رواية المنبوذة الفصل الثاني عشر 12 بقلم جيجي

رواية المنبوذة الفصل الثاني عشر 12 بقلم جيجي

رواية المنبوذة البارت الثاني عشر

رواية المنبوذة الجزء الثاني عشر

رواية المنبوذة الحلقة الثانية عشر

مريم:لااا
كريم باستغراب:لييه دوول هيموتوا ويطمنوا عليكى…انتى متصوريش حجم القلق اللِ هما فيه.
مريم بعدم تصديق:بجد!! انا قولت انهم فرحوا انهم هيتخلصوا منى ..
كريم:انتى بتهزرى…هو فى اهل بيتمنوا الموت لعيالهم…
مريم:ااه لو كانوا شيفنهم سبب شقائهم وتعاستهم فى الدنيا …انا ساعات بحس بندمهم انهم خلفونى…
كريم:سورى بقاااا ..يبقى انتى مابتحسيش…
مريم:نعععععم ماتحترم نفسك…خلاص دخلهم …
كريم طلع برا الاوضه وفهمهم ان ماحدش يأنبها على اللِ عملته ويتعاملوا معاها حلو ويحاولوا يضحكوها …ويظهروا حبهم ليها…
منصور: الف حمدلله على سلامتك يا غاليه …برضوا كدا عاوزه تسيبى بابا من غيرك فى الدنيا هونت عليكى يا مريومه
كريم بيجز على سنانه:يااا عمى انا قولتلك ايييه…
مريم: انا اسفه يا بابا ساعه شيطان و ان شاء الله مش هتتكرر تانى…
سوسن: كان نفسي تروحى معانا النهارده بس للاسف الدكتور قال انك تحت الملاحظه النهارده وبكره هتخرجى …
مريم: تروحى معانا!!!هو انتى مش هتقعدى معايا النهارده…
سوسن:هاه معلش اصل انا مش بعرف انام برا بيتى ما انتى عارفه…ومش بحب جو المستشفيات..
مريم وهى تنظر لكريم بنظره .. تعنى..صدقتنى انى مش فارقه معاها….
كريم: انا هكون المرافق لمريم النهارده واتفضلوا انتوا روحوا….
مرتضى: استنى يا بنى نقعد مع مريومه شويه …بقولك ايه يا مريم صحتك ماجتش على مصر ..سافرى معانا المانيا صحتك بتبقى احسن هناك…
مريم:تتصور بفكر فى الموضوع دا…ومنها اكمل دراسات عليا هناك…

عمر:وتسيبينا يا بنتى .. مش كفايه زياااد..سافر من شويه امريكااا
مريم بصدمه:زياااد سافر من شويه…من غير ما يودعنا…طيب وماهيتاب سافرت معاه …اصلها مش موجوده معاكم…
كريم وهو بيجز عل سنانه: مالك مصدومه كدا ليه واحد ومراته سافروا …عادى يعنى..
عمر:للاسف هو سافر لوحده…وماهيتاب فى شقتها بتعيط…وهى اللِ اتصلت بيا وقالتلى الخبر…دا حتى ما كلفش خاطره يقولى ولا حتى يودعنى….
مريم بدفاع عن زياد:انت عارف يا عمى انه لو قالك انه مسافر كنت هترفض وكمان عارف انه صعب يودعك هو انا لسه هفهمك طبع زياد…ربنا يوفقه
كريم بسخريه:وااو شكلك حافظه طبع زياد اوى اكتر من ابوه شخصيا
مريم بتوتر:اكيد مش ابن عمى ومتربيين سوا…بس اكيد ماهيتاب زعلانه اوى ممكن يا بابا تتصل تتطمن عليها…اكيد حالتها صعبه…
ماهيتاب: ما تتعبش نفسك يا بابا وتتصل انا جيت بنفسي…
مريم: ماهي…حبيبتى انتى كويسه …متقلقيش اكيد زياد هيظبط اموره هناك وبعدين هيبعتلك علشان تسافرى عنده..
ماهيتاب بضحكه: ههههههههه يبعت لمين!!! ما تشغليش بالك انتى …شكلك حبيتى جو المستشفيات…واللمه اللِ حواليكى…
مريم: اممم لا ما حبتهوش.. علشان كدا روحوا يا جماعه انتوا اكيد تعبانين….والجو ليل..وكريم هنا جمبى…ماتقلقوش..
ماهيتاب بسهوكه: انت هتقعد معاها هنا يا كيمووو…..
كريم بزهول: هاه اااه انا هفضل معاها هنا…
ماهيتاب بدلع :وانا مايهونش عليا تفضل لوحدك معاها …انا هستنى معاك..وادينا نونس بعض ولا ايييه…
كريم وهو بيبلع ريقه بصعوبه: تمام…يلااا يا بابا خدهم وروحوا وبكرا انا وماهي هنروح مريم البيت…
مريم:لاحظت تصرفات اختها تجاه كريم. …بس لم تستوعب ماهيه تفكيرها وماذا تخطط…
ماهيتاب:اوبا…كلهم مشيوا…ايييه رايك نتسلى سوا ..
الممرضه:انا اسفه على الازعاج…بس جه ميعاد الدوا …
مريم: مفيش مشكله …اتفضلى….
الممرضه: بصوت منخفض جدا تسمعه مريم…يا بختك بخطيبك …دا كان هيتجنن عليكى
مريم وهى عينيها على كريم …ربنا يخليهولى…..وابتسمت

كريم:وهو ينظر الى مريم ويبتسم ايضاً
ماهيتاب:تنظر اليهم بغل وحقد….وفى نفسها تقول …متستعجلوش قريب اوى مش هتقدروا تبصوا لبعض تانى ….
مريم: كريم انا حاسه انى نعسانه اوى هى الممرضه عطتنى منوم ولا ايييه
كريم:يمكن مُسكن علشان تستريحى شويه نامى يا حبيبتى وانا جانبك…
مريم:????
ماهيتاب: حلو مريم نامت تعالى نتسلى سوا….علشان الملل…ايه رايك نتعرف على بعض اكتر …تتصور انا معرفش عنك حاجه…
كريم: انا خريج هندسه..عندى شركتى الخاصه بيا والحمدلله ناجح.. وبفكر انقل اعمالى لمصر علشان مريم…دا لو حبت تفضل فى مصر انا مش همانع هفضل معاها…اما بقى لو مش عايزه يبقى تمام هنعيش فى المانيا…عندى ٢٦ سنه…بحب اهتم بالياقتى الجسمانيه…زى ما انتى شايفه..
ماهيتاب بتسبيله:اااه جسمك حلو اوى وخصوصا عضلات جسمك تجنن ولا عضلات بطنك واااو…
كريم بتوتر:امممم كلمينى عن نفسك…
ماهيتاب:بيدلعونى بماهي….فى كليه تجاره انجلش…عندى ٢٠ سنه ..جميله جدا زى ما انت شايف مفيش فيا غلطه واحده…بس يا خساره ماعنديش حظ زى مريم…اتجوزت واحد مش بيحبنى وللاسف بيحب اختى.. شوفت حظى وحش ازاى…
كريم بنرفزه:لو سمحتى قفلى على الموضوع دا…من حظ جوزك انه سافر…لان مريم بتاعتى انا وبس…ومش هسمح لحد انه يقرب منها او يأذيها…
ماهيتاب:يا بخت اختى بيك انت الف واحده تتمناك…ياريتنى قابلت واحد زيك يقدر يعرف قيمتى…بس للاسف مش كل حاجه بنتمناها بتتحقق.
كريم بحزن على ماهيتاب : ان شاء الله الدنيا هتتصلح بينك وبين زياد هو اكيد هيفوق لنفسه ويعرف قيمتك وانك بتحبيه ويرجعلك تانى ….سيبيها للوقت…
• ماهيتاب بدموع مزيفه:هئ هئ هئ …انا مش عارفه اعمل ايه يا كريييم قلبى وجعنى اوى…وفجأه اترمت جوه حضن كريم وحضنته وهى ما زالت تبكى وترثى نفسها…

كريم اتفاجأ من الموقف ولم يدرى كيف يتصرف فقط قام بوضع يديه جانب جسده ولم يتحرك وشعر بالخجل الشديد …
ماهيتاب بعد القليل من الوقت فى حضن كريم…ابتعدت عنه عن استيحاء مزيف…وقالت…. انا اسفه يا كريم بس مقدرتش استحمل كنت عاوزه احضن حد واحس انه جنبى وحاسس بيا…انا اسفه
كريم بتوتر وخجل: احممم ولا يهمك انتى بنت عمتى…وانا زى اخوكى …
وظلوا جالسين على الكنبه فى غرفه المستشفى التى ترقد فيها مريم مغيبه عن الواقع بفعل المُسكنات …
وعندما حل الصباح واستيقظت مريم رأت مشهد…جعلها تشعر بالغيره
فقد رأت كريم نائم على الكنبه بشكل معتدل ورأس ماهيتاب على رجليه وهو يضع يديه على كتفها…
فلم تعد تستطع تحمل هذا المنظر ..
مريم: كرييييم كريييم
كريم:استيقظ من نومه على صوت مريم …ورأى وضعه ووضع ماهيتاب…فقام مسرعا وهو يستغرب كيف حدث هذا…فهو كان يجلس بعيد عن ماهيتاب فى اقصى ركن فى الكنبه بعيد عنها كيف انتهى الوضع بهذا الشكل ..
ماهيتاب:لم اكن نائمه فقط شعرت بأستيقاظ مريم فقمت بوضع رأسي على قدم كريم ووضعت يديه على كتفى…وتظاهرت بالنوم…
مريم: احسست بخجل كريم …فلم اتطرق بالكلام عن وضع نومه مع اختى …
لو سمحت يا كريم عاوزه اشرب ….ومش قادره اقوم انا اسفه لو صحيتك بالطريقه دى…
كريم بخجل:لا ولا يهمك بس ازاى انا نمت كدا…والله يا مريم انا..
مريم بمقاطعه: ماتكملش يا كريم اكيد وانتوا نايمين اتحركتوا عادى يعنى ماهيتاب زى اختك…ثم انت وشك احمر ليه….ههههععع ياختى انتى بتتكسفى يا بيضه…
كريم بغيظ”اتلمى يا بت على الصبح….خدى المايه اهيه…تعالى اسندك للحمام…
مريم بكسوف:احمم ممكن تصحى ماهيتاب علشان هى اللِ تسندنى…
كريم بخبث:وانا ايه مش مالى عينك ولا عضلاتى دى نفخ…طيب ايه رايك انى مش هسندك انا هشيلك….
مريم:لااااا يا كريييم عيب كدا..مايصحش
كريم:دا حتى انتى طلعتى خفيفه…ابقى تقلى فى الاكل شويه اصل انا بحب مزتى تكون مربربه…
مريم:يا قليل الادب…تصدق انت مش محترم…وانا اتغشيت فيك…
كريم: وسافل كمان.. .ولا يهمك ..ادخل معاكى الحمام..
مريم بكسوف:انت انت سافل…
كريم: انا قصدى اسندك لجوه بس انتى نيتك مش سليمه…طاااخ احممم الباب هيتخلع كدا من الخبطه على مهلك دى مش مستشفى بتاعت ابونا..
ماهيتاب بتمثيل: اممم صباح الخير اومال فين مريم…

كريم:اخيرا البرنسيسه صحيت…مريم فى الحمام ابقى شوفيها لو محتاجه حاجه…علشان بتتكسف منى…وانا هنزل اشترى فطار…سلام
عمر:الووو…زياااد!!!اخيرا اتصلت بيا وعرفت ان ليك اب تكلمه…انا زعلان منك ازاى تسافر من غير ما تقولى…طيب ومراتك….تطلقهاااا
يابنى بنت عمك بتحبك تطلقها ليه اديها فرصه مش يمكن تحبها
زياد:يا بابا انا اتجوزتها شهامه منى…مش اكتر وانت فاهم كويس متضغطش عليا بقااا
عمر بتفهم:خلاص يابنى اللِ تشوفه…وانت اخبارك ايه…
زياد:تمام انا قدمت للتدريس فى كليه هنا…والحمد لله قبلت…ادعيلى يا بابا
عمر:والله بدعيلك يا بنى فى كل صلاة
زياد:مريم عامله ايه دلوقتى
عمر:بقت كويسه يابنى…ماتشيلش هم غير نفسك وشوف حياتك ومستقبلك…
زياد:ان شاء الله.. اسيبك دلوقتى وانا كل يوم هتصل اطمن عليك….لا اله الا الله
عمر:سيدنا محمد رسول الله…مع السلامه
كريم:الحمد لله …الفطار كان لذيذ…يلااا بقا اجهزوا علشان نروح..الدكتور كتب لمريم خروج…ساعديها يا ماهي..وانا هستناكم برا لغايه لما تجهزوا…
ماهيتاب: والله يا مريم كريم دا عسل اوى…احنا فضلنا نضحك ونهزر طول الليل دا دمه خفيف اوى..وكمان حنين اوى
مريم:حنين!!! هو ايه اللِ حصل امبارح بالظبط…
ماهيتاب:انتى بتغيرى عليه ولا ايه..دا انا اختك ولا ايييه…وهو ابن خالى زيك بالظبط…يعنى طبيعى يخاف عليا …
مريم:يخاف عليكى!!! يخاف عليكى من ايييه…
ماهيتاب: من الوحده اصل خلاص زياد سافر وسابنى لوحدى فمش معقوله هنام فى الشقه لوحدى..فأنا هرجع لشقه بابا تانى..
مريم:بس كريم وخالى ومراته عايشين معانا لغايه لما يشتروا شقه ليهم انتى هتنامى فين…
ماهيتاب: فى سريرك يا قطه ..السرير يسعنا سوا ماتقلقيش مش بتحرك كتير وانا نايمه…
مريم:مش بتتحركى!!اااه فعلا بأماره النهارده انتى كنتى نايمه على رجلين كريم..
ماهيتاب بتمثيل الصدمه:يا خبر!!ازاى يادى الكسوف…

مريم:ولا يهمك انتى ماكنتيش تقصدى …يلاااا بقا نادى على كريم علشان نروح بقاااا
سوسن:شوفت عمايل ابن اخوك. .. سافر وساب البنت يا حبه عين امها لوحدها.. الناس هتاكل وشنا…دى ما كملتش شهر متجوزه….
منصور: مش عاوز كلام كتير فى الموضوع دا انتى تحمدى ربنا انه رضى يتجوزها واحد مكانه كان قال وانا مالى وكنا اتفضحنا باللِ حصل لبنتك….اللِ يكلمك من الجيران قوليلهم انه رجع لامريكا علشان عنده شغل مهم هناك…وقفلى على الموضوع…
اتصلتى ببنتك مريم تطمنى عليهااا
سوسن:واتصل ليه هما زمانهم فى الطريق لهنا مسافه السكه يعنى ..وانا جهزت ليها شوربه تقويها…
منصور:اومال انا مش شايف مرتضى ولا مراته هما فين..
سوسن:اخويا ومراته اتصل بيهم بتاع العقارات علشان يتفرجوا على الفيلا لو عجبتهم هيشتروها…
ماهيتاب: ممكن اطلب منك طلب يا كيمووو
مريم :كيمووو!! انتوا شكلكم اخدتوا على بعض اوى…
ماهيتاب: اصلنا امبارح وانتى نايمه اتعرفنا على بعض..وطلع لذيذ اوى ..
كريم بأحراج: اطلبى يا ماهي عاوزه ايه…
ماهيتاب:بكرا فرح صحبتى واصرت انى احضر وانا مكسوفه اروح لوحدى لان زياااد سافر ومريم تعبانه…فاممكن تروح معايا…بلييييز بلييييز
كريم:اوكيه مفيش مشكله…
مريم بغيره: انت مش تعبان ولازم تستريح بقالك يومين ما نمتش كويس…

كريم: هريح جسمى النهارده وبكرا ان شاء الله هبقااا فايق…
مريم بتسأل نفسها: انا ليه بغير على كريم من اختى المفروض هو زى اخوها وهى مش هتبص لخطيب اختها…هى بتعامله كدا علشان هو ابن خالها مش اكتر…انا مأفوره الحكايه اوى…..
ELBANOTA GEGE
ياترى ماهيتاب ناويه على ايه…وازاى هتنتقم من اختها… وهل اختها لها ذنب …وزياد مذنب ولا ضحيه ظروف ملخبطه…

يتبع…

• لقراءة الفصل التالي : اضغط هنا
• لقراءة الرواية كاملة اضغط على : (رواية المنبوذة)