رواية ريم الفصل الخامس عشر 15 بقلم فريدة سيد
رواية ريم الفصل الخامس عشر 15 بقلم فريدة سيد
رواية ريم البارت الخامس عشر
رواية ريم الجزء الخامس عشر
رواية ريم الحلقة الخامسة عشر
ريم:موافقه
ريم في نفسها…
بدأ اللعب يا عبدالرحمن و مش هتفلت من تحت ايدي
نظر لها عامر نظرة لم تتمكن ريم من تفسيرها… ثم قال بسعاده كبيره
عامر باللغه الاسبانيه:من دلوقتي سما بقيت خطيبتي
تعجبت ريم كثيرا فكل الموجودين لم تراهم من قبل فهي لم ترا سوا مايا و مونيكا فمن هؤلاء؟…
احتفل الجميع بهم و انتهى اليوم و عاد كلا منهم لغرفته و حجز عامر غرفة خاصة لسما و اصبحت في غرفة وحدها …
~~~~~~~~~~~~~~~~~~~~~~~~~~~~~~~~~~~~~~~~~~~
يوسف…
كنت متنح موافقه ازاي دي مش بتط*يقه .. ازاي موافقه ازاي؟… اول حاجه عملتها اني مشيت من غير ولا كلمه… انا زعلان ليه؟ انا مش كنت نسيتها دخلت حياتي تاني ليه؟.. انا محبتهاش… انا مكلمتهاش غير مرتين باين… طب ليه حاسس بالشعور ده… و بعدين دي واحد صاحبي … يوسف انت عبيط؟… انت حبتها يا اهبل… متطلعش عيوب كذابه لأن اكتر حاجه عجباك فيها انها واحد صاحبك …. بكذب على مين انا…. ليه حبتها يا يوسف.. انت مينفعش تحب ولا هي تنفع … حبتها ازاي من كلمتين … انساها… بس اكيد محبتش عامر انا متأكد… بس هي خطتها عبدالرحمن عايزه عامر ليه؟….. نفوخي يا عااالم
~~~~~~~~~~~~~~~~~~~~~~~~~~~~~~~~~~~~~~~~~~~~~
في فيلا فارس و هاجر
فارس: انت بتهزري يا هاجر.. انت عايزه تسافري ليوسف و معاكي العيال
هاجر: و ايه يعني هو مسافر شغل و احنا هنتفسح معاه حتى يورينا الشركة الجديده
فارس: يا هاجر مينفعش مينفعش يا حبيبتي هو هناك هيبقى مشغول و مش هيركز معاكي و انا مقدرش اسيبك لوحدك و مش هقدر اجي معاكي عشان الشغل الهنا
هاجر: طب ما انا زهقت يا فارس انا مش بشتغل لأني حملت بدري و قولت اقعد معاهم بس انا زهقت من القعده ده حتى العيال بيروحوا الحضانه و انا لا انا تعبت من القعده في البيت ده لوحدي مش بعمل حاجه (و ظلت تبكي)
فارس: ونبي ما تعيطي… انا مبستحملش دمعه منك.. و يا ستي لو على الزهق انزلي الشغل انا مش هحرمك منه و اول ما يوسف يجي هاخد اجازه و نخرج كل يوم يا جميل (و غمز)…
هاجر بفرحه طفوليه: بجد يا فارس يعني انت معندكش مشكلة في اني اشتغل؟
فارس: انا عندي مشكلة في انك تبقى زعلانة… انا عندي كم هاجر يعني؟
جريت هاجر و عانقته بشده
~~~~~~~~~~~~~~~~~~~~~~~~~~~~~~~~~~~~~~~~~~~
في غرفة ريم…
صليت فرضها و قرأت وردها و دعت لشيماء
ريم…
الخطه اتغيرت و حصل المكنش في البال و الاهبل عايز يتجوزني… فاكرني مش عارفه هو عايز يتجوزني ليه بس ملحوقه… و طبعا هيرجع يراقبني تاني و يراقبني اكتر من الاول و ده الانا عايزاه بس اصبر لي … و يا انا يا انت يا عبدالرحمن.. كان نفسي تكونوا معايا
نامت ريم بعد تفكير طويل منها
~~~~~~~~~~~~~~~~~~~~~~~~~~~~~~~~~~~~~~~~~~~~
في صباح تاني يوم في الشركة…
دخلت سما الشركة في ميعادها و طلبها عبدالرحمن في مكتبة..
سما: خير يا فندم
عبدالرحمن: اكيد انت معندكيش مشكلة في السفر صح
سما: اه فعلا .. بس ليه
عبدالرحمن: انت هتسافري معايا و مع كذا موظف في الشركة عشان هنعمل صفقه مهمه جدا
سما : تمام بس هنقعد هناك قد ايه و فين؟
عبدالرحمن: احم احم احنا هنروح امريكا و هنقعد حوالي شهرين
سما: تمام يا فندم انا معنديش مشكلة هي امتى؟
عبدالرحمن: بعد شهر و نص
سما: تمام يا فندم … اي حاجه تانيه؟
عبدالرحمن: لا اتفضلي انت
سما: عن اذنك
خرجت ريم من المكتب و ظلت تعمل حتى دخل عامر عليها
عامر: ازيك يا قمر
سما: الحمدلله انت عامل ايه
عامر: زي الفل مادام انت راضي عني يا جميل
سما: في حاجه
عامر: عايز نخرج
سما: بس احنا ملناش لسه علاقة ببعض
عامر بعصبيه: مش هنعمل اي حاجه ده مكان عام و في ناس كتير و مش هتعدى حدودي
سما بتمثيل التوتر: حاضر حاضر بس بعد الشغل
عامر: انا ابن صاحب الشركه على فكره ف عادي
سما: معلش برضو انا ورايا شغل كتير
عامر بتذكر: يووووه ماشي
ريم…
هو وافق بسرعه كدا ازاي انا توقعت انه هيدي لي شخطتين كده ولا حاجه..
انهت ريم عملها و ذهبت مع عامر لكافيه هادئ…
سما: احم احم هو انا ممكن اسأل لك سؤال
عامر: اتفضل يا طعم
سما: هو … احم يعني هو
عامر: اخلصيي
سما: احم هو مستر عبدالرحمن عارف جوازنا؟
عامر ببرود: لا
سما: اومال مين يعرف
عامر: دي هتعرفيها بعد الجواز يا قطه
سما: مش فاهمه حاجه
عامر: ما بلاش اسئله كتير عشان بتعصب
سما: حاضر انا اسفه
عامر: بقولك انت سبتي البلد ليه؟
سما: سبتها عشان مش بحبها
عامر: مش فاهمك
سما بغل: عشان مش بحبها يعني .. مش بحسها بلدي مش بنتمي ليها يعني … بحسها ظال*مه للكل و لأني عشت فيها اسود ايام حياتي كره*تها
عامر بشك: اشطا فهمتك
سما: تمام…
ظلوا بتحدثوا حتى ذهب كلا منهم لمنزله
~~~~~~~~~~~~~~~~~~~~~~~~~~~~~~~~~~~~~~~~~~~~~~
في غرفة يوسف…
صلى يوسف فرضه و قرأ ورده و ذهب لسريره ثم سمع رنين هاتفه
يوسف: عايز ايه
عامر: خرجت معاها
كان يوسف ينفجر من الغيره ولكن حاول السيطرة على اعصابه..
يوسف: و وافقت عادي
عامر: هي الطلبت مني اصلا
يوسف: ايه ده ازاي احكي لي
عامر: مفيش يا سيدي دخلت عليا المكتب بتاعي و قعدت تتد*لع كده و قالت لي انا زهقانه اوي من الشغل ارجوك خرجني رفضت في الاول و بعد زن منها وافقت و كانت عايزه تزوغ من الشغل بس على مين قولت لها مش عشان انا ابن صاحب الشركة امشي بدري خلصي شغلك و بعد الشغل نخرج
يوسف: دي طلعت بتضحك علينا يسطا مش محترمه زي ما كنا فاكرين
عامر: بس عبيطه فاكرانا هنتجوز بجد
يوسف: معلش عيد تاني كده عشان مش فاهم انت مش قولت هتتجوزها عادي
عامر: حقيقه.. بس غيرت رأيي
يوسف: مش انت قولت لأبوك و الشركة و كله ازاي هتعمل الفي دماغك
عامر: مين قالك ان ابويا عارف .. و مين قالك ان الشركة الكانت معانا ؟… دول ناس انا مأجرهم و مجبتش حد من الشركة غير الاتنين الكانوا معاها في الاوضه عشان متشكش
يوسف: طب و ضمنت منين ان الاتنين دول مش هيقولوا لحد
عامر: دي طرقتي الخاصه بس هقولك …
فلاش باك.
عامر: مونيكا مايا تعالوا
مونيكا بدلع: في حاجه يا مستر عامر
عامر: اه في اسمعوا انا هطلب الجواز من سما
مونيكا: ايهه طب و انا احم اقصد دي مش حلوه عايزها ليه؟
عامر:يمكن مش حلوه فعلا لكن رفضت حاجه انا طلبتها منها و ده مينفعش ف همثل عليها اني هتجوزها و الباقي ميخصكوش
مونيكا بشر: لو هتأذيها ف هعمل الانت عايزه
مايا: و المطلوب
عامر: انا هقولها اني هطلب الجواز منها قدام الشركة كلها بس طبعا مفيش حد من الشركة غيركم عشان متشكش و محدش هيعرف غيركم المطلوب بقى انكم متقولوش لحد
مايا: و المقابل
عامر: الانتم عايزينه
مايا: انا عايزاه 50000
مونيكا: عايزاك انت
عامر: اتفقنا
باك..
يوسف: يا ابن الايه يا عامر
عامر: لسه معرفتنيش
يوسف: بجمع واحده واحده المهم كنت عايزك في خدمه
عامر: هي ايه يا بتاع مصالحك
يوسف بتوتر:•••••
عامر بتوتر: ••••••
~~~~~~~~~~~~~~~~~~~~~~~~~~~~~~~~~~~~~~~~~~~~~
في غرفة ريم …
ريم…..
يعني لازم اتنيل اكلم عم سلطع ده … هكلمه و امري لله
عامر: ايه ده القمر بيتكلم اول مره اشوف القمر بيتكلم… عايز ايه يا جميل
سما: احم احم يعني .. هو
عامر: سما انا خلقي ضيق انجزيي
سما: مستر عبدالرحمن عايزني اسافر معاه كمان شهر و نص
عامر: يبقى نتجوز و بعدين تسافري
سما: لا طبعا اسافر واخلص من كل ده عشان اخد اجازه براحتي انا مش بحب التسرع
عامر ب وقاحه: بس انا بحبك انت
سما: لو سمحت بطل الانت بتعمله ده
عامر: مش هبطل ابدا طول ما انت معايا
سما: ايه ده يلاهوي انا لازم اقفل سلام
عامر: سلام
عامر….
اصبري لي يا سما
ريم….
اووف انسان بااارد و مس*تفز و لز*ج جتك القر*ف
~~~~~~~~~~~~~~~~~~~~~~~~~~~~~~~~~~~~~~~~~~~~~~
مر شهرين على ابطالنا و سافرت ريم مع عبدالرحمن و بعض موظفين الشركة لأمريكا …. و في يوم ذهبت ريم لغرفة الاجتماعات و سمعت …
عبدالرحمن: احنا عرفنا ان مصر بتعرف معلومات عن طريق اتنين و قريب هنعرف هما مين بس نصيحة مني ليهم يقولوا هما احسن ما نعرف احنا… و كمان في معلومات عرفتها عن طريق الظابط منير لازم نقولها ليهم بس محتاجين خطه محكمه
دخلت ريم عليهم فجأة بدون مقدمات
ريم بتوتر: انا سمعت كل حاجه
عبدالرحمن:••••••••
يتبع …
لقراءة الفصل التالي : اضغط هنا
لقراءة جميع فصول الرواية اضغط على ( رواية ريم )