رواية أحببت مجهولة الفصل الخامس عشر 15 بقلم زينب رضا

رواية أحببت مجهولة الفصل الخامس عشر 15 بقلم زينب رضا

رواية أحببت مجهولة البارت الخامس عشر

رواية أحببت مجهولة الجزء الخامس عشر

رواية أحببت مجهولة الحلقة الخامسة عشر

_صباح يوم الخميس_
سارة راحت الكلية ومريم معاها وقابلوا جهاد
جهاد بهزار : اهلا بالعروسه واخت العروسه
سارة : بس يا باردة
مريم : بذمتك ي جوجو فيه اخت عروسة حلوة كدا
جهاد : قمر يروحي
سارة : انا راحة افطر جتكوا القرف وبتلف عشان تمشي خبطت ف شخص
سارة : اسفة والله
احمد : ولا يهمك ي قمر
سارة : نعم!
احمد : بقول ولا يهمك ي قمر
مريم : ماخلاص يحلو سمعنا مرة
سارة : خلاص ي مريم وخدتها هي وجهاد ومشيوا، احمد مركز مع سارة وهي ماشية
ريم : اي عجباك تحب اجوزهالك
احمد بسرحان : ياريت
ريم بعصبية : نعم ياخويا
احمد بخضه : ياريت نتجوز انا وانتي بسرعة فيه اي مالك
ريم : اتعدل ي احمد واتقي شري
احمد : ما تهدي يعسل انتي
ريم : طب يلا ي خفيف عشان المحاضرة، وراحوا يحضروا
~~~
_ف الكتب_
محمود : اي ي عريس
عمر : يعم اقعد بقا
محمود : مالك بس

عمر : موضوع الاسيوطي ده شاغلني و…
محمود : باااس متكملش احنا انهارده اجازة من التفكير ف الشغل
عمر : طب انا رايح اخطب انت تاخد اجازة من التفكير لييه
محمود بتناكة : عشان صاحبك معروفه يعني
عمر : طب يلا ياخويا روح ع مكتبك
محمود : خلصانه كده كده كرامتي سبقتني ع هناك، انجووي وقام خرج عمر قعد يضحك عليه
*بعد كام ساعة
مريم : اي يماما كل ده اكل
نادية : يابنتي سمي الله
مريم : مش بحسد والله حد يحسد الاكل اللي هياكله برضو
نادية : امشي من وشي ي مريم
مريم : عيوني ي امومة، وهي ماشية : بتموت فياا
~~~
:هاا يماما اي رأيك، امه لفت تشوفه لاقته لابس بدلة سودا
سميرة : ماشاءالله اي القمر ده
عمر : بجد شكلي حلو
سميرة : قمر والله ي حبيبي، بس اشمعنا المرادي بدلة المرة اللي فاتت اتحايلت عليك وف الاخر عملت اللي ف دماغك
عمر بضحك : قلبك ابيض ي ماما بقا
سميرة : عمر انت معجب ب سارة
عمر : هو بصراحه مش عارف بس ارتحت لما شوفتها
سميرة : قولتلي ما هو باين
عمر : يماما انا ابنك حبيبي
سميرة : ماشي ي ابني ي حبيبي هدخل اجيب الشنطة واجي ودخلت
عمر ف نفسه ” هو اي اللي انا بعمله ده ليه مبسوط وانا رايح اتقدملها معقول عشان حاسس انها ملك بجد، بس كل حاجه بتقول ان هي.. ريم اتعاملت معاها هما اه كام مرة بس لا مش هي ملك.. ومريم لسه صغيرة ملك كانت قيلالي انها خلاص هتتخرج مفيش غير سارة وهي الوحيدة اللي قلبي دق من اول مرة شوفتها…الرقم جابلي بيتها وقلبي عرفتي هي مين وانا متأكد ”
امه جت : يلا ننزل
عمر فاق من تفكيره : يلا بس ثانيه اشوف محمود فين رن عليه
اي انت فين… طب احنا نازلين اهو… ماشي سلام
عمر : يلا هو مستني تحت، ونزلوا.. محمود اول ماشافه صفر
عمر : اي يلا ف اي
محمود : فيه ظابط قمر كده وبص لسميرة ده اي الانتاج ده
سميرة ضحكت : طب يلا اركبوا هنتاخر
عمر : يلا
محمود : انت عارف انا لو بنت كنت اتجوزتك
عمر ركب وبصله : اعدل يلا مالك
محمود : انا اللي هوديك وانا اللي هجيبك
عمر باستغراب : طب ما احنا عارفين اي بقا وبعدين دول جنبنا بشارع
محمود مسكه من خده : محدش يقدر يعاكسك وانت معايا، عمر زق ايده وبصله بتحذير، محمود بص قدامه وقفل بوقه وطبعا سميرة عماله تضحك
~~~

نادية دخلت عند بناتها ووراها ريم وامها * جهاد كانت هتبقا مع سارة بس والدتها تعبانه فا روحت ع طول بعد الكلية *
مريم : اي رأيك ي ماما ف عروستي
نادية : قمر ياقلبي ما شاء الله
سارة : ربنا يخليكي ي حبيبتي
ام ريم بغيظ : بس انتي ليه مسوداها كده ده فال وحش.. ” سارة لابسه دريس لونه اسود وطرحة نفس اللون وكوتشي ابيض وحاطة ميكب خفيف ”
نادية : لا فال وحش ولا حاجه طالما هي مرتاحه خلاص
ام ريم لسه هترد لاقوا الباب بيخبط خرجوا وريم راحت مع امها، محمد وسعيد فتحوا كان عمر سلموا ع بعض ودخلوا
محمد : نورتوا البيت والله
محمود : منور باصحابه ي عمي
*طبعا ريم وامها مش فاهمين حاجه ومفكرين ان محمود العريس*
فضلوا يتكلموا شوية
سارة راحة جاية ف الاوضه : اطفشه ازاي هاا وبصت لمريم ماتقوليلي ي بت هو مش انتي اختي
مريم : انتي تعملي هبلة وهو هيطفش
سارة : المشكله ان قلبي الحيوان ده بيدق معرفش ليه
مريم برومانسية وشبكت ايدها الاتنين ف بعض وحطاهم تحت خدها : معقول تكونوا وقعتوا ف الحب من غير ماتشوفوا بعض
سارة حدفتها بالمخدة : نقطيني بسكاتك بقا
مريم : انا غلطانه يعديمة الرومانسيه انتي، سارة مردتش وفضلت راحه جاية
~~~~~~~~~~~~~~~~~~~~~~~~~~~~~~~~صلوا ع النبي
❤️
؛ ~~~~~~~~~~~~~~~~~~~~~~~~~~~~~~~~

محمود ميل ع عمر : ما تتكلم يابني بقا
عمر خبطه سميره شافتهم فا اتكلمت هي
سميرة : احنا كلنا عرفنا سوء التفاهم اللي حصل وجايين انهارده ان شاء الله نطلب ايد بنتك سارة لابني عمر
ريم وامها اتصدموا، ام ريم قامت وقفت : انتي بتقولي اي
سميرة : اللي سمعتيه
ام ريم : هو مش ابنك اتقدم لبنتي جاي دلوقتي يتقدم لبنت عمها هو اي شغل عيال ده
سعيد قام وهو زهقان : ام ريم وبص لاخوه كملوا انتوا واستاذن وخد مراته وبنته وطلع
سميرة : هي مش عارفه ولا اي
محمد : لا اخويا مقالش غير ليا وعمر وام سارة كان عاوز يحطها قدام الامر الواقع،. محمود قاعد فهم الحوار الي حد ما
عمر : طب حضرتك اي رأيك
محمد : انا مش هلاقي احسن منك ل بنتي بس المهم رايها هي
ناديه قامت : ثواني هناديلها وخرجت راحت المطبخ ودخلت الاوضه
نادية : يلا يابنتي
سارة : حاضر ي ماما وشالت العصير
مريم : ماما عاوزه اجي معاكوا
نادية وسارة ضحكوا، نادية : تعالي يحبيبتي
مريم بفرحه : يلا يلا
وخرجوا سارة : السلام عليكم، كلهم ردوا السلام حطت العصير وقعدت جنب امها
سميرة : عامله اي يابنتي
سارة بصت لمصدر الصوت : الحمدلله بخير
سميرة : يارب دايما، اكيد مستغربة وجودي بصي ياستي انا جايه اطلب ايدك لابني عمر
سارة اتصدمت ومريم نفس الحكاية، سارة : هو مش ابنك حضرتك متقدم لبنت عمي
نادية كانت هتتكلم سميرة قاطعتها : معلش سيبوني انا هفهمها وخدتها وخرجت من الاوضة
محمود باصص ع مريم : ربنا يستر *مفكر انه صوته واطي*
عمر خبطه، مريم قاعده وهتموت وتفهم فيه اي
_تحت ف شقة سعيد_
ام ريم بعصبية : انت ازاي توافق ان كل ده يحصل هي بنتهم فيها اي زياده عن بنتي
سعيد : مفيش حد مختلف عن حد بس انتي سرقتي عمر منهم لبنتك ومحدش كان يعرف عرفتي وافقت ليه
ام ريم : هما الفوا عليك كده وانت صدق.. قلم نزل ع وشها
سعيد : مسمعش صوتك تاني انا سكتلك كتير وانتي ي ريم عارفه اللي امك عملته ومع ذلك سكتي
ريم : انا مكنتش هوافق اصلا ي بابا
سعيد : بس سكتي ومجتيش تحكيلي وبص لامها ازاي جالك قلب تعملي كده حتي ف دي الغل والحقد عامين عنيكي مش عارف انا عملت ذنب اي ف حياتي عشان ربنا يبتليني بيكي
ام ريم : انت بتضربني عشانهم ماشي يا سعيد
سعيد بعصبية : قولتلك مسمعش صوتك وغوري من وشي انتي وبنتك، ريم دخلت اوضتها وهي فرحانه ومضايقه ف نفس الوقت وامها دخلت اوضتها، وسعيد قعد ف الصالة ياخد نفسه

سميرة : بصي يابنتي انا هفهمك
سارة : اتفضلي… * وفهمتها كل حاجه وف نفس الوقت مطلعتش ام ريم غلطانه اوي عشان متبوظش العلاقه بينهم متعرفش ان سارة عارفه مرات عمها وكل اللي هي بتعمله *
سميرة : ودلوقتي انا بطلب ايدك لابني انتي كده يابنتي مخدتيش عمر من بنت عمك ده نصيب واحنا مش بايدينا حاجه
سارة بعد ما كانت هترفض خلاص رجعت تفكر تاني عمر حبيبها من سنين واهو القدر بيجمعهم ببعض بس قدام العالم كله بس ياتري بعد ما يعرف هيسامحها ولا لا
سارة : انا مش عارفه افكر بصراحه بس انا هصلي استخارة ولو ارتحت هقول لبابا وهو هيبلغ حضرتك
سميرة : ربنا يريح بالك يابنتي انا قولت افهمك انا واشيل التوتر من ع اهلك
سارة ابتسمت : شكرا لحضرتك جدا
سميرة : عارفه لما يحصل نصيب أن شاء الله لو قولتي حضرتك دي تاني ممكن ابلعك
سارة ضحكت جامد وسميرة ضحكت معاها وقاموا دخلوا تاني وهما بيضحكوا، كلهم مستغربين انهم داخلين بيضحكوا كده
سميرة بهزار : ف اي مالكوا
محمود : اصل شكلكوا وانتوا خارجين مكنش كده انا قولت هتحصل حرب بره
سميرة ضحكت عليه : مفيش حرب بين ام وبنتها، كلهم سمعوا الجملة دي ارتاحوا ونادية ارتاحت ان سميرة حنينه كده واطمنت ان لو حصل نصيب بنتها هتبقا كويسه
محمد : ربنا يديم المحبة دي
عمر : يارب ياعمي
نادية : طب يلا عشان الاكل ولو مشيتوا انهارده من غير ما تاكلوا هزعل والله
محمود : الموضوع طالما فيه اكل انا بايت عندكوا
عمر : اديكي اتاكدتي اننا هناكل خلاص
كلهم ضحكوا، نادية : ثواني والاكل يكون جاهز
سميرة : استني جاية معاكي ومريم قامت معاهم
محمد : طب نسيب العرسان شوية وخد محمود وخرج ورن ع سعيد وفعلا نزل قعد معاهم
عمر : هتفضلي بااصه للارض كتير

سارة رفعت وشها وعيونهم اتقابلت وقلبها فضل يدق
عمر ف نفسه * اكيد انتي ملك اكيد حاسس ان قلبي هيرقص، ياريت تريحيني وتقوليلي وانا هسامحك والله *
ساره * يخربيت جمال امك يشيخ هو انا حبيتك من شوية ربنا بيعوضني وافتكرت انه لما يعرف مش هيسامحها انها كدبت عليه كشرت وبصت ف الارض بزعل *
عمر : اي يابنتي ماتتكلمي
سارة : اتكلم اقول اي
عمر بهزار : تقريبا انا العريس واظن ان العروسة بتقعد تساله لحد ما تطلع عينه
سارة : باين انك محترم عشان كده بابا وافق
عمر : بس انتي اللي هتعيشي معايا مش بابا
سارة : مع الوقت هعرفك اكيد، صحيح شكرا ع اللي عملته معانا
عمر : ف واحده تشكر جوزها المستقلبي برضو
سارة ضحكت جواها : ماشاءالله ده انت طموحك عالي
عمر بيعدل البدلة : طبعا لدرجه اني اتعاكست من محمود
سارة : نعم

عمر : لا دماغك متروحش لبعيد انا بهزر
سارة : اه تمام، مريم دخلت : يلا الاكل جاهز
خرجوا كلهم مع بعض وكلوا وطبعا طول الاكل محمود بيخطف نظرات ع مريم وهي واخده بالها ونفس الحوار عند عمر، خلصوا اكل وقاعدين بيهزروا وشويه واستاذنوا ونزلوا
محمود وصل قدام بيت عمر، وسميرة نزلت
وعمر لسه هينزل فون محمود رن بص لعمر ده صلاح
عمر : طب رد محمود هز دماغه ورد
: ابو صلاح عامل اي يوحش،
صلاح : مش وقته خالص
محمود : ف اي يابني
صلاح : الاسيوطي اتقتل
محمود بصدمه : انت بتقول اي
صلاح :اللي سمعته
عمر : ف اي يابني
محمود : صلاح بيقول الاسيوطي اتقتل
عمر : نععمم!!

يتبع…