رواية 30 يوم حياة 3 الفصل الثامن والعشرون 28 بقلم أميرة أسامة

رواية 30 يوم حياة 3 الفصل الثامن والعشرون 28 بقلم أميرة أسامة

رواية 30 يوم حياة 3 البارت الثامن والعشرون

رواية 30 يوم حياة 3 الجزء الثامن والعشرون

رواية 30 يوم حياة 3 الحلقة الثامنة والعشرون

مر حوالي أسبوعين علي أفتتاح المحل شهد كانت طايره من السعاده و متخيلتش لحظه واحده ان المحل يحقق كل الارباح دي العرايس أبتدت تتسحب من المحل بسرعه رهيبه وكأنها عملت طفره في عالم لعب الاطفال وأقتحمت قلوب بريئه بالعرايس بتاعتها 😍
قررت شهد انها مش هتشتغل في المحل بنفسها عشان تقدر تشتغل اكتر وقررت انها تجيب بنت تشتغل في المحل وأقترحت عليها توته انها تيجب بنت ست نجوي عشان مصدر رزقها هي ووالدتها يكبر اكتر وافقت بسرعه شهد وأبتدت هي تكثف شغلها وتحاول متقصرش في شغل بيتها علي اد ما تقدر والحقيقه ان صلاح كان متعاون جدا ومش مضايق من انشغالها وضغطها ده كمان اتعلم الخياطه علي المكنه عشان يقدر يساعدها ولما كان بيطلع من القهوه بليل يتعشي ويأعد يشتغل معاها شويه في خلال الاسبوعين دول شهد كانت في قمه نجاحها عامر عملها دعايه هو وايهاب وعملولها بيدچ خاصه بشغلها لدرجه ان اغلب معجبينهم كانوا بيدعموها وابتدا الشغل يزيد اكتر عليها والبنات تحجز عرايس علي حسب طلبهم للالوان والاشكال ..
اما منار مكانتش مرتاحه في الشغل حاسه انها مش حباه فقررت انها تسيبه بأرادتها للمره التانيه عرضت عليها شهد انها تعلمها وتشتغل معاها وكمان تستغل موهبتها بصوره مباشره في تصميم العرايس ترسم عرايس جديده وشهد تنفذ وافقت منار بسرعه وشجعهم عامر اكتر وكان مبسوط ان منار هتشتغل مع اخته ووعدهم لو الشغل زاد عليهم هيبقي في مفجأه منه اتعلمت منار هي كمان الشغل والحمل اتقسم عليها هي ومنار وقررت شهد انها تعرض شغلها علي باقي البنات اللي مش بيشتغلوا زي شمس ومريم ورحاب ومنه وتوته وقالتلهم لو حد حابب ينضم ليها ويشتغل معاها كانت شايفه انها احسن تشتغل مع صحابها ومتدخلش حد غريب يعرف سر شغلها ويبعد عنها ويشتغل لوحده هي مهما كان واثقه في صحابها والحقيقه ان البنات كلهم وافقوا وحبوا الفكره جدا وقررت شهد توزع عليهم الادوار بطريقه متكونش متعبه خصوصا علي الحوامل الشغل بقي عليه طلب كبير الصفحه اللي عملها عامر كبرت الشغل ومبقاش مقتصر علي المحل بس….في خلال الاسبوعين دول مش بس نجاح شهد وشغل البنات هو كان الحدث الاهم كان في حدث اهم تاني وهو حمل بوسي اللي فرح كل العيله وطير بوسي وصالح من الفرحه اما صلاح علي اد ما كان فرحان ان اخوه هيجيله ابن إلا انه كان نفسيا تعبان وديما حاسس بخنقه مش عشان اغلب صحابه واخوه هيبقي ليهم اطفال لكن عشان كان بيتمني يكون أب خصوصا ان صلاح

 

 

 

بيعشق الاطفال بجد…..دخلت منه ورحاب الشهر التاسع كان الفرق بينهم تقريبا حوالي اسبوع او ايام بسيطه تقريبا كان حملهم ماشي مع بعض ..بعد جوازهم الاتنين عرفوا في نفس اليوم بخبر حملهم.
ابتدوا يجهزوا نفسهم للولاده وقررت رحاب انها هتولد قيصري من كتر ما هي خايفه تولد طبيعي نصوحها الكل لكن صممت علي رأيها اما منه فكانت حابه تولد زيها لكن والدتها نصحتها تولد طبيعي افضل وزي نصيحه كتير من الامهات تعب ساعه ولا كل ساعه فقررت تستلم منه وتسمع الكلام…وتم تحديد معاد لولاده رحاب…
وكان بعد خطوبه سهر وأنس…
وجه اخيرا البوم اللي سهر وأنس مستنينه..
راحت بوسي لسهر من بدري هي والبنات عشان تجهزها وتجهزهم…السطح اتظبط وبقي شكله يجنن وجاهز لأستقبال العرايس..
……..
بوسي..يلا يابنات الوقت بيجري مننا البسوا عشان اللي محتاجه تظبط حاجه اظبطهالها لحد ما اخلص سهر وهنا.
ابتدوا البنات يلبسوا
ومسكت بوسي سهر وابتدت تجهزها كانت زي القمر
بوسي…بصي علي نفسك كده وقوليلي ايه رأيك
سهر…الله الميك اي حلو اوي
بوسي…بجد ولا مش عاجبك لو مش عاجبك هظبطه بسرعه انا عارفه انك مش بتحبي الميكب اصلا فا يادوب حطتلك حاجه هاديه تظهر بس ملامحك
سهر…مش عاجبني ايه بس ده تسلم ايدك جدا بجد الميك اب هادي جدا ورقيق اوي ده انا حبيت الميك اب خلاص😂😂😂
بوسي…انتي اصلا قمر
بوسي…حبيبتي يا سهر تسلم ايدك بجد بس بقولك ايه اعدي شويه انتي اتهديتي معايا انا والبنات من بدري اعدي ارتاحي شويه عشان انتي لسه حملك في اوله
بوسي…لا متقلقيش انا متعوده عالوقفه والشغل
سهر…بس انتي الوقت حامل مينفعش تضغطي علي نفسك اعدي شويه بالله عليكي لسه اليوم طويل

 

 

 

بوسي…طيب هرتاح شويه لحد ما تقومي تلبسي وارجعي عشان اظبطك
سهر…طيب تمام هنا هاتي عصير لبوسي تشربه وترتاح شويه
هنا…حاضر عيني
توته..اعدت جمب بوسي ارتاحي شويه انتي واقفه من الصبح صحيح
بوسي…مانتي معايا انتي كمان ومش سيباني
توته….يارب يكملك حملك علي خير يا بوسي
بوسي…حبيبتي يا توته عقبالك يابت لما تجيبي التالت😂😂😂
توته….يابت بس بدل ما اجيبك من شعرك هتعملي زي ادهم طول النهار يدع عليا ويقولي يارب تجيبي توأم تاني ويكونوا بنتين
بوسي…يالهوي طب والله هيبقوا قمر
توته…قمر في عينك يا بعيده انتي وهو.
شمس…صحيح يا توته هو في حد عندنا في العيله جايب تؤام
توته…يا اختي عيله ايه انا عارفه عيلتنا بس امك بتقول ان عمتك معاها توأم
بوسي….ممكن تكوني ورثتيها
توته…ورث مهبب زي عيله ابوكي يا بعيده 😒😒
رحاب…بضحك سيبوها متعصبوهاش احسن تبوظ وشنا واحنا ما صدقنا خلصنا
توته…بضحك اهي قالتلكم متعصبونيش بقي😂😂
مريم….يابنات ايه رأيكم شكلي حلو حاسه ان فيا حاجه غلط ببطني اللي طالعه دي
شمس…بضحك ياختي الحال من بعضه مانا شبه الكوره انا كمان
منه ..امال انا ورحاب نعمل ابه ياجزمه منك ليها انا نفسي اولد مخصوص عشان اخلص من المنظر ده
رحاب….فعلا اوحش حاجه ان يجيلك مناسبه وانتي حامل تبقي حاسه ان معندكيش ثقه في نفسك ولا في لبسك كده.
بصتلهم توته وغمزتلهم عشان يسكتوا لما لمحت شهد واقفه مبتسمه بحزن
شهد…ربنا يتمملكم علي خير يارب يا بنات
توته….ويفرح قلبك قريب يا شهد يابنت حوا وادم واشوف ولادك في حضنك قريب
شهد…بتمني يارب يا توته ادعيلي انتي والبنات

 

 

 

منه…هدعيلك من قلبي وانا بولد يا شهد
رحاب…وانا كمان هدعيلك يا شهد وبامر الله تحصلي البت بوسي مش ملاحظين با بنات ان احنا ماشين اتنين اتنين انا ومنه ومريم وشمس بوسي حملت يبقي انتي هتحصليها
شهد ..بابتسامه يارب يارب يا رحاب
وعد….ربنا هيفرح قلبك ياشهد صدقيني وبكره نسمع صوتك من العيال زي ما بنسمع توته كده
شهد….بضحك لا دي مجنونه انا مش هصوت كده
توته…اما نشوف يا اختي انتي وهي بكره صوت صواتكم يجيب شوارع السيده كلها واكون انا ارتاحت بقي وولادي كبروا وافصل اضحك عليكم
ضحك البنات وقدروا يضحكوا شهد..وبغد وقت بسيط رجعت بوسي تظبطهم تاني وخلصت سهر كانت زي القمر بفستانها الزهري ومكياچها الجميل اللي برز ملامحها اكتر وجهز البنات كلهم كانوا زي القمر لبست بوسي بسرعه وابتدت تظبط نفسها هي كمان…وبعد وقت بسيط جه انس هو واهله سلموا عليهم الشباب ونزلوا البنات كلهم وهما بيزغرطوا لسهر عالسلم سلم والدها علي انس ووالدته ووالده واخوه ومراته واخوه الصغير سلمت عليهم سهر وطلعوا
كلهم علي سطح حاج سعيد
الكل اتجمع وعرفهم انس علي اهله
والدت انس…انس حكالي عنكم كتير والله وكان نفسي اشوفكم بجد
مديحه….نورتونا حبيبتي ومبروك لانس
فاطمه…عقبال ما تفرحي بيه وتشيلي ولاده
والدت انس…يارب اللهم امين ويفرحكم بولادكم ويطمنكم عليهم قريب
مديحه…يارب
ابتدت مظاهر الاحتفال اعدت سهر جمب انس باحراج
انس ..بصوت واطي ايه الحلاوه دي كلها
سهر… باحراج شكرا
انس….بحب مش كنا خليناه كتب كتاب
سهر…بابتسامه مستعجل اوي
انس….والله مستعجل انا الفتره الجايه هخلص كل حاجه بسرعه عشان في اقرب وقت نكون مع بعض
سهر…ان شاء الله ماكتك شكلها طيبه اوي
انس…امي دي سكر هتحبيها هي وابويا اوي
سهر…انا خلاص حبيتهم
قربت منهم والدت انس.
انا لو اعرف انك هتأعد كده من غير جواز كتير عشان فالاخر تجبلي القمر ده مكنتش كل يوم قولتلك نفسي افرح بيك
سهر…باحراج شكرا ربنا يخليكي انتي اللي قمر
والدت انس…لا طنط ايه قوليلي ماما اصلك مش متخيله يعني ايه اكون ام ل3 ولاد نفسي اجرب احساس البنت اوي وانتي خلاص بقيتي بنتي
سهر…ده شرف ليا والله يا ماما
انس…اطلع انا منها يعني
والدت انس…اه ياريت خلاص البيت هيدخله بنت تانيه وبقينا بنكبر اهو يعني مش هتتفقوا علينا
انس…بضحك ماشي يا شوشو هي بقت كده ربنا يهني سعيد بسعيده.
ضحكت سهر وشاديه والدته وشغلوا البنات الاغاني وابتدوا احتفالهم البسيط بالخطوبه
عامر…واد يا انس اوعي تتجوز قبلي هنفخك
انس…والله اتجدعن واللي يسبق بقي😂😂😂
احمد البرنس دخل الف مبروووووك
زين…يابرنس

 

 

 

انس…الله يبارك فيك يا صاحبي دخل البرنس ومها مراته سلموا علي الجميع وانضموا ليهم الكل كان مبسوط وفرحان وجه وقت تلبيس الشبكه لبسها أنس شبكتها ادام الجميع ولبسوا الدبل والدتها كان واقف عينه مدمعه بفرحه راحت سهر عليه حضنته بحب
سهر…احنا متفقين مفيش عياط صح
حاج رضا…دي دموع الفرح يا بنتي كان نفسي افرح بيكي اوي ونفسي ربنا يطول في عمري لحد ما اجوزك انتي واختك
سهر…بعد الشر عليك يابابا احنا ملناش غيرك ربتا يديك طوله العمر يا حبيبي
انس…ايه ياراجل يا طيب الكلام ده ربنا يديك الصحه وتشوف ولادهم باس انس راسه
طبطب عليه حاج رضا حطها في عينك يا حبيبي دي اول فرحتي بكره ربنا لما يكرمك ببنت وتجوزها هتعرف احساسي
انس…بحب سهر في عيني اوعي تخاف عليها ابدا اوعدك عمري ما هزعلها ابدا وديما هخليك متطمن عليها معايا
حاج رضا…انا مطمن عليها معاك يا ابني انت محترم انت واهلك كلهم ناس طيبين
ربنا يصلح حالكم يارب ويعدي سركم
انس…اهي دي احلي دعوه ياراجل يا طيب تعالي بقي نتصور مع بعض
راحوا اتصورا كلهم مع بعض كان يوم حلو اوي انضم للعيله اهل أنس اللي تقريبا كانوا عارفينهم لما خطب انس منار لكن المرادي الانضمام كان برضا الطرفين
فضلوا البنات يرقصوا ويرقصوا سهر اللي كانت مكسوفه جدا وفجأه وقفت رحاب ومسكت ضهرها
رحاب….اااااه😩 ااااه ااااااااااااه
توته…في ايه يابت
رخاب…الحقيني يا توته
وعد…مالها رحاب
رخاب…الحقوني شكلي بولد
توته…بتولدي ازاي يابت انتي لسه يومين علي معاد القيصري بتاعك يعني مش وقتك اصلا
رحاب…معرفش معرفش
مديحه…في ايه يا بنات مالك يارحاب
رحاب.. الحقيني يا ابله مديحه شكلي بولد
توته…ايهاب ادهم
جريوا بسرعه وقفلوا الاغاني ايهاب…في ايه يارحاب
هيما…مالك يابت
رحاب…الحقوني انا بولد
ادهم…بتولدي ازاي
رحاب…بصوات معرااااافش ااااااااه اااااااه.
ثواني والفرح والزغاريط اتبدل بصوات ووجع شالها ايهاب بسرعه وجري بيها وراح الكل وراهم بالعربيات
ثواني ووصلوا المستشفي بعد ما ادهم كلم الدكتوره القلق والتوتر كان ظاهر علي ايهاب واخواتها ومستغريين ازاي بتولد قبل معادها هي لسه معاد ولادتها واتحددلها القيصري قبل ما تحس بالم الطبيعي لكن مش كل اللي بنتمناه بيتحقق احيانا القدر بيكون ليه رأي اخر مهما اختارنا🙄🙈🙈
دخلوها بسرعه اوضه الكشف
وبعد وقت بسيط خرجت الدكتوره.
جريوا عليها كلهم ايهاب خير يا دكتوره
احمد العربي…طمنيني يا دكتوره بنتي كويسه

 

 

 

الدكتوره…اطمنوا متقلقوش دي ولاده بس لسه ادامها شويه الرحم مفتوح سم واحد بس يعني هي لسه في بدايه الطلق.
ايهاب…طيب ازاي واحنا محددين معاد للقيصري واصلا معاد ولادتنها حضرتك قايله انه تقريبا يوم 25
الدكتوره….هي في التاسع عموما وارد انها تولد اي وقت وبما انها مكانش عندها اي اعراض للولاده الفتره اللي فاتت فا حددنا قبل المعادي الاصلي باسبوع لكن ربنا عجل معاد ولادتها
ادهم…طيب ده مفيهوش خطوره عليها
الدمتوره…لا خالص بالعكس هي اصلا في التاسع يعني ولادتها في معادها اطمنوا انا سمعت نبض البيبي مل حاجه تمام وهي كويسه متقلقوش هنستني عليها شويه بس الرحم يفتح اكتر هديها طلق صناعي يساعدها اكتر وان شاء الله خير
ايهاب…طيب هو مينفعش تولد قيصري زي ما كانت عايزه اخس من التعب اللي هي فيه ده
الدكتوره…بالعكس الطبيعي افضل انا حاولت كتير معاها لكن هي كانت مصممه عالقيصري وفالاخر ربنا اختار الاصلح ليها اطمنوا متقلقوش
ابهاب…ان شاء الله خير
الدكتوره…بعد اذنكم.
زين….اطمن يا ايهاب هتبقي كويسه
عامر…ان شاء الله ساعه بالكتير وتبقي بخير اطمن
ايهاب…يارب
عدي حوالي نص ساعه الكل واقف متوتر وصوت صوات رحاب قالب المستشفي خصوصا بعد ما اتركبلها الطلق الصناعي كلهم واقفين يدعولها ولسه بلبسهم نزلوا وراها زي ما كانوا في الفرح
البرنس…..اجمد يا بوب هتبقي بخير
ايهاب…يارب
سهير…يا حبيبتي يا بنتي البت مش قادره يارب يجعلك ساعه ساهله يارحاب
مديحه…يارب ويقومها بخير هي وبنتها يارب
فاطمه…يارب ياخد بايدها
نعمه…جبتلها شنطتها يا سهير
سهير…اه طلعت بسرعه جبت حاجتها هي وبنتها
ناريمان…خير خير هتقوم بالف خير
روحيه…هي مين اللي بتولد ياولا
يوسف…مش وقتك يا اما الله يرضي عنك
روحيه…😏😏😏طيب
دخل ايهاب يبص عليها.
ايهاب….ايه يا حبيبي
رحاب ..بعياط مش قادره يا ايهاب هموت والنبي خليهم يعملوا حاجه بقي😩😭😭
ايهاب….اجمدي عشان خاطري الدكتوره هتيجي الوقت وهتاخدك
رحاب…..اااااااااااااااااه مش قاددرررره
ايهاب…مسك ايدها جامد اجمدي عشان خاطري
رحاب….ناديلها والنبي يا ايهاب همووووووت
سابها ايهاب وخرج عشان يشوف الدكتوره.
سهير…يا ابني اصبر البكريه بتاخد وقت كده والبنات بارده الكلق فيها بيجي براحه
مش زي الولاد ورا بعض
ايهاب….بس دي تعبانه اوي
ادهم….طيب نجيب الدكتوره تبص عليها مش هنخسر حاجه البت تعبانه اوي
هيما…انا رايح اناديلها جري ايهاب الكل كان متوتر وصواتها كان يقطع القلب
نعمه…ياولاد هي الولاده كده بلاش القلق والتوتر ده بس

 

 

رجع هيما بالدكتوره
ايهاب…يادكتور لو في حاجه احسن من التعب اللي هي حاسه بيه ده نخلص وتولد قيصري
الدمتوره…صدقني هي كل الاعراض عندها والبيبي واخد وضع الطبيعي حرام بعد التعب ده اولدها قيصري وافتحلها جرح ليه نخليها تجرب الوجعين لما نقدر نستني شويه
زين…طيب حضرتك شايفه ان حالتها مش خطر
الدكتوره…بالعكس والله حالتها كويسه جدا
عموما هدخل اكشف عليها تاني واطمنكم
دخلت الدكتوره ودخل معاها مديحه وسهير وفاطمه
والباقي فضل بره سامعين صوات رحاب اللي سمع المستشفي كلها
منه…كانت واقفه مرعوبه هي ومريم وشمس لكن رعب منه كان اكتر لان هي كمان فاضل علي ولادتها اياك وكل ما تسمع صواتها ووحعها وتفتكر ان هي هتولد زيها وبالطريقه دي تترعب وأبتدت تحس بمغص ووجع من كتر خوفها..
بعد وقت بسيط خرجت الدكتوره.
ايهاب…خير يا دكتروه
الدكتوره…صدقني حرام نجازف ونولدها الرحم بقي 6 سم يعني خلاص هانت حرام بعد كل ده نولدها هي حالتها كويسه ومفيش اي خطر عليها ولا علي البيبي
احمد.العربي …خلاص يا دكتوره اللي شيفاه صح اعمليه يا بنتي
الدمتوره…اطمنوا والله المساله مسأله وقت يعني بالكتير نص ساعه وهاجي اخدها علي العمليات..
ايهاب…يارب.
بصت الدكتوره لقت منه وجمبها شمس ومريم وكلهم حوامل
الدكتوره…ايه اللي جابك يا منه وانتوا ايه اللي جابكم ازاي تجيبوهم معاكم ده غلط عليهم علي فكره
مديحه…احنا كان عندنا مناسبه واتلهينا في رحاب جينا بيها علي طول
الدمتوره…ايوه بس غلط يشوفوها وهي بتولد خصوصا منه عشان متتوترش ياريت تروحي يا منه انتي والبنات افضل
بعد اذنكم.
سهير….صراحه المفروض مكنتوش جيتوا تشوفوها وهي بتولد وترعبوا نفسكم كده
مديحه….روحوا يابنات احسن
زين….اخدهم اروحهم واجي تاني طيب
فجاه سمعوا صوت رحاب من تاني وهي بتصوت وابتدت تصوت ومش بتفصل والوجع بيزيد.
وفجأه مسكت منه ايد هيما وهي تانيه ضهرها
بصلها بسرعه هيما.
هيما….في ايه ايه
منه….بصوا واطي الحقني يا هيما
هيما…بفزع يا دكتوووووره
جري زين عليها برعب

 

 

 

زين…مالك يامنه
منه…شكلي بولد يازين
مديحه…استر يارب استر يارب يا دكتوره
فجأه المكان اتقلب وبعد ما كانوا قلقانين وملخومين برحاب القلق والتوتر اتضاعف بولاده منه المفجأه🙈🙈
جت الدكتوره بسرعه شالها زبن ودخلها وخرج ودخلت مديحه وسهير وتوته مع منه
وقف زين حاطت راسه علي دماغه
وعد…زين اهدي ان شاء الله خير
هز زين راسه بقلق هو فالعادي بيخاف من التعب اما في الموقف ده اترعب بجد واتوتر .
خرجت الدكتوره بعد وقت بسيط
جري عليها زين وهيما.
زين….طمنيني منه كويسه
الدكتوره….انا قولت بلاش حد فيهم يفضل منه المفروض تولد الوقت جالها كلق مبكر بس المشكله ان الرحم مفتوح خمسه سم والميه نزلت وللاسف وضع البيبي مش وضع ولاده
زين….بقلق يعني ايه
هيما…الحل ايه يا دكتوره
الدكتوره….من فضلكم اهدوا شويه..منه المفروض كانت هتولد طبيعي لكن للاسف في حالتها دي هنضطر ندخلها عمليات حالا وهتولد قيصري
زين…ايوه يعني ده حلو ولا ولا وحش مش فاهم
الدكتور….لا متقلقش خالص ان شاء الله خير طبعا بس نزول الميه وعلامه الولاده غلط في القيصري المفروض دي مؤشرات الولاده الطبيعيه وللاسف الجنين نايم بالعرض يعني لازم تولد قيصري
ادهم…يا دكتوره لو ده في مصلحتها خلاص
فاطمه….شوفي شغلك يا دكتوره ارجوكي وطمنينا عليهم
الدكتوره….تمام انا هخليهم يجهزوا منه لحد ما اولد رحاب لان هي خلاص الرحم اتفتح خالص ومش هينفع تستني لحد ما تولد تكون منه جهزت وهطمنكم عليها ادعولهم ومتقلقوش وابتسمت حد بقي يروح يجيب شنطه منه
بعد اذنكم.
الكل وقف يضرب كف علي كف من لعبه القدر
رحاب كانت عايزه قيصري وولدت طبيعي ومنه كانت هتولد طبيعي وولدت قيصري حقيقي النصيب هيحصل هيحصل حتي لو رتبناله ..
حاله من البرجله والقلق حصلت وبسرعه
سمعوا صوت عياط البيبي اخيرا وعرفوا ان رحاب ولدت فرحوا كلهم وباركوا لايهاب اللي حس براحه هو واخواتها وابوها لكن فضل جزء من التوتر ملازمهم بسبب منه
دخلت منه اوضه العمليات وهي مرعوبه وفالوقت ده كانوا بيجهزوا رحاب للخروج
اللي اتفاجئت بولاده منه
رحاب…منه منه هتعملي ايه
منه…بعياط ادعيلي يارحاب والنبي😭😭انا بولد
رحاب…هتبقي كويسه متعيطيش يابت هستناكي بره
خرجت رحاب ومعاها بنتها في حضنها جري عليها ايهاب والكل يطمنوا عليها
ايهاب….بفرحه حمد الله عالسلامه يا قلبي
رحاب…شوفت بنتنا
ايهاب….قمر زي امها
عامر….اوعيييي بنت اخويا قمر زي عمها امها ايه وأبوها ايه
باسها هيما من راسها
رحاب…بحب هتبقي كويسه الوقت تخرج
هيما…يارب ياحبيبتي يطمني عليكم انتوا الاتنين

 

 

 

باركولها كلهم ودخلت اوضتها واستنوا يطمنوا علي منه…فضل هيما وزين رايحين جايين ومديحه تقرأ قران بقلق والكل بيحاولوا يطمنوهم خرج ايهاب وقف معاهم تاني وفضلوا البنات داخلين خارجين علي رحاب ويطلعوا يستنوا منه…
واخيرا أعلن ولي العهد الجديد عن قدومه بالف خير
الكل فرح وحضن هيما وزين بعض بعد ما خرجت الممرضه خدت لبس البيبي وطمنتهم علي منه..
وبعد وقت بسيط خرجت منه وهي مدروخه من تقصير البنج
جريوا كلهم عليها
منه…تحت تأثير البنج..منك لله يا هيما منك لله انت السبب.
هيما…بضحك يابت بتدعي عليا وانتي بين ايدين ربنا
زين…بضحك حمدالله عالسلامه يا ام لسان طويل
عامر…بضحك دي بتحبك اوي يا هيما
منه…ابني فين
زين…شاله اهو حبيب خاله الواد طالع قمر شبهي الحمد لله مش شبه ابوه😂😂
منه….ابني فين
مديحه…الحمد لله يارب الحمد لله اني اطمنا عليكم
اني…بضحك طيب انا ساكت من الصبح خايف انا وسهر ناخد لقب نحس بس ادام اطمنا عليهم يبقي وشنا حلو ولا ايه
ضحكوا كلهم علي انس.
احمد العريي….لا طبعا وشكم حلو ومناسبه جميله عمرها ما تتنسي
عيسي…طبعا هتفضل مرتبطه ذكري ولادتهم بيوم خطوبتكم
مديحه…..ده انتوا وشكم زي العسل عليهم الحمد لله عدت علي خير
سهر…الحمد لله اننا اطمنا عليهم هتسموهم ايه
ايهاب…رحاب عايزه تسمي نانسي
سهر…جميل نانسي طب ومنه
مديحه….لما تفوق بقي وتركز دي مختاره يجي ميت اسم
هيما…بصحك قرب من منه هو عبجبار صح يا منه
منه…منك لله يا هيما🥴
ضحكوا كلهم علي هيما ومنه
خد زين ابن منه حطه في ايد صلاح وشهد
ومسك ايهاب بنته راح وقف جمب صلاح.بضحك
ايهاب…بزمتك مش بنتي احلي من ابن الواد الواطي ده.
صلاح…بابتسامه حب وقلب بيتمني…الاتنين زي القمر ربنا يحميهم يارب.
وسمعوا منه بتردد في الوقت ده تحت تأثير البنج …يارب يرزقك ياشهد واشوف ولادك انتي ولاحه
يارب يرزقك يا شهد واشوف ولادك انتي ولاحه.

 

 

 

بص صلاح لشهد بحزن وبصتله شهد بابتسامه حب.وبصوا للولاد بفرحه..
ودعالهم الكل في داخلهم انهم ينولوا الفرحه دي في اقرب وقت..
عدي عشر ايام منه ورحاب بقوا احسن اتحسنت رحاب اسرع اما منه خدت كام يوم تعب واخيرا
..الكل بيجهز في اهم حدث للعيله اللي زادت فردين جداد سبوع نانسي ومالك😍😍😍😍😍

يتبع…

لقراءة الفصل التالي : اضغط هنا

لقراءة باقي حلقات الرواية اضغط على (رواية 30 يوم حياة)