رواية دارين الفصل الثاني 2 بقلم آلاء حجازي
رواية دارين الفصل الثاني 2 بقلم آلاء حجازي
رواية دارين البارت الثاني
رواية دارين الجزء الثاني
رواية دارين الحلقة الثانية
كنت قاعدة ف اوضتي بليل وبتفرج ع الفون ع صور ، وجات صورة اتصورتها الصبح انا وعامر واتصدمت لما شوفت صورتنا…. ايه ده؟؟
انا كنت في الصور لوحدي ، فتحت باقي الصور بتاعتنا لاقيتها كده كلها ، مافيش ولا صورة ليه معايا ، بقيت بقلب ف الصور بهستريا جامدة بدور علي صور عامر ، ازاي ؟؟
استنيت النهار طلع وروحت لمريم احكيلها وسمعتني باهتمام جداا وردت عليا : اها ، معلش يا دارين….أو ممكن فونك فيه مشكلة محتاج يتصلح
استغربت من رد فعلها بارد جدااا ، كأني بحكيلها شئ عادي خالص
دارين: معلش؟ مريم هو انا بحكيلك ان ضافري اتكسر….اتضايقت جدا ومشيت
مريم : استني بس يا دارين اهدي
مشيت وانا بعيط مش عارفة ليه وعشان ايه بس شعور عدم الفهم واللغبطة ده صعب جداا ، ركبت عربيتي وروحت ، بتصل ب عامر
“الرقم الذي طلبته غير موجود ، من فضلك تأكد من الرقم واعد المحاولة”
ضحكت بهستيريا
ورميت الفون ع الارض
عدت الايام وانا بدور علي عامر فكل مكان ، كان ١٠ شهور معايا ف كل دقيقة وكل لحظة ، بقيت شايفة الناس كلها هو؟ طب راح فين؟
نمت وانا بعيط جامد ف الضلمه لحد ما بدأت اروح ف النوم
حلمت بعامر محبوس ف اوضة كلها حديد ، وانا واقفة قدامه وبقوله انت فين كل ده يا عامر وبحاول افتح له واحرره ، وهو بيقولي استمري يادارين اوعي تستسلمي ، حربيهم عشان نتجوز انتِ عارفة اني بحبك
وع الناحية التانية شوفت مريم ومعاها واحد بتقولي بلاش تخرجيه يا دارين ، اوعي تعملي كده
عامر :دارين مريم بتغير منك ومن حبنا لبعض يلا خرجيني
كنت بحاول اخرجه وبحاول اكسر الحديد ، وع الناحية التانيه بلاقي مريم والراجل ده بيتأذوا جامد ونار بتحاوطهم وعامر بيضحك
بقيت واقفة بينهم مش عارفة اعمل ايه؟؟ مريم صاحبتي وزي اختي
وعامر الشخص الوحيد اللي حبيته
وعامر عمال يقنعني ان مريم بتغير مني ومش بتحبني وانا واقفة بعيط مش عارفة اتصرف
عامر: يلا يا حبيبتي “بحبك يا دارين”
وصحيت من الحلم ع جملة “بحبك يا دارين ” ورجعت اسمعها جوايا بعد ما كنت بطلت اسمعها اصلا من وقت اختفاء عامر
قعدت ع طرف السرير اعيط ، وقومت صليت الفجر”يارب انا تعبت ومش فاهمه اي حاجه دُلني وارشدني يارب ، وفضلت ادعي و أقرأ قرآن”
بعدها بكذا ساعة لاقيت مريم جاية ومعاها…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية دارين)