رواية 30 يوم حياة 3 الفصل الرابع عشر 14 بقلم أميرة أسامة

رواية 30 يوم حياة 3 الفصل الرابع عشر 14 بقلم أميرة أسامة

رواية 30 يوم حياة 3 البارت الرابع عشر

رواية 30 يوم حياة 3 الجزء الرابع عشر

رواية 30 يوم حياة 3 الحلقة الرابعة عشر

البارت الرابع عشر..
دخلت المساعده علي سهر بلغتها ان في حاله بره
قالتلها سهر انها تدخلها ثواني ودخلت الحاله.
سهر…اهلا بيكي أتفضلي
أهلا يا دكتوره
سهر….اتفضلي
عدت البنت
سهر….عرفيني عن نفسك
أسمي دينا عندي 34 سنه
سهر…متجوزه يا دينا
دينا..بحزن كنت
سهر…عندك اطفال
دينا…عندي ولدين 12 سنه و11سنه
سهر…بابتسامه ربنا يخليهملك

دينا…شكرا
سهر….قوليلي اقدر اساعدك ازاي
دينا…فالحقيقه انا اترددت كتير قبل ما اجي لان في الوسط بتاعنا يعني بتبقي صعبه شويه اني اروح لدكتور نفسي وكده انا اسفه طبعا
سهر….لا خالص بالعكس انا عارفه ان دي مشكله عند ناس كتير بس للأسف لو كل واحد فينا اقتنع ان مهنه الطب النفسي دي اهم من الكب العضوي كتير مننا هيرتاح
دينا…اكيد عشان كده انا حيت انهارده يمكن انا متلغبطه ومتوتره شويه وبصراحه مش عارفه أبدأ منين
سهر….خدي راحتك خالص وأعتبري أنك بتتكلمي مع نفسك في المرايه اعتبريني مش موجوده وأبدأي من أي حاجه نفسك تحكيها.
ديما…يمكن يكون جزء كبير اوي من مشكلتي أتحلت لكن اللي تاعبني انها لسه مأثره فيا..وكملت بحزن
أنا اسمي دينا عندي 34 سنه ام لولدين 12سنه و11 سنه
أتجوزت ابن عمي للأسف مكنتش بحبه لكن عشت معاه بما يرضي الله للأسف كان بيشرب ده غير الضرب و الأهانه مكانش بيصرف لا عليا ولا علي ولاده وللأسف اهلي مكانوش بيقفوا معايا طلبت الطلاق كتير و والدي زي أبهات كتير كتير كان ديما يقولي معندناش طلاق ربنا كرمني وأشتغلت مساعده تمريض في مستشفي خاص فرحت قولت الحمد لله هقدر اصرف علي نفسي وعلي ولادي واجبلهم اللي يحتاجوه وأعيش وأستسلم للأمر الواقع…فضل هو ضرب وأهانه وخيانه….
انا اه مكنتش بحبه بس الخيانه بتقتل الست حتي لو مش بتحب جوزها استحملت وجيت علي نفسي عشان للاسف مش لاقيه حد يقف معايا..اول اسبوع في الكرونا قعد من شغله وقالي مفيش شغل قولت مش مشكله انا كده كده شغاله وبقدر اصرف علي ولادي كنت ارجع من الشغل انضف واعمل الاكل واشوف طلبات البيت وطلبات ولادي وطلباته هو كمان…وبردو كان لازم كل يوم أتضرب من غير اي سبب.ابني الكبير قالي تعالي نمشي يا ماما ده كل يوم يضربك..لحد ما تعبت جدا بضهري الفقرات كانت تعبانه والدكتور قاللي لازم اجازه راحه اسبوعين. كتبت الاجازه وادتها لابن خالتي يسلمها بدل ما اترفد من شغلي سمعني بكلمه ضربني علقه موت عمري في حياتي ما هنساها شبكه عيني حصل فيها قطع ودخلت عملت عمليه والحمد لله لاول مره اخس اني مرتاحه أخويا طلقني منه لكن للاسف الراحه دي ما دامتش كتير
من اللي بابا عملوا فيا لكن استحملت وماما كنت واقفه في ضهري بعد طلاقي منه بست شهور جاله كانسر في المخ حسيت انه صعب عليا قولت مهما كان ده أبو اولادي وابن عمي سألت عليه
وحضرت معاه العمليه اهلوا وبابا أقنعوني اني ارجعله وفعلا رحعتله وسبت شغلي عشان أفضل جمبه شوفت معاه ست شهور تاني بهدله وعذاب وطرد الساعه 3 بليل انا وولادي كنا بنأعد في الشارع في عز الشتا…وبعدها لما طلعت الاشعه خف وربنا شفاه.قولت ربنا هيهديه ويبقي حد تاني لكن للاسف افتري اكتر عليا انا وولادي كنت ببقي نايمه الاقيه قام نزل علي دماغي بالعصايه .
لحد ما اخويا جالي تاني بعت مل عفشي وبابا قالي تعالي اعدي عندي انتي وولادك وانا هصرف عليكم سبت البيت لكن كنت خايفه اطلق تاني أهلي مكانوش راحمني لما اتطلقت اول مره فا خوفت اكرر التجربه دي تاني..خسرت شغلي بعت كل عفشي رضيت ان انا وولادي الاتنين ننام عند بابا علي سرير واحد هو رمي ولاده لا بيصرف ولا بيسأل وللأسف مش لاقيه اي شغل اقدر اصرف بيه علي ولادي..
عرفت ان المرض رجعله تاني اقوي واصعب من الاول..
يمكن انا حاليا مرتاحه عشان بعدت عن الاهامه والذل لكن من جوايا انا مش مرتاحه فيا وجع كبير لا قادره اعيش ولادي زي اي اطفال في سنهم ولا عارفه الاقي شغل كل اللي حصل ده مأثر في نفسيتي وعدم وقوف اهلي من البدايه جمبي سبب

في اللي وصلتله ده عندي 34 سنه لكن حاسه اني. اكبر من سني حاسه اني عجزت من جوه واللي تاعبني اكتر ان في وقت مر عليا ضعفت جدا لدرجه اني انتحرت لكن ربتا اراد اني اعيش
سهر….الاذي النفسي يا دينا جرحه بيعلم اكتر بكتير من الاذي الجسدي مش هقدر اقولك ان انتي الوقت افضل وانتي مش معاه و انسي وعيشي ومتفكريش لان غصب عنك هتفكري والجرح اللي اتسبب فيه هو واهلك في عدم وقوفهم معاكي هيفضل معلم يمكن ايام شهور سنين لكن مع الوقت هيخف وهتقدري تنسيه ولما تفتكريه مش هيبقي معلم فيكي زي الوقت بالعكس وقتها هتشوفي نفسك قويه جدا لما تحسي انك عديتي كل الصعاب دي ولسه قادره تكملي لكن اهم نقطه لازم تشوفي انها أيجابيه هي حياتك اللي ربنا حماها واداكي فرصه تانيه انك تعيشي عشان نفسك وعشان ولادك انتي لسه صغيره طبيعي لما بنمر بتحربه قاسيه بنحس انها خدت من عمرنا الضعف ووقتها بنحس اننا كبرنا وعمرنا اتضاعف وسننا الحقيقي مجرد رقم منعرفش عنه اي حاجه انتي ربنا بيحبك يا دينا عشان اداكي فرصه تانيه حاولي تعيشي يومك وتفكري بايجابيه لو عالشغل صدقيني لسه ربنا مأذنش لكن يوم ما هيأذن هتحسي ان حياتك بتتغير وشغلك هينسيكي الوجع وساعتها مش هتفكري في اي حاجه غير ولادك وبس…اما اهلك مش هقدر انكر ان الغلط الاكبر كان عليهم هما ربنا حلل الطلاق فا مينفعش ان احنا نحرمه خصوصا لما يكون الزوج بيتعاطي وبيضرب وبيهين في حجات مينفعش الاهل يتهاونوا فيها ولازم يكون في وقفه هو لو كان شاف من البدايه وقفه كان ممكن يفكر الف مره قبل ما يأذيكي لكن هو عارف نقطه ضعف اهلك ان مينفعش الطلاق ولازم تستحملي وترضي بنصيبك بس هرجع واقولك ان دي مش مشكلتك لوحدك يا دينا دي مشكلت حالات كتير اوي زيك في مجتمعنا في فئه من الناس بتشوف ان الطلاق ده عار وان المطلقه دي لازم تتحبس عشان كلام الناس وكأنها هي المذنبه مش الضحيه جيل بباكي والناس الكبيره دي صعب انك تفهميهم ده الوقت عشان كده بيخصل الاسوء من حالتك انتي بالنسبه لحالات كتير يا دينا اقل ضرر غيرك اللي بتتقتل علي ايد جوزها واللي بتموت جوزها واللي ممكن تأذي نفسها بحرق او تتصاب بعاهه من جوزها وكل ده كوم و نفسيت الاطفال كوم تاني وده كله بيحصل عشان مينفعش ان الست تطلق وللاسف لما بتحصل المصيبه الاهالي بيرجعوا يعيطوا لكن بعد فوات الاوان…صدقيني يا دينا لو فكرتي بالعقل هتتأكدي ان ربنا بيحبك وانك في نعمه كبيره جدا انتي لسه عايشه وقادره تكملي وولادك في حضنك كل حاجه تهون بعد كده عيشي حياتك ربي ولادك زي ما بتتمني طلعيهم رجاله بجد وربي جيل صالح هتتسألي عليه يوم القيامه ربي جيل يعامل الست برفق زي ما انتي اتمنيتي انك تتعاملي اورعي فيهم اللي اتمنتيه ساعتها هتحسي بالنجاح الحقيقي الراجل يا دينا في بعض الاحيان مش هو محور حيات الست ولا هو الحيطه اللي بنتسند عليها اوقات احنا بنكون السند الحقيقي لنفسنا أسندي علي نفسك قومي و كملي حياتك طول ما فيكي نفس عشان انتي قويه.
أبتسمت دينا وحست ان كلام سهر كان شعاع امل بالنسبه ليها
و أبتسمت سهر لما حست ان كلامها لمس قلب دينا
❣️رفقآ بالقوارير❣️
…………..
أجتمع الشباب كلهم فالقهوه عند صالح ولاحه
اتعرف احمد البرنس عليهم كلهم وحكابهم علي اليوم اللي شاف فيه زين و صالح
الشباب كانوا ميتين من الضحك عليهم.
صالح…ما خلاص ياعم كفايه شردتنا
صلاح….انا يومها يا زين حمدت ربنا ان ابويا حس انه عايز ينام طلع وسابني لوحدي علي اساس صالح معايا كنت خايف يقولي فين اخوك ويقلق
هيما….علي اساس انه ما شافش الخريطه اللي في وشه تاني يوم😂
صلاح….ياتم ما انا كنت طلعت انا كمان ومشوفتش انا شوفته تاني يوم لما طلعت خدت منه مفتاح الموتسيكل اتصدمت
يوسف…بضحك بس وشه تصدق كان احلي
صالح…وحيات امك🤨
احمد العربي…سلام عليكم
الشباب كلهم وقفوا عليكم السلام

سعيد….سلام عليكم يا شباب
رد الجميع عليهم السلام.
زين…تعالي ياعم احمد اتفضل يا حاج سعيد كراسي يالاحه.
صلاح…هوا.
زين….ده حاج سعيد يا احمد والد عادل ومبير وبركه الحته وابونا كلنا.
وده عم احمد العربي والد ادهم وهيما برنس الحته كلها
احمد البرنس…اهلا وسهلا الجواب باين من عنوانه
احمدالعربي…نورت الحاره
البرنس….منوره بأهلها الطيبين اهلا يا حاج سعيد
سعيد….اهلا بيك يا ابني نورت الدنيا
البرنس…ده نوركم والله
جه عليهم عيسي وحسني
حسني….وانا مفيش نورت الحاره ولا ايه
يوسف…انت علي طول منور ياعم حسني.
زين…ده عم حسني ابو الفنانين عامر حسني وايهاب حسني اكيد سمعت عنهم
البرنس…ايه ده بجد والله طبعا نورت الدنيا يا عم حسني
حسني…بنورك يا حبيبي
يوسف…وده عم عيسي حمايا
البرنس…اهلا وسهلا والله اتشرفت بيكم يا جماعه
فاروق…الشرف لينا يا ابني
البرنس….الله يعزك يا عم فاروق ابه بس اللمه الحلوه دي
زين…ايه رأيك بقي في الاعده الحلوه دي
البرنس…ياجدع لو اعرف كنت جتلك من ساعت ما شوفتكم
زين…طبطب علي ضهره حبيبي يا احمد
احمد العربي….انت منين يا احمد
البرنس…انا مش شارع عبد العزيز
احمد العربي…احسن ناس
سعيد….بس وشك مش غريب عليا يا احمد يا ابني
البرنس….بابتسامه يمكن اتقابلنا قبل كده
سعيد….لا ميتهيأليش بس انت وشك نفسه مش غريب عليا انت منين من عبد العزيز
البرنس….احنا بيتنا اصل بيت العيله ورا شارع المطافي انا من عيله البرنس من اشهر عائلات شارع عبد العزيز بيسمونا الناس ملوك الاجهزه الكهربائيه
ابتسم سعيد وهو حاطط ايده الاتنين علي العصايه بتاعته وهز راسه
سعيد….الدنيا دي ضيقه اوي يا ابني سبحان الله دور ولف يا ابن ادم مسيرك ترجع لنقطه البدايه..انت ابن عبده البرنس
احمد البرنس….بذهول انت تعرف ابويا
ابتسم سعيد….مش قولتلك وشك مش غريب عليا طبعا
ابويا الله يرحمه كان صاحب جدك إسماعيل الروح بالروح

البرنس….ايه ده وجدي كمان ضحك بصدمه لا كتير كده
سعيد….ابويا وجدك يا احمد كان الناس بيفكروهم توأم من كتر ما عما متعلقين ببعض وفاكر كمان ابويا الله يرحمه حكالي ان من كتر حبهم في بعض اتجوزوا ورا بعض علي طول وطبعا انا وابوك لما اتولدنا كبرنا لقينا بعض اتصاحبنا وبقيتا زيهم بالظبط وعشان كان ربتا بيحبنا دخلت انا وهو الجيش وحظنا كان حلو كنا بنخدم مع بعض في سينا هوننا علي بعض الفتره بتاعت الجيش وحاربنا سوا وبعد فتره اتجوزنا وابوك سافر الخليج اشتغل هناك كان بيجي كل كام سنه وكان لازم نتقابل ونشوف بعض بس طبعا الزمن بيجي عالواحد وبيشغله اتلهيت في دنيتي وهو اتلهي في سفره كنت صغير اخر مره شوفتك فيها كان عندك تقريبا ست سنين وبعدها ظروف سفره كانت بتعطلنا وانا اتجوزت وجيت علي السيده ومن وقتها مشوفتش ابوك حاولت اوصله لكن معرفتش ولما قدرت اوصله من حوالي 15 سنه عرفت انه مات الله يرحمه ويحسن اليه
البرنس….فعلا انا ابويا ميت بقاله 17 سنه تقريبا وكمل بصدمه بس بجد عندك حق الدنيا دي ضيقه اوي
زين….يعني انا وصالح نقف نتخانق وانت من غير ما تعرفنا تنزل تحوشنا ونتعرف وفالاخر تطلع معرفه عم سعيد
احمد العربي….مصر عامله زي الاوضه والصاله تحس ان ناسها منفدين علي بعض كل واحد فيها بعرف التاني
سعيد…عندك حق يا احمد الناس في مصر عاملين زي الاهل تحس ان اجدادنا زرعوا جذور وكل فروعها شبكت في بعض
البرنس….والله فرحتني اوي يا حاج سعيد ومش مصدق ابدا الموقف الاحنا فيه ده
سعيد…لا صدق يا ابني زمان كان الناس عددها قليل كل المناطق كانت تعرف بعض فاكر زمان انا وابوك ده واحنا لسه عيال صغيره 12 ولا13 سنه كنا بنلف كل المناطق يوميا نروح القلعه ونيجي عالسيده ونروح باب الشعريه ونطلع عالحسين كان ابويا يزعألنا ويقولنا متبعدوش كان جدك اسماعيل الله يرحمه أجرأ شويه من ابويا كان يقوله سيبهم يا محمد خلي العيال تبقي ناصحه وقلبها جامد خليهم يكون ليهم معارف في كل مكان
فاروق….بس زمان يا حاج سعيد كان أمان عن الوقت
سعيد…بكتير بص هي مصر كول عمرها امان بس الناس نفوسها أتغيرت زمان يا ولاد كانت البيوت مفتحه علي بعض متعرفش الاكل الانت بتاكله ده بتاع امك ولا بتاع مين فالجيران ومكناش حتي بنسأل كنا بناكل وخلاص مش هيفرق اكل مين المهم اننا دايقين امل معمول ومتقدم بحب كنا في الصيف بعض العصر نخرج نجيب خرطوم كبير ونرش الحاره عشان نخفف الحراره شويه ونخرج الحصر طبعا انتوا مش فاكرينها
ادهم….لا طبعا فاكرنها
سعيد…الحصيره دي زي السجاجيد بس بلاستك كنا نفرشها وننام في الشارع اظام بيوتنا لكن في خوف ولا قلق البنات والشباب كانوا اخوات بجد مكانش في حد يخاف علي بناته من الشباب كنا نخرج كلنا نأعد مع بعض في الشارع ونخرج الدكك اخر النهار والكل يأعد صوت الراديو واغاني ام كلثوم وعبد الوهاب وعبد المطلب كان عامل جو وحاله حلوه اتربينا علي صوتهم واغانبهم اللي ليها معني..الناس كانت بتحب بعض من غير اي مقابل او مصلحه واليوم اللي كانت واحده من الجيران تعمل اكله حلوه كانت لازم تأكل الشارع كله منها الاكل كان في بركه الرزق كان في بركه عمرنا ما سمعنا حد بيقول متفرقش الاكل البيت اولي بيه بالعكس طول الوقت كنا بناكل احلي اكل والكل بيدي بعضه
البرنس…..يااااااه عندك حق والله يا عم سعيد الايام دي عمرها ما هتتعوض
سعيد…اللي بيروح يا ابني ما بيرجعش بس بيفضل من ذكري حلوه نفتكرها ناس جميل بيجي طيفهم أدامنا ونقول الله يرحم ايامهم ويرحمهم
حسني….زمان ابويا كان يقولي هيجي عليك يوم تقول ياريت الزمان يرجع كنت اقوله يرجع ايه انا عايزه يجري معرفتش معني كلامه غير لما كبرت اه عشنا ايام حلوه واللي بنعيشه الوقت حلو لكن زمان مكانش في حاجه وحشه يمكن الوحش اللي فيه كان بسيط لدرجه اننا عمرنا ما افتكرناه مش بنفتكر بزمان غير الايام الحلوه

عيسي…..الوقت الايام كمان بتجري بسرعه
فاروق…اليوم مبقاش في بركه يا عيسي تحس ان الدقايق بتسابق بعضها الوقت الحلو بيخلص بسرعه زمان الوقت الحلو كان بيبقي طويل اوي ويمكن كمان كنا احنا اللي بنسيبه ونتعب وننام الوقت تحس ان لما بيعدي عليك موقف حلو بتبقي ماسك فيه بأيدك وسنانك لا عايز تاكل ولا تنام ولا تقوم عشان الوقت ميضعش ولا يجري
هيما…ايه بس هتكرهونا في ايامنا ليه و تحزنونا علي حالنا
احمد العربي….عشان ياابني انتوا فعلا ايامكم تحزن انتوا لو كنتوا عيشتوا يوم من الايام الاحنا بنحكي عنها دي كنتوا فضلتوا تتحسروا عالايام اللي عدت واتمنيتوا انها ترجع
زين…بس احنا عشنا بردو يا عم احمد الايام دي وفاكر حجات من اللي بتحكوها
سعيد…اكيد عشتوا الايام دي ولحقتوا شويه من حلاوتها وذكرياتكم اللي فاتت ديما هتلاقوا انها احلي من اللي انتوا عايشنها الوقت يمكن انتوا كنتوا اخر جيل يتحسب من الحيل الحلو جيل السبعينات والتمنينات بعد كده خلاص بقي الله يرحم الايام الحلوه الوقت الزمن ده اللي بيحكمه الماده والنت والموبايلات بقيتوا بتسابقوا الزمن عشان تخترعو شويه اجهزه بتبعدكم عن بعض مش بتقربكم.
علي ايامنا مكانش في اي حاجه من الرفاهيات دي بس كنا عاملبن زي الحزمه الواحده محدش يعرف لا يكسرنا ولا يبعدنا وبالرغم من ان مكانش لسه في تليفونات ولا موبايلات بس كنا ديما مع بعض وبنعرف نوصل لبعض الوقت حتي الموبايلات اوقات مبتوصلكوش ببعض
زين…عندك حق والله يا حاج سعيد
البرنس…بس عارف ايه الغريب يا حاج سعيد يمكن نكون بنسابق الزمن زي ما بتقول وبنحري كلنا في عجله لقمه العيش والاختراعات والمل بيجري ورا تحقيق مستقبل افضل لكن أغلبنا جوانا متمسك بالماضي يعني عايزين نروح للمستقبل ونكتشف ونخترع ونأمن نفسنا ونأمن مستقبل ولادنا لكن ماضينا معلم فينا وديما لما بنأعد اعده حلوه زي دي نقول ياريت الزمن يرجع
سعيد…عشان الزمن ده كان حلو لدرجه ان عقلك وقلبك وكل حواسك وقفت عنده يا ابني انما المستقبل انت بتحري فيه بجسمك وبس لاغي مشاعرك ومحدد تفكيرك في الفلوس ولقمه العيش لاغي من حياتك اللمه والصحبه فا خلاص مفيش ذكريات كل ذكرياتك جري وتعب وشقي عشان الجنيه الفلوس يا ابني بقت رقم واحد والجري وراها خلت الناس تبعد عن بعضها وكأنهم بيتسابقوا علي مين يلحق الرزق الاول
احمد العربي….قول للزمان ارجع يا زمان

جه فالوقت ده عامر وايهاب من الاستديو اللي بيجهزوه.
نزل عامر من العربيه هو وايهاب وراحوا عليهم لقاهم كلهم متجمعين دخل عليهم بأغنيته الشهيره 😂😂
عامر…..بمرح كالعاده… وهو بيمثل كلمات الاغنيه بطريقه جميله
حلو الحلو بكل خصاله إلا دلاله ميعجبنيش ميعجبنيش قالو بيهجر قولت وماله يهجر يهجر بس يعيش حلو حلو حلو الحلو حلو الحلو مافهش وحاشه غيره بيوعد ولا يوفيش ولا يوفيش اللي فتح قلبي بطفاشه ثم قابلني مكلمنيش مكلمنيش قولتله رد رد يا باشا يا باشا قاللي لابوها ماتفلقنيش وبيعحبني اكمن دلالهه وقه سكر سنترافيش
قالوا بيهجر قولت وماله يهجر يهجر بس يعيش حلو حلو حلو الحلو
ايهاب…كل ما افوت من ادام داره يشوف وشي يسد الشيش قلبي وعقلي عليه احتارو وبيتخانقوا الحق يا شاويش طب يحيا الحب وتسقط ناره اللي تولع ولا تطفيش طب مانا احسن من عذاله زي الجزمه ما يقلعنيش…قالوا بيهجر قولت وماله يهجر يهجر بس يعيش
الشباب…اللللللله
عامر…بضحك ايه اللمه الحلوه دي والله زمان
ايهاب….والله ليكم واحشه
زين…بضحك اهم دول الفنانيين بتوعنا يا احمد
عامر….ايه ده هو ده اللي دخل الخناقه بينكم
زين…بضحك اه هو
عامر…ياراجل ليه كده بس كنت سبتهم ضربوا بعض عشان الخريطه اللي كانت في وشهم تكمل
البرنس…مانا خسيت ان وشهم اتملي الوان قولت اتدخل بقي
عامر…بضحك حبيبي نورت الدنيا
ايهاب….اهلا بيك في حارتنا المتواضعه
البرنس….والله دي حاره جميله بناسها والحاره منوره باهلها يا فنانين وعلي فكره صوتكم بجد الله اكبر حلو اوي
عامر…تسلم يارب
ايهاب….انت اللي ودنك حلوه
عامر…ايه كنتوا بتتكلموا في ايه بقي اكيد عليا
حسني….هو حد يعرفك اتينل
عامر…اللله ليه بس كده يا عم حسني طااااه انا حتي زي ابنك
ادهم….كنا بنتكلم علي الزمان وبنحاول نرجعه.😂
عامر….كان غيركم اشطر…
وعايزنا نرجع زي زمان

قول للزمان ارجع يا زمان
وهات لي قلب لا داب ولا حب
ولا انجرح ولا شاف حرمان
فات المعااااد فااات فات المعاد
البرنس…الله الله
سعيد…..اهو قالك فات المعاد
البرنس….والله انتوا اعدتكم دي تساوي الدنيا واللي فيها ويمكن تكون احسن حاجه حصلتلي في الايام دي رجعتوني لايام حلوه وناس جميله
زين…حبيبي يا احمد انت خلاص بقيت واحد مننا اياك بس انت تيجي دايما
البرنس…لا انا خلاص بقيت راشق هنا
صالح….مكانك يا احمد والله هعملكم بقي دور قهوه والواد عامر وايهاب يسلطنوكم شويه لحد ما ارجع…
فضلوا يضحكوا ويتكلموا عن احلي ايام عدت وخلص يومهم علي كده مشي احمد وهو مبسوط وفرحان باللمه وحاسس انه يعرفهم من سنين..
اما عند ادهم طلع لقي نور الشقه كله مطفي العيال شكلهم نايمين بس شاف نور الاوضه منور وفي انوار ملونه ظاهره
فتح الباب واتفاجئ بالاوضه كلها بلالين وتربيزه عليها اكل جميل كل اللي ادهم بيحبه وتورتايه وموسيقي هاديه وتوته واقفه لابسه روب أبيض قصير وفي كامل أنوثتها وجمالها.
أدهم….بأبتسامه ذهول ايه اللي عملاه في الاوضه ده يا توته وايه الجمال ده كله وفين العيال
قربت منه توته ومردتش علي ولاه كلمه أكتفت بأنها حطت راسها علي صدره وحضنته من وسطه.
توته….كل سنه وانت طيب يا ادهم..
ادهم……وانتي طيبه يا قلب ادهم بس بمناسبه ايه احنا مش عيد جوازنا مشي وعيد ميلادي لسه شويه عليه…🙄
توته…رفعت راسها وحواجبها🤨🤨🤨🤨
لولا اني مش عايزه افصل من الجو الحلو اللي تعبت فيه ده كان زماني دابه معاك خناقه😒
ادهم…بحب مسك وشها بأيده وهو بيضحك لا اهدي يابنت المجانين خناقه ايه بس ودي وقتها ده انا مصدقت بس والله انا مش عارف ايه المناسبه طب عيد ميلادك.
توته….احيه لا انت عايز خناقه انت كمان مش فاكر عيد ميلادي
ادهم….يابت مقصدش لا فاكر طبعا طب بصي غلب حماري قولي انتي.
توته….انهارده تاريخ اول مره خرجت معاك فيها من غير ما امي تعرف وانت اعترفتلي فييها بحبك ليا.
ادهم…بضحك وانتي يابت بتحتفلي انك خرجتي من ورا امك ولا بتحتفلي اني قولتلك بحبك
توته….تصدق انك رخم اوعي كده
ادهم….لا خلاص حقك عليا يابت بضحك معاكي بس انا راضي زمتك يعني انا هفتكر مناسبه زي دي والله انا ناسي كلت ايه امبارح حق عليا عارف والله ان في حجات بتقع مني بس غصب عني والله
توته…ومين قالك اني زعلانه حتي لو نسيت عيد ميلادي. او عيد جوازنا والله ما هزعل كفايه عليك دوشتي انا والعيال
ادهم….انا مقدرش انساكي ابدا يا بت انتي حته مني يا توته
توته…طيب يلا تعالي ناكل بقي انا هموت من الجوع
ادهم…..يلا
راحوا كلوا مع بعض وبعد شويه بسيطه ساب ادهم الاكل.

ادهم….بقولك ايه سيبك من الاكل بقي انا عندي موضوع اهم وبصراحه مش ضامن ولاد الكلب دول.
ضحكت توته وقامت معاه شالها ادهم وقبل ما ينزلها علي السرير سمع صوت كريم بيعيط.
توته….احيه🙄
ضحك ادهم …مش قولتلك مش ضامن ولاد الكلب دول😂🙈🙈🙈🙈🙈🙈
…………..
فات اسبوع وباقي اسبوع علي الفرح…كل حاجه جهزت علي الفرش ولكن اتفقوا انهم يفرشوا بعد يوم واحد من أفتااح صالون التجميل الخاص ببوسي. اخيرا جهز المكان قبل فرح وعد بأسبوع واحد وقررت بوسي تعمل افتتاح كبير قبل فرحهم ونفذت وعد وعدها وخلصت قبل فرحها ونفذت بوسي وعدها ان وعد هتكون اول عروسه تخرج من المكان..
عرفت بوسي كل اهل الحته وعملت دعايا كبيره علي صفحتها في النت وبلغت كل الناس المهمه اللي بتتعامل معاهم وعمل عامر وايهاب دعايه علي الصفح الخاصه بيهم وكتبوا انهم هيكونوا متواجدين في المكان ده لو حابب يشوفهم 🙈🙈🙈 هيبقي فرح مش افتتاح
وعرف صالح المعاد من والدته ومن ادهم…واخيرا جه يوم الافتتاح الكل جهز واستعد لحضور افتتاح الصالون مع بوسي في اهم يوم ليها😍😍
استنوني بكره في الافتتاح
والمفاجأت

وفجأه😂😂😂😂😂😂

يُتبع ..

• لقراءة الفصل التالي : اضغط هنا
• لقراءة باقي حلقات ارواية اضغط على (رواية 30 يوم حياة)