رواية 30 يوم حياة 3 الفصل الخامس عشر 15 بقلم أميرة أسامة

رواية 30 يوم حياة 3 الفصل الخامس عشر 15 بقلم أميرة أسامة

رواية 30 يوم حياة 3 البارت الخامس عشر

رواية 30 يوم حياة 3 الجزء الخامس عشر

رواية 30 يوم حياة 3  الحلقة الخامسة عشر

 

البارت الخامس عشر..
مش مجرد يوم عادي ده يوم بيوثق لحظه وصول لحظه نجاح لحظه تعب وشقي لحظه أنكسار ولحظه انتصار
لحظه حزن ولحظه فرح…
وأخيرا لحظه إثبات للذات..
مظاهر من الفرحه والبهجه
أجتمعت ليشكلوا حاله من البهجه والسعاده.
كانت بوسي واقفه متوتره حاسه انها مش علي بعضها مشاعر مختلطه ومتلغبطه ابتدا يوصل المكان المدعوين وابتدا يوصل اهل حارتها شويه بشويه

 

 

 

وكان من اول الحضور والدتها واخواتها ووعد كانوا واقفين معاها جوه
والشباب واقفين بره
بوسي…كانت رايحه جايه من غير اي داعي لكن كان اي حد يشوفها يعرف ان هي واصله لاعلي درجات التوتر.
سهر….يا بنتي مالك اهدي شويه متوتره كده ليه كل حاجه ماشيه كويس
توته…قوليلها والنبي يا دكتوره احسن ربتلي الخفيف
بوسي…بجد والنبي كل حاجه تمام
سهر…والله ماشاء الله الصالون يجنن وكل حاجه بجد في مكانها جدا ومظبوطه المكان شيك جدا
وعد….انتي اصلا قدرتي تسألي السؤال ده انتي ناسيه ان ده شغلي يابت😡
بوسي…لا والله تسلم ايدك كل حاجه جميله بس مش عارفه انا فيا ايه
سهر…ده طبيعي يا بوسي الانتي فيه ده جدا بس متقلقيش هي نص ساعه تعدي وهتبدأي تاخدي عالموقف بسرعه وهتهدي
سهر….الله اكبر المكان حلو اوي يا بت يا بوسي تسلم ايدك يا وعد يارب
وعد….ربنا يخليكي يا ابله سهير.
مديحه….ربنا يجعله فاتحه خير عليكي يا بوسي

 

 

 

بوسي…يارب يا الله مديحه
هما فين الباقي موصلوش ليه
شمس….كانوا جايين ورانا الوقت الكل يجي
عدي عشر دقايق وابتدا المكان يكون في ناس كتير وبنات اكتر اغلبهم جايين يشوفوا عامر وايهاب اللي كتبوا علي صفحتهم الشخصيه انهم هيكونوا موجودين
جه يوسف وروحيه ومريم وناريمان وعيسي
راحت بوسي سلمت عليهم
مريم….مبروك با بوسي المكان حلو اوي
بوسي…بجد والنبي
ناريمان…انتي بتسألي طبعا حلو اوي ربنا يجعله وش الخير عليكي
بوسي….بفرحه يارب يا ابله ناريمان
عيسي….مبروك يا بوسي يا بنتي عقبال الفرع التاني
بوسي…..يارب ياعم عيسي يسمع منك ربنا
يوسف…بضحك بصي بقي انا عايزك تخليلي امي عروسه
روحيه….هو فرح مين يا ولا
يوسف…بضحك فرح ايه يا اما ده أفتتاح صالون تجميل بتاع بوسي
روحيه….ايه صالون التجميل ده ياواد مش الصالون ده اللي بنأعد عليه🤔
يوسف…يا انا بنأعد عليه ابه بس انتي داخله محل موبيليا
مريم…بضحك لا ياروحيه صالون تجميل ده يعني اللي هو الكوافير
روحيه…كب ما تقول با واد كوافير

 

 

 

يوسف….حاضر يا اما هو الكوافير ده
روحيه….حلو يابت يابوسي
بوسي…عجبك يا روحيه
روحيه….اه حلو بس فين يابت التورته وايه الموسيقي اللي انتي مشغلاها دي ماتيجبي حاجه ارقص عليها انتي يابت يا مريم مش قولتيلي هنروح نرقص
يوسف….يا اختتااااي عاللي فضحاني
بوسي…بضحك بس كده هجبلك التورته وهجبلك الوقت اغاني وعيزاكي تولعي الدنيا
روحيه….وانا جاهزه😒
بوسف….شوفي بتتكلم بثقه ازاي ولا كأنها فيفي عبده في زمنها
روحيه…وهي فيفي عبده تيجي ايه في رقصي ياولا
يوسف….ولا حاجه دي يادوب هزه واحده من كتفك 😒😒😒😒انا خارج بره للشباب وانتي ياروحيه خليكي جمب خالتي مديحه ومريم لو توهتي هنا مش هعرف اجيبك
مديحه…متخافش عليها يا يوسف المكان امان واحنا معاها
يوسف…والله انا خايف عليكم انتوا منها يا ديحه😂😂
خرج يوسف هو وعيسي وقفوا مع الشباب
زبن….فين عامر وايهاب وهيما اتأخروا ليه
ادهم…ايهاب وهيما جايين ورايا انا مشيت وسبتهم كانوا مستنين رحاب ومنه بيلبسوا
زين…اتأخروا اوي
احمد العربي….الطريق زحمه زمانهم قربوا
يوسف….والواد عامر فين

 

 

 

عادل…عامر ماشي قبلنا هو ومنار معرفش اتأخر ليه هو كمان
فاطمه….منار كانت بتقول هيجيبوا هديه لبوسي ويجوا علي طول
ايهاب…..سلام عليكم
زين…عليكم السلام كل ده
هيما…قول لاختك يا اخويا هي اللي أخرتنا هي ورحاب
زين…علي طول كسفاني كده
منه…بضحك اعمل ايه طيب مش لاقيه حاجه عدله البسها بقيت شبه البلونه ببطني دي
زين….بضحك احلي بلونه
رحاب…فين بوسي
ادهم….جوه هي وتوته والجماعه ادخليلها
أبتدوا البنات يجوا يتصوروا مع ايهاب.رحاب كانت واقفه غيرانه
منه…مالك يابت فكي وشك ده متنسيش ان جوزك يا اختي بقي ليه معجبين
رحاب….شايفه البنات بتتلزق فيه ازاي
منه….يابت فين التلزيق ده وبعدين يا اختي افردي بوزك ده وخلي عندك ثقه في نفسك
رحاب…مش عارفه يا منه من ساعت ما ايهاب بقي ليه معجبين وانا اي وقت بشوف حد يقرب منه ببقي تفسي اروح اجيبهم من شعرهم
منه…يابت بقولك خلي عندك ثقه في نفسك وبعدين المفروض تكوني واقفه جمبه و متحسسيهوش انك غيرانه احسن يركبك حسسيه انك عادي عشان هو يشوف ان ده عادي فهمتي
رحاب….ماشي
منه…يلا تعالي نشوف بوسي ونباركلها
رحاب…وهسيبه معاهم كده
منه…شوف البت اقولها ابه تقول ايه لا روحي هاتيه من دراعه وشديه وخليه جمبك😒😒😒
هيما …ايه تعالوا نبارك لبوسي يلا

 

 

 

منه…يلا
رحاب….ايهاب مش يلا نبارك لبوسي
منه….بردو😡
ايهاب….حس ان رحاب غيرانه …اه يلا يلا
دخلوا مع بعض شافوا بوسي باركولها وعجبهم المكان جدا
توته…كل ده يا مزغوده منك ليها
منه….مش لاقيه حاجه مظبوطه عليا خالص يا توته
توته…بكره يا اختي تولدي وتلبسي براحتك وانتي يا اختي قالبه بوزك ليه
منه….دي عايزه تضرب او تتجاب من شعرها زي ما بتقولي
توته…ليه عملت ايه
منه…مضايقه ان ايهاب البنات شافوه وبيتصورا معاه
توته…طب وفيها ايه
رحاب…يا توته البنات بقت جريئه اوي واقفين لازقين فيه وهو مبسوط عالاخر
توته…يابت يا خايبه جوزك بقي معروف لازم تبقي فرحانه يعني هما هياكلوا منه حته ده مطرب وليه معحبين واكيد مش هيكسف اللي هيتصور معاه
منه….مانا بقولها كده وقالبه بوزها
رحاب…ياتوته طب ماحنا كنا بنبقي معجبين بناس كتير بس عمرنا ما اتلزقنا في حد كده
توته…يابت انتي هتمثلي انتي عمرك شوفتي مطرب ولا ممثل اصلا
ضحكت منه….يالهوي علي قصف الجبهه
رحاب…ضربتها رحاب علي ايدها 😡اقصد اني لو شوفت مش هعمل زيهم
توته….بنات الايام دي مش زينا يا رحاب وبعدين يابت دول اغلبهم 18 ولا 19 سنه لسه يعني صغيرين وبعدين لازم تكوني واثقه في نفسك اكتر من كده
منه…قولتش حاجه انا

 

 

 

رحاب…خلاص اتفقتوا عليا
توته…متفقناش بس بلاش تبقي خايبه خليكي واثقه في نفسك وفي جوزك واعملي حسابك ان جوزك لسه في اول الطريق يعني لسه ادامه مشوار وكل خطوه هيعديها معجبينه هيزيدوا اكتر ساعتها هتعملي ايه خدي عالوضع بمزاجك واتأقلمي معاه
منه…صح يا توته
رحاب….ماشي يا اختي انتي وهي
توته…ايه رايكم في المكان
رحاب….لا بحد تحفه ماشاء الله
منه….حلو اوي بجد مكنتش متخيلاه كده والاحلي ان بوسي شيفاها مبسوطه اوي
توته….بابتسامه وهي بتبص علي بوسي من بعيد
فعلا بوسي طايره من الفرحه يارب يكمل فرحتها علي خير
منه رحاب…يارب
توته…تعالوا نروحلهم واشوف امي العيال شكلهم مجننها
في الخارج..
وصل صلاح وشهد وحاج فاروق ونعمه.
سلموا عليهم ودخلوا يسلموا علي بوسي ويباركولها
زين….لاحه اخوك مش جاي بردو
صلاح…والله يا زين ما انا عارف قبل ما نيجي ابويا فضل يتكلم معاه وقاله يجي بس مش عارف احنا مشينا وهو واقف فالقهوه بس شكله مش جاي
ادهم….انا امبارح كلمته ومن كلامي معاه حسيت انه جاي
يوسف ..وانا كمان كلمته

 

 

 

صلاح….ميتهيأليش هيجي اكيد كان بيثبتكم بالكلام
هيما…اخوك ده عامل زي الدبش المفروض يجي في يوم زي ده دي فرصه وبعدين هتبقي خطوه حلوه منه لما تشوفوا واقف معاها
صلاح…كلمته كتير يا هيما بس انتوا عارفين دماغ صالح انا عارف انا هيتحنن وعايز يحي اكتر ما احنا عايزينه يجي بس شكله مش حاي ابويا اعد يكلم فيه وهو مش بيقول غير ان شاء الله
زين…بيرح ابوك يعني مش اكتر
صلاح…بالظبط
زين…مفيش فايده فيه
ادهم…بكلمه مش بيرد
صلاح….يبقي مش جاي ومش هيرد عليك عشان عارف انك اكيد بتكلمه عشان تقوله تعالي
ادهم….ورحمه امي لما ارجع يا صالح لا هنفخك
ايهاب…اصبروا عليه مش يمكن يجي
عادل….انا حاسس انه هيجي وربنا هيهديه
صلاح…يارب هدخل ابارك لبوسي وارجعلكم
……

 

 

بوسي…..بجد يا شهد المكان عجبك
شهد…يابت بقولك المكان يجنن والله حلو اوي ماشاء الله بس قوليلي عرفتي الناس دي كلها امته يابت
بوسي….يا اختي اتنيلي دول اغلبهم جايين علي حس اخواتك😂😂😂
شهد…بضحك😂😂😂 مش مهم اهم عملوا خس في المكان
بوسي….اه والله انا هقولهم ان عامر وايهاب هيجوا كل يوم عشان يجوا😂😂
شهد…..وانا هقول اني اختهم وحصل😂😂
بوسي…جدعه يابت وعشان كده هعملك احلي ميك اب😂😂😂
شمس…بترشي البت
شهد…بضحك اطلعي انتي منها انا مرتشيه😂😂😂
بوسي….انتوا حسدتوني ولا ايه البنات مالهم بيخرجوا ليه علي بره
شهد…😂😂😂😂مش عارفه بس واضح ان عيني رشقت
بوسي …اما اروح اشوف بيخرجوا ليه دول
خرجت بوسي والبنات لقت ان اغلب البنات راحوا اتجمعوا علي عامر اللي وصل
بوسي….عجبك كده يا بوز الاخس اهو اخوكي جه خد مني الزباين
شهد…اتهلي صدقتي روحك قال زباين قال😂😂😂😂
بوسي…بضحك خد المعجبين ارتحتي يا اختي
وقف البنات يتصورا مع عامر
ومنار واقفه معاه

 

 

 

بعد وقت بسيط سلموا علي بوسي وباركولها
بوسي….بقولك ايه يا عامر شكلي وحش اوي تلت ارباع البنات جايين عشانك انت وايهاب مش عشاني😂😂
عامر….ياستي عشانا ولا عشانك اهم عرفوا المكان وهيجولك ديما ان شاء الله
بوسي ..لما نشوف وبعدين اتأخرتوا كده ليه
منار…كنا بنجبلك الهديه دي يا اختي اياك يطمر 😒😒
بوسي…بضحك ومالك يابت مش طيقاني كده ليه🤔
منار…هو كده مش هتخرجي وعد قبلي من المكان
بوسي…حد يا اختي حايشك اتجوزوا بكره وانا اخرجك قبلها
عامر….والله فكره انا موافق
منار….ما بتصدق انت
عامر…لبوسي شايفه انا عملت اللي عليا هي اللي مش عايزه اهي عشان لما اروح اختار واحده من اللي واقفين دول واتجوزها محدش يلومني
بوسي…بضحك حقك وانا بنفسي هظبطهالك
منار…هتظبطيهالوا انتي يابت من امته واطيه كده وانت ياعم هتعملي فيها نجم روح ياخويا اختار وليك عليا انزل اجيبلك بدلتك واجيب لست الحسن الفستان بنفسي ولا بيهمني🤨
عامر….ياواد يا واااثق😉 طيب بزمتك انا هلاقي احلي منك
منار…ماهي مش بالحلاوه😏
عامر….ولا باي حاجه انا هلاص اختارتك وانتي كفايه عليا يا قلبي
بوسي…كيب انا همشي انا وهبعتلكم اتنين امون وشجره😂😂😂😂
ضحك عامر ومنار وراحوا كلهم وقفوا مع بعض.
زين…ايه فنان عامل قلبان انت واخوك مينفعش كده خفوا علينا
ادهم…..مش ملاحظ يا زين انهم هيغطوا علينا
زين….طب والعمل هنسكت ولا ايه
عامر…..لا طبعا اخلصوا مننا😂😂😂😂😂يا ابني احنا جذابين ومشهورين تيجوا ايه انتوا جمب ولاد عمكم حسني
ايهاب….انا بره الكلام ده ياشباب عايزين تضربوه اضربوه لوحده
ادهم…بضحك علي حق يا ابو نسب😂😂
عامر…انت ياض بتبيع اخوك عشان ادهم خايف منه ولا ايه
هيما….في ايه ياض عامل دوشه ليه
عامر…ياعم لا دوشه ولا حاجه دي قله نوم
يوسف…اه يا جبان😂😂
عامر…بقول ايه محدش فيكم كلم الواد صالح

 

 

 

تدهم…بنكلمه مبيردش مش جاي. صالح
عامر…انا عديت عليه وانا مستني منار وكلمته والله وقال جاي
زين….بيثبتك زي ما بيثبتنا ده ليله اهله سوده بس لما نرجع
عامر….عيل دماغه جزمه
ادهم….لا علي نفسه احنا سكتناله كتير بس وربنا لا اعرفه شغله لما نرجع
…….
سعيد….مبروك يا بوسي يا بنتي ربنا يجعله فتحه خير عليكي ويكفيكي شر اي حاجه وحشه
بوسي…ربنا يخليك يا عم سعيد وبجد فرحانه انك جيت وان كلكم معايا
سعيد…..انا اللي فرحان بيكي يا بوسي ربنا ينجحك كمان وكمان وتحققي كل اللي نفسك فيه
بوسي…يارب يا عم سعيد وتفرح بمنار قريب
سعيد….ربنا يفرحنا بيكم كلكم يا بنتي
فاطمه…مبروك يا بت يا بوسي بقولك ايه انا عيزاكي تطلعيني عروسه فتحتي نفسي 😂😂
بوسي…بضحك بس كده يابطوط هطلعك احلي عروسه واخلي عم سعيد يدعيلي😂😂😂
فاطمه…بضحك الله يجازيكي يابوسي يارب افرح بيكم كلكم يا بنتي وتحققوا كل اللي نفسكم فيه
بوسي…يارب يا بطوط
أنس….سلام عليكم
بصت سهر وأبتسمت اول ما شافته
الشاب….اهلااااا
عامر…النجم وصل يا جدعان
انس….النجم الكبير وصل قبلي قرب منه انس وحضنوا بعض
انس…عامل ايه ياض
عامر….بخير يا اخويا مش ناوي تيجي كمل تسجيل في الاستديو
انس….كنت هكلمك عندي تسجيل باقي الالبوم مسجلتش غير اغنيه واحده
عامر….الاستديوا عندك ياباشا ومستنيك
انس…حبيبي يا عامر

 

 

 

ايهاب….انت مختفي ليه ياض
انس…يا بوب يا جامد ياعم ولا مختفي ولا حاجه انا اهو موجود عامل ايه
ايهاب….الحمد لله واحشني والله
انس….انتوا اكتر .سلم انس علي باقي الشباب وبارك لبوسي وكان جايب معاه ورد اداهولها وراح سلم علي كل الموجودين وقرب من سهر
انس….ايه الحلاوه دي
ابتسمت سهر باحراج اتأخرت ليه
انس….الطريق زحمه
سهر…بلاش كدب الطريق حلو
انس….والله مش كدب الطريق فعلا زحمه جدا وكنت بجيب ورد لبوسي عشان كده اتاخرت
سهر….ماشي يا سيدي
انس…طلع من جيبه شيكولاته اداها لسهر
سهر….ايه ده
انس…ايه مش بتحبي الشيكولاته ده مفيش بنت مش بتحبها🤨
ضحكت سهر….لا بحبها شكرا يا سيدي بس مترفعش حواجبك كده عشان بخاف
انس….انا اقدر اخوف القمر ده
سهر….بضحك انا همشي من ادامك خالص يا مجنون
انس…استني هنا تمشي ايه وبعدين انا جاي عشانك
سهر….اشمعني
انس…الله احنا مش صحاب ولازم احي معاكي زي ما انتي جيتي معايا وانا بسجل
سهر…ااااه بتردهالي يعني
انس….مش بالظبط يعني هو اه بوسي عزمتني بس لو مكنتيش قولتيلي اجي كان ممكن اكسل
سهر….بابتسامه ماشي يا سيدي شكرا
انس….العفو 😉 عدي الجمايل بس
……..
زين….منه فين وعد
منه….معرفش يا زين كانت واقفه مع توته وشمس ومنار
زين….طيب تمام
منه…توته هناك اهي أسألها

 

 

 

راح زين علي توته.
زين…توته وعد فين
توته….مش عارفه يا زين والله كانت معايا الوقت تلاقيها جوه روح شوفها
زين….ماشي
عامر…علي فين يا وحش
زين….بدور علي وعد
منار….كانت مع توته يا زين
زين….توته بتقولي شوفها جوه ما تبصيلي عليها يا منار
منار….طيب لحظه هشوفهالك
دخلت منار تدور علي وعد لقتها في الحمام.
منار….وعد انتي هنا وزين بيدور عليكي
وعد…..انا خارجه اهو
منار….مالك يا وعد انتي تعبانه ولا ايه شكلك تعبان
وعد….ابدا حسيت بس اني دايخه شويه دخلت اغسل وشي
منار….انتي وشك اصفر يا وعد خالص بجد انتي لازم ترتاحي شويه قبل الفرح
وعد….انا فعلا تعبانه جدا ومش مظبوطه
زين…طيب انتي كلتي حاجه
وعد…اه كلت قبل ما اجي
منار….طيب تعالي شوفي زين اعد يسأل عليكي
وعد….متقوليلهوش اني تعبانه كأني كنت فالحمام عادي
منار…هتفضلي تخبي تعبك كده لحد ما هتقعي قبل فرحك
وعد….مش ناقص هو قلق وبعدين زين لما بيقلق بيبقي فظيع ومش هيسكت وهيفضل قلقتن
منار….انتي المفروض الاسبوع ده ترتاحي خالص يا وعد
وعد….انا فعلا خدت اجازه من الشغل
منار…احسن بردو عشان تريحي الاسبوع ده قبل فرحك
وعد….ان شاء الله يلا نخرج عشان ميقلقش
منار ….يلا
خرجت وعد ومنار. كان زين واقف مع عامر وقلقان عشان منار اتأخرت لمحهم خارجين مع بعض راحلهم
منار…اهي ياعم كانت في الحمام
زين…..ايه يا وعد كنتي فين كل ده قلقتيني عليكي
سابتهم منار وراحت لعامر.
وعد….في ايه بس يا حبيبي انا سبت توته ودخلت الحمام

 

 

زين….انتي كويسه
وعد…اه يا حبيبي الحمد لله متقلقش
زين…مقلقش ايه بس اعملي حسابك بكره هاخدك ونروح نعمل تحليل عشان انا واثق ان الانيميا عندك مش متظبطه ومن هنا ليوم الفرح مش عايز اشوفك بتعملي اي حاجه غير بتاكلي وتنامي وبس ومفيش خروج تاني من البيت غير لما تبقي احسن
وعد….انت ناسي ان بكره هنبدأ نفرش
زين…..تنسي حوار الفرش ده خالص وأعملي خسابك انتي مش هتحطي ايدك في اي حاجه
وعد….ازاي بس يا زين يعني انا اكون فرشت للبنات كلها واجي علي نفسي وما افرش لا طبعا ولازم افرش كل حاجه بايدي عشان ابقي عارفه الحاجه فين
زين….اللي قولته هيتسمع يا وعد تمام ولو علي الحاجه لما نبقي نتجوز يا ستي وترتاحي خالص ابقي اقلبي الشقه زي ما انتي عايزه وانا هساعدك
وعد….لا طبعا مش موافقه
زين….وانا مش هكرر كلامي يا وعد تعب تاني وبهدله ليكي مش هيحصل كفايه منظرك اللي انا شايفه ده بتحاولي تباني كويسه وانا عارف انك مش كويسه سبتك كام يوم تكدبي عليا بمزاجي بس بكره هنروح مع بعض نكشف ونعمل تحاليل
وعد…..بحزن ماشي يا زين
زين….بحب ياوعد انا خايف عليكي مش قاصد يا حبيبي اضايقك والله
وعد….وانا عايزه افرش الشقه بنفسي يا زين
زين…بقله حيله طيب نروح بكره نطمن وبعدين نشوف ماشي
وعد….ماشي
زين….اضحكي بقي
ابتسمت وعد

 

 

 

مسك زين ايدها ورجعوا تاني انضموا مع الباقي
دخل الليل والمكان بقي في ناس كتير الكل مبسوط وفرحان بوسي راحه جايه تسلم وترحب علي كل الموجودين وجه وقت قص الشريط وقف الجميع جمب بوسي الكل مبسوط الكل بيضحك وفرحان لفرحت بوسي…اما بوسي فكانت واقفه وسط الكل طايره من الفرح وحاسه انها ماسكه السما بأديها لكن فرحتها كانت ناقصه وعينها راحه جايه وسط جميع الحضور وكأنها بتدور علي صالح وسطهم كانت حاسه انه هيجي ولكن احساسها خانها كانت بتتمني انه يجي لكن للأسف خذل كل توقعاتها
دموعت اتجمعت في عينها اابتسامه ظاهره وحزن مخفي مسكت المقص وسط الجميع والموسيقي وفجأه

 

يُتبع ..

 

لقراءة الفصل التالي : اضغط هنا

لقراءة باقي حلقات الرواية اضغط على (رواية 30 يوم حياة)