رواية 30 يوم حياة 3 الفصل السادس والعشرون 26 بقلم أميرة أسامة
رواية 30 يوم حياة 3 الفصل السادس والعشرون 26 بقلم أميرة أسامة
رواية 30 يوم حياة 3 البارت السادس والعشرون
رواية 30 يوم حياة 3 الجزء السادس والعشرون
رواية 30 يوم حياة 3 الحلقة السادسة والعشرون
انتهت الحفله ودخل صحابه ليه مع الامن عشان ياخدوه ويمشوا ويقضوا سهره متتنسيش مع بعض ويحتفلوا بنجاح الحفله
عامر…بفرحه ايه تاكلوا ايه انهارده اطلبوا اي حاجه تيجي في بالكم انا عازمكم
زين….لا انهارده العزومه دي بالذات عليا.
عامر…بقولك ايه انا قولت خلاص ويلا أنجزوا احسن انا واقع من الجوع ومن الصبح مكلتش غير سلطه وبس
البرنس….بس بجد الله ينور الحفله كانت حلوه اوي
عامر… بجد ولا مجامله
البرنس…ياجدع مجامله ايه بس انت ولعت الدنيا وايهاب وانس طلعوا حلوا الحفله اكتر ما هي حلوه..
ادهم….كسرتوا الدنيا يا عامر والله العظيم والحفله كانت فوق الخيال
عادل…فعلا الناس كلها كانت مبسوطه وفرحانه
ايهاب…يا ابني كفايه طلوعي معاك عالاستيدچ🙄
هيما ..بضحك اتنيل
عامر…الف حمد وشكر ليك يارب
البرنس…انت تعرف يا عامر ان دي اول مره احضر حفلات لمطربين واجرب جو زي ده
هيما…علي فكره احنا تقريبا كلنا كده
البرنس…بضحك وبصوت واطي نسبيا عشان مراته لا ياعم بس احنا طلع فايتنا كتير اوي
مها….وايه اللي فايتك يا اخويا ان شاء الله
ادهم…بضحك جبته لنفسك
زين…كرسي في الكلوب😂😂😂🙈
البرنس….لا ياقلبي اقصد طبعا يعني الاغاني الحلوه والهوا الجميل
مها….والنبي ايه
توته…ياختي هما بس يزنقوا كده تبصي تلاقيهم اخترعولك اسباب
ادهم…بغمزه خليكي محضر خير
توته…مين يشهد للعروسه يا اخويا ما انتوا رجاله زي بعض أنما احنا غلابه
البرنس….طب تصدقي بأيه
توته…بضحك بالله
البرنس….وصلي عاللي هيشفع فيكي
توته…اللهم صلي عليك يا نبي
البرنس….انتوا ستات ما يتفاتليهمش بلاد ولا ليكم زي اصلا عليكم دماغ احنا اللي جمبكم غلابه.
مها…ولما انت عارف يا اخويا ان احنا دماغ عينك بتزوغ ليه
البرنس…يا بت انا اقدر بردو
صالح…..عيني علينا والله
بوسي…نعم يا سي صالح
صالح…لا احنا بره الحوارات دي خالص احنا حبايبي
البرنس…ايه يا جماعه هنقفش في بعض ولا تيه😂😂 وبعدين ياصالح خد بالك انت والشباب بعيدا عن انهم مايتفاتلهمش بلاد دول عليهم دعوه تصيب ولا عمرها تخيب
زين…وصالح ضحكوا جامد
زين…. انت هتقولي بيتهيألي الدعوه دي كانت سبب في مره انك تشوفنا😂😂
البرنس….اه فاكر والله يا مها اللي يشوف زبن وصالح عالكوبري ماسكين في بعض تقولي انهم اتنين ميعرفوش بعض ونازلين طحن في بعض انا لاقيت محدش من الناس وقف العربيات ولاحد نزل حاش بينهم قولت دول هيموتوا بعض بس لما قربت بينهم ولقيتهم بيكلموا بعض باساميهم اتخضيت انهم يعرفوا بعض اصلا 😂😂
صالح….بس الشهاده لله جوزك رجوله لو مكانش اتدخل في الوقت المناسب كان زماني ميت😂😂😂
ضحكوا كلهم علي صراحه صالح
زين…صحيح يا احمد فين ولادك
ادهم…ايوه صح انت مش قولت معاك ولد وبنت
البرنس…والله كنت هجيبهم بس احنا قبل العيد سافرنا الغردقه واتفسحوا وظبطوا نفسهم وبصراحه بقي مها اللي قالتلي سبهم🙄
مها…ياختي هما علي طول طابقين علي نفسي ومبعرفش اتحرك بسببهم نفسي اخرج واشم نفسي بعيد عنهم سبتهم لامي
توته…هما اد ايه
مها…محمد عنده 10 سنين وريماس 8
توته…ياختي ربنا يحميهم طب دول كبروا ماشاء الله امال انا اعمل ايه في ولادي
مها…والنبي دول سكر خالص ربنا يحميهم انتي عارفه طول عمري نفسي اجيب تؤأم اوي
توته….منصحكيش ابدا
منار….لاااااا النصيحه دي تسبيها عليا انا
ضحكت توته وادهم
منار…انا لو مكانك مفكرش في العيال اساسا والعيل اللي يجي غلطه اعلقه بمسمار عالحيطه
مها…..بضحك نهار اسود ليه بس
منار….عيال توته علموني الادب وعرفوني قيمه امي
مها…ليه بس ماهم ماشاء الله حلوين وهاديين اوي اهم
منار….اهو ده كان نفس رأي امهم وهي بتسبهملي انهارده بس يادوب الباب اتقفل عليا انا وهما وعينك ما تشوف الا النور مبقتش عارفه الضرب جاي منين
ضحك ا كلهم علي منار
توته…انا جيت لقيت شعرها منكوش ومتخربڜه ووشها احمر ورابطه راسها
منار….بصراحه لما كنت بشوف توته تصوت منهم وتأعد تعيط كنت بقول دي بتبالغ ومهما كان يعني دي عيال صغيره ملهاش طلبات غير انهم ياكلوا ويغيروا وينامو
مها…طيب ماهما العيال فعلا كلهم كده خصوصا في السن ده
منار…بغمزه وطريقه مضحكه ماهو ده اللي كنت اعرفه بس انهارده بقي اكتشفت طلبات جديده من ولاد توته
يعني مثلا تغني مفيش مانع انك ترقصي تقفلي تكيف في عز الحر متتكلميش عشان متلفتيش نظرهم وتفكريهم بالعياط اللي من غير اي هدف ممنوع تقومي من جمبهم تاكلي تشربي حتي الحمام ولو حكمت وخلاص مش قادره مفيش مانع انك تاخديهم معاكي عادي ماهي ظاطت بقي والاهم انك تغنيلهم اغنيه شهيره من تأليف توته اول ما يصحوا ولو حد فيهم مسك خصله شعر وفرمها تحت ايده حذاري تشيليها من ايده وتتعلمي الصبر وقوه التحمل عالوجع.والحل الامثل انك تأعدي ادامهم محجبه.
مها…بضحك يا عيني ده البت اتعقدت
عامر…بضحك منك لله يا توته انا لو طلبت ان منار تحمل هقدم ورق وطلبات ومش بعيد ارفع عليها قضيه وعادل يمسكهالي
ضحكوا لهم علي عامر ومنار
توته…بس والله كنتوا جبتوهم كانوا اتبسطوا مع بعض
مها….والله يا توتا انا مبخرجش خالص وتقدري تقولي كده ان احمد زيه زي اي راجل شرقي مبيحبش الخروج ونادر اصلا لو خرجنا ان مكانش الولاد زنوا عليه مكناش سافرنا انا لما قاللي امبارح عالسفر مصدقتش فكرته بيهزر والله وجريت حضرت الشنط وكلمت امي الصبح بدري وودينا العيال وهو راح حجز ولحد ما ركبنا الطياره مكنتش مصدقه
البرنس…ده علي اساس لما بتحبي تخرجي بقولك لا
مها….لا مبتقولش صراحه خرجت مع امي مع اخواتي اتجمعت انا واهل امي ما بيمانعش انما خروج معاه ماشي بكره يوم الاجازه وحلني بقي
ادهم…انا رأيي تنهي المناقشه ومتجادلش عشان هتطلع خسران
البرنس…بضحك انا بقول كده برده😂😂😂
بعد شويه الاكل جه وابتدوا ياكلوا وهما مبسوطين وبعد الاكل طلبوا شاي والرجاله طلبت شيشه وفضل البنات يتكلموا ويهزروا ويحكوا مع بعض لحد ما الوقت اتأخر خالص وقرروا يطلعوا
احمد….هتعملوا ايه بكره
ادهم….عادي زي ما تحبوا
احمد….ما تيجوا ننزل البحر
مها…انا نفسي اجرب البتاعه دي اللي بتطير في البحر
البرنس…والله لو روحتي وقت الركوب هتقولي لا ده انتي خوافه
وعد…الله انا كنان نفسي اجربها اوي
زين…بحب خلاص بكره نركبها
عامر…برهبه ما بلاش بحر
احمد…ليه مبتعرفش تعوم ولا ايه يا عم
عامر…لا بعرف بس..
عادل….قاطعه انسي يا عامر وشيل الحته دي من جواك
البرنس…انا مش فاهم حاجه
سكتوا كلهم وبصوا لبعض وافتكروا كيمو
زين ..بصوت واطي هفهمك بعدين
هز احمد راسه بتفهم
ادهم….خلاص يا جماعه بكره هنتجمع كلنا ونشوف هنعمل ايه بس نطلع نريح شويه
وافق الجميع وطلعوا كلهم ناموا…وعدي الوقت بسرعه
في الصباح صحي عامر بكل نشاط وهو لابس ملابس صيفيه خرج عالممر بتاع الدور واللي تقريبا كل الغرف كانت تخصهم وفضل يخبط عالابواب.
عامر…يلاااا باجدعااان اصحوااااا يلاااااا يا زييين يا عريس انس واد يا انس يا بوب يا جامد اصحي وراح علي باب يوسف فضل يطبل وكانه في شارع مش في فندق
چو يا چو اصحي يا چو چو يا چو اصحي يا چو
وجري علي باب هيما..
يا هيماااا ياهيماااا
جري علي باب ادهم فتح انس فالوقت ده وفضل يضحك علي عامر وراح يخبط معاه
عامر…بضحك خد وضع الجري عشان مش هيرحموناا
انس…وربنا انا حاسس انهم هيقتلونا
انس…يا دولا اصحي يا دولا يلااا
اصحي يا ادهم ابو العيال
فتح ايهاب..في ايه يا ابن الجزمه عالصبح هنطرد من الفندق
عامر…بضحك اسكت والنبي هيضربونا يلا صحيهم معانا
انس…بضحك انا مليش دعوه
ايهاب…وحيات امك ما انت متلبس انت كمان اهو
يوسف…فتح ياض انت مش هتعقل بجد
عامر…حط ايده علي بوئه اشش🤫 وراح علي اوضه البرنس.
عامر…يا برنس يا برنس يا برنس.
انس…ياصحااالح
يوسف…بضحك
يالاحه يالاحه
ايهاب…ده احنا هناكل ضرب
فتح زين وادهم وهيما والبرنس بغضب
عامر…اجرواااااا🏃🏃
زين…خد يا …….🙈
انس…بضحك انا مليش دعوه
ايهاب…ببرائه عيل مهزء مترباش
عامر…من بعيد طب وربنا كان بيخبط عليكم معانا
ادهم قفشه من هدومه يعني عيب لما تبقي كويل واهبل وتسمع كلام الو…… ده🙈
ايهاب…بضحك والله هو اللي قاللي
خرجت توته بعصبيه هو فين صحيت العيال ياعامر طب وربنا لا هتدبس فيهم انهارده
وقف عامر يرقصلهم من بعيد
هيما…ارقص يا خيلتها اقفشك بس
عامر….مانتوا اللي نايمين اعملكم ايه
البرنس….انا ايه اللي جابني من بيتي كان زماني نايم برنس
عامر…ياعم بلا برنس بلا بتاع بقي جايين تقضوا اجازه ولا تناموا عالم كئيبه
البرنس…لو قفشتك هعمل معاك الصح
عامر….🙄🙄حاسس بقله ادب في الموضوع
خرج صلاح ..في ايه
يوسف..بضحك لا ابدا يا معلم ولا اي حاجه ده عامل النضافه بس كان بيخبط
صلاح…والله انتوا ما اتربيتوا
حد يصحي حد كده
عامر…ولا يا بوب ادخل هات الطبله😂😂😂
زين….كب لو راجل انت واخوك هاتها
عامر…ادخل ياض احنا ما بنخافش
هيما….هقفشك وازعلك
عامر…مابخافش 🥴
زين….بصوت واطي هاتلي الواد ده يا هيما
يوسف..من بعيد طب انا هاجي وهستسلم
ادهم…ليه ما تخليك معاه هيجبلك الضرب
يوسف..ياعم ماهو خبط عليا انا كمان
عادل…امشي وراه اوي
يوسف…بضحك منك لله
عامر…لو جريتوا ورا يوسف هيحرسكم ده خارجلكم نصه عريان😂😂😂
يوسف..بص علي نفسه الله يخربيتك عالمنظر اللي انا واقف بيه ده منك لله يا شيخ الحريم كلهم خرجوا
كان الكل وقف عالباب يبص عليهم وميتين من الضحك
عامر…بضحك انا مالي مش كنت تستر نفسك وفي حركه سريعه جري هيما قفش عامر
وجري منه يوسف وهو بيضحك حري وين قفش عامر من هيما
زيت…بسسسس سيبهولي بقي تعالي ياحيلتها
راح ادهم قفشه هو كمان
عامر…ياجدع عيب انت وهو استهدوا بالله انا فنان
زين…ده انا هخليك فنان مش عايز بنت واقفه ادخلوا عالاوض بتاعتكم واقفلوا
عامر…احيه هتعمل فيا ايه
زين…هروق عليك يا فنان
البرنس…بضحك تستحقها بصراحه
ادهم..بضحك ادخلي يا توته لعيالك واقفلي
توته…هتعملوا ايه في الواد
عامر…الحقيني يا توته انا اخوكي يا توته
ادهم…بتتحامي في الحريم يا …..🙈🙈
توته….انت اللي جبته لنفسك تستاهل صحتلي العيال
عامر…منك لله انتي وولادك وجوزك يا بعيده
زين…يلاااا ادخلوااا
دخلوا كلهم وهما ميتين من الضحك
عامر…بترجي وهو بيضحك زين انا حبيبك عيب عليك ترضهالي
زين…يعني انت ترضالي وحيات امك ابقي عريس وتعملي حفله عالصبح
عامر….يا يوسف
يوسف…من بعيد انا مالي ياعم انا مش لابس غير بوكسر لو اتقفشت هبقي من غير😂😂😂
ايهاب…بضحك اوعي تيجي ياض
زين….شوف بقي يا تساعدنا يا هحفل عليك انت مش كنت بتساعده انت والواطي التاني هو فين صحيح
انس..من ورا الباب مش هفتح😂😂😂
عامر…اه يا خونه كلكم بعتوني
زين…استعني عالشقا بالله
عامر…هتعمل ايه يا جدع
خد زين مفتاح الاوضه بتاعته اداه لصالح
زين…المفتاح ده مياخدوش
بسم الله الله اكبر
عامر….يايوسسسسف يا عادل
عادل…بضحك معرفكش
عامر…يابرنس انت رجوله اخر مره
البرنس…بضحك خلاص يا زين عندي دي
خلص زين مهمته بنجاح😂😂😂 ووقفه زي يوسف وخد الهدوم في ايده وخد المفتاح من صالح
زين…كده فل يلا يارجاله علي اوضكم واللي هيخرج يساعده او ياخده عنده في الاوضه هروق عليه
البرنس…ياجدع هيجرسنا 😂😂
زين….هيجرس نفسه الفنان الجامد عشان تبقي تتربي
عامر…يا جدع ينعل ابو اللي يهزر معاك
هيما…تستاهل😂😂😂
ادهم…تصدق شكلك كده احلي
زين…يلا يا رجاله دخلوا كلهم وقفلوا وفضل عامر يجري ورا واحد واحد فيهم قبل ما يقفل😂😂😂
عامر…وقف ويوسف في اخر الطرقه ميت من الضحك علي عامر
عامر…بتضحك علي ايه
يوسف…بصره اتساوينا 😂😂
عامر….يا زين طب هات المفتاح هفضل اخبط عليك
زين…من ورا الباب لو سمعت صوتك هخرج اخد البوكسر.
وعد…بضحك زين حرام عليك اديله لبسه
زين….ابدا خليه يتربي
وعد…وحياتي عندك عشان خاطري المرادي احسن حد يشوفه كده وبجد هيزعل
زين…بضحك لا عامر مبيزعلش وبعدين ده واطي ومبيتكسفش
وعد….وشه مكشوف يعني😂😂
زين…طالعلي😂😂😂
وعد…طب خلاص بقي اديله اللبس والمفتاح عشان خاطري
زين…بقله حيله عشان خاطرك انتي بس لكن لو مترباش هعلقه وهعلقك انتي كمان.
وعد…بضحك ماشي انا هضمنه
زين…بضحك وده يضمن ده عيل مترباش بتاع مقالب فتح زين الباب لقاه اعد جمب الباب بتاعه وحاطت رحل علي رجل وبيغني
زين…ضحك وهز راسه تصدق ساض انك معندكش دم انا قولت هخرج الاقيك بتعيط ولا بتجيب جرايد تستر بيها نفسك
عامر…بصله بطرف عينه بقرف
زين…بتبصلي انا كده طب انا غلطان
وقف عامر بسرعه وجري عليه استني بس ميبقاش خلقك ضيق كده😂😂
صعبت عليك صح
زين…لا وربنا لولا وعد اتحايلت عليا مكنتش عبرتك
عامر….طب وربنا يا وعد انتي ارجل من صحابي😂😂
زين…بضحك خد هدومك يا دكر بس ورب الكعبه لو ما اتربيت المره الجايه هاخدك من ايدك ووسط الناس وهاخد كل هدومك
عامر…خد منه هدومه ومفتاحه وراح عالاوضه وهو ساكت فتح الباب وبصله هدخل البس وعشر دقايق لو محدش فيكم جهز هعملكم حفله وجري قفل الباب
وقف زين يضحك عليه ويهز راسه مفيش فايده😂
بعد وقت بسيط كان الكل نزل راحوا فطروا وبعد كده طلعوا عالبحر
البرنس…ياجدع احنا ملناش في نفسنا حاجه ولو انت كان في ايدك حاجه تنقذه بيها اكيد مكنتش هتتأخر
عامر…عارف بس صدقني بقيت احس اني متعقد من البحر اخري ابص عليه وبس
البرنس…لا ياعم وخد الله كده واترحم عليه هو في كل الاحوال ده عمره يعني لو مكانش مات يومها في البحر كان هيموت بأي طريقه بلاش تحمل تفسك ذنب مش بتاعك ده قدر ربنا كاتبه علي كل واحد فينا
ادهم…ونعم بالله احمد معاه حق يا عامر
عادل…يلا ياض ادامي
زين…يلا ياعم واعمل حسابك اي دقه نقص في البحر انا اللي هغرفك بايدي
ضحك عامر غصب عنه
وبعد وقت بسيط كان الكل في البحر ومبسوطين وطبعا عامر مش سايب حد في حاله وشويه وركبوا البراشوت وجري اللانش بيهم وسط البحر كانت تحربه تجنن وجريتها وعد وزين اللي كانت مرعوبه بس مبسوطه جداا وطبعا مها خافت تركب لما لقت الموضوع دخل في الجد
قضوا وقت حلو وشويه وخرجوا علي الشط لعبوا كوره ومنار وسهر وتوته ووعد والبنات اعدو يلعبوا في الرمل مع ولاد توته اللي كانوا مبسوطين جدا
وجري يوم ورا يوم كل يوم فسح وكل واحد فيهم كان بيستقل شويه بنفسه وكانوا بيحاولوا بسيبوا زين ووعد علي اد ما يقدروا عشان ميضايقوش لكن الغريب ان زين ووعد كانوا حابين انهم يفضلوا معاهم وفعلا كانوا مبسوطين ومش مضايقين من وجودهم ابدا..راحوا مع بعض سفاري وقضوا يوم مع بعض شوي واكل ورقص واغاني الكل كان طاير من الفرحه وكانوا احلي يومين قضوهم مع بعض واخيرا جه معاد الرجوع لموا شنطهم وجابوا اكلهم اللي هيقضيهم طول الطريق صحيوا من 9 الصبح عشان يسافروا اطول وقت في النور
ركب البرنس ومراته مع ادهم وتوته
وركب عامر ومنار وزين ووعد مع بعض في عربيه عامر
وركب عادل وشمس ولاحه وشهد وانس وسهر ركب معاهم صالح وبوسي.
وطلعوا عالطريق بعد ما خلصوا إجراءات الفندق..
وطول الطريق كل شويه حد يبدل مع اللي بيسوق عشان ميتعبش وكل شويه يطلع عامر من الشباك يرش عليهم فوم التلج ويرخم عليهم ويطلع علب اسبراي الوان ويبهدل الدنيا والعربيات
كانوا ميتين من الضحك عليه مش راضي يفصل ابدا ولا يسكت
وبعد نص المسافه ركنوا علي جمب يريحوا شويه كانت الساعه خمسه المغرب وخلاص الشمس بتروح
خرجوا من العربيات وقفوا ياكلوا مع بعض والبنات تعملهم في سندوتشات
عامر كان معاه مكنه قهوه بتشتغل بالشحن عمل قهوه وظبطوا نفسهم
ووقفوا ياخدوا شويه صور مع بعض عالطريق
وقف عامر علي العربيه بتاعته وسط الطريق ووقت الغروب خد احلي صور ليه هو ومنار وصحابه كان الجو بينهم يجنن وبعد ساعه من الاكل والشرب والهزار والتصوير رجعوا تاني العربيات كملوا طريقهم.
وبعد ساعات كتير اخيرا وصلوا نزل ادهم احمد ومراته عند البيت سلموا عليهم الشباب وفضل احمد نصمم انهم يطلعوا معاه لكن وعدوه مره تانيه يجوله
وكملوا طريقهم واخيرا وصلوا الحاره..
ركنوا عربياتهم كانت الساعه 1بليل طلعوا يطمنوا اهلهم وسلم عليهم انس ومشي و راح يوسف اول حاجه علي مديحه خد روحيه اللي كانت وحشاه
مديحه…حمدالله عالسلامه ياولاد وحشتوني الحاره من غيركم وحشه اوي
زين…انتي وحشتينا اكتر يا امي
منه…حبيتي يا ماما وحشتيني اوي السفريه كانت عيزاكي والله
هيما….اه والله يارتكم كنتوا معانا زين كان هيفرح اوي😂😂😂
زين…بضحك 😂😂😂اه يا واطي
روحيه…انت كنت فين يا ولا
يوسف…وحشتيني يا روحيه اوي والله العظيم
روحيه…وانت كمان وحشتني
اوي
بعد وقت بسيط مشي يوسف وخد روحيه معاه وكل واحد راح علي بيته وهما مرهقين جداااا من كتر التعب ….لكن جواهم فرحه وسعاده وحماس ونشاط لا يوصف😘❣️😍
اللمه الحلوه حاجه نادره جدا من يمتلكها أمتلك جميع كنوز الارض ..اللمه الصادقه لا تقدر بمال اللهم لمه صادقه وضحكه صادقه وحب صادق
وصداقه غير مزيفه🙏❣️
يتبع…
لقراءة الفصل التالي : اضغط هنا
لقراءة باقي حلقات الرواية اضغط على (رواية 30 يوم حياة)