رواية 30 يوم حياة 3 الفصل الرابع والعشرون 24 بقلم أميرة أسامة
رواية 30 يوم حياة 3 الفصل الرابع والعشرون 24 بقلم أميرة أسامة
رواية 30 يوم حياة 3 البارت الرابع والعشرون
رواية 30 يوم حياة 3 الجزء الرابع والعشرون
رواية 30 يوم حياة 3 الحلقة الرابعة والعشرون
في صباح يوم جديد ابتدا أبطالنا يصحوا ويستعدوا ليوم حماسي رهيب الكل مستنيه
صحيت وعد من النوم كانت في حضن زين ابتسمت وحضنته جامد من وسطه وقامت باسته من خده ودخلت تاخد شاور ابتسم زين لما حس بيها بس مرضيش يحرجها وفضل نايم
خرجت وعد بعد وقت بسيط من الحمام وهي لابسه البورنس ولافه شعرها راحت عالدولاب حضرت هدوم بنطلون چينس وتيشرت صيفي لبست وبعد كده راحت تصحي زين.
وعد….زينووو زينووو
يلا حبيبي اصحي بقي الساعه اتنين
فتح زين عينه …صباح النور يا حبيبي
وعد….صباح النور
زين….ايه النشاط ده كله
وعد…نشاط ايه بس دي الساعه 2دي خالتو لو عرفت اننا بقينا نصحي متأخر كده هتقطعنا دي معودانا نصحي من بدري
زين…ياستي مره من نفسنا وبعدين انتي ناسيه اننا عرسان جداد ولا ايه
وعد…لا يا سيدي مش ناسيه بس كمان احنا مش جايين ننام احنا جايين نتفسح علب فكره ولا انت جاي هنا تقضيها نوم وتضحك عليا
زين…لا يا ستي مقدرش اضحك عليكي انا صحيت خلاص اهو هقوم اخد شاور وننزل انا وانتي نفطر
وعد….لا نفطر ايه الساعه اتنين بص انا هروح اعملك شاي وهجبلك حاجه خفيفه كده تاكلها وتجهز ونبقي ننزل نتغدي براحتنا ايه رأيك
زين….تمام انا موافق هدخل اخد شاور وطلعيلي انتي طقم حلو علي ذوقك
وعد…من عيوني😍
حضنها زين بحب تسلم عيونك قلب زين وقرب من شفايفها🙈🙈
وبعد وقت بسيط بعد عنها وعد كانت محرجه ووشها احمر
زين…بضحك هتفضلي تحمري كده علي طول
وعد…باحراج يلا قوم
زين…كب بقولك ايه ما تيجي تحميني اصل انا ايدي بتوجعني
وعد…بضحك زين بلاش سفاله وقوم خليك مؤدب
زين….يابت مؤدب ايه انا جوزك وبعدين هو الجواز في
ادب
وعد….امال ايه يا ابو وش مكشوف😂
زبن….بضحك شكلي هعلقك انتي ومديحه عاللقب ده
وعد….مش ده لقبك يا قلبي
زين….ماشي ياقاسيه وبعدين انا مش صعبان عليكي مش كفايه الرحله المدرسيه اللي كتمت علي نفسي دي
وعد…فضلت تضحك طب والله دول جم غيروا الجو خالص وسلونا.
زين…لا ياشيخه انتي يا بت فرحانه فيا
وعد…بصراحه 😂😂اه والله
زبن…ماشي يا وعد خليهم يا اختي ينفعوكي واقولك انا هقضي معاهم الكام يوم اللي هنأعدهم هنا واطنشك
وعد…بثقه عادي علي فكره صحابي معايا وانا كمان هقضي معاهم الكام يوم دول
🙄
زين….😒😒بقت كده
وعد…بحب باسته لوسه كبيره من خده ايوه يا قلبي بقت كده بقولك ايه انت بجد مضايق انهم جم زعلان منهم يعني
زين….انتي عبيطه يا وعد لا طبعا والله العظيم لما شوفتهم قلبي كان بينط من مكانه واتبسطت اوب خصوصا ان اخر سفريه سافرناها لما كيمو اتوفي وانتي عارفه اصلا ان انا بحب لمتهم واعدتنا مع بعض اينعم يعني كنت مخطط ان السفريه بتاعتنا هتكون غير كده🤨🤨 بس هتتعوض ان شاء الله والاهم اننا المرادي هما معانا كلهم
وعد….بحب ربنا يجمعنا ديما علي خير ونفضل مع بعض علي طول
زين…يارب وتفضلي ديما معايا وفي حضني يا بنت عمري
وعد…بأبتسامه جميله طب يلا هروح انشف شعري واعمل الشاي تكون خرجت
زين…ماشي يا حبيبي متنسيش تطلعيلي غيار بدل ما اخرج اجيبه بنفسي🤨
وعد….امشي ياقليل الادب
زين…بضحك مشينا يا ستي😂😂😂😂
……………….
صحيت منار لقت سهر بتتكلم في الموبايل.
منار…ياصباح الموبايلات
سهر…باحراج بس يا رخمه
منار…بتكلميني عالصبح كده ها ها بتكلمي مين
سهر…يابت اسكتي شويه
منار…..غمزتلها كيب ياستي ربنا يهني سعيد بسعيده وسلمي علي اللي معاكي😜
أنس…بضحك صبحي عليها
سهر….بيصبح عليكي يارخمه
منار…..بصحك صباح الفل عليكم يا قلبي انا هدخل اخد شاور
سهر…بابتسامه ماشي
دخلت منار وقفلت عليها.
سهر….مجنونه منار دي
انس….اه بس طيبه اوي
سهر…فعلا طيبه وحنينه اوي والله
انس…بقولك ايه ما تيجي ننزل نتغدي مع بعض ونتمشي شويه كده
سهر…هنتغدي الوقت
انس…اه علي بال ما تجهزي وتظبطي نفسك وننزل هيكون معاد غدا نتغدي ونلف شويه ونرجع نجهز نفسنا عشان الحفله
سهر…طيب خلاص ماشي هقوم اجهز نفسي واكلمك
انس…تمام هستناكي يلا بسرعه باي
سهر….باي.
قامت سهر طلعت لبسها وبعدها خرجت منار
منار…خلصتي يا اختي رغي
سهر…انتي عايزه ابه يابت مني اه خلصت
منار…بضحك هعوز ايه يعني انا بطمن عليكي
سهر…لا يا اختي اطمني ووسعي كده عشان اخد شاور بسرعه
منار…انتي راحه فين
سهر…انس بيقولي ننزل نتغدي تحت ونتمشي شويه وبعدين نرجع عشان نجهز للحفله
منار…ايه يابت النداله دي هتسبيني لوحدي ده كل واحده فيكم مع الموز بتاعها وانا هأعد لوحدي
سهر….طب خلاص هاعد معاكي ولا تزعلي
منار…تاعدي فين يا ماما انا بهزر طبعا يلا يا اختي اجهزي عشان تنزلي للموز وملكيش دعوه بيا
سهر…والله انا مش بعزم انا بتكلم جد
منار…عارفه والله بس انا كده كده هأعد اجهز اللبس اللي هلبسه في الحفله يعني مش فضيالكم يا اختي
سهر…طب انا غلطانه وسعي كده عشان ادخل اخد شاور سريع.
منار…بضحك اجري يا اختي😂😂😂
خرجت منار لبست و نشفت شعرها وسمعت باب الاوضه بيخبط راحت عالباب.
منار…ايوه
عامر….افتحي
فتحت منار بسرعه الباب.
منار…بابتسامه صباح الخير
عامر…بحب صباح الفل
منار…ايه رايح فين
عامر…رايح عندي بروڤا وهستناكم هناك بقي لما تيجو
منار….ماشي طيب انت كلت
عامر….فكرت حاجه خفيفيه كده وشويه وهاكل سلطه يعني حاجه خفيفه عشان مش هينفع اطلع المسرح وانا واكل
منار…بس انت كده هتبقي جعان
عامر…لا متقلقيش وبعدين بليل بعد الحفله هنتعشي كلنا سوا انا عازمكم علي مشويات وهنخرب الدنيا
منار….بابتسامه ماشي
عامر…هتعملي ايه الوقت
منار…ولا حاجه سهر نازله الوقت هي وانس يتغدوا بره ومش عارفه الباقي ايه ظروفهم بس اكيد هينزلوا يعني مع بعض
عامر…طيب ما تنزلي معاهم اتمشي واتغدي وظبطي نفسك لسه الحفله الساعه 8 فاضل تقريبا ست ساعات
منار….ماهما هينزلوا مع بعض بقي خليهم براحتهم انا ممكن انزل انا لوحدي اتمشي
عامر….لا يا ماما لوحدك لا مفيش لوحدك دي
منار…طب ليه
عامر….انتي سمعتي يا منار لوحدك لا تمام شوفي عايزه تاكلي ايه وانا هبعتهولك لحد عندك هنا وانا هناك يا ستي هبقي اكلمك ڤديو كول تشوفيني في البروڤا عشان متزهقيش اتفقنا
منار….بابتسامه طيب اتفقنا امري لله جايه اتحبس انا😒
عامر…لا يا حبيبي مش هتتحبسي ولا حاجه وبس اخلص الحفله والكام يوم اللي جايين انا ملكك وهلففك شرم كلها حته حته اتفقنا
منار… اتفقنا
عامر…تاعدي تجهزي وتظبطي نفسك وهبعتلك حجات حلوه يا عيله تتسلي فيهم وبليل عايز قمر
منار…بحب ماشي
عامر…عايزه تاكلي ايه
منار…😂🙄🙄🙄
عامر…بسسس خلاص عرفت ماكدونالدز طبعا🥴
منار…بضحك ما انت شاطر اهو
عامر…بحب لا يا اختي حفظتك خلاص
انس….صباح الفل والرومانسيه عالصبح
عامر…صباح الدلع😉
منار…صباح الرغي يا سي انس🤨🤨 هااا ولا ايه🙄
انس….بضحك اجبلك مايك عشان لسه في كام واحد في الفندق مسمعوش السياح بتاعك ده😂😂
عامر…بضحك هي البت دي ماسكه عليك زله ولا ايه
انس…شايف خطيبتك يا عم
سهر..فتحت الباب بعد ما انس قالها تخرجله لقتهم ادامها واقفين مع انس
صباح النور
عامر…صباح الفل يا سهر
منار…ماشاء الله لبسنا وجهزنا بسرعه🙄
عامر…بضحك اااه انا كده فهمت البت دي بتزلك ليه😂😂
انس….شوفت ياعم
منار…بضحك ناس تخرج وناس تتحبس😒
انس…بضحك طب تعالي يلا معانا والله نتغدي احنا التلاته لو عامر معندهوش مانع طبعا
منار…لا اتغدي ايه انا ورايا كذا حاجه وبعدين مبحبش ابقي عزول يا عم.اتفجأوا كلهم من الصوت
زين….اه وتحبي تبقي عزول علي عريس في شهر العسل
منار…بضحك يا نهار اسود ده سمعنا
وعد…😂😂😂اتقفشتي
عامر…جبتيه لروحك
انس…والله كنت لسه هقولها احنا كلنا جينا عزول لزين ووعد
زين….حسيسه اوي من يومها زي خطيبها بالظبط😂😂
عامر….ومال خطيبها الوقت انا مش فايقلك ودماغي مشغوله بميت حاجه لو كنت فاضيلك كنت روقتك😂
زين….طيب يا عم انا نازل اتغدي انا ووعد وهنكير قبل ما حد يقفش فينا حاسس ان جاي مع ولاد اختي والله😂😂
انس…وانا هطير انا وسهر
عامر…وانا هطير عالبروڤا
منار….الله يسهلكم يا عم
زين….اعوذ بالله هنولع انا عارف😂😂
وعد…باي يا منار
زين…ياستي اجري متقوليلهاش باي احسن تقرأ علينا تعويذه تجيب اجلنا
منار…بضحك ماشي يا زين😂😂😂😂
انس ..يلا سلام
منار…باي
عامر…يلا يا حبيبي عايزه حاجه
منار…لا خلي بالك من نفسك وكلمني زي ما قولتلي
عامر…حاضر عيني يا قلبي
يلا علي جوه
منار…ماشي باي يا حبيبي
عامر…باي😘
عدي شويه وقت بسيط
وايتدا كل اتنين ينزلوا ومنار اعده جوه زي ما هي
عند توته وادهم ولادهم كانوا نايمين علي نفسهم صاحين من بدري وخلاص كبس عليهم النوم تاني بعد ما فطروا وغيروا
ادهم….ايه انا جعان ما نخلص بقي
توته…طب اعمل ايه العيال مأريفين خالص عايزين ينامو
ادهم…طب والعمل ناخدهم بالعربيه بتاعتهم ولا نجيل اكل هنا
توته…مش عارفه
ادهم…شوي براحتك بقي بس انا مش عايزك تفضلي محبوسه فالاوضه
توته…طب استني لحظه كده
اشوف البت منار كده
ادهم….يمكن نزلت مع عادل ولا راحت مع عامر
توته…لا عامر ايه اللي هتروح معاه هتجهز ازاي وميتهيأليش نزلت مع عادل وشمس
ادهم…طب كلميها كده
توته…استني جابت رقمها واستنت الرد
منار….توته يا توته يا توته 😘
توته…قلبي يا ناس انتي نايمه ولا ايه
منار….لا صاحبه نوم ايه اللي لحد العصر ده يا اختي وانا زيكم
توته…طب انتي فين
منار…في ايه يابت عايزه ايه ليه التحقيق ده مش مرتحالك وحاسه ان الأستجوابات دي وراها حاجه😒
توته…بضحك وحنيه ابدا يا قلبي بطمن بس عليكي وبشوفك نازله ولا لا
منار….لا يا اختي مش نازله هنزل عالحفله علي طول وبعدين هنزل مع مين يا حسره عامر راح البروڤا وانتوا كل واحده لفحت الموز بتاعها وخرجت بيه ألا انتي منزلتيش ليه انتي وادهم ولا نزلتوا🤔
توته… لا لسه منزلناش والله احنا لابسين بس العيال بينامو علي نفسهم ومش عارفه اعمل ايه🙄
منار…بضحك ااااااه قفشت انا بقي السر الفظيع اللي جاي من تحت راس الاستجوابات دي عايزه ايه يا توته نخلص وقتي مش ملكي يا ماما
توته…بضحك يا بت في ايه متبقيش حمقيه كده🙄🙄🙄 الله
منار…انجزي يا توته بطني بتوجعني كل ما احس ان اللي بفكر فيه صح🤔🤔
توته…بضحك بصي بقي من الاخر كده انا هجبلك العيال ينامو معاكي واننزل انا وادهم
منار….انا قولت وجع بطني ده مش من فراغ وربنا قلبي كان حاسس من المقدمه الفظيعه دي
توته…يابت الراجل قرب يتجوز عليا العيال مش مدينا فرصه خالص
منار…منك لله يا توته انتي وادهم يارب اتجوز واخلص بقي منكم يا بعيده علي اخر الزمن هشتغل بيبي سيتر
توته….يابت هجبلك حاجه حلوه وانا جايه
منار…انتي يابت بترشيني
توته….اه برشيكي انتي يابت نسيتي انك ملكه الرشوه
منار….طب امبر شيكولاته في السوق تجيلي
توته…اه يا واطيه ايوه كده ارجعي لمجدك في الرشوه هجباك والله احلي شيكولاته
منار…واعملي حسابك اخر مره هأعدلك بالعيال من بكره يا اختي عامر هيكون فضي وهخرج معاه
توته…يالهوي وانا اقدر برده
منار…انجزي وهاتيلي اكلهم منك لله يا توته انتي وادهم
توته…بضحك سلام ياللي تتشكي😂😂😂
قامت توته بسرعه خدت الاكل بتاعهم وبامبرز وشالت واحد وادهم شال واحد وراحت علي الاوضه بتاعتها.
ادهم…بضحك طب وربنا منار صعبانه عليا دي هتتنفخ منهم😂😂😂
توته…اسكت بقي ده انا محضرالها كلمتين شعر في اخلاقهم وهدوئهم
ادهم….هدوئهم🙄
خبطت توته عالباب فتحت منار
ودخلت توته براحه حطت كريم عالسرير
منار….بصوت واطي ادخل يا اخويا حط ابنك
ادهم…بابتسامه لا هي هتيجي تاخدهم ..طبعا ادهم راجل شرقي وعارف حدوده كويس مهما كانوا واخدين علي بعض..
راحت توته خدت احمد براحه ونيمته جمب كريم وغطتهم وراحت لمنار.
توته…امسكي الشنطه دي فيها اللبن بتاعهم والببرونات الزرقا بتاعت كريم والصفرا بتاعت احمد الميه لحد 100سم تكون دافيه زي دمعه العين كده
منار…دمعه عين ايه ياللي اشوفك زي ما انا عايزه وانا بشوف درجه حراره دموع عيني
ادهم…بضحك لا اتعلمي بقي
توته…يابت بلاش لماضه يعني تبقي دافيه
منار…ياختي ماتقولي دافيه متعصبيناش
توته…بضحك ماشي دافيه😂 بصي بقي هتلاقي عندك 6 وحدات بامبرز لكل واحد واحده
منار…احييييه بامبرز لا احنا متفقناش علي كده وبعدين ست وحدات ليه انتوا ناويين تبيتوا بره ولا ايه
توته…يابت نبيت بره ايه ده يادوبك كل واحد 3
منار….ايه هما بيعملوا كام مره الله يوجع بطنك يا بعيده😒😒
ادهم كان واقف ميت من الضحك وتوته ماسكه نفسها بالعافيه.
توته…يابت قولي ماشاء الله
منار…انا هحسدهم علي ايه يا معفنه اشحال ان ماكنش بيبي😒
توته…ركزي معايا حطتلك لكل واحد فيهم غيار
منار…لا وربنا انتوا شكلكم هتطفشوا غيار ايه يابت😡
توته…يابت وطي صوتك العيال هتصحي غيار احسن توقعي علي حد فيهم لبن صدرهم يتغرق احسن يبردو
منار…اللهم طولك يا روح اي اوامر تاني للبشاوات🤔
توته…بصحي توطي التكييف شويه احسن انتي معلياه اوي سبيالك شويه حلويات وحجات يتسلوا فيها اياك يا منار تشخطي في حد فيهم الابتسامه متفارقش وشك وشغليلهم كارتون او القناه بتاعت الاطفال اللي فيها اغاني دي هتلاقيهم اتلاهوا فيها.
منار…اشخط في مين يا بت وابتسامه ايه اللي متفارقش وشي
ادهم…بصحك اجري يا توته دي هتتحول
منار…يابت ده انتي بتديهم كل صوت وصوت لما عقدتي العيال عامله فيها حنينه يا معفنه
توته…كانت ميته من الضحك يابت مقصدش اقصد عشان ميتعبوكيش بس
منار…شكرا لخدماتك يا اختي علي اخر الزمن مش هعرف اتعامل مع عيلين اد الزبله.
توته…المهم تدلعيهم كده وتخليهم مبسوطين احسن فالاخر يقرفوكي
منار….احبلهم شيشيه يا بت والبسلهم بدل رقص 😒😒😡
ادهم…وربنا حقك 😂😂😂
توته…نيجي بقي لاخر نقطه واهم نقطه
منار…هو لسه في اهم هما عيالك ماشيين بخريطه ولا ايه بت انا خلقي ضيق
توته…بضحك يابت اسمعي بقي. اول ما حد فيهم يصحي هيشوف وشك طبعا هيتسرع
منار…لا اسفه بقي يا ادهم نعم يا روح اممممك ليه شايفين عفريت😡😡😡
ادهم كان خلاص هيقع من الضحك هو وتوته
توته…يابت هيصحوا مش هيلاقوني وهيشوفوكي انتي هيتخضوا ..تعملي ايه بقي
منار…ودي عايزه سؤال اتنطتت علي الحيط طبعا😒
توته…لا يا ذكيه تغنيلهم
تقوليلهم ايه بقي يلا يلا يلا يلاصباحنا ابيض يلا صباحنا سكر يلا صباحنا فل يلا يلا يلا يلا نصحي ونلعب قبل الكل
منار…🙆♀️🙆♀️🙆♀️🙆♀️😳😳😳احيه انتي عيزاني اقولهم كده بت يا توته خشي خدي عيالك وغوري من ادامي وبصت لادهم الله يكون في عونك انت عارف وربنا انا لازم ارسملك بورتريه واحطه في ميدان عام عشان الناس تيجي تشوف الراجل المعجزه
ادهم…بضحك عرفتي اني اضحك عليا
منار….يلا ياتوته امشي ياتوته قال يلا يلا والنبي ابدا انا اغني الهبل ده منك لله بررررا.
توته…بضحك اجري يا ادهم.
قفلت منار وهي بترفع شعرها كله لورا وحطت ايدها في وسطها ورفعت الشنطه بقرف لفوق وبصتلها وقلدت توته😏 يلا يلا يلا صباحنا ابيض يلا …🤔هي قالت ايه🙈🙈
يتبع…
لقراءة الفصل التالي : اضغط هنا
لقراءة باقي حلقات الرواية اضغط على (رواية 30 يوم حياة)