رواية 30 يوم حياة 3 الفصل السابع 7 بقلم أميرة أسامة

رواية 30 يوم حياة 3 الفصل السابع 7 بقلم أميرة أسامة

رواية 30 يوم حياة 3 البارت السابع

رواية 30 يوم حياة 3 الجزء السابع

رواية 30 يوم حياة 3 الحلقة السابعة

في صباح يوم جديد..
اتصل يوسف علي مريم.
يوسف…الووو
مريم….الووو
يوسف…ايه يا مريم انتي لسه نايمه ولا ايه
مريم…لا يا حبيبي انا صاحيه
يوسف…امال مال صوتك عامل كده ليه
مريم….مفيش بس صحيت علي خبط جامد في ضهري وعندي مغص
يوسف…من ايه انتي نايمه كويسه
مريم…مش عارفه يا يوسف
يوسف…طيب ارجعلك اوديكي للدكتور
مريم…لا مش مستاهله الوقت ابقي كويسه
يوسف….لو تعبانه اجيلك احسن يحصل حاجه
مريم….لا صدقني لو في حاجه هكلمك
يوسف…طيب ريحي خالص ومتعمليش اي حاجه في البيت وانا انهارده هرجع بدري وهجيب اكل وانا جاي
مريم….ماشي يا يوسف
يوسف…بقولك ايه مطلعتيش روحيه
مريم…لا انا لسه صاحيه من عشر دقايق لما كلمتني كنت خارجه من الحمام كنت هلبس وانزل اجيبها
يوسف….لا متجيبهاش خلاص انا هكلم خالتي مديحه تاخدها وريحي انتي انهارده
مريم….ماشي يا حبيبي
يوسف…خلي بالك من نفسك
ولو حسيتي انك تعبتي اكتر كلميني علي طول وانا هتصرف
مريم…ماشي
يوسف…يلا سلام
مريم…سلام.
…….قفل معاها يوسف واتصل علي مديحه.
مديحه….ايوه يا يوسف
يوسف….ازيك يا خالتي
مديحه…الحمد لله يا حبيبي بخير
يوسف…بقولك يا ديحه انتي فاضيه ولا مشغوله

 

 

 

مديحه…لا فاضيه يا حبيبي هيكون ورايا ايه وعد في الشغل وزين في ورشته
يوسف…طيب ينفع تروحي تاخدي روحيه وتبصي عليها بصه
مديحه….عيني طبعا اخدها اهي تسليني بدل مانا انده لوحدي كده متشلش هم يا حبيبي
يوسف…ربنا يخليكي ليا يارب اصل كلمت مريم لقيت صوتها تعبان اوي وبتقولي ان عندها مغص وفي خبط في ضهرها وانتي عارفه روحيه لو طلعتلها مش هتأعدها ثانيه وفنفس الوقت انا قلقان علي روحيه
مديحه…لا يا حبيبي هخدها انا متشلش هم انت وهليك في شغلك والف سلامه علي مريم معلش هي اول مره بتبقي تعب كده بس بردو اتصل علي امها تروحلها تأعد معاها
يوسف…ماشي هكلمها تروحلها بس ابقي طمنيني علي روحيه
مديحه…حاضر متقلقش هطمنك هلبس و اروحلها
يوسف….ماشي يا ديحه تعبك معايا انا وامي حقك عليا
مديحه…ياواد متقولش كده دي روحيه دي حبيبتي مقدرش استغني عنها وانت زي زين يا يوسف
يوسف…ربنا يديمكم في حياتي يلا مش هعطلك انا
مديحه….ماشي يا حبيبي هطمنك يلا سلام
يوسف…سلام.
………..
عامر….الووو ايه يا حبيبي خلصتي
منار….خلاص بكمل لبس اهو انت خلصت
عامر…اه خلصت هنزل انا تحت ابص عالشباب كده لحد ما تنزلي
منار….ماشي يا حبيبي
عامر….انجزي بس عشان نلحق نبص علي كذا مكان قبل ما الدنيا تليل
منار…متقلقش نازله وراك علي طول
عامر…تمام يلا سلام
…..
نزل عامر تحت
عدي علي ابوه وصالح ولاحه وراح وقف مع زين
زين…رايح فين ياض
عامر…هروح اشوف المكان اللي هعمله أستديو انا مش قولتلك
زين….اه صح انا نسيت صحيح هو المكان ده هيبقي شقه يعني ولا ايه انا مش فاهم
عامر….اه بتبقي زي الشقه كده اوضه فيهم بتبقي للتسجيل واوضه مكتب انا فمرت بدل ما اروح اي استديو اسجل فيه يبقي ليه معملش حاجه خاصه بيا هتنفعني انا وإيهاب والواد أنس
زين….فعلا فكره حلوه ربنا يوفقكم يارب..
مديحه…ازيكم يا ولاد
عامر….ازيك يا ديحه
زين…علي فين يا امي
مديحه…راحه اجيب روحيه
عامر….قلبي عندك يا خالتي😂
مديحه….هقولها يا عامر تخرج بالعصايه
عامر….لا خلاص انا اسف😂
سابتهم مديحه ودخلت علي بيت روحيه فتحت الشقه بالمفتاح ودخلت
مديحه…روحيه يا روحيه انتي فين هي الوليه دي فين والنور مقفول في الشقه كلها كده ليه.
دخلت مديحه عالاوضه بتاعتها فتحت النور لقتها نايمه عالسرير.
مديحه….ايه ده مش بعادتك يا روحيه تفضلي نايمه لحد اتنين الضهر قربت منها مديحه روحيه انتي يا وليه
روحيه…اامممممم

 

 

 

مديحه…يا نهار اسود دي مولعه روحيه قومي يا روحيه انا مديحه حبيبتك قومي متخضنيش عليكي
روحيه….تعالي يا إبراهيم الواد يوسف بيلعب في الحاره
مديحه….يا لهوي دي الوليه بتخرف جريت مديحه علي بره بسرعه
مديحه…زين الحقني يا زين
جري عليها زين وعامر بسرعه
زين…في ايه يا امي
عامر…روحيه فيها حاجه
مديحه…الوليه رايحه خالص سخنه مولعه وبتخرف
جري زين وعامر علي روحيه ومديحه وراهم..
مديحه…استر يا رب
صلاح….ايه يا خالتي في ايه بتجري ليه والعيال بيجروا كده ليه
مديحه…خالتك روحيه سخنه مولعه
صلاح…ياستر يارب جري صلاح وراها
فاروق….واد يا صالح انت ياض يا صالح
صالح….ايوه يا ابا
فاروق…اخوك جري علي جوه ورا ست مديحه وزين وعامر شوف يا ابني في ايه لا بكون ست روحيه ولا مريم مرات يوسف فيهم حاجه والواد مش هنا
صالح….خير يارب هروح اشوفهم
فاروق…طمني يا ابني
صالح…خير يا حاج ان شاء الله.
مديحه….هنعمل ايه يا ابني
زين…دي مولعه لازم تروح المستشفي.
عامر…طيب لفيها يا ديحه بسرعه كويس وانا هشغل العربيه ونوديها بسرعه
زين…لا هليك انت روح مشوارك وانا هجيب مفاتيح العربيه من عم احمد العربي واوديها
عامر…ياعم يتحرق المشوار لبسوها بسرعه يلا
صالح…مالها روحيه
صلاح….سخنه وبتخرف
صالح…هو محدش خد باله منها من الصبح ولا ايه

 

 

 

مديحه…يوسف كلمني من شويه قالي اتصل علي مريم لقاها تعبانه اوي ومنزلتش لسه لامه قالي اروح اخدها عشان متتعبش مريم جيت لقيت البيت زي ما نامت امبارح ومولعه وبتخرف
زين….طب يوسف مخادش باله الصبح انها تعبانه
مديحه…اكيد دخل براحه بص عليها ولما لقاها نايمه سابها وخرج
صالح…طيب يلا بسرعه لبسيها تعالي يا لاحه نشوف عامر ونجيب الموتسيكل
زين…بقولك ايه اعد انت وهو مفيش لزوم انا وعامر ومديحه هنروح وراها خليكم انتوا هنا
صالح…ياجدع مينفعش
زين…لا ينفع هي ان شاء الله مفيهاش حاجه خليكم انتوا مع حاج فاروق وبعدين احسن مريم تتعب هي كمان ولا حاجه يبقي في حد
لاحه…طب اجي انا وراكم
زين…ياعم متتعبنيش بقي بقولك مش مستاهله يلا تعالوا نخرج لحد ما تلبسها
…..
عامر…حقك عليا يا منار
منار…في ايه يا عامر حقي ايه بس روح معاها طبعا وحوار الاستديو ده يتأجل
عامر….لبستك عالفاضي
منار…يعني انت كنت عارف ان ده هيحصل المهم اجي معاكم
عامر…لا اطلعي انتي انا رايح انا وزين ومديحه
منار…ان شاء الله تبقي كويسه
عامر…يارب يلا اطلعي انتي
منار…ماشي بس طمني
خرج زين والشباب وقفوا مع عامر
وشويه ونادت عليهم مديحه
دخل بسرعه زين ليها
زين…عامر هدخل اجيبها دور العربيه عشان نطلع علي طول مش عايزين لمه وحوار
صالح…اخلص طيب احنا واقفين اهو عشان ندخلها علي طول.
دخل زين بسرعه شالها وخرج قفلت مديحه الشقه وراها وخرجت وراهم بسرعه
زين…اركبي جمبها يا امي
صلاح…طمنا يا زين
زين…حاضر خير ان شاء الله خلوا بالكم من الورشه الواد عمر لوحده
صالح…روح انت ومتحملش هم
مشي بسرعه عامر علي اقرب مستشفي
مديحه…اقول ليوسف ولا اعمل ايه
زين…لا يا امي بلاش تقوليله ايه بس وبعدين ده سايق وعلي طريق احسن يعمل مصيبه وانتي عارفه يوسف ضعيف من ناحيه روحيه..

 

 

 

مديحه…بس هو مستني اطمنه عليها
عامر…بقولك ايه اتصلي علي مريم كأنك بتطمني عليها وطمنيها ان روحيه معاكي واكيد كل شويه يوسف بيكلمها يطمن عليها هيعرف منها ان روحيه معاكي
زين…ايوه صح ويوسف اكيد مستنيكي انتي تكلميه وهيبقي محروج يكلمك كل شويه..
مديحه…طيب خلاص اتصلت مديحه علي مريم.
مريم…ايوه يا ابله مديحه
مديحه…ازيك يا مريم يوسف قاللي انك تعبانه واروح اخد روحيه مالك يا بنتي
مريم…ابدا يا ابله مديحه خبط جامد في ضهري وبطني
مديحه….طيب يا بنتي ريحي شويه علي ضهرك هي امك عندك
مريم…لا كلمتني من شويه بوسف عرفها وبتلبس وجيالي.
مريم….طيب يا حبيبتي اعدي ارتاحي بقي ومتقلقيش روحيه معايا خلاص
مريم…معلش با ابله مديحه حقك عليا تعباكي بس انا فعلا تعبانه اوي ومرضتش اقلق يوسف
مديحه…يا بنتي تعب ايه بس وبعدين لو تعبانه عرفيه يا مريم لازم تروحي المستشفي احسن بكون في حاجه لا قدر الله
مريم….لا انا فعلا تعبانه بس مش لدرجه وحشه يعني متخافيش
مديحه…ربنا يطمنا عليكي وتقومي بالف سلامه طيب يا حبيبتي مش هطول عليكي روحي ارتاحي
مريم…ماشي مع الف سلامه
مديحه…سلام يا بنتي..
قفلت مديحه….البت شكلها تعبانه عيني عليك يا يوسف هتيجي تتنكد امه ومراته تعبانين
زين…ياستي يتنكد ابه بس هيبقوا زي الفل ان شاء الله
عامر….وصل ادام المستشفي خير ان شاء الله يلا وصلنا انزلوا.
نزل زين بسرعه شالها ودخل بيها علي ممر الطوارئ وهما وراه…جريوا عليه الممرضين خدوها منه ودخلوا بيها علي غرفه الكشف ومعاهم مديحه
……….
منار…بقولك ايه يا ماما براحه وانتوا نازلين متلفتوش النظر عشان مريم او حد عندها يعرف ويقول ادام يوسف
فاطمه …يا بنتي خلاص فهمت وانا عيله صغيره ما يلا بقي يا حاج سعيد
سعيد…يلا بينا انا جهزت اهو
نزلوا الاتنين بسرعه خرجوا من الشارع بهدوء لكن بيمدو..
كان ادهم وهيما واقفين أدام الصاله بتاعت الچيم بيشربوا سجاير اول ما لمحوهم رموا السيجاره بسرعه و داسوا عليها أحتراما لحاج سعيد.
ادهم…حاج سعيد خير في حاجه ولا ايه
هيما…ايه بتمدوا كده ليها
سعيد…اهلا يا ولاد خالتكم روحيه تعبت شويه
ادهم….ازاي ده

 

 

 

فاطمه…تعبت من شويه وزبن وعامر ومديحه جريوا بيها بس من غير ما يعرفوا حد عشان يوسف ميعرفش
ادهم…اجري بسرعه يا هيما هات نسخه المفتاح بتاع العربيه
سعيد….يا ابني ملهوش لزوم خليك في شغلك هناخد تاكسي.
ادهم…شغل ايه بس اصلا مفيش شغل كتير وفي مدرب جوه متقلقش
جه هيما بسرعه
هيما…يلا بسرعه
فاطمه…يا ابني طيب خليك انت عشان شغلكم
هيما…يلا يا خالتي بس شغل ايه الوقت نطمن علي روحيه الاول.
ركبوا مع ادهم وهيما وطاروا..
زين….هما اتأخرو جوه كده ليه
عامر…بقلق معرفش محدش خرج حتي يطمني
زين…يارب استر
ادهم…زين مالها روحيه
فاطمه…طمني يا ابني
زين…في ابه انتوا ايه اللي جابكم بس
عامر…مفيش غيرها منار😒
سعيد…يا ولاد طمنونا بس
زين…منعرفش والله من ساعت ما دخلوا محدش عرفنا اي حاجه
فاطمه…طيب هي تعبانه اوي يعني
زين…حراتها عاليه وبتخرف
سعيد…بسيطه ان شاء الله الوقت الدكتور يخرج ويطمنا عليها.
…..
عدي حوالي عشر دقايق
خرج الدكتور
زين…خير يا دكتور
فاطمه…طمني يا دكتور ان شالله يخليك
الدكتور…خير ان شاء الله الحراره بتاعت جسمها عاليه جدا لكن حرارتها الطبيعيه 38.5 يمكن تكون سخنه شويه بس مش لدرجه حرارت جسمها المفروض لو هقيس علي حرارت جسمها تكون حرارتها اعلي بكتير من 38.5
زين…معلش مش فاهم يا دكتور
الدكتور…والله لنا مش فاهم انا كشفت عليها كل حاجه ادامي باينه طبيعيه بس جسمها حرارته عاليه جدا محتاج بس اعملها أشعه مقطعيه عالمخ ونطمن ونعرف ايه سبب حرارتها العاليه دي
ادهم…هو في حاجه تقلق يعني يا دكتور

 

 

 

الدكتور….لا ان شاء الله خير بس ده اجراء عادي لازم اعمله خصوصا ان الحاله ادامي مش واضحه كويس
سعيد…طيب يا ابني اتكل علي الله واعملها الاشعه ونطمن بعد كده
الدكتور….بعد اذنكم
خرجت مديحه من الاوضه.
فاطمه…روحيه عامله ايه
مديحه
مديحه…نايمه خالص والله مش دريانه بالدنيا الدكتور بيقول هيعملها اشعه مقطعيه عالمخ
هيما…بقول ايه هو يوسف بيرجع من الشغل امته
زين…علي 9 مثلا
هيما…طيب مويس الساعه داخله علي 4 اهي ان شاء الله نطمن عليها قبل ما يرجع
مديحه…انا قلقانه والله لا يرجع بدري انهرده لما كان بيكلمني كان صوته قلقان
سعيد…سيبوها علي الله المهم نطمن علي الست روحيه
…….
صلاح…ايه يا صالح كلمت حد
صالح….اه كلمت زين لسه قافل معاه
فاروق…قالك ايه يا ابني
صالح…والله ما فهمت يا ابا مش عارف حرارت جسمها عاليه بس لما بيقيسو حرارتها بالجهاز متبقاش عاليه والدكتور قال هيعملها أشعه مقطعيه عالمخ…بصراحه مفهمتش
فاروق….انا قايم رايحلهم
صلاح….استني بس يا ابا
فاروق…استني ايه بس نروح نطمن علي الست يا ابني
صلاح…طيب تعال هجيب مفتح الموتسيكل واركب ورايا..
فاروق….طيب يلا بسرعه.
راح صلاح جاب المفتاح بتاعه بسرعه وركب .الموتسيكل وحاج فاروق وراه
صلاح…مش هتاخر عليك يا صالح
صالح….تمام ابقي طمني.
صلاح…ماشي
……..
مسك صالح موبايله وجاب رقم بوسي وهو واقف محتار يتصل ولا لا..واخيرا قرر يتصل.
رن الموبايل مره واتنين
بوسي…واقفه مش عارفه تعمل ايه ترد ولا لا وحشها اوي بس كلامه وأهانتيه ليها مأثره عليها…
رن صالح لتالت مره وهو مقرر تكون الاخيره وبيتمني انها ترد.
وردت بوسي.. فتحت الخط من غير ما تتكلم
صالح….سكت مش عارف يقول ايه وكأن الكلام اللي كان محضره طار.

 

 

 

صالح….عارف انك سمعاني وعارف انك زعلانه مني كنت محضر كلام اقولهولك بس بمجرد ما فتحتي عليا كل الكلام طار…ابتسم صالح بوجع…انتي عارفه ان انا دبش يا بوسي ومليش في السهوكه ولا الكلام الحلو…بس عايزك تعرفني انك وحشتيني اوي ومش عارف اعيش من غيرك حاسس اني زي العيل الصغير اللي تاه من امه وسط الزحمه ومش عارف يلاقي الامان انا عمري ما تخيلت اني اكلم اي حد واقوله الكلمتين دول ويمكن لو كنت سمعت ان راجل قال الكلمتين دول لمراته ولا حبيبته كنت زماني بتريق عليه وبقول عليه عيل فرفور ..بس مكنتش اعرف انك مش اي حد يا بوسي…وعلي ايدك بقيت واد فرفور واقف اقول كلمتين حب عالناصيه واعد اتلفت ادامي زي اللي عامل عامله.
ابتسمت بوسي من وسط دموعها.
صالح….بس انا بحبك يا بوسي وعايزك معايا ويمكن عشان مبقاش بكدب عليكي انا لسه عند موقفي في شغلك بس بردو معنديش اي مانع انك تكملي بس عايزك تعرفي حاجه واحده انا لما رفضت مرفضتش عشان مش عايزك تكبري خالص والله…انا رفضت عشان بغير وخوفت يا بوسي طموحك ياخدك لحته تانيه تشوفي وقتها ان صالح مبقاش ينفع مش قله ثقه فيكي بس الطموح اوقات يا بوسي لما بيزيد بيعمي وانا خوفت عليكي وعلي علاقتنا صدقيني.مش عايزك تردي عليا الوقت خدي وقتك مع اني واثق اني وحشتك زي ما انتي وحشتيني بالظبط..
انا هقفل معاكي بس قبل ما اقفل عايز اقولك ان مهما البعد بينا طال…هيفضل مكانك في حضن صالح مش في حضن اي حد تاني
بحبك يا بوسي…قفل صالح الخط وحط الموبايل في جيبه وبص للسما وهو بياخد نفس طويل وفي الوقت ده لمح يوسف داخل بالعربيه🙈🙈🙈

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة 3)