رواية المنبوذة الفصل الثاني 2 بقلم جيجي

رواية المنبوذة الفصل الثاني 2 بقلم جيجي

رواية المنبوذة الجزء الثاني

رواية المنبوذة البارت الثاني

رواية المنبوذة الحلقة الثانية

منصور: بقولكم ايه يا بنات ابن عمكم رجع النهارده من امريكا… وطبعا انا عزامته بكرا على الغدا عاوزكم تساعدوا امكم…
ماهيتاب: وهو مانزلش يسلم علينا ليه لما جه دا عمى ساكن فى الشقه اللِ فوقينا… ولا هو مستكبر بقااا وشايف نفسه..
مريم: عييب عليكى دا راجع من امريكا يعنى من اخر الدنيا اكيد عاوز ينام ويرتاح من تعب السفر بلاش سؤ الظن دا
نضفى قلبك شويه.
سوسن: مرييييم عيب تكلمى اختك كدا.. مش معنى انك الكبيره انك تدى لنفسك الحق انك تكلميها بالشكل دا
منصور: بقولكم ايه انا مش ناقص وجع دماغ… اسمعوا كلام امكم وساعدوها فى ترتيب الشقه والمطبخ….
سوسن: ادخلى يا ماهى يا حبيبتى ذاكرى انتى وراكى كليه… انما انتى يا مريم فانتى خلصتى كليه مش وراكى حاجه عاوزاكى تنظفى الشقه عاوزه اشوف وشى فى السراميك من كتر النظافه….
مريم: حاااضر يا ماما بس بمناسبه الفضاااا. انا جالى شغل حلو فى مدرسه انترناشونال هشتغل مدرسه موسيقى ايه رايك
سوسن: امممم نبقى نشوف الموضوع دا بس دلوقتى خلينا فى الاهم يلا اااا نضفى بسرعه ورانا تحضير اكل لبكرا….
مريم: فضلت انضف فى الشقه لغايه لما ضلوعى اتكسرت ااااه يا ضلوعى… بس جاتلى فكرة حلوه.. جبت السماعه البلوتوث بتاعتى وشغلت شويه اغانى شعبى تفوقنى وانا بنضف علشان تدينى انيرجى طاقه ايجابيه كدا واقدر اتحمل الشقاااا اللى انا فيه…. وفضلت اغنى وانا بسمع الاغانى…. يا بتاع النعناع يا منعنع
يا بتاع النعناع يا منعنع يا منعنع يا منعنع
هات هدية للمتدلع اتدلع اتدلع
اللي سايب قلبي يولع وبعذاب قلبي بيتمتع

وأما اجي اقوله اقابلك يتمنع يتمنع
يابتاع النعناع يا منعنع يا منعنع انت يا منعنع
نور عيني قلبي من جوه مين غيره وغيره مين هو
ده تاعبني وبرضو عجبني ولا حول ليا ولا قوة
يا بتاع السكر يا مسكر يا مسكر يا مسكر
ليل نهار في حبيبي بفكر يا مسكر يا مسكر
طال غيابه عليا وكتر اكتر من كده مش هقدر
وأما اجي اقوله اقابلك بيكبر بيكبر
يا بتاع السمسم يا مسمسم يا مسمسم
يا مسمسم القوام حلو ومتقسم متقسم متقسم
لما عطره الحلو ينسم الحياه في وشي بتتبسم
وأما اجي اقوله اقابلك بيأفلم بيأفلم
يا بتاع النعناع يا منعنع يا منعنع انت يا منعنع
هات هديه للمتدلع اتدلع اتدلع
يا بتاع السكر يا مسكر يا مسكر يا مسكر يا مسكر
ليل نهار في حبيبي بفكر يا مسكر يا مسكر
لغايه لما خلصت تنضيف الشقه… وفجأه لقيت اللى بيشد من ودنى السماعات…
ماهيتاب: اييييه مش بنادى عليكى بقولك عاوزه اشرب….
مريم: وانتى اتشليتى ما تروحى تشربى هو انا البيبى سيتر بتاعتك… مش شيفانى بنضف وانتى يا هانم مرتاحه فى اوضتك
ماهيتاب: يا مامااااااا شوفى مريم بتبجح فيا ازاى بقولها عاوزه اشرب انفجرت فيا زى المدفع اكنى عدوتها مش اختها دا حتى تكسبى ثواب لو كنتى شربتينى مايه…
سوسن: اخس عليكى يا مريم دا ماهى اختك الصغيره… بس هنقول ايه اكيد بتغيرى منها لانها احلى منك معلش يا ماهى يا حبيبتى هجبلك انا تشربى ولا تزعلى نفسك…
مريم بعياط: انا مش بغير من حد ومفيش حد احسن منى…. حرااام بجد اللى بتعمليه فياااا انا مش عبده عندكم… انا ساعات بحس انك مش امى…
سوسن: طااااخ اخرسي والله وعرفتى تردى يا ست مريم هى دى اخرت تربيتى فيكى بتردى علياااا… غورى ادخلى المطبخ جهزى لغدا بكرا غوووورى

مريم: اااه بتضربينى يا ماما… انا مغلطش من حقى ادافع عن نفسي لما القيكم بتظلمونى انا بنتك زى ماهيتاب بالظبط وكمان انا اكبر منها والمفروض تحترمنى مش مشغلانى خدامه عندها.
سوسن: كلمه كمان وهتلاقى الشبشب على دماغك غورى على المطبخ وماسمعش صوتك انتى فااااهمه…
“تانى يوم…..”
سوسن: انتى يا مريم الزفت جهزتى الاكل والعصاير والحلويات…. اوعى تكونى لسه مخلصتيش…
مريم: خلصتهم والله… ماما لو سمحتى سيبينى ادخل اخد شور والبس هما دلوقتى جايين عاوزانى استقبلهم وانا بالشكل دا…
سوسن: ادخلى يا ختى جهزى نفسك مع انى شايفه مش هتفرق كتير…
مريم: هى ليه ماما بتحب تكسرنى وتقلل منى وبتحبطنى عمرها ما شجعتنى ولا قالتلى كلمه حنينه…
وفعلا…. جهزت نفسي فى غمضه عين وهما كانوا وصلوا وانا خارجه من اوضتى سمعت صوت ضحكت ماهيتاب اختى…
مريم:!!!!! هو انت زياااد
زياد ببتسامه: اااه انا مش انتى اللى خبطى فيا امبارح…. عند الاسنسير..
هى مين دى يا عمى منصور…
منصور: دى مريم بنتى انت نسيتها ولا ايه يا زياد…
زياد:!!!!! انتى مريم مش ممكن انتى اتغيرتى خالص اكنك واحده تانيه…
مريم: فهمت قاصده كويس…. ابتسمت بسخريه… شوفت الزمن بيغير… على العموم حمدلله على سلامتك نورت بلدك
عمر: رايحه فين يا مريم يابنتى تعالى اقعدى جنبى… بقالى اسبوع ما شوفتكيش ايه عمك ماوحشكيش…
مريم: لا طبعا وحشتنى اوى يا عموره دا انت الحته الشمال ياجدع… ههههههه
عمر: هههههه طول عمرك بكاشه… انا من امبارح وانا شامم من عندكم اكل هيجننى قولت دا اكيد البت مريم اصل اكلك لا يعلى عليه….
سوسن بمقاطعه: لااا دى ماهيتاب هى اللى عامله الاكل… قالت ابن عمى لسه جاى ولازم ادوقه اكل مصرى اصيل… ههههههه
عمر بعدم تصديق: ميييين ماهى والمطبخ مش معقوله دى ماهيتاب بتخاف على ضوافرها للتأذى…
مريم: مقدرتش امسك نفسي وانا شايفه عمى عمر بيهزء ماهى قدامى. ههههههههههههه
ماهيتاب: انتى بتضحكى على ايييه..
زياد: قوليلى يا ماهى انتى فى سنه كام…

ماهيتاب: فى ثالثه تجاره انجلش… بس دى كليه متعبه خااالص…
زياد: لا شيدى حيلك انا عاوز تقدير… لازم الجمال دا يتوج بشهاده حلوه زيه…
ماهيتاب: ههههه شكلك بتعاكسنى ولا ايه… على العموم شد حيلك معايا وذاكرلى مش انت كنت تجاره انجلش برضوا…
زياد: ومش بس كدا انا كمان اتعينت دكتور عندك فى الجامعه ومش بعيد اكون دكتور عليكى وادرسلك…
ماهيتاب: بجد…. وااااو…
مريم: كنت بسمعهم وهما بيتكلموا… ولاحظت انه مش شايفنى اكنى شفافه كل اهتمامه كان على اختى ماهيتاب وعينه بتلمع وهو بيكلمها كان منبهر بجمالها…. قد ايه الانسان بيحب المظاهر… حسيت انى ماليش لازمه فى القاعده دى وشوفت نظره الانتصار فى عيون ماما فهى اخيرا وصلت للِ بتتمناه عريس لبنتها المحبوبه ماهى.. لقيت نفسي بقعد على كرسي فى البلكونه… وفجأه لقيت اللى بيقتحم خلوتى مع نفسي…
زياد: للدرجادى قاعدتى ممله.. سيبتينا وقاعده لوحدك ليه…
مريم: ابدا ولا حاجه.. بس لقيت انى ماليش مكان وسطكم….
زياد: ماتقوليش كدا… انتى جزء من عيلتنا ولا ايه.. مريم هو انا ممكن اسألك سؤال..
مريم: اتفضل…
زياد: انتى ليه بطلتى تتواصلى معايا وانا فى امريكا… بقالك سنين طويله اخبارك بعرفها من بابا لكن انتى من بعد سنه من سافرى قطعتى مره واحده وبطلتى تكلمينى هو انا زعلتك او قولت حاجه ضايقتك منى…
مريم: مش انت بس… انا قطعت مع الكل…
زياد: مش هقولك انا مش زى اى حد…. بس ليييه ايه اللى حصل لدا كله…
مريم: احب احتفظ بالسبب لنفسي… عن اذنك…
زياد: استنى عندك مش انا بكلمك… ازاى تسيبينى وتمشى كدا…
سوسن بمقاطعه: معلش يا زياد اصلها قليلة الذوق سيبك منها ماهي بتنادى عليك روحلها…
اول لما خرج زياد من البلكونه
انتى يا زفته ايه اللى مقعدك مع زياد لوحدكم فى البلكون ايه قله الادب دى…
مريم بعياط: انا مش قليله الادب انا كنت قاعده لوحدى هو اللى جه يكلمنى… وانا سيبته وكنت ماشيه وهو اللى وقفنى واظن حضرتك شوفتى بنفسك…
سوسن: طييب غورى جهزى السفره… علشان نتغدااا.
مريم: اتغدينا وحلينا… وكنت بتجنب زياد.. حاولت ما اتكلمش معاه ولا ابص ناحيته اصل صدر فرمان من ماما انه بقى خلاص ملك لماهيتاب وانه العريس المنتظر… وعيييب انى اقرب لعريس اختى المستقبلى…
زياد: والله يا عمى منصور القاعده مايتشبعش منها معاكم وعلشان كدا هتلاقينى عندكم كل يوم علشان احس بالدفء العائلى اللى محروم منه الاول وفاه امى الله يرحمها وبعدين سافرى للدراسه برا وبعادى عنكم وعن بلدى تقدروا تقولوا عندى حرمان عاطفى هههه
سوسن؛: دا انت تشرفنا وتنورنا….
“” “” “” “” “” “” “”
بعد شهر….»

مديره المدرسه: انسه مريم.. احب اقولك ان المدرسه داخله مسابقه موسيقيه على مستوى الجمهوريه… فاعاوزاكى تشدى حيلك فى تدريب فريق الكورال بتاع المدرسه…. حضرتك من ساعه ما اشتغلتى عندنا وانا شايفه تحسن فى الفريق بشكل ملحوظ ربنا يقويكى…
مريم: متشكره لحضرتك.. واوعدك هكون عند حسن ظنك… ومتقلقيش هنفوز بأذن الله. ….
عامل المدرسه: انسه مريم اتفضلى بوكيه الورد بتاع كل يوم…
مريم باستغراب: تانى هو مش بيزهق… نفسي اعرف مين اللى بيبعتوا… على اخر الزمن معجب سرى ليا….

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية المنبوذة)