رواية حب الخديوي الفصل الثاني 2 بقلم توته
رواية حب الخديوي الفصل الثاني 2 بقلم توته
رواية حب الخديوي البارت الثاني
رواية حب الخديوي الجزء الثاني
رواية حب الخديوي الحلقة الثانية
قاطعها ضرب نار في المكان وحد من بعيد جاي عليهم متصاب و بيجري
ادهم : انزلوا تحت في العربيه بسرعهه
أحمد من بعيد : اهربوا بسرعهه .. عرفوا أن احنا بنراقبهم
ادهم حدفله سلاح وخد هو سلاحه مع الرجاله اللي معاه وتفادوا عدد كبير من الإصابات وفي طبعا اتصاب وتاليا وسما في العربيه خايفين من ضرب النار المفاجئ ونزلوا تحت في العربيه .. كان عددهم كبير جدا بس ادهم قوه لا يستهان بها
عدد كبير مرمي على الأرض في منهم المتصاب ومنهم اللي تقريبا مات
ادهم : انتوا اغبيه .. أنا غلطان اني اعتمدت على شوية عيال اصلا .. عرفوا منين مكان المرور ؟
أحمد : أنا مش عارف حاجه .. أيمن اتصل عليا وقال إن هما عرفوا عنهم كل حاجه وكمان مين اللي ماسك القضيه
ادهم : دي غلطتي من الأول اني اعتمدت على عيال لسه متخرجه
سما نزلت من العربيه بعد م ضرب النار هدي خالص
سما : ينهار أبيض .. ينهار أبيض .. العربيه لسه جديده .. العربيه
ادهم : أنا آسف .. مستعد اتحمل اي تعويضات وتصليح
سما : العربيه لسه رابع مره اركبها .. ده انا ملحقتش اتهنى بيها
تاليا : م خلاص بقا .. قالك هيصلحهالك .. وبعدين في ناس كتير ع الأرض مرميه نتيجة ضرب النار ده .. ولازم يروحوا الإسعاف ..
وعلفكره يا حضرة الظابط دراعك بينزف .. بس التاني ده عامل احتياطاته وباين عليه مش متصاب
ادهم : أنا مش مهم .. بس بسرعه عايزين عربيات إسعاف تيجي تنقلهم .. مش انتوا بتقولوا انتوا دكاتره !! .. اتحركوا شوفوا مين اللي عايش ومين اللي ميت
تاليا خدت الشال بتاعها قطعت نصه
تاليا : دراعك بينزف وده مش هينفع .. على الأقل وقف النزيف .. هربطهالك على دراعك على م تروح المستشفي
في مكتب المدير
ادهم : لاء الحمد لله كله إصابات
المدير : ايه اللي خلاهم يعرفوا أن احنا بنراقبهم ؟
ادهم : للأسف شكلي اعتمدت على شويه عيال .. بس لحد هنا القضيه بتاعتي لوحدي
المدير : انت عارف أنا مش هاخد موقف عشان عارف ان انت هتعرف تحل الموقف كويس
ادهم : وانا عند حسن ظن حضرتك
المدير : حد من رجالتك اتصاب ؟
ادهم : اه وهروح المستشفى دلوقتي
ادهم راح المستشفي يطمن على الحالات اللي متصابه تبعهم واللي كانوا واقفين في المرور .. كان عددهم تقريبا 7 غير اللي اتصابوا من رجالة القناص بس كان عددهم 4 اللي ماتوا و 3 اتصابوا والباقي هرب
احمد : أنا جبست دراعي لانه اتكسر
ادهم : اممم .. لاء الف سلامه
أحمد : مش هتشوف دراعك انت كمان بما انك اتطمنت ع المتصابين ؟
ادهم : اه أن شاء الله هشوفه .. بس المهم انتوا الأربعة تتجمعوا انهارده بالليل في صالة التدريب
أحمد : تمام
سابه ادهم وراح للأستقبال
ادهم : لو سمحت عايز اي دكتور جراحه
الاستقبال : دكتور معين ولا اي حد ؟
ادهم : اي حد مش هتفرق
الاستقبال : طيب في دكتور هاني وفي دكت
ادهم : هو انتي مبتفهميش؟؟ قولتلك اي حد
الاستقبال : اسفه يا فندم لحظه واحده
عملتله الكشف وادتهوله وهو راح عند الدكتور وخبط ع الباب والممرضه دخلته
الممرضه : ثواني والدكتوره هتكون هنا
ادهم : اهم حاجه متتأخرش بس
الممرضه : لاء دقيقه بس
الدكتوره دخلت : هااه يا بنتي مين اللي هنا
الممرضه : فى واحد جوه كتفه متصاب (بصوت واطي ) مز اوي
الدكتوره : اسكتي
ادهم كان نايم ع الشيزلونج وقدر يقرأ حركة شفايفهم
الدكتوره : اسفه للتأخير .. حضرت…. .. انت !!؟
ادهم : هو انتي !!؟ ايه لتكوني نسيتي حاجه زي م بتنسي بطاقتك ؟
تاليا : مش مجبره أشيل بطاقتي على طول .. لاني مش بعدي على مرور دايما ونادرا ما حد يطلب البطاقه .. لاني اصلا مش بوريها لحد
ادهم : اممم … طيب بسرعه عشان متأخر
قعدت تاليا تشوف دراعه وكان بتطلع جاونتي من العلبه اللي جنبها بس لقيتها فاضيه
تاليا : ثواني علبة الجاونتي تقريبا خلصانه .. هروح اجيب واحد بسرعه واجي
ادهم : مش مهم اشتغلي عادي
تاليا : مش هينفع الجرح هيتلوث و
ادهم : قولتلك اشتغلي وملكيش دعوه
بدأت تاليا تشوف دراعه وهو نايم مكانه وبعد فتره خلصت وغسلت ايديها وكتبت له علاج وادته الروشته وهو واقف بيمرن دراعه
تاليا : مينفعش تحرك دراعك كتير وحاول تريحه و تيجي بكره في نفس الوقت تغير ع الجرح .. أنا هكون موجوده في نفس الوقت .. قولهم تحت بس في الاستقبال دكتوره تاليا
ادهم : أن شاء الله
سابها ادهم وخرج وفتح الباب بدراعه المتصابه
تاليا : مش بقولك ريحها !
ادهم: سوري مش بهتم بكلام الدكاتره
سابها ومشي وراح على بيته
اول م دخل وأخته شافته جريت عليه وحضنته
ادهم : حبيبي عامل ايه ؟؟
مريم : الحمد لله .. ايه ده دراعك ماله ؟
ادهم : متعور بس تعويره صغيره
مريم : دي صغيره .. المهم .. مش بترد عليا ليه بقالك يومين بره البيت ؟
ادهم : معلش حبيبتي كنت مشغول والله
مريم : دايما كده ناسيني
ادهم : وانا اقدر برضو
مريم : اممم .. طيب جبتلي الشوكولاته اللي بحبها !!
ادهم : اكيد طبعا .. اتفضلي يا ستي .. اهيه
باسته في خده : انت احسن اخ في الدنيا دي كلها
ادهم بابتسامه : وانتي احسن اخت في الدنيا دي كلها .. بقولك .. فين ماما ؟
مريم : في المطبخ .. ومستنياك وقلقانه عليك وكلمت الشغل هناك وصاحبك طمنها
ادهم : ربنا يستر
استوووووووب
مريم جمال الخديوي
عندها 22 سنه كلية فنون جميله سنه رابعه والسنه الأخيره طولها 158 ووزنها 54 عينيها أخضر غامق وشعرها بني
دخل ادهم المطبخ يشوف مامته
ادهم : ست الكل عامله ايه انهارده ؟
مامت ادهم : ادهم .. انت جيت امتى يا حبيبي ؟ وايه ده دراعك ماله؟ .. يلهوي
ادهم : اهدي يا ماما ده جرح بسيط
مامت ادهم : جرح بسيط ازاي ؟؟
ادهم : ايه يا ماما م انتي عارفه شغلنا
مامت ادهم : اه عارفه .. بس ريح دراعك خالص
ادهم : حاضر
مامت ادهم : مش بترد ليه ع التليفون
ادهم : كنت مشغول والله يا ست الكل .. انتي عارفه لما بكون فاضي بكلمك
مامت ادهم : وليه يومين بره البيت
ادهم : شغل بقا .. المهم عملالنا اكل ايه انهارده ؟؟
مامت ادهم : الأكل اللي بتحبه يا حبيبي
ادهم : تسلم ايدك .. أنا هطلع اخد شاور وانام شويه عشان عندي شغل بالليل
مامت ادهم : تاني !!؟
ادهم : اعمل ايه بقا؟ .. مش بإيدي
مامت ادهم : ماشي يا حبيبي ربنا يوفقك
ادهم : يارب
طلع ادهم أوضته واخد شاور ونام
عند تاليا
تاليا : مش هتصدقي كنت بكشف على مين
سما : مين !
تاليا : الظابط اللي بيقف مرور
سما : الظابط المز !!؟
تاليا : ايوه هو الظابط المز
سما: متعرفيش اسمه ايه ؟
تاليا : تصدقي مأخدتش بالي أصلا بس هتلاقيه متسجل في الاستقبال
سما : امم .. هبقى اشوفه
تاليا : انهارده في عمليات !!؟
سما : لاء
تاليا : كويس اوي .. أنا عايزه اروح
سما : هتروحي !!؟
تاليا : ايوه انا من امبارح وانا هنا .. انتي روحتي .. هروح واجي بكره بقا
سما : تمام
تاليا : اه صحيح عربيتك عملتي فيها ايه ؟؟
سما : كتر خيره والله خدها يصلحها بدل م هي اتدغدغت
تاليا : لاء طلع محترم
سما : اه والله
تاليا : هشوفك بكره .. باي
سما : باي
روحت بيتها ودخلت تنسحب على اوضتها
عمرو : خدي هنا
تاليا : اي !!
عمرو : انتي بتتسحبي ليه ؟ .. في ايه ؟
تاليا : أنا !!؟ أنا مش بتسحب خالص .. انت ايه اللي جابك بدري من شغلك ؟
عمرو : وانتي مالك انتي .. وبعدين أتأخرتي ليه؟مش المفروض تكوني هنا من الساعه 6
تاليا : ظروف في الشغل والله .. فين ماما ؟
عمرو : في المطبخ ومستحلفالك
تاليا : ليه بقا ؟
عمرو : اساليها
تاليا : اشطا .. بس عارف لو فخ منك
عمرو : هتعملي ايه يعني .. هتصحيني بمايه ساقعه زي الصبح ؟
قعدت جنبه وباسته في خده : وانا اقدر برضو يا ابو الصحاب .. ده انت أخويا الكبير برضو .. ده انا بس كنت بهزر
عمرو : نمرة حمزه دي ولا اي ؟؟ عليا أنا برضو .. روحي بس كده شوفي أمك الي جوه دي
دخلت المطبخ
تاليا : ماااامااااا
مامت تاليا : انتي هتقطعيلي الخلف يا بت !!
تاليا : وانتي عايزه تخلفي تاني ليه ؟؟
مامت تاليا : ايه اللي أخرك كده ؟؟ وسايباني معكوكه طول النهار في المطبخ
تاليا : شغل .. شغل والله
مامت تاليا : م أنا عارفه أنه زفت شغل .. روحي يلا غيري هدومك وتعالي اغسلي المواعين دي
تاليا : طب عملالنا غدا ايه انهارده ؟؟
مامت تاليا : سبانخ
تاليا : يا ماما مبتحبنيش .. وانتي عارفه
مامت تاليا : اخوكي نفسه فيها
تاليا : قولتيلي أخويا .. طب تمام .. هخليه يموت فيها بعد كده .. هغير هدومي واجي
بالليل في مكتب ادهم الكل اتجمع ومعاهم ادهم طبعا
ادهم : هاااه يا حضرة الظابط انت وهو .. ايه اللي حصل بالظبط !!؟ .. عايز اعرف كل حاجه بالتفصيل الممل .. عشان أنا كنت غلطان لما اعتمدت علي شوية عيال
أيمن : حضرتك احنا مكناش نعرف أن ده كله ممكن يحصل
ادهم : مفيش حاجه في شغلنا اسمها مكناش نعرف .. اسمها مبنأديش شغلنا كويس
حسن : بس ده فعلا غصب عننا
ادهم : ايه اللي حصل بالظبط !؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب الخديوي)