رواية حب الخديوي الفصل الأول 1 بقلم توته

رواية حب الخديوي الفصل الأول 1 بقلم توته

رواية حب الخديوي البارت الأول

رواية حب الخديوي الجزء الأول

رواية حب الخديوي الحلقة الأولى

في طريق صحراوي وبالتحديد في منطقة مرور
ادهم : بطاقتك !
البنت : بطاقتي !!؟ بطاقتي أنا !
ادهم : هو في غيرك في العربيه انتي وصحبتك وانتي اللي سايقه .. يبقى بكلمك انتي
البنت : لاء م اصل .. اصلها مش معايا
ادهم : طيب هاتي الرخص
البنت : اه ثواني
دورت عليها في التابلوه بس ملقتهاش
البنت : شكلي كده نسيتها هيا كمان
ادهم : اومال معاكي ايه ؟
البنت : معايا شهادة سواقه
ادهم : اعمل بيها ايه دي ؟
البنت : م أنا مكنتش اعرف أن احنا هنعدي على كمين ومعملتش حسابي
ادهم : نعم !!؟ المفروض وانتي خارجه يكون معاكي اي إثبات لشخصيتك مش كده .. طيب وانتي .. مش معاكي اي إثبات تروحوا بيها

صاحبتها : لاء مش معايا حاجه وبعدين قالتلك مكناش نعرف أن احنا هنقابل كمين .. ايه هتعملنا حوار يعني عشان نعدي
ادهم : على فكره كان ممكن تتكلمي بطريقه احسن من كده
البنت : خلاص احنا اسفين
صاحبتها : وانا مش اسفه اتكلمي عن نفسك
ادهم : لاء كده مش هينفع بقا .. أنا بكلمكوا بإسلوب كويس عشان انتوا بنات .. بس تكونوا ممعكوش بطاقات وكمان بجحين يبقي اسف على اللي هيتعمل
صاحبتها : ايه هتعمل ايه يعني ؟
ادهم : اتفضلوا انزلوا من العربيه حالا عشان هتتفتش
البنت : لاء وعلى ايه احنا اسفين والله وبعد كده هبقي أخرج بكل الإثباتات
ادهم : إبراهيم .. عايزك تنزلهم وتفتش العربيه كويس
إبراهيم : تحت امرك يا فندم
صاحبتها : على الفكره الوقت متأخر جدا .. ولو حضرتك كان عندك اخت مستحيل تسمح لحد يعطلها عن طريقها في وقت متأخر

ادهم : والله لو اختي مش هخرجها في وقت متأخر زي ده
صاحبتها : مش بمزاجنا احنا الاتنين دكاتره في مستشفى *** وعندنا نبطشيه وهيا لسه عربيتها جديده فمش واخده على أنها تكون مسؤوله أنها تشيل رخص
ادهم : وانا كلمتكم بأدب في الأول بس منفعش .. اسف .. هقوم بشغلي كامل .. وبرضو المفروض أن عدم وجود الرخص دي قضيه لوحدها بس انا عديتها
زياد : ايه يا عم ادهم .. في أي
ادهم : ملكش دعوه انت .. ابراهيم أنا قلت ايه
نزلوا وفتش العربيه زي م هو عايز لانه كان عايز يأدبهم ولأنه اتضايق من طريقة كلامها
البنت : ايه يا تاليا في ايه .. م كنتي سكتي لحد م نمشي ولا كان لازم يفتش العربيه
تاليا : م هو بصراحه نرفزني يا سما وبعدين مش معانا حاجه خلاص بقا يسيبنا
سما : ايوه كنا همنشي خلاص لولا كلامك
تاليا : خلاص يا ستي فكك
سما : بس مز اوي
تاليا : لاء في دي معاكي حق
ضحكوا الاتنين
تاليا : ابقي اخرجي ببطاقتك ورخصك بقا هاا
سما : بعد الموقف ده مش هنساهم ابدا
تاليا : شاطره
عند ادهم
المدير : يعني ايه واحد في مركزك ينزل مرور ؟

ادهم : حضرتك ادتني قضيه من أصعب القواضي اللي بتمر هنا .. فلو عايزني احلها وبسرعه .. تسيبني على راحتي .. لاني عارف شغلي كويس وعارف أنا بعمل ايه وايه اللي المفروض يحصل .. بس لو فيه حد تاني معترض على شغلي هسيبهالكوا عادي .. بس مترجعوش تقولوا أن أنا مبواظبش .. وحضرتك اكتر واحد عارف شغلي ده بالنسبالي ايه .. بس ملاحظتش برضو أن دي اول مره في شغلي اطلع مرور
مدير : مهو علشان كده مستغرب .. بس برضو عارف أنه جزء من شغلك
ادهم : طيب ده كويس .. وانا مش مجبر أن اي خطوه اتحركهها لازم سيادة القائد يعرفها
المدير : مش حكايه القائد يعرفها .. حكاية اني اعرف ازاي ظابط برتبتك يطلع مرور
ادهم : واديك عرفت مع اني واثق أن القائد عايز يعرف ليه .. بس القضيه دي انا لوحدي اللي هحلها
المدير : وده اللي أنا متأكد منه يا ادهم
ادهم : تمام .. عن ازنك
استوووووووب
ادهم جمال الخديوي
عنده 31 سنه ظابط مخابرات برتبه عاليه جدا في جهاز المخابرات وليه وضعه ومكانته حساسه جدا طويل وجسمه رياضي ومحترف طوله 180 ووزنه 75 عينه لونها أخضر فاتح وشعره بني
تاليا محمد الرفاعي
عندها 24 سنه دكتورة جراحه في مجال الطب طولها 169 ووزنها 55 عينيها لونها بني وشعرها بني فاتح محبوبه بين أصدقائها ومن ضمنهم
سما ايهاب الأنصاري
عندها 24 سنه دكتورة جراحه ولون عينيها عسلي وشعرها أسود غجري ومن أقرب أصدقاء تاليا
ادهم : زياد .. خمس دقايق والكل يتجمع في صالة التدريب
زياد : أنا مش عارف الطلبه بتوعك يا عم
ادهم : عارف وعلشان كده بقولك خلي الكل يتجمع عشان مش عارف مين معاك ومين معايا ومين مع عابد
زياد : اه فهمت .. انت عايزني اجمعلك العيال كلهم !

ادهم : ايوه بس هما خمس دقايق
زياد : استني بس انت عارف الساعه كام ؟
ادهم : ايه الساعه بقت 6 اهو
زياد : مفيش حد جه خمس دقايق ازاي مش فاهم
ادهم : انت بقيت رغاي كده ليه .. خلاص هستني كمان ساعه بس مش اكتر تحاول تكلمهم بقا اتصرف
زياد : ماشي .. استنى نصايه كده
بعد ساعه في صالة التدريب
ادهم : يا اهلا .. ده كلوا عشان تتجمعوا كده .. أنا عايز اعرف انتوا كنتوا فين؟ .. ومحدش يقولي البيت عشان مش هصدق
عابد : كانوا سهرانين مع بعض بس مش لوحدهم
ادهم : اممم .. الكلام اللي هقوله ده هيمشي على رجالتي وكذلك الكل .. أنا ماليش دعوه تسهروا تناموا بره بيتكوا تروحوا اماكن مشبوهه .. المهم أن اي حاجه هتعملها وتأثر على شغلك تطنشها خالص لكن لو مآثرتش براحتك مش همنعك .. وطبعا هتقولوا اني برضو بطلع وبسهر والكلام ده كله .. بس غالبا بيكون شغل حتي لو مش شغل انتوا لسه ظباط متخرجين جداد واي حاجه هتأثر على شغلكوا فابعدوا عنها وانا بقالي كتير هنا ووصلت لاسمي ده بصعوبه وزي م بيقولوا كده نموي وقف ورغم كده لما بيكون في أي مهمه بكون عارف شغلي كويس وبلتزم كلامي خلص
ادهم : ودلوقتي مين بقا رجالتي
_ أنا وأيمن وحسن وخالد
ادهم : تمام وانت مين بقا؟

_ أنا أحمد
ادهم : تمام يا احمد والكلام ده بقا لرجالتي هسيبكوا تروحوا تاخدوا شاور وتطمنوا اهلكوا وبعدين هقابلكوا الساعه 4 وأي تأخير عن الساعه 4 يعتبر نفسه بره فريقي ويشوفلوا غيري وكل يوم هيكون في تدريب من الساعه 6 الصبح سواء أنا موجود او لاء
زياد : نفس الكلام يمشي على رجالتي
عابد : وانا كذلك
كل واحد روح بيته ينظم نفسه زي م ادهم قال واتجمعوا تاني
ادهم : دلوقتي في قضيه حبيت ادخلكوا معايا فيها واخليكوا تشتركوا معايا بس اهم حاجه مش عايز اسئله كتير
حسن : تمام
ادهم : في صفقه هتم على طريق صحراوي وهتتسلم من واحد اسمه القناص عباره عن تسليم أسلحه ده كل اللي أنا اعرفه واللي أنا عايزه بقاااا .. هي هتم امتى وفين بالتحديد ومين اللي هيستلم .. وده كله هنعرفه في 48 ساعه .. والمطلوب من ده كله برضو أن احنا نقبض عليهم متلبسين .. هعتمد عليكوا المره دي .. ومش عايز غلطه .. مفهوم !!؟
الكل : مفهوم
عند تاليا
مامت تاليا : تاليااااا .. انتي يا زفته
تاليا : اي يا ماما .. في ايه ؟
مامت تاليا : هو أنا مش بنادي عليكي من الصبح !
تاليا : فين ده! .. انتي لسه مناديه عليا دلوقتي
مامت تاليا : طب اسكتي .. فين اخوكي؟
تاليا : اهو في اوضته نايم
مامت تاليا : نايم دلوقتي !!؟ روحي صحيه
تاليا : يا ماما أنا مالي أنا عندي نبطشيه انهارده وعايزه امشي الساعه بقت 6
مامت تاليا : معلش مش هياخد حاجه بسرعه
تاليا : ابنك نومه تقيل وانتي عارفه
مامت تاليا : صحيه بطريقتك
تاليا : بطريقتي !!؟ ماشي انتي اللي قولتي ماليش دعوه بقا
راحت تاليا اوضة اخوها براحه ودخلت بإزازة مايه سقعه ودلقتها عليه وطبعا قام يتنطط من برودة المايه ويسب ويلعن فيها
عمرو ( أخوها ) : يحححححح .. ايه اللي انتي هببتيه ده يا متخلفه؟ .. يا ماماااااااا .. ماماااااااا

مامت تاليا : في ايه يا حبيبي؟
عمرو : عاجبك كده اللي بنتك عملته فيا
مامت تاليا : انتي يا بت ايه اللي انتي عملتيه ده .. نهارك اسود
تاليا : الاه وانا مالي .. مش انتي اللي قولتي صحيه بطريقتك
عمرو : انتي قولتلها تصحيني يا ماما
مامت تاليا : اه عشان عايزاك
عمرو : تمام .. بس مردودالك على فكره يا تاليا هانم
تاليا : وانا مالي يا لمبي أمك اللي قالتلي .. استأذن أنا بقا عندي شغل اتأخرت عليه
استوووووووب
عمرو محمد الرفاعي
عنده 26 سنه مهندس معماري كفوؤ جدا في شغله طوله 171 ووزنه 65 عينه لونها عسلي زي مامته وشعره بني
سما : معايا العربيه بتاعتي يلا نروح بقا !
تاليا : اهدي كده وخليها الصبح عشان ميحصلش معانا زي امبارح
سما : معايا الرخص والبطاقه وكل حاجه .. مش هستنى للصبح أنا .. أنا جايبه العربيه مخصوص عشان كده
تاليا : انهارده بس .. عشان الوقت بيكون متأخر ومش هينفع نروح في وقت زي ده
عند ادهم
أحمد : طيب وليه حضرتك هتنزل مرور في المكان ده واحنا عارفين أن هما أبعد بمراحل .. وكمان ليه انت بالتحديد اللي بتنزل مرور ؟
ادهم : عشان نطمنهم أن احنا مش عارفين حاجه عنهم وبالتالي يعرفوا ياخدوا راحتهم وأنا ليه بنزل مرور عشان في مكان قريب من هناك بدرس تفاصيله كويس هتقدر تساعدني انا شخصيا بس من غير م يحسوا .. وكفايه اسئله بقا .. وزي م قلتلكوا قدامكوا 24 ساعه بس تجمعوا فيها المعلومات دي بأي طريقه مهما كانت

خالد : احنا قررنا نقسمنا نصنا يجمع انهارده واحنا بكره
أحمد : اه ايمن وحسن بيراقبوا الأوضاع ومستنيين منهم اي اشاره
ادهم : تمام ..اهم حاجه بكره المعلومات اللي أنا عايزها تكون على مكتبي .. ودلوقتي اتفضلوا
تاليا : يلهوي بقا .. قابلي
سما : قولتلك معايا الرخص متقلقيش
تاليا : اصل هو بيتلكك شويه .. معرفش ليه
سما : والله .. متعرفيش ليه .. اصل انتي كنتي بتكلميه بطريقه محترمه جدا
تاليا : لاء بس كان مستفز
سما : طب اسكتي عشان داخلين عليهم
وقفوا العربيه وسما طلعت الرخص والبطاقه
سما : اتفضل
ادهم : اممممم .. بطاقه الآنسه !
تاليا : وانا مالي العربيه بتاعتها وهيا ادتك الرخص والبطاقه .. بطاقتي أنا ليه مش فاهمه
ادهم : معلش إجراءات ولازم تتنفذ
تاليا لسما : مش معايا بقا .. اتصرف ازاي .. أنا عملت حسابي عليكي
سما : طب هيا مش معاها البطا…..
قاطعها ضرب نار في المكان وحد من بعيد جاي عليهم متصاب و……

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية حب الخديوي)