رواية ست الدار الفصل السادس 6 بقلم أميرة أسامة

رواية ست الدار الفصل السادس 6 بقلم أميرة أسامة

رواية ست الدار البارت السادس

رواية ست الدار الجزء السادس

رواية ست الدار الحلقة السادسة

عدي يومين وطول اليومين دول بخيته مش سايبه حمدان وهيبه ونازله زن في ودانهم عشان يقتلوا موسي شايفه ان هو كان السبب في موت بنتها ومش قادره تتنازل عن أخد تارها منه وكأن الزمن بيتعاد من تاني وبتبخ بخيته سمها في ودن ولادها زي ما زمان عملت أمها لما أخوها اتقتل💔
……
أما عند موسي
فضل موسي منعزل عن الكل حاولت معاه جليله لكن كان بيرفض يشوف اي حد
حتي بدر اللي كان بيحاول يزوره عشان يطمن عليه و ينبهه من أخواته رفض يشوفه وكان ديما قافل موبايله..اما هنيه عرفت خبر موت عطر أنهارت كان نفسها تودعها او تروح تزورها في قبرها لكن جليله منعتها عشان خافت عليها
وفضلت حالت الحزن مسيطره علي الجميع
سافر سالم علي القاهره عشان يشوف شغله ودعته جليله بالدموع وقدر يدخل لموسي يسلم عليه قبل ما يسافر.
عدت أيام..وحالت عتمان بتتدهور يوم بعد يوم من بعد موت عطر.
……..
في صباح يوم جديد كان ماشي مهران عالارض وسمع صوت واحد بيصرخ من الالم وبيستنجد بحد راح عالصوت وسط تجمهر الناس اتفاجئ لما لقي حمدان ماسك واحد من اهل البلد هو وهيبه منيمينه عالأرض ورابطينه ومعلقين رجله علي خشبه ونازلين فيه ضرب بكل قسوه وجبروت زي العيال الصغيره.
مهران…بتعمل ايه يا حمدان في الراچل.
حمدان…بغضب وكره مليكش صالح يامهران
مهران…كيف يعني ملياش صالح نازلين ضرب فالراچل كيف العيل الصغير عمل ايه عاد عشان تعملوا فيه إكده وأزاي يروح جدام عياله مضروب علي رچله
هيبه…هو مش جالك ماليكش صالح وزقه في كتفه وسط الناس يلا أتوكل علي الله سكت مهران وبدأ يتراجع خطوه خطوه ومشي حس بكسره نفسه ادام الكل لكن محبش يعمل مشكله قرر انه مش هيعرف موسي عشان عارف انه مش هيسكت و انهم مستنين اللحظه دي وخاف عليه يتأذي..لكن فالوقت ده هريدي شاف الموقف بالكامل وبسرعه راح لموسي وحكاله اللي حصل🙆‍♀️🙆‍♀️ موسي..بغضب ومهران سكت كيف
هريدي…ماعرفش أنت عارف أن مهران بيه طيب وملهوش فالشكل بس بصراحه يا كبير هما جلوا من جيمته وسط الخلج عالأخر🙄

 

 

 

موسي….حس انه هيتجنن ماعاش ولا كان اللي يجل من جيمت نفر من الشرفا نسيوا نفسهم ونسيوا ان مهران أخو كبيرهم قام بسرعه من مكانه وراح عليهم وجري وراه هريدي
وصل موسي علي أرضهم كان هيبه وحمدان أعدين علي دكه خشب وبدر واقف بعيد عنهم اول ما لمحه بطلته اللي ما تبشرش بالخير اترعب وحس ان فيه مصيبه هتحصل.
وبمجرد ما شافه حمدان حط رجل علي رجل بتعجرف
موسي بغضب وقف أدامهم
وأتكلم علي طول من غير سلام.
موسي..اللي حوصل مع مهران لو أتكرر تاني متلوموش غير حالكم
حمدان…بتهددنا في ارضنا ياكبير تبجي عيبه في حجك
موسي…اني حديتي واضح والراچل اللي جليتوا من جيمتوا وسط الخلج ووسط عياله تراضوا.وتستسمحوه جدام الكل كيف ما جليتوا من جيمته وأهانتوه جدام الكل
هيبه…عايزنا نراضي حرامي
يعني نشوفه بيسرج من الارض ونسيبه من غير ما يتربي ويكون عبره لغيره
موسي..سلمه للمركز لكن متچرحهوش وسط الخلج وتمده علي رچليه كيف العيل الصغير
حمدان…وأنت زعلان ليه عاد يا كبير ده فالاول والاخر من الهواره مش منيكم وبعدين يعني لو واحد من اهل البلد دخل وسرج أرضك هتسلمه من غير ما تربيه
موسي..اولا سواء الراچل ده من هواره ولا من الشرفا ولا من اي عيله فا أنا مسؤول عنه الكبير مابيحميش اللي من عيلته وبس…ثانيا وده الأهم .لو واحد من اهل البلد سرج يبجي العيب فيا أني يا حمدان عشان أكيد هبجي اني اللي جصرت معاه
وخليته يمد يده واچبك تشوف الناس اللي انت عامل عليهم كبير ناجصهم ايه وتعمله جبل ما تحاسب الناس حاسب حالك لما سيدنا عمر رضي الله عنه عين عمرو أبن العاص والي علي مصر بعد فتحها سأله لو چاءك سارق ماذا تفعل به؟ چاوبه عمرو بن العاص بسرعه ومن غير حتي ما يفكر وجاله أقطع يده لكن عمر بن الخطاب رد عليه فالحال وجاله لو چائني فقير من مصر لقطعت يدك.
هيبه…اسمع يا موسي اني معرفش فالحديت بتاعك ده وكيف ما جولنا لأخوك مهران مليكش صالح أنت كمان مليكش صالح..بسرعه أتوترت الاجواء بينهم وقبل ما موسي يفقد اعصابه أتدخل بدر وبعد بينهم عشان عارف ان اخواته بيستفزوه وعايزين يقتلوه واتخانق معاهم عشان موسي وكان هيمسك هو وهيبه في بعض بسرعه انسحب موسي عشان خاطر بدر وعشان أخواته ميحطهوش في دماغهم بسببه..راح موسي عالراجل اللي اتهان واتضرب
موسي…عملت ليه إكده يا محمود.
محمود…بحزن وتعب من كتر الضرب ولادي چعانين يا موسي بيه حمدان بيه وهيبه بيه مشغلينا عنديهم في الارض بتاعتهم مابنجعدش ثانيه حتي نرتاح واللي يفكر بس يرتاح عشان يشرب شويه مايه رجالتهم بالكرباج بتنزل علي چسمنا بيعاملونا كيف العبيد وياريت بعد التعب ده كله بيدونا فلوس تكفي العيشه يادوب بنجضي الشهر وكمل بدموع قهر غصب عني يا موسي بيه مديت يدي وسرجت حبه فاكهه عشان العيال عارف اني غلطت وأستاهل اللي حصل فيا لكن والله العظيم
كان غصب عني اني لو طلبت أسيب الشغل عشان اشوف موطرح تاني أكل من وراه عيش ماهيسيبونيش في حالي ومش بعيد يجتلوني ماهو الجتل عنديهم سهل وولادي ملهمش غيري من بعد أمهم ما ماتت وامي ست كبيره جاعده معاهم واكيد ليها طلبات علاچ وأكل

 

 

موسي….بحزن حجك عليا اني يا محمود امسح اللي حوصل فيك ده فيا اني
محمود…العفو يا موسي بيه
موسي…شوف مش هجولك سيب شغلك عنديهم عشان عارف انهم مش هيسيبوك لأن فالأول والأخر من نسل الهواره يعني منيهم والمفروض انهم مسؤوليين جدامي عن اي نفر من الهواره وطبعا ده مهيحصولش شوف خليك معاهم واني كل اول شهر هشوف طلبات بيتك وخزين الشهر هيكون عنديك جبل الشهر الچديد ما يهل وأي علاچ لأمك اني متكفل بيه حتي مصاريف مدرسه عيالك عندي في مبلغ بسيط هديهولك كل اول شهر غير الخزين بس ماعيزش حمدان او هيبه يعرفوا عشان الفلوس اللي بيدوهالك ممكن يحشوها عنيك ويستخسروها فيك وانت أولي بيها انت وعيالك
محمود…ايوه يا موسي بيه بس ده كتير واني مستاهلش كل ده واني مش بشتغل
موسي….لاه مش كتير يامحمود وأعتبرها مچرد سلفه ياسيدي هتردها لما أشوف صرفه في حمدان وهيبه وأريح الخلج من شرهم بس أوعدني يامحمود متمدش يدك علي أي حاچه من أهنه ورايح
محمود…لاه ماهعملهاش تاني أوعدك يا موسي بيه.
موسي….واني متوكد أنك مهتعملهاش تاني حط موسي ايده في جيبه طلع محفظته وعد مبلغ لا بأس به وحطه في ايد محمود.
موسي…أمسك يامحمود ده المبلغ اللي جولتلك عليه وبكره هشيعلك الواد هريدي بخزين يكفيك انت وولادك وامك شهر بحاله
وطي محمود علي ايد موسي يبوسها سحب موسي ايده بسرعه
محمود….ربنا يخليك للغلابه ياموسي بيه ويزيدك من نعيم الله وفضله ويرحم وهبه بيه
موسي….الله يخليك يامحمود يلا بالأذن
محمود…طيب أشرب الشاي
موسي…معلهش مره تانيه يلا بالأذن..
خرج موسي بعد ما رسم الأبتسامه من تاني علي وش محمود بعد أهانته وسط الناس
…….
روح موسي علي قصره وقرر انه يطمن علي هنيه من يوم ما دخلها الاوضه وهو ميعرفش حاجه عنها وكان حابب يعرف ناويه تعمل ايه لأنها مش هتفضل طول حياتها مستخبيه عنده في القصر
طلعلها موسي وساب الباب مفتوح
موسي…كيفك يا هنيه
هنيه…بحزن علي عطر كيف ما انت شايف جلبي متجطع علي عطر
موسي بحزن..ربنا يصبرنا جميعا.
هنيه…يارب. جولي ياموسي بيه مفيش أخبار عن هيبه يعني بيدور لستاه عليا
موسي…أيوه بس طبعا من بعد موت عطر اكيد لا وعموما اني كنت لسه معاهم
هنيه…ليه اجصد يعني حاچه بخصوصي
موسي…لاه
وحكالها عاللي حصل منهم واللي دار بينه وبينهم وعلي المشكله اللي كانت هتحصل لولا تدخل بدر.
هنيه…بفزع ومن غير ما تاخد بالها من كلامها أبوس يدك يا موسي بيه بعد عنيهم وعن شرهم خصوصا بعد اللي حوصل لعطر هيحملوك موتها وأكيد ماهيصدجوا أنك تتعارك معاهم عشان يجتلوك كيف ما جتلوا أبوك..😳
موسي…بصدمه هتجولي أيه؟
هنيه…بأرتباك لاه ماهجولش
موسي..بغضب مسك دراعها بعنف بجولك جولتي ايه حمدان وهيبه اللي جتلوا أبوي اني كنت شاكك بس انتي كيف ماجولتليش من اول ما چيتي وكمل بعصبيه وصوت عالي أنطجيييي بجولك مجولتليش ليه.
هنيه…بأنهيار عشان بحبك وخايفه عليك💔
أتصدم موسي وأبتدا ينزل ايده براحه من علي أيدها بزهول.
هنيه…ايوه بحبك ياموسي من يوم ما وعيت عالدنيا واني مدخلش في جلبي غيرك كبرت علي حبك اللي محدش يعرف عنيه حاچه وبعد سنين أهلي چوزوني لهيبه بالغصب ولما دخلت دارهم اتعرفت علي عطر وعرفت انها هي كمان بتحبك بس اني مخونتهاش اني حبيتك جبلها بس انت حبيتها هي واني حبيتكم انتوا التنين وعشان إكده كنت بساعدكم مكانش هاممني نفسي ووچع جلبي وأني شيفاك بتحبها وشيفاها بتحبك المهم أني أشوفكم متهنين مع بعض طول الوجت كنت بحاول احميك من بعيد لبعيد واعرفهم ايه اللي بيدور في راس هيبه وحمدان من ناحيتك ويوم موت وهبه بيه سمعتهم كانوا جاصدينك انت ولأول مره ما أعرفش اعمل حاچه عطر محبوسه والمحمول بتاعها مش معاها ورجمك مش معايا عشان أحذرك وكنت خايفه بدر بعد اللي عرفه يكون جلب عليك ويفكر انك خنته وميهموش أمرك لما أحكيله عاللي سمعته حزنت علي وهبه بيه بس فرحت لما عرفت انك بخير. صدجني لو كان في حاچه في يدي أمنع بيها اللي حوصل كنت عملتها بس مكانش فيه ومجدرتش أجولك لما چيت أهنه عشان ماتروحش ليهم وتواچههم ويجتلوك كيف ما كانوا عايزين..سامحني ياموسي غصب عني
فضل موسي باصصلها بصدمه وحزن ومشاعر متخبطه وبسرعه سابها وخرج وقفل عليها.
اعدت هنيه عالارض وفضلت تعيط. سامحيني ياعطر سامحيني يا خيتي💔
………..
اما في جنينه القصر خرجت فرحه كانت بتكلم صحبتها فالموبايل بصوت واطي ولسوء حظ هريدي سمع كل كلامها.
فرحه….كيفك يا چميله
جميله…الحمد لله عامله أيه الوجت

 

 

 

فرحه…بحزن عايشه يا چميله بس فوراج ابوي لساته صادمني مش جادره أتخيل أن ابوي خلاص مات وسابني
چميله…هوني علي روحك يا خيتي ادعيله كتير هو حاسس بيكي
فرحه…بدموع فوراج ابوي كسر جلبي يا چميله ابوي اللي كان يشوفه من بعيد يجول عليه جوي بس والله ما كان في حد فحنيت جلبه وطيبته.
چميله….هتجوليلي الله يرحمه ما يعظمش عاللي خلجه سيرته الطيبه وعمله الصالح هتكون شفيعه ليه ليوم الجيامه
فرحه…يارب ياچميله.
چميله….جوليلي صوح مفيش أخبار عن دكتور محمد
فرحه…بأبتسامه بسيطه لا فيه يا چميله
چميله…أخس عليكي ومتجوليليش
فرحه….اني كنت في ايه ولا ايه يا چميله خرچت من موت أبوي دخلت علي موت عطر والحزن مراضيش يسبني
چميله…طيب أحكيلي
فرحه…بعد موت أبوي أتصل عزاني صراحه أستغربت فالاول أنه عرف رجمي بس أتحرچت أسئله بعد ما خلص معايا كلام وجفل لاجيته باعتلي رساله علي المحمول بيجولي.اني عارف انك مستغربه اني عرفت أچيب رجمك اني خدته من صحابك عشان أعزيكي بصراحه فكرت انتي اللي أديتيه الرجم
چميله…لاه والله مش اني المهم وبعدين.
فرحه….ولا حاچه أتصدمت لما لجيته كاتبلي اني بصراحه كنت بحاول أچيب رجمك من جبل إكده بس مكنتش عارف أطلبه كيف بعتله جولتله ليه كان في حاچه جالي بصراحه اني معچب بيكي او بالأصح بحبك يا فرحه وعايز أچي أطلب يدك
چميله…بفرحه بتتكلمي چد
فرحه…اه والله
چميله…طيب جولتيله ايه
فرحه…بصي اني مكنتش مش مصدجه نفسي يا چميله انه أعترفلي بحبه وانه طلع بيحبني كيف ما اني بحبه. بس جولتله يأچل الخطوه ديه خالص الوجت
چميله…طيب ليه بس يافرحه
چميله…هو أيه اللي ليه انتي ناسيه ان أبوي لساته ميت مهينفعش الوجت خالص ياچميله وبصراحه هو جدر الموجف وجالي اكيد طبعا كل حاچه هتتأچل بس هو كان عايز يعرفني بشعوره ناحيتي ويعرف ردي وبعدين اني مش متخيله موضوع الارتباط ده يا چميله من غير أبوي كيف أفرح وهو مش معاي كيف يوم فرحي ابوي ميبجاش واجف چمبي وفي ضهري
چميله…اني حاسه بيكي يا خيتي بس كمان ربنا يخليلك أخواتك
فرحه….أخواتي دول أغلي حاچه في دنيتي يا چميله وموسي بالأخص طول عمره أخوي وأبوي وكل حاچه فالدنيا وعارفه أن وجفته معايا بالدنيا ومافيها بس كمان يا چميله عمري ماهجدر افرح وأبوي مش چمبي أي بنت فالدنيا بتتمني في اليوم ده أبوها يكون چمبها وأني بالأخص عمري ما تخيلت اليوم ده من غير أبوي عارفه ان الموت علينا حج وأنه بياچي من غير أستأذان لكن عمري ما تخيلت ان أبوي ميبجاش معاي يوم فرحي
چميله…ربنا يصبر جلبك يا فرحه ويهدي بالك
فرحه…يارب يا چميله
چميله…المهم انه أخيرا أعترف بحبه
فرحه…مكنتش مصدجه عيني واني بشوف رسالته جلبي من فرحته مكانش مبطل دج أخيرا دكتور محمد حس بيا وبجلبي أخيرا هو كمان أعترفلي بحبه كأن ربنا بعتهولي فالوجت ده بالذات عشان يطبطب عليا
چميله…ربنا يسعد جلبك يا خيتي ويبعد عنيكي الحزن
فضلت فرحه وجميله يكملوا كلامهم ومع كل حرف بتقوله فرحه كان بينزل علي هريدي زي السهام اللي بتصيب وما بتخيبش.💔
دخل هريدي الخلوه محني الأكتاف بعد ما حس انه أتصدم من كلام فرحه هريدي لنفسه طلعت بتحب وكمان الدكتور بتاعها في الچامعه وانت كنت فاكر أيه ياحزين هتسيب الدكتور وتبصلك ليه أنت مين انت عاد انت ولا حاچه.
نزلت دموع هريدي وفضل يعيط بقهر علي حب عمره وسره اللي محدش يعرف عنه حاجه وحبيتبه اللي راحت من ايده للأبد💔 مسك هريدي الربابه بتاعته وفضل يدق عليها مقطوعات توجع القلب ودموعه مش راضيه تقف💔😔
……..
في قصر عتمان.
في غرفه بدر كان اعد بدر حزن الدنيا باين علي وشه دموعه نازله ودقنه طالعه
اعدت جمبه هاچر بحزن.
هاچر…هون علي حالك يا بدر الحزن ماهيرچعش اللي راح كل يوم بليل أشوف دموعك
بدر…مش جادر يا هاچر مش متخيل ان عطر راحت خلاص ازاي هانت عليها روحها وكيف يا هاچر الواحد مننا تهون عليه روحه هي الروح رخيصه جوي إكده
هاچر…بدموع عطر مكانتش عارفه بتفكر أزاي وضعفت
بدر…ليه الواحد أول ما بيحس ان الدنيا أتجفلت في وشه وحس بالضعف أول حاچه بيفكر فيها انه يخلص من حياته مهما كان الضعف والضغط اللي بننحط فيه ماينفعش أبدا نفجد ثقتنا بربنا ونكفروا بيه
هاچر…يمكن معاك حج يا بدر الروح ماينفعش تكون رخيصه بس أحنا دايما نحكم عالأمور من بره عمرنا ما بنشوف اللي بينتحر ده بيبجي بيفكر في ايه وجتها او حاسس بأيه
بدر….عطر تعبت الايام الاخيره ضرب وبهدله وحبس وحرمان من البني ادم اللي جلبها أختاره والأهم الجساوه اللي شافتها علي يد أخواتها وامها اللي المفروض تكون هي أحن حد عليها فالدنيا شافت نفسها بالفستان وبدل ما تلبسه للي بتحبه وجلبها رايده لبسته غصب لواحد تاني لكن بردو مكانش ينفع تنتحر وتضعف وتغضب ربنا
هاچر…كان جلبي مش مطمن يا بدر يوم فرحها كلامها ونظراتها كانوا بيجولوا كتير كانت مستسلمه للموت حضنها ليا جلجني بس خوفت أجولها انتي ناويه تعملي حاچه فروحك لايكون مش بالها واني اللي أخليها تعمل إكده بس هي كانت ناويه يا بدر كان لازم أفهم إكده وما أسيبهاش لوحدها خصوصا لما….سكتت هاجر شويه
بدر…لما أيه ياهاچر جولي؟

 

 

 

هاچر…هجولك يابدر بس أوعدني أنك تعتبر اللي هجولهولك ده وصيه عطر وتنفذها.
بدر…ماشي يا هاچر بس جوليلي في ايه
هاچر….بعد ما عطر لبست الفستان لجيتها حطت في يدي ورجه چوه ظرف وأمنتني أديها لموسي مكنتش أعرف انها ناويه تموت حالها بس هي عشان تطمني جالتلي انها بعد چوازها من رضوان ماهتعرفش تشوف موسي من تاني وان كان في حديت كتير نفسها تجولهوله ومعرفتش فاكتبته بيدها عشان يجراه..
بدر…فيه اي الچواب ده
هاچر…ماعرفش يا بدر ده مجفول وياريت متفتحهوش يا بدر ده سر وهي أستأمنتني عليه
بدر…هاتيه ياهاچر
هاچر…هتفتحه؟؟
بدر…لاه ياهاچر هوصل الأمانه لصاحبها.
……..
اما في بهو القصر كانت اعده بخيته بتعيط ومعاها سهير وحمدان وهيبه.
حمدان…وبعدهالك يا أما ه‍تفضلي تبكي كتير
بخيته…جلبي جايد نار يا حمدان أختك راحت مني ملحجتش أفرح بيها وأشوفها في بيت چوزها
هيبه…هتبكي عليها ليها يا اما بعد كل اللي عملته لساكي هتبكي عليها بعد ما وطت راسنا جدام الخلج وچرستنا مكفهاش مشيها مع ولد وهبه لاه كمان تموت حالها يوم فرحها وتچيب لنا العار
حمدان…لولا اني هددت الدكتور يجول أن چالها هبوط ووجعت أتعورت كان زمان الكل عرف انها موتت حالها وسيرتنا علي كل لسان مع اني شاكك أنها مدخلتش عالكل
سهير…المهم انها عدت علي خير ومحدش أتكلم
هيبه…خلي حد بس يتكلم واني أخرس لسانه
بخيته…اني ملياش صالح بكل ده ولد چليله لازمآ ينجتل هو السبب في كل اللي بيحصول فينا سبب تعب أبوكم وموت عطر بنتي راحت بسببه بنتي ماتت وهو عايش ومتهني في حضن چليله..😡 غوي بتي وخلاها وجعت في شباكه وبتي اللي دفعت التمن فالاخر
هيبه…واللي خلج الخلج يا أما لا هندمه وأبكيه كيف الحريم وأخلي چليله تنجهر علي ولدها
بخيته…بجبروت وبنبره شر تخوف😡😡 اني عايزه أشوف جلب چليله متجطع علي ولدها عيزاها تشوف السواد وتعيش فيه عيزاها تشوف ولدها غرجان في دمه جدام عيونها عايزه چتته ما تبانش من كتر الرصاص اللي فيها عايزه أشوفها وهي بتصرخ من جلبها علي موسي وأجف أتشفي فيها
حمدان…بهدوء أطمني ياست الكل كل اللي انتي عيزاه هيحصول وهتشوفيها بعينك مجهوره علي موسي.وهچيب حجنا من جلبه ولو طولت أشوج صدره بيدي وأچيبلك جلبه تدعسيه بمداسك هعملها بس أنتي بطلي بكي عاد.
هيبه….بالحج أبوي كيفه انهارده
بخيته…أبوك تعبان جوي يا هيبه لا راضي ياكل ولا يشرب زاهد الدنيا من بعد موت عطر اني خايفه يچراله حاچه
سهير…بعد الشر عنيه
حمدان….بعد الشر عنيه يا أما انتي خابره أبوي كان بيحب عطر كد ايه وياريتها الفاچرة جدرت ده ألا راحت وحطت راسنا وراسه فالطين وجهرته مكفهاش الرجده اللي رجدها بسببها راحت تموت حالها وترجده أكتر
بخيته….اني خايفه يچراله حاچه ياولدي
هيبه…متخافيش يا أما أبوي كيف الوتد ماهيجرالوش حاچه
بخيته…جولي مفيش أخبار عن مجصوفه الرجبه هنيه دي كمان اللي چرستنا وهربت
هيبه…لاه يا أما لسه جلبت عليها البلد كلها ملهاش لا حس ولا خبر بت المركوب ديه أتلايم بس عليها وشرفي لا هجتلها وأتاويها
بخيته….دورت عليها زين في بيت أهلها
هيبه…ماخليتش موطرح مدورتش فيه
بخيته…هتكون راحت فين ياولدي أكيد أهلها هما اللي خافينها
هيبه…لاه اني روحت كسرت البيت علي دماغهم ملهاش أثر
بخيته…يبجي حد من الچيران أو أهل البلد هما اللي خافينها
حمدان…لاه محدش يستچري يعملها كلهم يخافوا منينا العامله دي مفيش وراها غير موسي هو بس اللي يجدر يخفيها
هيبه….بس العساكر فتشوا زين وجالوا مفيش حاچه
حمدان….أكيد يعني ماهيخبيهاش فالجصر يا أبو مخ زنخ موسي أيده طايله وعنديه بدل الموطرح ألف يعني أكيد مخبيها في موطرح محدش يعرف يوصلها فيه
سهير… طيب ما يمكن تكون سافرت وانتوا جاعدين تدورا عليها إهنه
هيبه…هتسافر تروح فين دي مجطوعه ملهاش حد كل اهلها إهنه فالبلد وحتي لو سافرت متعرفش اي موطرح هنيه خايبه وخوافه تخاف تروح أي موطرح لحالها
حمدان…هنلاجيها هتروح فين الدنيا ضيجه ومسير الحي يتلاجي
هيبه…بس يوم ماهلاجيها هيبجي يوم موتها الفاچره بنت المركوب
بخيته…بجولك أيه خلينا فالمهم الوجت سيبك من الحديت ده تولع بچاز هنيه جبر يلم العفش…المهم الوجت أنك بتخلف ياهيبه وطول السنين ديه هنيه مفهماك ان الخلفه صعبه اني عيزاك الوجت تفكر فالچواز
بصت سهير لحمدان وكانها بتقوله قول حاجه
حمدان…مش يلاجي مرته اللول يا اما
بخيته….ماهنفضلش طول حياتنا ندوروا عليها اكيد هيلاجيها بس لازمآ هيبه يتچوز عليها ويلحج يخلفله حتت عيل ويجهرها
سهير…بس يا حماتي اني شايفه مش وجت الحديت ده خصوصي ان عطر لساتها ميته مابجيلهاش كام يوم
بخيته…بقسوه الحي أبجي من الميت وبعدين يعني هو هيتچوز بكره اني عايزه أشوف ولادك يا هيبه حبل ما أموت عايزه سلسال الهواره مينجطعش
هيبه…بعد الشر عنيكي يا أما
بخيته….سيبك من الحديت اللي لاهيودي ولا يچيب أني عايزه أشوف عيالك في أجرب وجت وعروستك عندي كمان
هيبه…بأبتسامه مين ديه
بخيته….البت حسنه بنت رماح
سهير…بس حسنه دي صغيره علي هيبه يا حماتي

 

 

بخيته…ماهو اني مش هچيبله واحده من سنه تكون أرمله ولا عذبه اني لازم أچوزه بت بنوت وبعدين 18 سنه مش صغيره ولا حاچه يعني تجدر تفتح بيت أهلها غلابه وماهيصدجوا اننا نناسبهم والاهم ان البت منكسره يعني هتبجي كيف العچينه في يدي أشكلها كيف ما اني رايده جولت أيه
ياهيبه.؟
هيبه…موافج البت حلوه بصحيح
بخيته…اهو ده اللي انت فالح فيه
هيبه…بضحك الله يا اما امال عيزاني أتچوز واحده عفشه
بخيته….ساكت ليه ياحمدان
حمدان…أجول ايه يا اما عالبركه بس اني شايف ان سهير معاها حج الچوازه ديه مش وجتها
بخيته…هنتكلموا عليها بس وسبوعين يكون داخل عليها
سكت حمدان بقله حيله مش عارف يقول ايه..
بعد وقت بسيط طلع حمدان وسهير أوضتهم
سهير…بغضب مش جادر تمنع الچوازه ديه يا حمدان يعني أني ما أصدج أخلص من هنيه بوز الاخس دي ويچيبلنا واحده تانيه
حمدان…ماهي امي بتجول اهه انها منكسره وغلبانه
سهير…يعني هي هنيه مكانتش منكسره وغلبانه اني أجصد الخلفه ياحمدان
حمدان…كنتي عيزاني أعمل ايه بس يا سهير ما الحديت كان جدامك وبعدين هيبه مش صغير ويمكن هيبه مالهوش في الچواز والمسؤوليه حتي چوازته من هنيه أمي وابوي اللي خلوه يتچوز طول عمره عايز يعيش حر وحابب عيشه السرمحه والچري ورا النسوان بس كمان هيبه مايعرفش يعيش من غير واحده ست في حياته عشان مزاچه يعني إكده إكده كان هيفكر فالموضوع لو هنيه هروبها طول
سهير…يعني ايه هنسكتوا ونهمله يتچوز ويچيبلنا عيل يشارك عيالنا في كل العز ده اني بحمد ربنا أن بدر خلفته بنات يجوم هو يتچوز ويجبلنا عيل.
حمدان…طيب جوليلي أعمل ايه عاد.
سهير…ماهتعملش حاچه يا حمدان اني اللي هعمل
حمدان…هتعملي ايه
سهير…لو هيبه صوح أتچوز والدنيا جفلت جوي ومعرفناش نمنعوا الچوازه دي..يبجي مفيش غير حل واحد
حمدان…أيه هو ؟؟
سهير….هعمل مع عروسته الچديده كيف ما هنيه عملت
حمدان…مش فاهم تجصدي ايه؟؟
سهير…حطلها بيدي برشام منع الحبل في أي حاچه بتشربها كل يوم
حمدان….بذهول من تفكيرها الشيطاني يخرب شيطانك يا سهير كيف ما چاتش في بالي الفكره دي.
سهير…بأبتسامه شر جولتلك سيبلي اني التفكير وانت التنفيذ.
حمدان…عفارم عليكي تسلملي دماغك اللي زي الالماظ دي
سهير…بمسكنه وتمثيل.ماعيزاكش تزعل مني يا حمدان اني مش عفشه كل الحكايه أني خايفه عليك أنت وعيالي وعايزه أحافظ علي حجكم
حمدان…اني مجدرش أزعل منيكي ياسهير وعمرك ماتكوني عفشه ياريت كل الخلج كيفك إكده🙄🙄
……..
في صباح يوم جديد
وبعد يوم مرهق في الشغل كان موسي دافن نفسه في مراجعه الاوراق وكل حاجه تخص الشغل عشان يحاول يريح باله من التفكير والوجع
حس بأرهاق وتعب وقرر انه يمشي
موسي…واد يا هريدي انت ياواد.
كان هريدي أعد سرحان وحزين بعد الكلام اللي سمعه من فرحه
موسي…انت ياولد المركوب
هريدي….أنتبه ايون ياموسي بيه
موسي…بيه ايه وزفت ايه بنادمي عليك من بدري سرحان في ايه ياواكل ناسك
هريدي….فالدنيا
بصله موسي باستغراب😳
دنيا أيه ياواد اللي سرحان فيها هتعمل حالك مهم
هريدي….ولا مهم ولا حاچه عايز مني أيه
موسي…شوف الواد واني هعوز منيك أيه ياعفش انت جولي وصلت الحاچه لمحمود
هريدي…ايوه وصلتهاله وفرح ومكانش مصدج حاله من كتر الحچات اللي بعتهاله
موسي…ربنا يفرحه المهم انها وصلتله
هريدي….😏😏ماجولنا أيوه يعني هضحك عليك
موسي…بجولك أيه مش ناجصه لماضه وطوله لسان اني علي أخري
هريدي….ومين فيكي يادنيا مش علي أخره
موسي….مالك ياواد عامل فيها مهم ليه إكده وواخدها چد أجولك سرحان في أيه تجولي فالدنيا أجولك علي أخري تجولي ومين فالدنيا مش علي أخره الدنيا مزعلاك في ايه يا حزين
هريدي….وهي الدنيا فيها أيه يفرح عاد
موسي…شوف الواد برده مصمم تمشيها چد في أيه ياواد مالك جالب بوزك ليه
هريدي…مفيش بس نفسي أعرف ليه الواحد مابيطولش اللي رايده ليه أي حاچه بنريدها بتبعد عننا ليه الناس الحلوه النضيفه بتروح والناس العفشه بتفضل ليه ديما الفرح جليل وبيمشي بسرعه والحزن جعدته بتطول..
موسي…ولو اني مش متعود عليك عاجل وعميج في حديتك إكده بس هرد عليك

 

 

 

أولا ياهريدي ربنا كاتب لكل واحد فينا من جبل ما ننولد هنجابل مين وهنعرف مين مين هيفضل ومين هيمشي
ويفارج ديما ربنا يجرب منينا الناس اللي هو شايف اننا ينفع نكملوا معاها وديما بيعد اللي شايف انه مهينفعناش يمكن أحنا بنحزن ونجول ليه يارب بعدت عنينا الناس اللي رايدنها وفالاخر ربنا بتكون ليه حكمه وشايف اللي أحنا مشيفنهوش .اما بجي الناس الحلوه ليه بتروح والعفشه ليه بتفضل…ربنا كريم جوي ياهريدي ولما بيختار عبد من عباده وياخده بيبجي شايف ان مكانه مش فالارض مش فالدنيا بيستخسره فيها وبيرحمه من عذابها وبياخده عنديه هياخد العفش يعمل بيه أيه لاه بيهمله فالارض يعمل كيف مابداله وفنفس الوجت بيدله فرصه يغير من نفسه فيه اللي بيلحج نفسه وبيفوج جبل فوات الاوان وفيه اللي بيفضل طايح فالدنيا لا هامه ناس ولا هامه ربنا ولا هامه حساب ربنا بيبتليه بطولت العمر ..طولت العمر دي مش حاچه زينه ياهريدي يعني اما تحول لحد ربنا يدك طولت العمر كنك بتدعي عليه يعمر فالأرض أكتر ويغلط فيها أكتر لو البني أدم مننا جدر الثانيه اللي بتفوت من عمره كيف بيضيعها ماهيفوتش ثانيه من غير ما يحسبها ويعرف هو ضيعها في حاچه زينه ولا حاچه تغضب ربنا بس للأسف محدش بيتعظ ويستغل الفرصه والعفش فيها لساته طايح
هريدي….يمكن حديتك كله صوح بس اوجات لما اللي بتكون رايده يبعد عنيك جلبك بينكسر وبتحس أنك ماهتجدرش تعيش في الدنيا من غيره
موسي…لو تجصد بالبعاد الموت عارف ان وچعه جاسي والفوراج عمره ما كان هين أسألني اني ومش هجولك مع الوجت الوچع بيخف أبجي كداب كل يوم بيعدي الفوراج بيبجي أصعب بس ربنا مع الوجت بيلهيك فالدنيا واللهو ده بيبجي كيف المسكن اللي بيريحك شويه من التفكير ووچع الفوراج.ودي نعمه كبيره من ربنا..
اما لو تجصد علي فوراج الحياه عموما كل واحد بياخد نصيبه فالدنيا يا هريدي واللي بيبعد عنيك أكيد مش نصيبك.فهمت حاچه ولا كيف البغل واچع جلبي عالفاضي.
هريدي….تبجي ماشي زين وفچأه تجلب عليا😒😒
موسي…جوم يا واد من جدامي واني اللي عاملك بني أدم وجاعد أتساير وياك
هريدي….وبتتساير معاي ليه وبعدين أنت اللي سألتني اني چيتلك جولتلك والنبي ياموسي بيه أديني من وجتك دجيجه😏😏
موسي…بجي اني اللي طلعت
غلطان فالأخر أني الحج عليا اني عبرتك ياولد المركوب صعبت عليا وانت جاعد حزين
هريدي….ماهيصعبش عليك غالي😒
موسي…جوم ياواد من جدامي لا أجتلك بيدي.
جه بدر بأبتسامه رغم الحزن اللي باين علي ملامحه.
بدر…نفسي مره واحده أشوفكم مابتتعاركوش مع بعض عاملين زي الجط والفار
موسي…هو إكده الجط مايحبش إلا خناجه
هريدي…تجصد بمين خناجه أني🤔
موسي…شايف الواد وجلت أدبه
بدر…بأبتسامه خلاص خليها عليا أمسحها فيا اني عيل وغلط
هريدي..تجصد مين بعيل دي أنت كمان😏🤔
بدر…شوف الواد بيتحدت كيف😳
موسي…خلاص خليها عليا أمسحها فيا اني
بدر…الواد بيتلامض واني بدافع عنيه
هريدي….وتدافع عني ليه معنديش لسان ولا معنديش لسان🤔
بدر….تصدج انت عايز ضرب البولغه
موسي…بضحك خلاص عاد امشي ياهريدي أعمل كوبايتين شاي
هريدي…مشي وهو بيبرطم والله ماني عارف هريدي ده أيه شغلته فاليوم الأزرج بشتغل فالارض ولا بشتغل في الجصر ولا بجيت جوهجي واني مش خابر
موسي…برطم ياولد المركوب سامعك
ضحك بدر وأعد هموت وأعرف مستحمله كيف ده
موسي…جدري ونصيبي أعمل أيه عاد بحبه ومجدرش أستغني عنيه
بدر….هو بصراحه ينحب ابن الفجريه ده لسانه عايز جطعه بس دمه كيف العسل
الجصد سيبنا من هريدي بيه جولي كيفك
موسي….كيف ما انت شايف عايش
بدر….يعني لازم اني اطب عليك عشان ألاجيك ماهتدرش علي المحمول ليه ولما چيتلك رفضت تجابلني ليه
موسي….بحزن حجك عليا ياصاحبي
بدر…لاه لاحج ولا يحزنون اني كل الجصه اني كنت عايز أطمن عليك واحط همي علي همك
موسي….سامحني ياصاحبي غصب عني
بدر…عارف ان موت عطر مجصر فيك وتاعبك كيف ماهو تاعبني بالظبط بس كمان ماينفعش تسبني لحالي إكده عارف ان جلبك مكوي ياصاحبي بس اني مليش غيرك اروحله واحكي معاه ولا خلاص مابجيتش عايز حد من الدنيا
موسي….متجولش إكده يابدر أنت أخوي ومجدرش ابعد عنيك ولا حتي أشوفك حزين ومبجاش چمبك
بدر…عارف ياصاحبي طول عمرك ضهرك في ضهري
موسي…..وهفضل ضهري في ضهرك لحد ما أموت
بدر….بمناسبه الموت فتح عيونك ياموسي اليومين دول حمدان وهيبه ناويين عالشر اني خايف عليك منيهم
موسي…بضحكه بسيطه من الناحيه دي أطمن وخاف عليهم مني أخواتك حسابهم تجل معاي جوي يابدر وعايزك متزعلش مني في أي حاچه أعملها معاهم

 

 

 

بدر…لساك شاكك فيهم انهم ورا موت وهبه بيه
موسي…لاه مش شاكك اني أتوكدت
بدر….أتوكدت كيف
موسي…مش مهم أتوكدت كيف المهم اني متوكد ان هما اللي عملوها.وتاري عنديهم ماهسيبهوش
بدر…لو متوكد بلغ عنيهم يا بدر بلاش سكه التار الله يخليك
موسي…أيه خايف اني وانت ياچي علينا اليوم اللي نجفوا فيه في وش بعض
بدر…لاه يا موسي اني عمري ما أجف في وشك ابدا ولو صحيح متوكد ان اخواتي عملوها بلغ عنيهم واني مش هزعل وهبجي اول واحد واجف معاك بس اني مش عايزك تدخل السكه دي ياموسي التار سكته واعره ماهتخلصش اني خايف عليك وبعدين لو ليك حج خده بالجانون أنت متعلم ياموسي وفاهم كويس تار ايه وهباب ايه سبنا أيه للناس الچاهله.
موسي …أخواتك جتلوا ابوي وكانوا السبب في موت عطر وتجولي تار ايه
بدر…فكر صوح يا موسي بس عايزك تعرف ان اني معاك وعارف ان أخواتي طول عمرهم جاسيين وجلوبهم مفيهاش رحمه واي حاچه هتحصوللهم أكيد يستاهلوها المهم الوجت سيبنا منهم اني چايلك عشان حاچه تانيه
موسي…خير
بدر….چايبلك رساله
موسي…رساله أيه ومن مين
بدر…رساله أيه معرفش مشوفتش اللي فيها ومن مين من عطر ياموسي.
دق قلب موسي بعنف بمجرد ما عرف ان في رساله منها وحس بحزن كبير
بدر طلع الظرف وأداهوله
الرساله ديه عطر سابتها مع هاچر يوم ما ماتت بعد مالبست فستناها وصيتها تديهالك واني نفذت وصيتها
موسي…فيها ايه يابدر
بدر….جولتلك مفتحتهاش مجفوله كيف ماهي جفلتها
موسي…طبق ايده عالظرف بقوه وسكت
بدر…اني هجوم يا موسي خلي بالك من روحك كيف ماجولتلك وأبجي رد عليا لما أكلمك يلا سلام عليكم
موسي…بشرود عليكم السلام.
مشي بدر وقرر موسي يقوم يمشي ويقرأ الرساله في القصر براحته.
بعد وقت بسيط كان وصل موسي
چليله….نورت ياولدي أتوحشتك يا سيد الناس
باس موسي راسها..اني اللي أتوحشتك ياست الدار
چليله…يلا روح أتسبح وغير خلجاتك لحد ما الأكل يچهز.
موسي…ماشي. يا أمي بعد أذنك
چليله…أذنك معاك ياولدي.
طلع موسي بسرعه علي أوضته متشوق يشوف عطر كتباله أيه..أعد عالكرسي وفتح رسالتها وهو قلبه من جوه بيرتجف.وأبتدا يقرأ
بحزن🥺💔
الرساله..
أتوحشتك جوي ياموسي.

 

 

 

لو رسالتي دي وصلتك أبجي جابلت ربنا ولو موصلتكش يا موسي يبجي لحجوني مع اني بجيت حاسه انهم حتي لو شايفين لسه فيا الروح هيجولوا ماتت.💔عشان يخلصوا من عاري كيف ما بيجولوا اني عار عليهم.عار عشان حبيت عار عشان جلبي أختار عار عشان أتمنين اني أكمل حلال ربنا مع البني أدم اللي ربنا نزل حبه في جلبي…عارف أنك زعلان مني ياحبيبي بس غصب عني ياموسي مجدرتش اشوف روحي بالفستان لراچل تاني غيرك مجدرتش أتخيل روحي علي فرشه مجاسمني فيها راچل غيرك.اني ربنا خلجني عشانك انت ياموسي وبس ولو أتغصبت علي اي حاچه غيرك يبجي العيشه ماتستاهلش تتعاش عارفه ان ربنا غضبان عليا بس عندي أمل يرحمني ويغفرلي وميحسبنيش كافره عشان هانت عليا روحي مش عيزاك تزعل مني يا موسي وأعذرني ياحبيبي اني مجدرتش استحمل الكام يوم اللي أنحبست فيهم ومكنتش بسمع صوتك كيف هجدر أعيش العمر كله واني من غيرك.ادعيلي ياموسي كل ماأچي في بالك وأوعاك توجف حياتك عيشها ياحبيبي أتچوز وأفرح اني هكون مبسوطه صدجني وابوس يدك بعد عن حمدان وهيبه دول مايعرفوش ربنا ولابيخافوه واللي خلي جلبهم جاسي علي اللي أسمها من أسمهم ودمها من دمهم عمرهم ماهيبجوا حنينين عليك لانهم بيكرهوك.
أوعدني تخلي بالك من روحك وأوعدني تدعيلي وأبجي زورني في جبري ياموسي هتوحشني ياحبيبي
وهستناك بعد عمر طويل ولو ربنا غفرلي اللي عملته أتمني يچمعني بيك فالچنه💔
سلام يا حته من جلبي 💔
…….
موسي كان بيقرأ رسالت عطر ومع كل حرف كانت بتنزل دموعه علي الرساله تختلط بدموعها اللي أثرها لسه باين عليها
دخلت چليله فالوقت ده بعد ما خبطت عليه وماردش.
وأول ماشافت حالته دي حست بقلبها اتقبض وجريت عليه.
چليله…موسي ياولدي مالك ياحبيبي انت هتبكي وايه الورجه اللي في يدك دي.
بصلها موسي بعيون تشبه كاسات الدم
موسي…دي رساله يا امي من عطر.
چليله…كيف يعني عطر ماتت ياولدي
موسي…ماتت بس سابتلي رساله بدر چابهالي أنهارده.جلبي واچعني ياچليله في نار جايده چواه معارفش أطفيها عايز أزعج بعلو صوتي لحد ماصوتي يروح يمكن أجدر أرتاح عايز أحط لوح تلچ علي جلبي يمكن يطفي النار والوچع اللي چوايا.
چليله…بدموع بكفياك ياولدي مامستحملاش أشوفك إكده ياموسي
موسي….ليه يا أمي عطر راحت ليه مكتوبلي اني وهي وچع الجلب
چليله…أستغفر ربك يا موسي أنت عارف ربنا وحافظ كتابه زين اياك تعترض علي حاچه ربنا كاتبها
موسي…مش معترض يا أمي بس كمان اني بني أدم وحاسس ان جلبي أتظلم جوليلي يا أمي يمكن أرتاح نوريني يمكن اني مش عارف
عملت أيه في دنيتي عفش ظلمت حد چرحت حد كلت مال حد نمت علي مخدتي واني واچع جلب حد جوليلي ومتخبيش عليا يا چليله.يمكن عملت ذنب واني مش فاكر
چليله…بدموع بتنزل زي النار وهي شايفه موسي بينهار ادامها. لاه يا ولدي عمرك ماكنت ظالم يا موسي وحنيت جلبك تكفي العالم كله..
موسي…طيب ليه جلبي أنكوي ياچليله ليه مكتوب علينا نفترج ليه عطر اللي كيف الملاك تموت الموته دي
چليله…ربنا كاتب إكده ياولدي مانعترضش علي حكمته
موسي…ليه يا أمي الطيب فالزمن ده بينداس عليه ليه الظالم بيفضل عايش تاعب الكل والطيب بيروح
چليله…عشان يخلينا نشوف ياولدي ونتعلم والاهم ربنا عمره ما بيرضي بالظلم والظالم ياولدي ليه نهايه مهما طال العمر
موسي…طيب ليه عطر تموت كافره وهي عمرها ماغضبت ربنا ده مش ظلم يا امي
چليله…أستغفر ربك ياولدي ربنا عمره ماكان ظالم يمكن عطر غلطت عشان هانت عليها روحها اللي هي من الاساس مش ملكها دي ملك اللي خلجها وكان المفروض تحافظ عليها لحد ماربنا ياخد أمانته بيده بس برده منجدرش نجول أنها كافره يمكن ضعفت ياولدي ويمكن ربنا يغفرلها ربنا رحمته واسعه وعارف اللي في الجلوب زين ومنجدرش نعرف ربنا بيحاسب الخلج كيف علي أعمالهم ولا علي جلبهم ولا علي نيتهم ولا بيحاسب علي كل حاچه
بس الأكيد انه مابيظلمش اي حد ومبينساش وهو بيحاسب ان البني ادم ده طول حياته كان طيب وسيرته طيبه حتي لو غلط وضعف أكيد بيعفي عنه وأعماله طول حياته بتخفف حسابه أدعيلها ياولدي اترحم عليها كتير طلع علي روحها صدجه للغلبان كل ده هي محتاچاه الوجت
موسي…بدموع طيب وجلبي أعمل فيه أيه؟
چليله….داويه ياموسي ولو معرفتش الوجت ياولدي الأيام هتداويه صدجني
واتأكد طول ما أنت عايش أن ربنا هيرچع حجكم من اللي ظلمكم وأفتري عليكم
موسي…واني مهستناش الأيام ترچعي حجي اني هرچع حجي وحجها بيدي وهاخد بتارها من اللي كانوا السبب في موتها وموت أبوي
چليله….لاه ياولدي أبوس يدك بعد عن التار ولو علي أبوك أحنا مانعرفش مين اللي جتله
موسي…لاه أعرف هنيه جالتلي انها سمعتهم كانوا جاصدين يجتلوني اني بس أبويا أنجتل بدالي
چليله…بصدمه لاه لاه وحتي لو إكده أبوك نفسه جالك أوعاك تعملها ياموسي أوعاك ياولدي حسابهم عند اللي خلجهم لو حد فيكم أتصاب اني هروح فيها يا موسي ملعون أبو التار اللي يخليني أعيش مكويه بناركم اني مسامحه ياولدي وربنا هيچيب حجي وحج أبوك
موسي…واني مش مسامح
چليله…بدموع وطت علي ايده تبوسها أبوس يدك ياولدي بلاش توچع جلبي لو حاچه صابتك انت وأخواتك تبجي كتبت علي جلبي الشجي طول عمري أنسي ياموسي وعيش وأتوكد ان ربنا هيچيب حجك جدام عينك وانت عايش
خدته چليله في حضنها عشان تحاول تهديه وتخليه يبعد الأفكار دي عن راسه
لكن وجع قلب موسي كان عاميه عن أي حاجه إلا انه ياخد تاره من اللي موت أبوه وعطر💔💔💔
……
عدي كام يوم وخلال الكام يوم دول راحت بخيته طلبت لهيبه أيد حسنه
وكأن اللي راحت دي مش بنتها ولا حتي أتوجعت عشانها وكل عياطها ونواحها كان مجرد غضب من موسي وكل اللي كان هاممها انها تاخد تارها وتوجع قلب چليله…
أما عند عتمان فا كانت حالته صعبه وأبتدا يبقي في دنيا تانيه مش حاسس بحد ولا دريان بالدنيا طول الوقت بيخرف وبيقول كلام مش مفهوم جابوله الدكتور كذا مره وكل مره الدكتور يقول ان حالته صعبه ودي اخر ايامه ومع كل ده مكانش في أي مظاهر للحزن وكأن اللي بيموت أو يتعب فالبيت ده مكانش موجود طول حياته وسطهم….لكن بدر اكتر حد كان حزين علي اللي بيحصل وتعب والده كان مأثر فيه رغم أنه كان قاسي زيهم لكن بدر كان غيرهم وغصب عنه حاسس بالوجع لانه مهما كان هو والده.
وفي صباح يوم جديد صحي كل اللي في دار عتمان علي صوت بخيته.
بخيته…ياخرب بيتك يا بخيته ياوچع جلبك يا بخيته
جري الكل عليها وعرفوا ان عتمان فارق الدنيا ولفظ أنفاسه الأخيره.
بدر كان اعد جمبه حاطت راسه علي كتفه وبيعيط زي العيال الصغيره أما حمدان وهيبه كانوا واقفين بكل جبروت وكأن اللي راح غريب عنهم كل اللي قالوه إنا لله وإنا إليه راچعون وكل اللي أهتموا بيه أنهم يعملوا أكبر عزاء فالبلد عشان مجرد مظاهر كدابه.
أنتشر خبر موت عتمان في البلد كلها والغريب ان محدش حزن عليه زي ما حزنوا علي وهبه..كان شعور يخوف ويأكد ان البني أدم سيره وعمل وبس💔
أتدفن عتمان وأتعمله عزاء كبير وحرص حمدان وهيبه أنهم يعملوا عزاء لا يقل عن عزاء وهبه عشان بس يحسوا أن الرؤوس متساويه.
وطبعا كل اللي راح العزاء كان رايح خوف من ظلم حمدان وهيبه..عكس اللي راح وعزا في وهبه ودموعه كانت علي خده بصدق.
عرف موسي باللي حصل وكان لأول مره يشمت في موت حد طلع لبس جلبابه الأسود وعمامته السوده وزيه المميز الذي لا يليق إلا به وراح علي العزاء عشان يرد جزء من حقه ويشمت فيهم راح هو ومهران ورجالته.
موسي..لبدر البجيه في حياتك يا أخوي
بدر…بحزن حياتك الباجيه يا موسي.
أعد موسي وطول الوقت عينه علي حمدان وهيبه وفي وشه أبتسامه بسيطه وعيونه زي الصقر متثبته عليهم وكأن روح الشر اللي عمرها ما قربت من قلب موسي حضرت وكأنهم خلقوا بقساوتهم قلب تاني لموسي.
بعد وقت طويل قام موسي عشان يسلم ويمشي

 

 

 

سلم علي بدر وسلم علي بعض رجاله هواره ووصل أخيرا لأول الصف اللي كان واقف فيه حمدان وهيبه.
وبكل ثبات وشماته قرب منهم.
موسي…شد حيلك يا حمدان أنت وهيبه
فضل حمدان وهيبه باصينله من غير ولا كلمه قرب موسي منهم وبصوت أشبه فحيح الثعبان.
موسي…كنت ناوي أخد روحه بيدي كيف ما خدتوا روح أبوي بس للاسف عذرائيل سبجني وخدها بس معلهش خيرها في غيرها
أچهزوا بجي عشان روح واحد فيكم هتتاخد جريب
رجع تاني وقف وظبط جلباب وأبتسم وسحب جلبابه بسرعه ومشي من أدامهم وهو علي وشه أبتسامه نصر وهو شايفهم بيغلوا
…..
حمدان…بغضب يا أبن الكلب چاي تشمت
هيبه…واللي خلجني وخلجك يخلص العزا وهخلي چتته كيف المنخل من الرصاص
حمدان…موسي ما هيطلعش عليه نهار يا هيبه لازمآ أنهارده ننيمه في جبره
هيبه…أطمن العزا يخلوص وهاخد الرچاله ونطلع عليه وانهارده لا جاتل يا مجتول يا موسي يا خسيس.😡
……
خلص العزاء بسرعه فالوقت ده كان روح موسي وهو حاسس بجزء من الراحه بعد ما شاف الغضب في عيونهم ودخل أعد في الخلوه مع هريدي.كالعاده
….
وفالوقت ده خد هيبه رجاله من المطاريد المعروف عنهم ان قلبهم مش موجود وديما ولائهم للي يدفع
طلع هيبه برجالته علي قصر موسي وشر الدنيا وقسوتها في قلبه. كانوا كلهم ملثمين
وقف بعيد بالعربيه وفضل عينه عالقصر مستني يلمح
موسي عشان ياخد روحه رجاله موسي كانوا جزء منهم واقف عالبوابه والباقي في ضهر القصر البوابه الخلفيه.
نزل بهدوء الرجاله اللي مع هيبه راحوا لرجاله موسي وأثناء ماهما بيتكلموا مع بعض جم من وراها رجاله هيبه وبسرعه ضربوهم علي دماغهم ووقعوهم سحبوهم بسرعه علي جمب وراحوا لهيبه اللي ابتسم أبتسامه رضا عن شغلهم وفضل واقف مستني يلمحه
فالوقت ده نزلت چليله في الجنينه عشان تشوف موسي وتنادي عليه يتعشي
بمجرد ما لمحها هيبه كل خطته أتغيرت وكأن الشر أتضاعف والقساوه عدت الحدود وقرر بدون رحمه بدل ما يموت موسي ويريحه قرر انه يموته بالحياه وياخد قلبه بأيده ويموت چليله اللي هي أغلي حاجه عند موسي..أبتسم ابتسامه شر وبهدوء رفع سلاحه ادام عينه وركز السلاح علي چليله وحط صباعه عالزناد بهدوء شايفها بتقرب أكتر وهو مبتسم وفجأه داس عالزناد💔 وقعت چليله في الجنينه بتحاول تلقط أنفاسها الأخيره صوت النار خرج الكل من مكانه وبسرعه هيبه طار خرج كل اللي في القصر وجري موسي وهريدي
وهنا كانت الصدمه وقف موسي مذهول عينه هتطلع نفسه يكون بيحلم الكابوس مش عارف يصحي منه كل يوم بيقفش في جسمه أكتر سامع صوات وصريخ من فرحه وفاطمه والشغالين شايف مهران منهار هريدي اعد يعيط الغفر كلهم اتجمعوا وهو واقف حاسس ان الارض بتدور بيه وكأن صوت صواتهم وعياطهم جاي من بعيد راح بهدوء علي أمه رفع راسها جوه حضنه ودموعه نازله من غير كلام علي وشها مخلوطه بدموعها
چليله….بصوت أشبه بالهمس
موسي ياولدي متبكيش
أصلب طولك جلبك واچعك عارفه أنه مبجاش مستحمل
خد بالك علي روحك وخد بالك من أخواتك ياولدي أوعي شيطانك يجولك تاخد التار أخواتك من غيرك هيموتوا حافظ عليهم يا ولدي دي أمانه مني ومن أبوك جلبي واچعني اني هفوتك ياولدي بس خلاص ربنا رايد والساعه بتاعتي چات
موسي…بدموع زي الاطفال چليله هتسبيني أوعاكي اني أموت فيها اني عايش عشان انتي چمبي اني من غيرك أبجي كيف العيل أني كبير عشان أنتي معاي بس من غيرك مهبجاش كبير هتعيشي يا اما ماهتموتيش عشان انتي بالذات ياست ماينفعش توچعي جلب موسي بفوراجك
چليله….أبجي سلم علي سالم وجوله أمك كان نفسها تشوفك جبل ما تموت
موسي…لاه ياچليله
چليله…أشهد ان لا أله الا الله وأشهد ان محمد رسول الله
فرحه..اماااااااااااااااه
موسي…چليللللللللللله أماااااااااااااااااااااااه
مهران….جومي يا اما وحيات حبيبك النبي
موسي….ماهتموتيش يا چليله الموت مش ليكي ياست الدار وكمل بأنهيار وهو بيهز فيها بعنف اااماااااااااااااااا جلبيييييييييييييي💔

 

 

 

جريت الساعات بسرعه والحزن كان مالي البلد وبسرعه جه سالم اللي انهار ودخل ودع چليله قبل ما تندفن..الفرحه كانت مش سايعه بخيته وكان يوم موت چليله هو يوم عيدها😡
مشي موسي في جنازت چليله ولأول مره الناس تشوف دموعه اللي كان رمز القوه والثبات بالنسبالهم ماشي ضايع وكأنه عيل صغير أتيتم
موسي كان ضايع وأتحول فجأه من شخص طيب لشخص بيحمل جبروت العالم كله جوه قلبه وقرر أنه هيخليها سواد علي الكل
بعد فراق چليله💔

يتبع ….

لقراءة الفصل التالي : اضغط هنا

لقراءة جميع فصول الرواية اضغط على (رواية ست الدار)