الجيران لبعضها وكلنا في مركب واحده وادام خير ربنا كتير نعمل يلا يا بنات تعالوا ساعدوني
ادهم…وانا هطلع اجبلك الدقيق من فوق
وعد….احلي حاجه في كل اللي حصل ده الخبر بتاع الصبح بتاع تأجيل الامتحانات
زين…اه الحمد لله امتحانك كان بعد بكره
وعد…كنت حاطه ايدي علي قلبي وخايفه اشيل السنه
احمد العربي…ربك كريم يا وعد مبيضيعش تعب حد
وعد…ونعم بالله
قامت سهير عالمطبخ أبتدت تعجن وتخبز والبنات بيساعدوها وبعد وقت عدي أبتدت ريحه الخبز تطلع
علي اد ما الموضوع كان مرهق خصوصا علي سهير لكن كان تعب ليه مذاق خاص
احمد العربي….الله عالريحه الحلوه فكرتني بامي زمان كانت تأعد في البلد تصحي الصبح بدري في عز الشتا تخرج عالكانون الي معمول من الطين وتولع الحطب اللي ريحته كانت تفرحك بمجرد ما يولع وتعرف انك هتاكل احلي حاجه في اليوم ده كنت اعد جمبها انا واخويا الله يرحمه في عز البرد ناعد ونستخبي في بعض من البرد وندفي علي نار الحطب وهي تخبز وتدخل في الكانون وياسلام علي ريحته اول ما تقرب عالسوا كان يتاكل من غير اي حاجه
سهير…صحيح يا استاذ احمد انت سبت ليه بلدك
احمد العربي لما كبرت نزلت اشتغلت هنا واخويا سافر الكويت كنت بروح واجي علي امي وابويا وكنت وقتها شوفت ام ادهم حبيتها وقررت اتجوزها فالوقت ده ابويا وامي تعبوا وكانوا كبروا امي ماتت الاول وبعدها بڜهرين ابويا ومبقلناش حد غير عمامنا بس كل واحد ليه دنيته واحنت كنا كبرنا وبقينا رجاله فا مشالوش همنا وبما ان كل واحد فينا كان لبه حياته قررنا نبيع الارض لان خلاص مكنش ينفع نأعد هناك انا رتبت حياتي اني هأعد هنا واخويا الله يرحمه كان اتجوز وخد مراته وسافر ولما كان بينزل كان واخدلها شقه جمب اهلها فالقاهره فا كان مستحيل خلاص نرجع البلد فا بيعنا الارض وقسمنا الفلوس وكل واحد شاف حاله انا جيت هنا اشتريت البيت ده ووقتها ابو زين كان هو اكتر حد واقف معايا وكان صاحبي بجد وكان لسه متجوزش هو كمان فا اشتريت الارض وبنتها ولما هو كان خلاص داخل علي جواز اقنعته يسكن معايا وفعلا وافق وسكن كان راجل طيب مفكرش حتي يكتب وصل ايجار عليا وانا صممت وكتبتله بعدها بفتره عرض عليا انه يشتري الشقه وافقت علي طول والشقه بقت بتاعته وبس هي دي كل الحكايه.
زين…الله يرحمه
سهير…الله يرحم الجميع
احمد العربي…كل مكان بتسكن وتعيش فيه بياخد منك وبيديك اه العيشه هنا مختلفه بس برده الارض والبلد ليهم طعمهم اللي مهما حصل عمرك ما تنساه وريحه العيش بتاعك فكرتني بامي
سهير…بابتسامه الله يرحمها ويغفرلها يارب اما اقوم اشوف باقي العيش
بعد وقت بسيط كانت انتهت سهير والبنات من الخبز
خرجت سهير برغيف سخن حطيته في ايد احمد العربي
سهير…لتفضل يا استاذ احمد عيد الذكريات الحلوه
أبتسم احمد العربي…من ايد ما نعدمها تسلمي وبسرعه كان قطم منه بشهيه.
احمد العربي باعجاب والله الله تسلم ايدك
سهير…بالف هنا
بص ادهم وهيما لبعض وابتدوا يضحكوا
ايهاب…بصوت واطي توته بتبصلكم وهتاكلكم بعينها
ادهم…بضحك مانا شايفها
زين…في ايه ياض انت وهو
عامر….ابوك بيشقط ياض يا ادهم
ادهم…بضحك قولتش حاجه انا😂😂😂
زين….اوعيييي مش بقولكم الراجل ده من يومه نمس ومش سهل😂😂😂
توته من بعيد حطت ايدها علي دقنها وهي بتستحلفلهم😒
ادهم…بضحك احيييييه
زين…ألبسسسس😂😂
ابتدت سهير تحط في اكياس بلاستيك
لكل واحد فيهم اللي يكفيه من العيش وحطت للجيران في كل كيس خمس أرغفه
وخرجوا بره في البلكونه.
كان بعض الجيران واقفين في البلكونه بيشوفوا الكارثه اللي فالشارع بقلق وكان كل واحد فيهم في شئ محيره
زين…لجارهم اللي معاه عمر
عم محمد عايز عيش
جارهم محمد …اه والله يازين انا اعد ابص للشارع بحيره مش عارف اتصرف ازاي البيت مفيهوش لقمه
زين…متحملش هم عيشك معايا😉😉 مسك زين خشب طويل وصله ببعض هو والشباب وفي طرفه ربط الكيس ومده لجارهم فضل يدعيله وابتدا ينادي زين عالناس اللي واقفه يسالهم واللي كان عنده كان يقوله انه مش محتاج ويدي لغيره
استغرق الامر نص ساعه كان اغلب اللي محتاج عيش وصله العيش بتاعه وفضل كل اللي يسمع دوشه ويخرج عالصوت يعرف اللي زين بيعمله يطلب منه والبعيد عنه كان يوصله لحد قريب منه وهما يوصلوا لبعض
اتصل عامر بسهر..
سهر…ازيك يا عامر
عامر…بخير الحمد لله بقولك ايه عندك عيش
سهر…باحراج اه
عامر…هو ايه اللي اه انا بتكلم جد بلاش تتحرجي عندك ولا لا
سهر…بصراحه لا
عامر…بابتسامه بزمتك ينفع تتكسفي مننا بردو يلا هنوصلهولك حاولي تجيبي عصايه مقشه او اي حاجه انتي بعيده عننا هنوصله للي ادامنا وهما يوصلهولك
سهر…بابتسامه تمام بقولك ابه
عامر…قولي
سهر…انتو جدعان بجد
عامر…بغرور دي اقل حاجه عندنا😉😉 يلا سلام
روح حلوه بين الناس دفا وأولفه غير طبيعيه تسامح وحب وترابط صعب تلاقي جار محتاج ومتقفش جمبه
الازمات أتخلقت للجدعان وبس اللي وقت الصعب تلاقيهم واقفين وبيسدوا في اي حاجه والصعب بالنسبالهم مفيش أسهل منه
عدي يومين كمان الدنيا ابتدت تهدا والنجده ابتدت تتواصل معاهم عربيات. لشفط الميه جت وعربيات كهربا كان العمال في كل مكان مديحه وكل اللي في العمره وصلوا مصر بعد ما عرفوا ان السفر مسموح ومفيش قلق عليهم من العاصفه وانها عدت بسلام واعدوا اليوم ده في الشقه اللي زين جهزهالهم من خلال معارفه واخيرا بعد وقت طويل الغمه اتشالت وطلعت الشمس تنور من جديد نزل الكل اخيرا من بيته بعد حبسه دامت حوالي تلات ايام او اربعه الكل بقي يسلم علي بعض وفرحانين وحسوا فعلا بحجم الازمه اللي كانوا فيها …المحلات والعربيات كانت متبهدله حتي البيوت الدور الارضي ومنهم شقه يوسف كل حاجه كانت عايمه علي وش الميه
الكل نزل والكل ساعد
ورشه زين اتبهدلت شباب الحته ساعدوه خلال ال3 ايام زين كان بيحاول يدعمهم بالعيش هو وباقي اللي معاه. ولما الدقيق خلص كل الجيران كانت بتبعتلهم عن طريق الخشب وهما يخبزو ويدوهم
منسيوش موقفه معاهم ساعدوه في الورشه لحد ما رجعت زي ما كانت البنات كلهم راحو ظبطوا شقه يوسف ورجعوها زي ما كانت
فتح عامر محل كريم لاول مره من يوم ما مات يفتحه بنسخه المفاتيح اللي كانت معاه نضف المحل وكأن صاحبه موجود… مر اليوم والشارع اخيرا رجع طبيعي
الكل كان شغال بجد وواقف وقفت رجاله وانتظروا رجوع المعتمرين وجري شباب الحته جابوا دهانات ورسموا علي مدخل كل بيت صوره للكعبه ومكتوب فوقيها عمره مقبوله كا نوع من انواع الترحيب في الحي الشعبي البسيط❣️
واخيرا رجعوا تاني حارتهم وسط اهلهم الكل باركلهم وهناهم بزياره النبي وبرجوعهم تاني وسطهم
خلال ال3 ايام كانت علاقه منار احسن كتير بعامر لكن مكانش في كلام خاص بينهم لوجود الكل معاهم وفالوقت ده كانت بتطمن علي والد انس وانس بيطمن عليها كان مكالمته ليها بتضايق عامر لكن كان بيحاول ميبينش هي لسه خطيبته ومش من حقه يتكلم وفي نفس الوقت هو صعبان عليه أنس فا قرر انه يتجاهل الموضوع مؤقتا لحد ما يخرجوا من الازمه اللي هما فيها وانس يطمن علي والده..
مر حوالي أسبوع واتأجل فرح عادل وشمس ويوسف ومريم لتاني مره لان كان في حجات كتير لسه مخلصتش
وخلال الاسبوع ده حجات كتير اتغيرت ومن ضمنهم علاقه بوسي وصالح اللي اتوترت كتير اوي الاتنين شبه منقطعين علي بعض لكن كل واحد واحد فيهم جواه كلام كتير مستني التاني اللي يفتحه عشان يتكلم
اما عند صلاح وشهد…
بعد الخروج من ازمه العاصفه بيومين تعبت شهد جامد وراح صلاح بيها للدكتور كان شاكك انها حامل
كشفت وعملت تحاليل واستنوا النتيجه بفارغ الصبر وكل واحد فيهم جواه فرحه منتظره ولكن كانت النتيجه سلبيه وانها مش حامل ومجرد برد في المعده
صلاح….طيب يا دكتور هو ليه الحمل متأخر
الدكتور…انتوا بقالكم اد ايه متجوزين
صلاح…يعني داخلين علي 3 شهور
الدكتور…بابتسامه ومستعجل ياراجل انت ا لسه عرسان جداد
صلاح…بحماس ايوه بس يعني حابين نعرف ايه اللي ماخر الحمل
الدكتور ..هي تخاليها كويسه جدا مفيش اي مانع لو انت مستعجل اعمل تحاليل هقولك عليها عشان نطمن ان كل حاجه ماشيه تمام ومفيش اي قلق بس لو مش حابب بلاش
صلاح….لا طبعا حابب معنديش اي مشكله
الدكتور…خلاص هكتبلك التحاليل اللازمه تعملها وتجيبهالي
صلاح…ان شاء الله
خرج صلاح وشهد علب اقرب معمل تحاليل عملوا كل التحاليل اللي طلبها الدكتور
مر يومين كانت النتيجه استلمها صلاح ورجعوا تاني بيها للدكتور….وهنا كانت الصدمه لما عرف صلاح مم الدكتور ان في مشاكل تمنع خلفتهم
حس صلاح ان هو خد قلم علي وشه من الصدمه وكان الحال نفسه عند شهد اللي سكتت متكلمتش
الدكتور…انا اسف اني اقولك كده الاحتمال ضعيف اوي يمكن مع استمرار العلاج يحصل حمل بس المشاكل اللي من النوع ده بتاخد وقت طويل شويه لنا طبعا لازم اكون صريح معاك عشان تكون عارف طبعا حكمه ربنا فوق كل شئ بس لو هنتكلم بالطب وبالتحاليل اللي ادامي الاحتمال ضعيف ولو هياخد وقت هيكون بعد سنه سنتين طبعا ده مع انتظام العلاج
شهد…حست بصلاح اللي متجمع في عينه الدموع وساكت..طيب يا دكتور حضرتك بتقول ان في احتمال وده في حد ذاته حاجه كويسه
الدكتور…اكيد طبعا انا مقولتش انه احتمال معدوم انا قولت ضعيف بس هو محتاج وقت وصبر
شهد…مش مهم احنا اصلا مش مستعجلين هو هياخد العلاج وكل حاجه هتتظبط ان شاء الله.
الدكتور….ان شاء الله كل حاجه هتبقي تمام
شهد…طيب اخر سؤال هو مفيش عمليه ممكن تتعمل
الدكتور…نسبه نجاح العمليه هي نفس نسبه العلاج بالادويه فانا شايف ان الاحسن الادويه بلاش ندخل الجراحه في حاجه نسبتها ضعيفه
شهد….بنفس طويل ان شاء الله خير
بعد وقت بسيط خرجوا من عند الدكتور كان حاسس صلاح انه تايه
شهد…في ايه يالاحه مالك عامل في نفسك كده ليه مفيش حاجه حصلت لكل ده
صلاح….مش هينفع اخلف يا شهد مش هينفع اني ابقي اب ولا هينفع اخليكي تكوني ام وكل ده تقولي مفيش حاجه حصلت
شهد….اولا الدكتور قال ان نسبه الحمل ضعيفه لكن موجوده يعني ده في حد ذاته نعمه يالاحه ولو ياسيدي محصلش حمل اصلا خالص مش مهم كفايه اننا مع بعض ولا ايه
صلاح…بلاش نبره العطف دي ياشهد عشان. بتوجعيني اكتر مش بتخففي عني
شهد…بدموع عطف هو انت شايفني وحشه اوي كده يا لاحه وابتسمت من بين دموعها ولا باسيدي مش عطف ولا حاجه انا بحبك يالاحه ومعنديش استعداد انب اكون لراجل تاني غيرك حتي لو انت سبتني انا مش عايزه عيال يالاحه لو مش هيبقوا منك انا معرفهمش انا اعرفك انت وعيزاك انت هتاخد العلاج يالاحه وهتخف وهنخلف ولو محصلش مش مهم كفايه اني في حضنك هتنتظم في العلاج وربنا هيكرمنا مش هنقول لاي حد اي حاجه ولو حد سألنا هنقول ان احنا تمام بس لسه ربنا ما أرادش
صلاح…مسح دموعه بسرعه.
بنظره جاده ومخيفه لاول مره تشوفها شهد في عينه
صلاح….انا هعدي علي ابوكي واخواتك بليل وهنخلص كل حاجه انهرده ياشهد صدقيني مش هقدر اكمل
صفعه ورا صفعه بتتلقاها شهد 🥺🥺حست بانهيار لكن قطع اب كلام لاحه لما خدها وركبوا وطول الطريق الصمت مخيم عليهم مفيش غير دموع شهد اللي بتجري علي وشها…وصلوا اخيرا البيت نزلت شهد قبله وطلعت تجري عالبيت
وصلت ادام شقه نعمه وفاروق كانت نعمه فاتحه الباب وبتنضف ادامه لمحت شهد بتجري ومنهاره
نعمه…شهد مالك يا بنتي اترمت شهد في حضنها..
نعمه…بصدمه في ايه يا حبيبتي انتي كويسه طب صلاح كويس خرج فاروق علي صوت نعمه وعياط شهد كان صلاح وراها …وجه وراهم صالح اللي لمح شهد بتنزل جري وهي بتعيط
صالح.. في ايه مالكم حصل حاجه ولا ايه بنادي عليك مش سامعني وشايف شهد بتعيط
نعمه…يابنتي قوليلي مالك
انت زعلتها يا لاحه
فاروق…مالكم يا ابني
وقف صلاح ساكت الحزن علي وشه ومش عارف ينطق واتصدم من رد شهد😳
رفعت شهد وشها لنعمه.
كما عند الدكتور وقاللي اني مش هينفع اكون ام قاللي ان الاحتمال ضعيف ومحتاج وقت طويل لحد ما اتعالج
انا مش بخلف يا امي مش بخلف
صدمه اصابت الجميع وخصوصا صلاح 😳
فاروق…اهدي يا بنتي قال ضعيف وكله بايد ربنا عادي مش نهايه الدنيا
نعمه…بطيبه وايه ياعني اتعالجي وهتبقي زي الفل يابت عامله في نفسك كده ليه عياطك وزعلك ده هيأخروا الخلفه اكتر سبيها علي ربنا وابدأي العلاج وهتبقي زي الفل وتملوا البيت عيال انتوا لسه صغيرين
صالح…امي عندها يا شهد عادي بتحصل واحنت لسه متجوزين من فتره بسيطه من هنا لحد ما تاخدي العلاج اعتبروا ياستي انكم مأجلين الخلفه بمزاجكم ولا ايه يا لاحه
صلاح…كان واقف مش عارف يقول اي حاجه مش قادر يكدبها وفي نفس الوقت الموقف صعب عليه كا راجل والاهم من ده موقف شهد اللي صدمه وقررت انها تطلع العيب منها هي عشان هو ميضايقش
صالح…بغضب من صمته 😡ماتقول حاجه.
صلاح….ان شاء الله اللي عايزه ربنا يكون هنخلف ياشهد وربنا هيركمنا وهنملي البيت عيال
أبتسمت شهد براحه وحست ان كلامه وراه مغزي انه هيتعالج ومش هيسبها
بعد وقت بسيط كانوا في شقتهم
صلاح…عملتي كده ليه ياشهد
شهد…بدموع انفجرت عشان مش هسيبك يا لاحه مش هبعد عنك انت عايز تسبني عشان اشوف حياتي واخلف عيال انا معرفش عنهم اي حاجه غير اني هجيبهم من راجل تاني غيرك وانا مش هعمل كده عشان لو سبتني هموت يا لاحه مش هسيبك يالاحه ومش هسيب بيتي اللي فضلت احلم بيه معاك مش هسيب كل تفصيله اخترانها سوا مش هرمي حب سنين عشان مجرد طفل قولتهالك يالاحه وهقولهالك تاني الطفل ده لو مش منك مش عيزاه بس والنبي يالاحه متسبنيش
نزلت دموع صلاح فالوقت ده وشدها في حضنه من غير ولا كلمه وفضلت هي تعيط بوجع 💔
……
عدي كام يوم اقترح ادهم وهيما علي والدهم موضوع جوازه وفضلوا يقنعوه كتير كان كل اعتراضه علي حبه لزوجته وام اولاده حاولوا معاه كتير ومن ناحيه تانيه اتفقت توته مع اخوانها وفضلوا يقنعوا فيها
وكان من جواها فرحانه ومتقبله الفكره جدا
فتح احمد العربي الموضوع ادام رجالت الحته
الكل شجعه وخصوصا حاج سعيد
حاج سعيد….وماله الجواز مش عيب ياريت الست دي تعبت اوي ومحتاجه ترتاح وتلاقي السند وانت كمان بقيت لوحدك ولادك اتجوزوا
حسني….حاج سعيد عنده حق انت محتاج الجوازه دي زيها
فاروق….اتوكل علي الله وربنا يكرمكم يارب
انتشر الخبر بسرعه بينهم وبين بعضهم
مديحه وناريمان ونعمه وفاطمه كانوا فرحانين لسهير من قلبهم واتفقوا وخلصوا كل حاجه واتفق معاها احمد ان الجواز هيتم يوم فرح شمس عشان تبقي اطمنت عليها وترجع معاه علي بيته وتفضل شقتها موجوده ليها ولبناتها وكان حل مرضي ليها وافقت عليه والكل هناهم وباركلهم❣️❣️❣️وحددوا معاد الفرح بعد اسبوع
في المساء
خرجت بوسي من اوضتها كان صالح بيتفرج عالتلفزيون
بوسي…صالح انت فاضي
ضالح..ظمن غير ما يبصلها ايوه يابوسي
بوسي…بملامح حزينه طيب انا محتاجه اتكلم معاك
قفل صالح التلفزيون وبصلها
صالح…وانا سامعك
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)