حب رغم الفوارق الاجتماعية الفصل الخامس عشر 15 بقلم زهرة عصام

حب رغم الفوارق الاجتماعية الفصل الخامس عشر 15 بقلم زهرة عصام

حب رغم الفوارق الاجتماعية البارت الخامس عشر

حب رغم الفوارق الاجتماعية الجزء الخامس عشر

رواية حب رغم الفوارق الاجتماعية الحلقة الخامسة عشر

بعد أن انتهي من سرد ما حدث معه لها و بخاصة عن ذالك العشق الذي ادخره و لم يستطع الإفصاح عنه .. نظر إليها قائلا لو هتلوميني يبقي متتكلميش أحسن .. عارف إن صعب نبقي مع بعض بس مش بايدي يا شجن حبيتها و انتهي الأمر .. نظرت له الأخري بابتسامة هادئة و قالت و مين قال اني هلومك يا حبيبتي.. لا دا انا هشجعك كمان .. نظر إليها باستغراب فهزت رأسها مشجهه إياه .. أيوة هشجعك .. طلما لقيت الحب الصادق يبقي اتمسك بيه و حارب عشانه .. انا و انت عارفين انك كنت قافل قلبك لحد ما تلاقي اللي ترتحلها و تتأكد أنها قد الثقه و أنها تقدر تشيل اسمك صح .. و طلما لقيتها يبقي اتسمك بيها لأخر لحظة يا صخر لان لو خسرتها هتبقي خسرت حاجات كتير أوي.. اتمسك بيها و حاول معاها مره واتنين و عشرة لحد ما تسامحك و تصفالك .. لاني دلوقتي مجروحه منك و مش هتتقبل أي عذر مهما كان ..
صخر وانتي عرفتي ازاي انها مش هتتقبل يا ام العريف
شجن بثقة علشان انا بنت زيها و فاهمه إحساسها دلوقتي… هي دلوقتي بتحاول تقوي نفسها و تنساك .. عليك انت بقي تظهرلها في كل مكان و تعتذر لها خليها تسامحك و روح اطلبها من باباها تاني بس المره دي مش صوري قدام الناس.. المره دي تبقي بجد
تنهد صخر بتعب قائلا أنا شكلي داخل على مرار يا شجن .. من جهه ابوكي و امك و من جهه أروي و اللي هتعمله انا عارف انها عنيدة جدآ ..
رتبت شجن على كتفه قائلة متقلقش يا صخر انا معاك و جمبك و لو تحب اروح اتكلم مع اروى بنفسي مش هتردد في كدا .. و اهو بالمره اشوف اللي قدرت تخطف قلب اخويا شكلها عامل ازاي
صخر بحماس عاوزه تشوفيها تعالي .. أخرج هادفه و فتح استوديو الصور و اعطي الهادف لأخته تتفحصه ..

شجن صخر انا عاوز الفلتر اللي بيلون العيون دا .. بس تصدق سبحان الله الألوان كلها لايقة عليها
نظر إليها لحظة ثم دخل بنوبة ضحك لا مثيل لها فكانت صوت ضحكاته تملئ المكان .. صخر من بين ضحكاته قائلاً بس دي ألوان عيونها الحقيقة يا شجن .. لحظة و كانت تنظر إليه بفم مفتوح بعض الشئ ثم قالت انت بتهزر ألوان عيونها ازاي
صخر بهيام بصي يا ستي هي عيونها الحقيقة لونها ازرق .. لما بتفرح قوي لونها بيفتح .. و لما بتزعل لونها بيخصر لحد ما تتحول لأسود .. في لون كمان بس مش بيطلع غير لما تبص لحد نظرت حب .. بس لسه محدش اكتشف اللون دا .. اخوكي بقي بعون الله هيكتشفه و هيكون دا لونهم الخاص
شجن انا دماغي عملت ايرو روح نام الهي ربنا يسترك روح
صخر بصوت منخفض خلي امك تسمعك و انتي بتقولي إلهي ربنا يسترك دي و شوفي هتعمل اي
لوت شجن شفتيها بغيظ ثم أخذت تردد كلام غير مفهوم
💕 لا اله الا انت سبحانك اني كنت من الظالمين 💕
ذهبت إلى منزل عمها في محاول لانتزاع اي شئ يخص غزل .. دلفت الي الداخل و هي تتلفت حولها كاللص .. دلفت الي غرفتها بسرعة البرق و أخذت تقلب باغراضها فأحدث الفضوضي دون قصد .. الي أن عثرت على بلوزه لها فأخذتها و اخفتها تحت ثيابها .. همت بفتح الباب و لكن سبقتها غزل ففزعت الأخري منها
غزل بسخرية أقدر اعرف حضرتك بتعملي اي هنا في اوضتي يا تنت
سلوى بتوتر والله دا بيت عمي يعني ادخل في الاوضة اللي تعجبني مش حتت بت زيك اللي هتعرفني اروح فين و اجي منين
غزل صحيح قله الذوق منك مش هتختفي ابدا ثم أكملت بخبث اي رأيك انادي جدو وهدان و اعرفه اللي بتقوليه دا و يقرر هو بقي اي الصح و اي الغلط .. وألا انادي دكتور وحيد احسن
سلوى بخوف داخلي و لكنها أظهرت عكس ذالك نادي يا حبيبتي انتي هتهدديني .. انا مجتش جمبك
غزل بصرامة و بالنسبة انك في اوضتي دا تسميه اي
ازاحتها سلوي من طريقها ثم تحركت للخارج على عجالة و قالت غوري من وشي بقي انا ناقصة قرف .. توجهت إلى الخارج بينما دلفت غزل إلي غرفتها ورات الفوضى بها فغضبت و ذهبت خلفها لتوبخها مره اخري .. كانت سلوى تسير بسرعة الي أن دخلت بطريق مقطوع .. فاستغربت غزل ذلك بشدة و لكنها أحبت تلك المغامرة فسارت خلفها دون تفكير .. دلفت سلوى الي منزل تلك المرأة التي تجردت من معنى كلمه الإنسانية .. فلو كانت تعرف الله لما فعلت تلك الأفعال الشنيعة .. تخفت غزل تحت نافذة كانت مفتوحة قليلاً ثم نظرت منها فوجدت سلوي تخرج من ثيابها بلوزتها .. صدمت غزل من المنظر و …
💕 لا اله الا انت سبحانك اني كنت من الظالمين 💕
استدعي محمد ابنته قائلا أنا عارف انك مجروحة يا بنتي و انا مبقولكيش متزعليش لا ازعلي و خرجي كل اللي جواكي لكن متسمحيش لزعلك دا أنه يأثر عليكي مهما كان اي .. خلي حلمك قدام عنيكي كل ما تحسي انك مش قادره تكملي و انك هتنهاري بصي لقدام و لحلمك اللي تعبتي عشان توصيله .. انتي اهملتي دراستك حتي الكلية معنتيش بتروحيها .. طب ينفع حلم سنين بروح قدام عنيكي كدا و انتي واقفة تتفرجي و خلاص .. متخليش فترة زعلك تطول لأن الضرر مش هيصيب غيرك انتي .. و خليكي واثقة اني معاكي و في ظهرك في أي قرار تاخدية شرط انك تتحملي نتيجته

نظرت أروي إلي والدها بابتسامة قائلة و انا راجعة كليتي من بكره يا بابا .. ثم نظرت إلي الفراغ مكمله حديثها صحيح اني مجروحة اوي .. بس دا لأني حسيت اني غبيه أوي يا بابا .. طبتي الزيادة مع الناس بتخليهم يدوسوا عليا و يجرحوني من غير ما يعملوا حساب لمشاعري ..ما أروي بتسامح بقي .. انا خلاص قررت إني مش هكون طيبة تاني .. هيشوفوا أروي جديده .. ثم اسودت عينيها أروي مبتسامحش حد بيدوسلها على طرف
محمد بصي يا أروي كلمتين هقولهملك نصيحة للزمن من راجل عجوز شاف كتير اوي .. حلو إن الواحد يتغير لكن لازم يعرف الأول هيغير اي في نفسه .. عشان ميندمش في الآخر .. طبتك الزيادة دي شئ مش وحش لا بالعكس شئ جميل جدا .. كفاية أنها صفه من صفات رسول الله بس مع اللي يستاهلها .. اتاكدي من الأشخاص في حياتك و اللي يستاهلوا يكونوا في حيات أروي .. اتاكدي عشان في زمنا دا كله بيدور على مصلحته حتي لو على حساب غيره و انتي اكتره واحده مجربة دا .. ارتمت باحضانه قائلا ربنا ما يحرمني منك ولا من حنيت قلبك عليا ابدا يا بابا
محمد ولا يحرمني منك و اشوفك دايما احلي و اعلي الناس و يريح قلبك قادر يا كريم .. يلا قومي ذاكري و خليكي قوية و ثابته كدا مش أروي بنتي اللي تتهز ابدا .. تتطلعت إليه ببسمة و قد ولد بداخلها امل جديد لمواجهة تلك الحياة بتحدياتها.. نظرت إلي الحياة بتحدي علي انها ستلقي كل ما حدث خلف ظهرها و تبدأ من جديد فهل ستنتهي القصة الي هنا لم سيكون للقدر كلمة أخري
💕 لا اله الا انت سبحانك اني كنت من الظالمين 💕
دلفت إلي منزلها و هي تسب و تلعن ذلك الدكتور فظلت تتحدث مع نفسها قائلة عامل امتحان محدش عارف يحله غيره .. دا اي القرف دا بقي .. اومال لو كان دكتور المادة كان عمل فينا اي جاب اجلنا .. ثم رفعت يدها داعيه يا رب يا تصبرني عليه يا تخليه يبعد عني .. صدق صح يا رب انا آسفة في الدعوة اللي فاتت أبعده عني و خلاص اللي هيجبلي شلل مبكر دا و انا لسه صغيره عاوزه اتجوز .. كانت تقف تسمع الي ما تهزي به ابنتها الي أن هتفت بكلمه زواج فصاحت قائلة يختي يا رب تتجوزي و نخلص منك .. دا انا همضية في القسيمة علي بند البضاعة لا تستبدل و لا تسترد ..
سجده بخضة بيطلعوا منين دول بس يا ربي محدش يعرف ياخد خصوصيته في البيت دا .. كنت منسجمة و عايشه الدور يا ماما مش كدا و بعدين انا سترونج اندبندنت وومان و مش محتاجه راجل في حياتي
لوت اسماء شفتيها بخيبه امل قائلة و انتي لاقية حد يعبرك يا بايره غوري ادخلي اوضك هتفقعيلي مرارتي قال سترونج اندبندنت وومان قال
سجده بصراخ دا بدل ما تواسيني أنتِ ام أنتِ انتي ام قاسية .. خرج عمر في هذه اللحظة و بيده طبلة يضرب بعيها و يعني انت قلبك قاسي اوي و اوي انت مش بتحس كدا و كدا رجب حوش صاااااا ينهار ملحوث الشبشب يا بت اجري .. كاد أن يفلت إلي غرفة مره اخري و لكن قد ناله الشبشب .. فصاح قائلا تسلم ايدك يا سيد المعلمين عيبك انك بتعرف تنشل في الجون
نظرت إليهم اسماء بقرف و قالت عوضي عليك يا راااااب .. ثم دلفت الي الداخل قبل أن تصاب بالجلطة
سجده امك دي يا اما هتموت مفروسة يا اما هتموت مفروسة
عمر تفتكري تموت مفروسة
سجده بثقة مهو طول ما احنا وراها مش هتشوف يوم عدا انا عارفه

نظر إليها عمر بقرف مصطنع قائلا انتي واقفة ترغب معايا كدا عادي .. انتي لازم تاخدي معاد مني قبل ما تكلميني انتي بتكلمي فرد مهم جدا في الدولة لعلمك
سجده و بتعمل اي بقي سيادتك للدولة عشان تكون مهم للدرجادي
عمر انا ظابط يا بنتي انتي مش عارف وألا اي
هبه من الخلف ظابط ايقاع ايهيهيهيهاي
عمر بسخرية سافلة
نظرت إليهم سجده بقرف ثم دلفت الي غرفتها موصدة الباب خلفها بقوة
💕 لا اله الا انت سبحانك اني كنت من الظالمين 💕
كانت تجلس بغرفتها تبكي كعادتها طول الاسبوع الماضي فدلفت إليها والدتها قائلة و بعدين معاكي بقي يا مها .. انتي اهملتي دروسك خالص كل اللي انتي بتعملية انك بتعيطي .. طب هل يا تري الدموع هترجع اللي راح ؟! بصي لنفسك يا بنتي و بصي لمستقبلك بقي ..
مها مش قادره طول ما بيجاد زعلان مني مش قادره اعمل حاجة
– و مين قالك إن هو لسه زعلان منك .. دا حتي سايبلك فلوس الدروس النهاردة .. قومي خدي دوس و روحي دروسك و استهدي بالله عرفية انك اتغيرتي بافعالك مش بانك تقعدي تعيطي علي اللي فات
نظرت مها الي والدتها و قد لمعت عينيها بوميض امل جديد عل اخيها يسامحها ذات يوم .. أصرت على التغير نعم لن تستطيع الرجوع إلى هنا من جديد .. و من المؤكد أن باقي صديقاتها تستعر منها إلا أنها أصرت أن تثبت لأخيها أن اخته بل طفلته التي رباها ما زالت موجودة
من الواد أن يخطأ الإنسان و لكن عليه الاعتراف بذالك أمام نفسه اولا حتي يستطيع أن يصلح تلك الخطأ .. و إن حدث فتلك هي الخطوة الأولى في طريق الإصلاح …

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية حب رغم الفوارق الاجتماعية)