رواية 30 يوم حياة 3 الفصل السادس عشر 16 بقلم أميرة أسامة

رواية 30 يوم حياة 3 الفصل السادس عشر 16 بقلم أميرة أسامة

رواية 30 يوم حياة 3 البارت السادس عشر

رواية 30 يوم حياة 3 الجزء السادس عشر

رواية 30 يوم حياة 3 الحلقة السادسة عشر

 

البارت السادس عشر…
اما بوسي فكانت واقفه وسط الكل طايره من الفرح وحاسه انها ماسكه السما بأديها لكن فرحتها كانت ناقصه وعينها راحه جايه وسط جميع الحضور وكأنها بتدور علي صالح وسطهم كانت حاسه انه هيجي ولكن احساسها خانها كانت بتتمني انه يجي لكن للأسف خذل كل توقعاتها
دموعت اتجمعت في عينها اابتسامه ظاهره وحزن مخفي مسكت المقص وسط الجميع والموسيقي العاليه..وابتدا العد التنازلي من 10 وهي قلبها بيدق جامد وعينها بتلمع من الدموع ورايحه جايه تبص ورا وتبص جمبها فقدت الامل انه يجي وصل العد التنازلي لزيرو وفجأه لقت ايد بتمسك ايدها وبتقص معاها الشريط بصت بوسي بسرعه جمبها لاقته صالح واقف جمبها ريحه البرفيوم بتاعه اخترقت كل حواسها أبتسامته لما بصت غمزه عينه ليها لما اتصدمت من وجوده أبتسامه طالعه من وسط دموع كتير قلب تعب من كتر دقاته .

 

 

 

بمجرد ما لمحته بوسي غمزلها صالح بعينه ورفع حواجبه..
ضحكت بوسي…وقصت الشريط وهي بتاخد نفسها بعمق كبيررررر وكأنها كانت في تحدي بين قلبها و عقلها لكن فالنهايه قلبها اللي كسب..
بصت بوسي وراها لقت الكل مبتسم وفرحان والشباب بيصفروا والبنات فرحانين من قلبهم .
لكن ملحقتش تكلم صالح بعد ما قصوا الشريط دخلت جوه مع الناس ومع شركه اعلان بتصور الاقتتاح دخلت وهي بتبص عليه وعينها مش راضيه تبعد عن عينه مش عارفه تقف معاه وخايفه تدخل وتخرج متلاقيهوش دخلت بوسي وابتدا الفوتغرافر يصور المكان وهي عينها من جوه عليه من بعيد بتحاول تشوفه لسه بيسلم علي اصحابه وده كان مطمنها عايزه ترجعله بسرعه لكن الناس والمصور معطلينها…
…..
ادهم….انت عارف ياض امك دعيالك انا وزين كنا ناوين نرجع منخليش حته في جسمك سليمه…
صالح بأبتسامه ليه بس ياعم
ادهم…كنا فاكرين لنك مش جاي
صالح…واديني جيت ياعم
زين….بس عجبتني طلعت راجل بجد ياصالح انا عارف انك راجل بس كنت خايف متجيش

 

 

 

صالح….وانا قولتلكم اني هاجي
عامر…مش قولتلكم جاي
عادل…وانا قولتلهم والله انك هتيجي
هيما….ولا ياصالح 😂😂😂اخوك الواطب الوحيد اللي كان عارف انك مش جاي ومتأكد
صلاح….والله استغربت انه جه متخيلتش اصلا انه ربنا هيهديه ويجي
صالح كان واقف معاهم بس عقله مش معاهم وعينه سارحه بتدور عليها.
زين….بهدوء خلص حوارك يا صالح وكمل وقفتك للاخر ياض مش عايز فرحي يجي وانا مشغول عشانك فرحني ياصالح .
صالح…بابتسامه هفرحك يا صاحبي انا اصلا جي انهارده عشان افرحكم كلكم وعلي فكره انا عاملكم شويه مفجأت كده يارب بس تمشي زي مانا عايز
زين…مفجأت ايه
صالح…ياجدع بقولك مفجأه
بقولك ايه انا هعمل تليفون سريع كده خمسه وراجع
زين…طيب انجز ومتتأخرش واعمل حسابك هتقولي عالمفجأه
صالح….من بعيد يخربيت اللي يقول لواحد فيكم علي حاجه يا فضيحه😒
زين…بضحك تستاهل
عامر….مفجأه ايه

 

 

 

ايهاب….انا راشق
زين…اتنيل انت وهو انا عارف حاجه
هيما…في ايه
زين…بيقول هيفرحنا وعامل مفجأه
صلاح….تفتكر هيكلم بوسي
زين….مش عارف بس بيتهيألي امال هتبقي مفجأه ايه اخوك ده عيل واطي زيك😡
صلاح…فيه ايه يا جدع انا كلمتك
زين…هو مس اخوك
صلاح…ياعم انا مالي روح ولع فيه
ايهاب…انت ياض اتعلمت تبقي واطي من امته
صلاح…بضحك هو اللي يعرفكم ميبقاش واطي زيكم.
دخلت توته وسط مره واحده زي القطر.
توته….بقولك ايه انت لو مخدتش واحد فالاتنين دول الوقت وربما يا ادهم لا هسيبلك البيت انهارده بعد الفجر واخد عيالي وامشي.
ادهم والشباب كانوا واقفين باصلنها بصدمه وكاتمين ضحكهم.
ادهم….اشمعني بعد الفجر يا توته
توته….عشان اضمن انك تكون نمت
ادهم…طيب وانا عملت ايه طيب.
توته …انت معملتش بس ولادك طلعوا عين اهلي.
ادهم….طيب لما انتي هتسيبي البيت بسببهم هتاخديهم ليه.
توته….نعم يا اخويا وانت فاكر اني ممكن اسيبلك ولادي
ادهم..والشباب بصولها بصدمه😳😳😳😳
زين…بضحك طيب انتي عايزه ايه الوقت ياتوته
عايزه تسيبي البيت عشان العيال و هتاخديهم عشان متقدريش تسبيهم طب انتي عايزه ايه الراجل ده ماله
ادهم….لا مانت مش فاهم دي خاله بتجيلها كده كل فتره تأعد معاها دقايق كده وبتروح لحاله وبترجع زي الفل
هيما….عيني عليك يا اخويا
ادهم..قرب باسها من دماغها وشال احمد اداه لهيما وشال منها كريم.
ادهم…تمام كده يا قلبي
توته…ربنا يخليك ليا يارب يا ادهم وماتحرم من حنيتك عليا
عامر….احيه😳
يوسف…..😂😂😂😂😂
ايهاب…😂😂😂😂
عادل….دي اتحولت

 

 

 

ادهم….مش بقولكم 😂😂😂
هيما….عارف يا توته انا اخويا ليه الجنه😂😂😂
توته….اتلم يا هيما بدل ما انت عارف هااا😒
هيما….عيني يا توته 🙄
زين….بضحك الواضح ان توته ماسكه حاجه كبيره علي العيله دي😂😂😂.
……وقفوا يهزروا ويضحكوا مع بعض.
……خرجت بوسي علي الباب وقفت وهي بتبص علي صالح من بعيد مش لقياه عينها بتلف في المكان كله نزلت كام سلمه وهي بتلف بسرعه وشها اتبدل للحزن وهي مش لقياه فكرت انه مشي😔
فجأه سمعت صوته جاي من وراها
صالح….في حاجه ضايعه منك.؟؟؟
لفت بوسي بسرعه 🥺
صالح….اصل انا كمان كان في حاجه ضايعه مني بس لقتها فا قولت أسألك يمكن تكوني انتي كمان في حاجه ضايعه منك
بوسي….ابتسمت ونزلت دموعها اخيرا مقدرتش تمسكهم اكتر من كده
قرب صالح ووقف ادامها مد ايده مسحها دموعها وكمل بصوت هادي خالص أشبه بالهمس.
صالح….مبروك يا بوسي
بوسي…كنت عارفه أنك هتيجي
صالح….كان لازم اجي عشان ابقي معاكي وعشان وحشتيني اوي
بوسي…بدموع اتأخرت اوي عليا ياصالح
صالح…..عارف بس غصب عني كنت بحاول أظبط دماغي عشان اقدر افكر صح
بوسي …مش فاهمه
صالح….لاااا ده موضوع يطول شرحه تقريبا كده رحله بسيطه بدأت من 3 شهور تقريبا ومحدش يعرف عنها حاجه غير شخص واحد بس.
بوسي….شخص مين ورحله ايه
شاور صالح من بعيد علي سهر
بصت بوسي….مكان ما بيشاور..
صالح….طلعت دكتوره شاطره اوي وجدعه قدرت تبرمج دماغي بطريقه صح
بوسي…بابتسامه انا مش فاهمه حاجه
صالح….هفهمك كل حاجه بس مش انهارده عشان انهارده في حجات اهم نتكلم فيها وفي حجات اهم لازم نعملها مع بعض
بوسي…حجات ايه
صالح…..اصلي محضرلك مفجأه
بوسي….مفجأه ليا انا
صالح …لو موافقه يعني ايه عندك اعتراض
بوسي….هزت راسها بلأ

 

 

 

صالح…صحيح ايه الفستان الحلو ده
بوسي….شكرا
صالح….بابتسامه مكر حلو
ذوق سهر اوي.
بوسي….بابتسامه فعلا جابتهولي هديه عشان البسه انهارده…وفجأة بصت لسهر ورجعت بصتله بتفكير
لقت صالح مبتسم وبيمشي ايده علي شعره
بوسي….انت اللي جبت الفستان ده صح
صالح….ما انا لو كنت ادتهولك بنفسي مكنتيش هتوافقي ومكانش في حد معايا في رحلتي غير سهر فا كنت مضطر اعمل ايه طيب؟
خصوصا اني عاملك مفجأه
بوسي…سكتت وهي مبتسمه
صالح… ايه ساكته ليه
بوسي….حاسه اني بحلم
قرب صالح منها ومسك وشها بايده باسها من راسها.
ورجع وقف لورا..ايه لسه بتحلمي 🤨انا ممكن أثبتلك انك صاحيه بطريقه تانيه
أبتسمت بوسي من وسط دموعها.
صالح…..مش عايز اشوف دموعك دي خالص ممكن ويلا خلصي اليوم بتاعك عشان المفجأه روحي يلا شوفي الناس اللي جايه عشانك.هروح اقف مع الشباب لحد ما تخلصي
سابها صالح ومشي خطوتين
بوسي….صالح
بصلها صالح…نعم
بوسي….انت بجد جيت وواقف معايا صح
صالح…بابتسامه مانت قولتلك لو لسه حاسه انك بتحلمي اثبتلك بطريقه تانيه
بوسي….بطل قله ادب
ضحك صالح بحب….بحبك يا بوسي.
مشي صالح وسابها وهي واقفه مش مستوعبه اللي بيحصل ومن فرحتها حاسه ان قلبها هيقف
اما صالح فكان احساسه ميقلش عنها…وقف مع الشباب كل ده تحت عيون بوسي اللي مش راضيه تبعد عينها عنه شويه تلاقيه يقف مع صحابه وشويه وتلاقيه راح للبنات وشويه تلاقيه وقف مع امها واحمد العربي وباقي اهل الحته وكأنه بيتفق معاهم علي حاجه
حاولت بوسي تركز مع الناس وتستني تكتشف المفاجأة بنفسها

 

 

 

عدي الوقت وابتدت الناس تمشي واحد ورا التاني وابتدا المكان يفضي في المكان مكانش فيه غير اهل الحته والشغالين معاها في المكان..
احمدالعربي….مبروك يا بوسي
سهير….ربنا يا بنتي يجعله وش الخير عليكي انا حبيت المكان اوي حساه وشه حلو
بوسي….يارب يا امي
توته…بفرحه غريبه انتي لسه ادامك كتير
بوسي….لا خلاص الشغل هيبدأ من بكره بأذن الله انا بس هقول للناس جوه يمشوا بقي
ادهم ..طيب يلا بلغيهم عشان ورانا كذا مشوار كده فالسريع
بوسي….مشوار ايه
صلاح….يابت متسأليش واخلصي
بوسي….بابتسامه حاضر.
راحت بوسي بلغتهم وأبتدوا يمشوا وبعد وقت بسيط كان المكان مقفول وكلهم واقفين مستنين بره ادام العربيات
جت بوسي….يلا انا قفلت خلاص
ادهم…يلا بينا بقولك ايه هاتي مفتاح عربيتك
بوسي….امسك بس ليه
ادهم….مفيش هسيب العربيه ابويا اللي هيسوق ومعاه سوسو وانا هركب انا وتوته عربيتك
بوسي….طيب تمام انا مش قادره اسوق اصلا
ادهم…لا مانتي مش هتركبي معانا انا عايز انا ومراتي وولادي نعمل جو رومانسي.
بوسي….بضحك بقت كده ماشي. ياعم العربيه وصاحبه العربيه هركب انا مع عم احمد
احم….لا معلش انا كمان عايز اخد مراتي ونعمل نفس الحو الرومانسي
بوسي….بضحك طب ايه حد عنده مكان فاضي اركب معاه ولا الرومانسيه انتشرت انهارده بينكم
دخل صالح وسطهم مسك بوسي من ايدها ادامهم ومشي بيها وهي مصدومه
صالح …يلا يا جماعه بقي ورايا يا شباب
بوسي….صالح في ايه
صالح… اصل انا كمان عايز اعمل جو رومانسي
بوسي….صالح استني بس وبعدين هركب معاك الموتسيكل ازاي بالفستان ده
صالح…موتسيكل ابه بس تعالي يلا
راح صالح مكان ماهو راكن العربيه وفتحلها الباب اركبي يلا
بوسي…اركب ايه وفين الموتسيكل بتاعك
صالح…الموتسيكل في الشارع هناك يعني بزمتك ينفع اجي الافتتاح بتاع بوسي هانم بالموتسيكل متجيش بصراحه.
بوسي….عربيه مين دي يا صالح عربيتك
صالح…..لا مش للدرجه يعني بس لو تحبي تبقي عربيتي من الصبح تبقي موجوده وزيرو كمان اركبي يلا🤨🤨
ركبت بوسي واترحكوا كلهم ورا صالح بالعربيات.
فضلت بوسي طول الطريق مش فاهمه حاجه

 

 

 

بوسي….صالح في ايه واحنا رايحين فين وبعدين ازاي تاخدني من وسطهم كده وتركبني معاك
صالح…وفيها ايه واحد وسرق حبيته شويه
بوسي ..بابتسامه صالح ممكن افهم في ايه حاسه ان في حاجه انا مش فهماها وكلكم عارفينها ومخبينها عليا
صالح….هتعرفي كل حاجه بعد شويه
سكتت بوسي وبصت اظامها وفصلت طول الطريق تسأل نفسها ياتري في ايه..
بعد وقت بسيط عدي وصل صالح ادام بيت وكلهم وقفوا وراه.
نزلت بوسي وصالح ونزلوا كلهم وهي مش فاهمه اي حاجه بس لمحت يافطه كبيره مكتوب عليها اسم مأذون قرب ليهم الكل وقفوا معاهم وهي مش عارفه ايه اللي بيحصل.
ادهم…..ايه يلا
صالح….المكان صح يا عادل
عادل…اه تمام
احمد العربي….طيب يلا
سعيد….يلا بينا
صالح….معلش با جماعه لحظه واحده بس قبل ما نطلع حابب اقول لبوسي كلمتين ادامكم كلكم واسمع ردها قبل ما يحصل اي حاجه.بعد اذنكم طبعا واذنك يا ابا
فاروق…طبعا يا ابني
صالح…..انا عارف اني كنت غلط وعارف كمان ان كان ممكن نحل اللي بينا بطريقه غير كده اكيد اضايقت وتعبت زي ماانتي اضايقتي وتعبتي ست شهور عدوا واحنا بعيد عن بعض كانوا اصعب ست شهور عدوا عليا وعلي اد ما كانوا تقال اوي لكن انا واثق ان كان وراهم حكمه من ربنا ودرس كبير ليا قبل ما يكون ليكي واهم حاجه اتعلمتها من الدرس ده ان حبي ليكي عمره ما قل يا بوسي بالعكس حاسس ان الست شهور دول خلوا حبي ليكي اقوي والاهم اني عرفت ان في مشاكل ممكن تتحل بطريقه غير الفراق والبعد…انا غلطت فيكي يا بوسي بس صدقيني والله ما كنتش اقصد الغلط ده ابدا بس انا حابب اتأسفلك أدامهم كلهم انا اسف يا بوسي انا عارف انك بميت راجل وعارف كمان اني مشوفتش اجدع منك انتي تاج علي راسي وعارف انك واثقه في حبي ليكي انا جيت هنا وانا في نيتي اني ارجعك ليا عادل كلم مأذون تبعه وانا عرفتهم كلهم بس مش هينفع اطلع غير لما تقولي رأيك ادامهم لو موافقه هبقي اسعد واحد فالدنيا ولو رفضتي اكيد هزعل بس هبقي مقدر رفضك ومش هزعل منك بس بردو هفضل وراكي لحد ما توافقي لاني من اللحظه دي مش هقدر افرط فيكي ابدا…
بوسي…كانت بتسمعه ودموعها نازله دموع فرح واحراج من الموقف وصدمه فأن صالح فعلا اتغير طريقته واسلوبه وكل حاجه فيه طالعه من قلبه بجد وصادقه.
احمد….عداك العيب ياصالح

 

 

سعيد….ايه يابوسي قولتي ايه الراجل بيطلبك من جديد ادامنا كلنا.
صالح….موافقه نطلع يا بوسي.
مشيت لوسي بعينها علي الكل ومل اصحابها بيهزوا راسهم ليها بفرحه ودموع
سهير…بدموع هزتلها راسها
بوسي….هزت راسها لصالح
وفجأه الكل زغرط في الشارع
أبتسم صالح ومد ايده لبوسي وطلعوا مع بعض وهما وراهم وقت بسيط عدي واخيرا رجعت بوسي لحضن صالح من جديد بدايه حلم أنتهت ببدايه حياه
واخيرا انكتب بوسي من تاني علي اسمه نزلوا كلهم وهو صالح ماسك بوسي بين ايده وحاسس ان روحه رجعتله…باركولهم الكل
صالح…ابه طب يلا عالمفجأه بقي
سعيد….انا بقي رأيي اللي جاي ده بتاعكم انتوا يا صالح يا ابني هنروح احنا وانت والشباب روحوا مع بعض
صالح….لا طبعا كلكم هتيجوا معانا
سعيد….يا ابني انتوا شباب احنا كبرنا ومنقدرش عالسهر روحوا انتوا يا ولاد
فاروق….حاج سعيد معاه حق خد انت مراتك واصحابك والبنات واحنا هنرجع
صالح….لا يا ابا وانا المفجأه دي عاملها عشان نحتفل مع بعض بالافتتاح بتاع بوسي يعني كلنا هنكون مع بعض يلا بقي متكسفونيش
صلاح…خلاص يا ابا خلاص يا عم سعيد يلا بينا
انس…طيب انا هستأذن انا بقي والف مبروك يا صالح ومبروك يا بوسي عالصالون وعلي رجوعك لصالح
صالح….استني بس انا مفيش حنل اناهد انت معانا
انس…اسمع بس
صالح…انا مش هسمع يلا بينا
راح الكل مع صالح ومرضيوش يزعلوه وقف صالح بعد شويه علي النيل ادام مركب جميله
نزلوا كلهم ورا صالح وهما مش فاهمين حاجه
صالح…يلا اركبوا
زين….نركب فين ياض
وبعدين انت اتفقت علي كل ده امته
صالح…..والله ما خدت وقت امبارح اتفقت علي كل حاجه وانهارده يادوب هما مشيوا رحت لبست وجبت العربيه وجيت هنا تممت علي المركب ولقتهم جهزوها زي ما طلبت وزي ما انتوا شايفين كده وكل حاجه فوق اتظبطت
بوسي…بفرحه شكلها حلو اوي
صالح….عجبتك

 

 

 

 

بوسي…اوي
طلعوا كلهم مع بعض المركب كانت مليانه بلالين وفيها عشا حلو جدا وتورته كبيره وكأنه فرح واحتفال بسيط بيضم الاهل والصحاب
وابتدوا سهرتهم مع بعض واتحركت بيهم المركب كانت السهره عباره عن غنا وضحك وهزار وحب وسعاده
الكل كان فرحان برجوعهم جدا اما عن بوسي وصالح فا كل واحد فيهم كان حواه كلام كتير اوي للتاني
بعد وقت طويل خلصت سهرتهم ورجعوا علي الحاره مع بعض .
صالح….يلا
بوسي….يلا ايه
صالح….هو ايه اللي يلا ايه اطلعي ادامي يلا🤨
بوسي…ايوه بس مش لما اجيب حاجتي ونظبط البيت
صالح…كل حاجه متظبطه ولو علي هدومك وحاجتك بكره انا هجيبهملك وعموما متقلقيش في هدوم كتير فوق ليكي
بوسي…..انت عملت كل ده امته ياصالح
صالح…بقالي كذا يوم بظبط كل حاجه عشان كنت واخد عهد غلي نفسي ان بعد ما ترجعي من الافتتاح تكوني في بيتك من تاني وقدرت اكون اد العهد ده يا بوسي
بوسي….بحب بحبك يا صالح
صالح…ياااااه اخيرا سمعتها
مسك ايدها باسها
وبعد ثواني بسيطه نزلوا من العربيه وسلموا علي الكل وباركولهم وطلعت بوسي معاه علي بيتهم من تاني
فتح صالح الباب.
وقفت بوسي بره

 

 

 

صالح….ادخلي يابت البيت موحشكيش ولا ايه
دخلت بوسي ببطئ وهي بتبص علي البيت اد ايه وحشها كل ركن فيه
وقفت في وسط الصاله بتبص علي مل مكان ودموعها نازله قفل صالح الباب وراح وقف ادامها وهو بيميل راسه بابتسامه
مش قولنا بلاش دموع
بوسي….انا مش بحلم ياصالح صح
صالح….لا مش بتحلمي نورتي بيتك يا احلي بوسي فالدنيا
فاللحظه دي دخلت بوسي جوه حضنه
حضنها صالح بكل قوته اخيرا رجعت من تاني لحضنه
واخيرا اتجمعوا من تاني لكن بتفكير جديد وحياه افضل

 

يُتبع ..

 

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة)