رواية 30 يوم حياة 3 الفصل السابع والعشرون 27 بقلم أميرة أسامة

رواية 30 يوم حياة 3 الفصل السابع والعشرون 27 بقلم أميرة أسامة

رواية 30 يوم حياة 3 البارت السابع والعشرون

رواية 30 يوم حياة 3 الجزء السابع والعشرون

رواية 30 يوم حياة 3 الحلقة السابعة والعشرون

عدي حوالي أسبوع بعد رجوع أبطالنا من الرحله الوضع في الحاره كان هادئ جدا السعاده طاغيه علي الجميع الحب كل يوم بيزيد بين أبطالنا و بيقوي أكتر.. علاقات بتطور ..و العيله الكبيره بتزيد يوم بعد يوم أشخاص جديده بتنضم ليها أجيال جديده بتتولد والاه‍م الترابط والحب هو اللي جامعهم.❣️
نزل الجميع الجميع الشغل الخاص بيهم من تاني ورجعت حاره السعاده تنور بشبابها و بصوتهم اللي عامل بهجه وسعاده في المكان
وانهارده كان أول يوم لنزول زين الشغل هو ووعد
نزل يوسف من الشقه وقبل ما يروح بيته كالعاده فتح باب الشقه عشان يعدي علي روحيه كالعاده يشوفها ويطمن عليها بص عالاوضه لقاها مش موجوده ولا نايمه عالسرير قلبه اتخطف جري عالصاله وسرعان ما اطمن قلبه وهو شايفها واقفه عالشباك وعامر واقف ادامها بيضحك ويهزر معاها.
وقف يوسف براحه يتفرج عليهم من غير ما يتقدم والابتسامه مش مفارقه وشه
عامر….صباح الصباح فتاح ياعليم والجيب مافهش ولا مليم بس المزاج رايق وسليم باب الأمل بابك يارحيم
الصبر طيب عال بيغير الاحوال ياللي معاك المال برده الفقير له رب كريم..
صباحك فل يا احلي روحيه
روحيه…صباح الخير انت يا مين ياولا
عامر…انا عامر يا روحيه ابن عم حسني
روحيه…اذيك ياواد يا عامر واحشني صوتك حلو اوي
عامر…والنبي انتي اللي حلوه قوليلي بقي واقفه في الشباك كده ليه مش خايفه تتعامسي لا خدي بالك انا بغير
روحيه…بضحكه جميله وكسوف يووووه اختشي يا واد
عامر….اللله بتتكسفي ياروحيه
جه زين في الوقت ده معاه صنيه صغيره عليها فطار وكوبايه شاي بلبن
زين…صباح الفل يا روحيه
امسكي يلا افطري

 

 

 

روحيه…ايه ده كله
زين…بألف هنا يلا أفطري الفول سخن لسه حايبهولك من علي عربيه الواد حماده عارف انك لسه مفطرتيش والشاي ده من ايد الواد لاحه
عامر…الله الله الله الفطار ده لروحيه بس وانا لا يا روحيه
روحيه…تعالي ياواد كل معايا يلا
عامر…بضحك بالف هنا سبقتك ياروحيه انا بهزر يلا كلي انتي
قرب يوسف من روحيه لمه زين وعامر وضحكوا
حط يوسف ايده علي كتف روحيه وباس راسها صباح الفل ياروحيه
روحيه….ابتسمت صباح الخير انت مين
يوسف…انا يوسف يا روحيه ابنك
عامر.بضحك روحيه ما بتتخضش وكأن البيت عندها فتحاه سبيل😂😂
يوسف…بحب ربنا يخليكوا ليا
زين….ويخليك لينا انت وروحيه
يوسف…الشباب مدلعينك اخر دلع با اما زين جايبلك فطار وعامر واقف يغنيلك
روحيه….دول حبايبي
عامر…انتي اللي حبيبتنا ياروحيه
زين…ربنا يخليكي لينا يا اخلي روحيه صباحك فل يارب يلا سيبك من العيال دي وافطري علي بال ما مديحه تصحي عشان تروحي تأعدي معاها
روحيه…ماشي
يوسف…وانا هروح علي شغلي عايزه حاجه قبل ما اروح
روحيه…لا با حبيبي عايزه سلامتك
يوسف….مريم هتنزلك الوقت اعدي معاها شوبه وبعدين روحي لمديحه
روحيه…ماشي
باس يوسف راسها يلا صباحك فل
خرج يوسف وقفل الباب بتاع البيت وراه
حط ايده علي كتف عامر رايح فين
عامر….عندي شغل هعدي عالاستديو وبعدين هطلع علي العصر كده علي المنصوره عندي فرح هناك
يوسف…علي خير صباح الفل يا لاحه صالح صباح الفل
صالح…ياچو
لاحه…صباح الفل يا چو

 

 

يوسف…عم فاروق صباح الفل
فاروق…صباحك فل يا ابني
يوسف…عم حسني صباح الورد
حسني…صباح الرضا يا ابني
صالح….تعالي هعملك الشاي
يوسف…لا يادوب امشي بقي انا لسه شارب مش عايزين حاجه
صالح…تسلم يا صاحبي
يوسف…زين عايز حاجه
زين….حبيبي يا چو سلامتك اطمن روحيه في عيني
بص يوسف علي روحيه لقاها اعده عالشباك بتاكل زي الاطفال ولا مديه الدنيا حواليها اي اهتمام أبتسم بحب ورجع بص لزين عارف يا صاحبي يلا سلام سلام يا عامر وخلي بالك من نفسك هكلمك
عامر…ماشي يا صاحبي مشي يوسف بالعربيه
نزل ايهاب..صباح الفل يا زين
زين…صباح النشاط
عامر…كل ده ياعم البارد
ايهاب…في ايه ياض كنت بفطر
عامر…كل انجز يا اخويا يلا عشان نشوف الشغل اللي في الاستديو ده عشان عالعصر هخلع
ايهاب….طيب يلا بينا
صبح ايهاب عالجميع وخد عربيته وركب عامر عربيته وراحوا علي شغلهم..
عدت الساعات وكل واحد فيهم مندمج في شغله.
زين…ولا ياعمر
عمر…ايوه يا عم زين
زين…روح هاتلي كبايه شاي من صالح
عمر…حاضر هواا
اعد زين يرتاح شويه وبعد مده بسيطه شرب الشاي وقام يكمل شغله تاني .
…….
خلصت مديحه اللي وراها وشويه ورن موبايلها
مديحه…ايوه يا منه
منه…اذيك يا ماما
مديحه…بخير يا حبيتي انتي عامله ايه
منه….حاسه بتعب والله يا ماما معرفش في ايه كل شويه احس بمغص
مديحه…انتي عملتي مجهود ولا ايه

 

 

منه…ولا مجهود ولا حاجه والله ده لما كنا مسافرين وبعمل مجهود متعبتش كده
مديحه…انتي لسه يابنتي في اول اسبوع من التامن يعني لسه بدري علي ولادتك ارتاحي شويه وبلاش تعملي اي مجهود ويمكن التعب ده من تأثير مجهود السفر نامي علي ضهرك علي اد ما تقدري عشان ترتاحي
منه…حاضر
مديحه…بس لو حسيتي انك بتتعبي اكتر عرفيني ونروح للدكتوره بتاعتك
منه…ماشي يا حبيتي
مديحه…ربنا يكملك علي خير يارب انتي بتعملي ايه
منه…ولا حاجه قومت من شويه روقت حجات بسيطه في البيت وعملت الاكل بالمره وقفلت عليه كمان عشان طول اليوم معملش حاجه ولما يجي هيما بليل يا دوب اسخن الاكل بس
مديحه…طيب لو مش وراكي حاجه انزلي اعدي معايا نتغدي سوا واعدي ريحي في اوضتك عشان ابقي مطمنه عليكي
منه…ماشي يا حبيبتي هاخد دش وانزلك
مديحه…طيب يا حبيبتي مستنياكي
منه…يلا حبيبتي سلام
مديحه…سلام يا حبيبتي.
قفلت مديحه معاها واتصلت علي وعد.
وعد….الوو
مديحه…ازيك يا حبيتي
وعد….بخير يا خالتو انتي عامله ايه
مديحه…الحمد لله يا حبيتي ايه انتي لسه في الشغل
وعد…اه بس خلاص بخلص اهو وهمشي
مديحه…طيب يا حبيتي توصلي بالسلامه خلي بالك من الطريق بقولك ايه
وعد ..ايوه ياخالتو
مديحه….ماتيجي عليا لو مش وراكي حاجه في بيتك منه نزلالي هتغدي انا وهي اتغدي معانا ونخلي زين يدخل ياكل معانا ونتلم زي زمان
وعد…ياسلام طبعا هعدي عليكي انا كده كده عامله الاكل من بليل عشان لما ارجع ميبقاش ورايا حاجه ومفيش ورايا حاجه في البيت
مديحه…خلاص هستناكي يا حبيبتي وانتي جايه هاتي زين في ايدك

 

 

وعد…ماشي يا حبيتي
مديحه…سلام يا حبيبتي
وعد…سلام.
……..
في صالون التجميل الخاص ببوسي..دخلت المكتب بتاعها ترتاح شويه طلعت موبايلها واتصلت بصالح.
صالح..بحب ده ايه الرضا ده كله بوسي هانم بتتصل بيا
بوسي…بحب وحشتني
صالح…وكمان وحشتني كده كتير عليا
بوسي…بضحك بطل رخامه بقي
صالح…بابتسامه وحشتيني
بوسي…بتعمل ايه
صالح….في القهوه انتي بتعملي ايه الجو عندك مريح ولا ايه قوليلي متتكسفيش ابعتلك كام زبونه يقضوا الغرض😉
بوسي…بضحك لا يا سيدي كفي نفسك الصالون مش بيفضي بس قولت ارتاح شويه واكلمك
صالح…والله كنت هكلمك من شويه بس خفت تكوني بتشتغلي واعطلك
بوسي…لا با اخويا متتحججش اتصل اي وقت وانا هسيب اللي في ايدي وارد عليك
صالح…قلبي يا ناس
بوسي…كلت ولا لا
صالح….امي لسه مكلماني قالتلي اطلع اتغدي معاها
بوسي…طيب اطلع يلا كل وبليل هأكلك اكله حلوه
صالح…متحمليش هم الاكل ناكل اي حاجه خفيفه او لو نفسك في حاجه اجبها ونتعشي سوا
بوسي…لا يا عم انا عملالك اصلا الاكل من امبارح مجهزاه لما اجي بس اسويه
صالح…عملتيه امته
بوسي….امبارح مش رجعت بدري جهزته وانا بعمل الاكل عملالك حمام ومكرونه بشاميل وهظبطك
صالح…ده ايه الدلع ده كله لو خدت علي كده هتدبسي كل يوم
بوسي…علي قلبي زي العسل انت بس قولي عاللي نفسك فيه وانا هعمله
صالح…ربنا يخليكي ليا يا احلي بوسي في الدنيا
بوسي…ويخليك ليا ياصالح يلا هقفل انا بقي عشان تشوف شغلك وانا هخرج اشوف الناس
صالح…ماشي يا حبيبتي يلا سلام

 

 

بوسي…سلام❣️
عدي يوم ورا يوم واخيرا وصل رضا والد سهر واختها هنا عشان يستقروا معاها كانت سهر طايره من الفرح هي وهنا اختها انهم اخيرا هيرجعوا يتجمعوا من تاني فاتحت سهر والدها علي موضوعها هي وانس طار والدها من الفرح انه اخيرا هيفرح بسهر عرفت سهر انس اللي كان طاير من الفرح وجه انس زار رضا وحدد معاه معاه وعرف الكل في الحاره كانوا فرحانين جدا خصوصا حاج سعيد وفاطمه اللي كانوا شايلين هم انس من يوم ما منار سابته الكل باركلهم مقدما واتحدد معاد لقرائه الفاتحه وتلبيس الشبكه في جو عائلي هادي وقرروا ان الفرحه الكبيره هتكون يوم زفافهم واقترح حاج سعيد انهم يتجمعوا في السطح بتاعهم كالعاده عشان المكان
السطح اللي ديما جامع الحبايب في الفرح
وقبل معاد خفله الخطوبه بكام يوم اتجمع الكل وطلعوا لزين ووعد عشان يباركولهم علي جوازهم كان يوم مميز جمع الكل وانضم ليهم احمد البرنس ومراته مها اللي بقوا جزء من العيله..
وفي خلال الايام دي كان المحل بتاع شهد جهز وصلاح خلص كل حاجه في توضيب المحل وبقي جاهز علي الافتتاح.وكان كل ده محدش يعرف المحل هيتفتح ايه كان صلاح مغطي المحل من بره ومش باين اي حاجه منه وقالهم انها مفجأه وقبل الافتتاح بيوم.
يهر صلاح وشهد في المحل طول الليل بيرتبوا العرايس في مكانها وبيظبطوا كل حاجه.
شهد…ايه لاحه ايه رأيك كده
صلاح….حلو اوي بس انا رأيي تجيبي العرايس دي هنا وتحطي دول هنا عشان كده دول الوانهم قريبه من بعض ولا انتي ايه رأيك
شهد…لا معاك حق فعلا كده الالوان ظهرت اكتر
صلاح…طيب تعالي اقفي معايا كده امسكيلي السلم ده اطلع ارص اللعب دي فوق في الرف ده
شهد…طيب يلا حاسب بس وخلي بالك
صلاح..ربنا يستر فضل صلاح يرص ويغير ويظبط اماكن اللعب بشكل جميل ومرتب.
صلاح وهو فوق ايه رأيك كده
شهد…حلو اوي كده
صلاح…مش عايزه تغيري مكان حاجه
شهد…لا كده حلو اوي الله ينور بجد
صلاح…يابت بلاش مجامله اقفي كده عند الباب وشوفي الداخله بتاعت الباب منظرها حلو
شهد…بضحك والله حلو اوي انت بتاخد كورسات عند البت وعد ولا ايه
صلاح…يابت وعد ايه وبتاع ايه جوزك من يومه فنان بس انا اللي مخلي وعد تاكل عيش
شهد…بضحك هقولها علي فكره
نزل صلاح وهو بيضحك ولا يهمني بقولك ايه هاتي بقي اكياس الباسكت دي نلم فيها الورق اللي ملهةش لازمه ده عشان ادي المحل مسحه حلوه كده عشان بكره ساعت الافتتاح يبقي جاهز
شهد…طيب مش هنعلق البلالين الاول
صلاح….اخ ده نسيت البلالين
كيب بصي يا ستي هاتي الجهاز بتاع البلالين ده ننفخ ويعدين اطلع اعلقهم
شهد…ماشي فضلوا ينفخوا البلالين مع بعض وبعد كده طلع صلاح يعلق البلالين المحل بقي شكله يجنن ويشبه محلات الالعاب الكبيره
شهد…بفرحه الله المحل بقي شكله حلو اوي يا لاحه

 

 

صلاح….اه الله اكبر المحل نطق وبقي مخل لعب اطفال بصحيح
بصي بقي يلا نلم الحجات اللي واقعه دي كلها عشان ابقي اخرج كل الاكياس دي بره ونرميها
شهد…ماشي اعد انت ارتاح شويه وانا هلم ده كله
صلاح…يلا بس انا مش تعبان
مسك صلاح الكيس وفضل يلم وهو فرحان زي الاطفال بالمحل خلصوا كل حاجه ومسك صلاح الميه ورفع بنطلونه وفضل ينضف في الارض ويظبط كل مكان وبعد ما خلص فضل يرش في معطر وشغل جهاز يشبه المبخره بألوانه الجمبله المناسبه لمحل لعب الاطفال واتملي المكان بريحه الفراوله الجميله
شهد…الله الريحه حلوه اوي
صلاح….ايه رأيك كده كله تمام
شهد…بفرحه ربنا يخليك ليا يا لاحه انا متخيلتش المكان يبقي كده خالص
صلاح…والله يا شهد لو في ايدي اعملك مكان احلي واكبر من كده مش هتأخر عليكي ابدا
شهد…حبيبي يا لاحه المكان يجنن كفايه ان انا وانت عملنا كل حاجه فيه بايدنا
صلاح…بضحكه طفوليه الكل هيتفاجئ بكره اصلا كلهم هيتجننوا ويعرفوا هنعمل ايه في المحل محدش يعرف غير ابويا وامي
شهد…بقولك ايه صحيح انا خايفه البنات يزعلوا اني مقولتش خايفه يفكروني خبيت
صلاح…لا طبعا محدش هيزعل انتي عبيطه انتي عارفه ان البنات كلهم بيتمنولك الخير
شهد…عارفه طبعا دول اخواتي انا بس قلقانه احسن يزعلوا
صلاح…لا طبعا بالعكس دول هيتفجأوا ويفرحوا اوي
شهد….يارب طيب بقولك ايه يلا بقي نطلع الفجر هيأذن خلاص عايزين نرتاح وانت كنان من الصبح في الشغل ويادوب طلعت اتعشيت ونزلت كملت شغل اكيد تعبت
صلاح..والله ولا تعبت ولا حاجه انا فرحان جدا المحل شكله يفرح بجد وعندي نشاط بعد ما شوفته طلع بالمنظر ده
شهد…بقولك ايه صحيح الغطا والحجات اللي ادام المحل ده هيتشال امته ده الافتتاح بكره
صلاح….اول ما بتاع
الدي چي يجي ويتظبط النور في الحاره هشيله علي اخر النهار كده
شهد…ان شاء الله طب يلا بينا بقي
صلاح…يلا بينا
خرج صلاح وشهد وقفلوا المحل ورمي صلاح كل الورق اللي طل من المحل وطلعوا علي شقتهم وهما هلكانين.. وكان صلاح متعمد يعمل الافتتاح يوم اجازت اصحابه عشان ميعطلش اي حد
…….
في صباح يوم جديد
الساعات كانت بتمر بسرعه اتعلقت الانوار بطول الشارع كله وابتدا الديچي يوصل والكراسي تتحط اما الكل كان هيتجننوا ويعرفوا صلاح مجهز ايه وهو مكانش راضي يقولهم أبتدا النهار يروح والانوار تشتغل في المكان كله وصوت القرأن يسمع الشارع في سماعات الدي چي نزل كل صحابه وقفوا معاه وابتدوا البنات ينزلوا واخيرا قرر صلاح يعلن عن مفجأته وابتدا هو وشباب من الحاره يشيلوا الغطاء القماش اللي علي المحل وظهر اخيرا المحل ادامهم بشكله وبألوانه المبهجه واسم شهد اللي منور وجمبه أشكال لبعض الشخصيات الكارتون اللي بتنور بطريقه جذابه
انبهر الكل وجريوا البنات بفرحه علي شهد حضنوها وباركواها من قلبهم.
عامر…الله يخربيتكم انا ازاي مفكرتش في كده من يوم ما جت البيت وخدت الحاجه اللي كانت بتشتغل بيها
ايهاب…يا ولاد اللذينه راح علي شهد خدها في حضنه بحب وفضل يطبطب عليها ويباركلها
شهد…حلو يا ايهاب

 

 

ايهاب…يجنن طبعا المحل فظيع والعرايس تجنن
حضنها حسني مبروك يا بنتي الله اكبر المحل حلو اوي يارب اجعله فتحه خير عليكي انتي وجوزك
صلاح…لا حوزها لا ده بتاعها هي بس
حضنه حسني…ربنا يخليك ليا يارب يا ابني ويفرح قلبك زي ما فرحتها
صلاح….متقولش كده يا عم حسني شهد دي غاليه عندي وتستاهل اكتر من كده
هامر…لا بس جامد اوي والله نفسي ارجع عيل صغير من تاني
شهد…بحب احنا فيها ارجع يلا وخد اللعب اللي تعجبك
عامر…انا لازم اخد حاجه احطها في عربيتي مبروك يا شهووود
حضنها عامر بحب
شهد…الله يبارك فيك يا حبيبي
ادهم…لا بس كده جت فوق دماغي منكم لله العيال بالمنظر ده هيفلسوني
توته…يعيشوا ويفلسوك يا اخويا بت يا شهد شكلي انا اللي هفلس ادهم العرايس حلوه اوي
شهد…بجد والنبي يا توته
توته…اه والله تسلم ايدك يابت ده انا بفكر اجيب بنت من حلاوتهم
وعد….بحد انا مبسوطه اوي المحل شكله يجنن ومتظبط بطريقه تجنن
صلاح…قولتش حاجه انا يعني انفع منافس ليكي يا وعد
وعد…انت اللي ظبطته
صلاح…اه والله
شهد…بضحك وقال انه سايبك تاكلي عيش
وعد…بضحك بصراحه حقه المحل متظبط عالاخر
منار….انا هعيش في المحل ده خلاص مش هخرج منه
عامر….فعلا والله المكان فظيع يابت ده نور الشارع كله
فاطمه…يارب يحعله فاتحه خير عليكم
سهير…الله اكبر يارب يكفيكي شره ويديكي خيره ياشهد
شهد…ربنا يخليكوا ليا يارب
رحاب …احلي حاجه اني هجيب بنت
شهد…دي هتبقي حبيبه عمتها وهظبطها عرايس
ايهاب…بحب ربنا يخليكي ياشهود
شمس…نعم وانا كمان يا اختي هجيب بنت
شهد.. هظبطها هي كمان تيجي بس هي بالسلامه وهدلعهم وهفلسكم 😂😂😂
ابتدت ناس كتير من الحاره تدخل وتتفرج اللي ياخد فكره ويمشي واللي يشتري كانت شاهد واقفه معاهم تقولهم عالاسعار وتساعدهم
جه انس…باركلهم ووقف معاهم واشتري اول عروستين لسهر وهنا اختها
وخد عامر عروسه لمنار وزين عروسه لوعد وكلهم اشتروا عشان يفرحوا شهد وعشان فعلا اللعب كانت تستاهل
جه احمد البرنس ومراته وولاده باركولهم وسلموا علي الكل ودخلت مها اختارت لريناس بنتها عروسه وطارت البنت من الفرحه واشترت لمحمد لعبه
اعدوا كلهم مع بعض في الحاره شهد وصلاح كانوا مبسوطين من ردود افعالهم وخصوصا شهد اللي كانت سعيده وطايره من الفرح علي كلامهم علي شغلها
عامر….انا عايز بقي اصور صورتين في الجون للعرايس دي
شهد…ليه

 

 

عامر…هو ايه اللي ليه يابت عشان احطها علي صفحتي طبعا والناس تعرف ان ولاد عم حسني كلهم فنانين
شهد…ربنا يخليك ليا يا عامر
عامر…يابت انتي اختي متقوليش كده ده انا هخلي الزباين تقف عندك هنا بالطابور واخوكي البنات وراه ايه يعني هيبقالك زباين
منار…نعم يا عم الفنان
عامر…يابت اقصد ان البنات كلهم هبل وبيحبوا اللعب
منار…اه بحسب😒
عامر…بضحك هتودينا في داهيه يا شهد منك لله😂😂😂😂😂
ايهاب….عامر ابعتلي الصور دي انا كمان
حدفتله شهد بوسه في الهوا
ابتسم ايهاب بحب
ناريمان….بجد براڤو عليكي يا شهد وبراڤو عليك يا صلاح انك شجعتها
شهد…حبيبتي يا ابله ناريمان
عيسي….لا بجد شاطره يا شهد واللعب دي جديده هتعجب الاطفال اوي
شهد…الحمد لله كفايه كلامكم ده والله فرحني بجد
احمد العربي….عشان فعلا شغلك حلو اوي وجديد
مديحه…يارب يا حبيبتي يزيد ويبارك وتكبري اكتر واكتر
شهد…بحب ربنا يخليكي ليا يارب يا ابله مديحه
انتهي اليوم بينهم بفرحه وحلم جديد اتحقق وقدر صلاح يعوضها ويردلها جميل ولو بجزء بسيط كان فرحان جدا عشان ابتسامتها اللي طالعه من قلبها طول اليوم
اما شهد فكانت طايره وحاسه انها عملت حاجه كبيره من كتر كلامهم الحلو اللي اداها ثقه في نفسها كبيره…وقدرت في اول يوم تحقق نسبه مبيعات كويسه جدا ومرضيه ليها اوي❣️❣️😍😍

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية 30 يوم حياة)