رواية قوة الحب الفصل الثامن 8 بقلم تقى حسام

رواية قوة الحب الفصل الثامن 8 بقلم تقى حسام

رواية قوة الحب البارت الثامن

رواية قوة الحب الجزء الثامن

رواية قوة الحب الحلقة الثامنة

نرمين احم بسم الله. اتفضل
عاصم من جواه انا هدخل اجبها وخلاص مش هعير ليها اهتمام
دخل عاصم الاوضه
نرمين بثقه. انا جاهزه
عاصم بيرفع وشه ليها عيونه لمعت وفضل ساكت بعد شويه بصوت منخفض الله حوريه من الجنه
نرمين بذهول. مش يلا
عاصم. يلا ايه؟
نرمين بخجل من نظراته. ننزل المأذون تقريبا جه مش هنكتب الكتاب!
عاصم. طبعا هنكتب الكتاب اكيد
عاصم واقف جمبها ومسك ايدها وهما ماشين كل واحد فيهم بيفكر في التاني ومحدش عارف يتكلم
نرمين. فريده عندها حق تغير عليه انا ازاي مخدتش بالي انه جذاب اوي كده نرمين بصوت عالي. انااااا بجد متخلفه
عاصم. متخلفه ليه؟
نرمين بصدمه. ايه اصل اناااا حاسه ان الميكاب خفيف كأني مش حاطه فشكلي وحش
عاصم. بالعكس انتي أجمل عروسه شافتها عنيه

عاصم. قصدي انك مش وحشة ولا حاجه
نرمين بكسوف . اه مفهوم على كلا ميرسي
المأذون. بارك الله لكما وبارك عليكما وجمع بينكما في خير
نرمين. راحت غمزه😉 لفريده
فريده بغيظ تقدمت وبصوت منخفض . قلبي عندك يا عاصم معلش
عاصم. وانا داسني قطر؟
فريده. كان هيبقى ارحم من الغجريه وأهلها دول
عاصم. نرمين دي بقت مراتي اتكلمي عليها كويس وبعدين دي غلبانه وحياتها مهدده والبنت خايفه يبقى في رحمه حتى بصي عليها بيبصو
نرمين بتزغرط في المايك لولولولولولولولولولولولولولويييي 💃
وبدأت ترقص على الاغاني بالعصايه هي واختها وصحابها.
ياسين كان مستغرب؟ راح ناداه على الجد وعلى ابو نرمين عشان الكل يرقص
عاصم في سره. هي بجد متخلفه
فريده. يااااااه ياعيني دي خايفه أووووي ومنهاره ومش عايزه الجوازه فعلآ
عاصم. احنا في زمن السرعه وكل شيء بيتغير يلا انا رايح ارقص لبس عاصم الطربوش وفي ايدو ريشه
وبدأو كلهم يرقصوا سوي
بليل غيرت نرمين الفستان ولابست فستان فرح سك وعاصم لبس بداله كحلي وكانوا فرحانين باليوم
ياسين. طلب اغنيه رايقه لعمر دياب تشتغل عشان يرقصوا سوي
عاصم بدأ يرقص مع نرمين ونرمين بخجل بتحاول تهرب من عنيه
عاصم. مبسوطه؟
نرمين بفرح. جدددااا
عاصم. غريبه كنت فاكر إن دا أصعب يوم بالنسبه ليكي
نرمين. وانا كنت فاكره كده بس كل حاجه حلوه

عاصم. كنتي فاكره إن اليوم هيبقى وحش
نرمين. مش وحش بس مش هيبقى جميل يعني حسيت ان فرحنا كان هيبقى شبه فرح خضر وسعديه اللي في فيلم عسكر في معسكر عشان كان برضو عليهم طار
عاصم. 😂😂😂😂😂 قنبله تفاؤل
خلص الفرح والجد كان ملاحظ فرحه حفيده بالعروسه وزعل من جواه عشان حظه وحش
دخلو البيت
وفاء. تعالي يا حبيبتي اوريكي اوضتك
نرمين. حاضر
عاصم طلع معاهم
نرمين. يااااه انا هموت وانام تصبحو على خير
عاصم وأنتي من أهله
وفاء. لو بتخافي تنامي لوحدك عندك في الدور اللي فوق اوضت زينب وكمان انتي في الدور ده مش لوحدك الاوضه دي بتاعت عاصم دا الجناح دا كله بتاعه
نرمين. تمام شكرا النهارده كان يوم جميل جدا
عاصم في سره كان فعلا هيبقى جميل بس انتي بوز فقر. العفو تصبحي على خير ☺️
في الجنينة.
ياسين. عقبالك بس تبقى في ظروف أفضل
جرمين. هههه إن شاء الله
ياسين. هشوفك تاني؟
جرمين. انا هبقي اجي عشان نرمين هي برضو اختي الوحيده مش متعوده ابعد عنها
ياسين. ربنا يخليكو لبعض خلاص اتجوزي جمبها
جرمين. هههه افرض نقلت من هنا

ياسين. انا مش هنقل متقلقيش
جرمين. 😂تصبح على خير
الكل روح
عايده بزعل. البنت كانت زي الفراشة في الفرح بتحاول تتبسط رغم إنها عارفه نهاية الجوازه دي ايه
الأب. كان شرطها يا عايده ومين عالم مش يمكن تحبه ويحبها
جرمين. صعب انها تنسى اللي اتعرضت له المشكله اننا في مجتمع بيخلي الضحيه هو الجاني عشان كده صعب انها تعدي هي مش قادرة تنسي اللي حصلها
يوسف. بس عاصم بيعملها كويس ومقدر وقفتها جمبه ممكن بتصرفاته هي تحبه خصوصا انهم كانو وهما بيرقصو سوي لايقين على بعض
جرمين. فعلا ربنا يهديهم لبعض
في الصباح صحيت نرمين بدري صلت وقاعده تفتكر كل الأحداث اللي حصلت إمبارح بعد فتره
طيب انا هلبس قصادهم ايه انا مكسوفه اطلع بشعري قدام عاصم وجدو وبرضو لازم اكون جميله وسطهم اووووف يلا اغمض عيني واللي يطلع في أيدي هلبسه
حلو دا
إرتدت نرمين فستان ابيض سك للركبه عريض الأكتاف بتل ابيض على الصدر وعلى نهاية الفستان وفكت شعرها الأسود يصل لنهاية ظهرها وضعت ميكب روزي وبرفيوم فاقع وفضلت قاعده مكسوفه تخرج
زينب. بتخبط
نرمين. مين
زينب. انا زينب انتي صاحيه ولا نايمه؟
نرمين فتحت الباب. ادخلي بسرعه انا صاحيه من بدري
زينب. وااااااااااو ايه الحلاوه دي. طب قاعده في الاوضه ليه
نرمين. بصراحة مكسوفه اخرج كده

زينب. ليه على فكره شكلك حلوه اوي وإن كان على عاصم فعادي هو متعود يشوف بنات بتلبس كده وأقصر كمان وبعدين منا بخرج كده
نرمين. ايوه بس المشكله فيا انا عمر ما حد شافني كده غير بابا
زينب. هتتعودي عادي المهم بقى جبتلك هديه وتليق على افستانك
نرمين. ايه ده هديه اي
زينب. الأسوره دي ويارب تعجبك
نرمين. الله دي حلو اووووووي متحرمش منك هاتي حضن
زينب. هههه العفو حببتي إلبسيها بقى
وفاء. مالك يا عاصم
عاصم. مافيش
حساك متدايق شوية
عاصم. علشان مش متعود افضل في البيت وكمان جدو بيقولوا الناس هتقول ايه عريس وتاني يوم راح الشغل
وفاء. عنده حق مينفعش طيب ليه قاعد في اوضتك مش عوايدك ليه معملتش رياضه
عاصم. ماليش مزاج هي نرمين صحت
وفاء. مش عارفه اختك راحت تشوفها
عاصم. امممم انتي ايه رايك فيها
وفاء. المفروض انا اللي أسألك سؤال زي ده
عاصم. انا شايف انها مسؤلية وليها جميل عليا وعيله صغيره
وفاء. دي كلها حاجات مميزه
عاصم. مميزه؟
وفاء. اه ربنا بعتهالك فجأة في طريقك وبنت جدعه وشابه وقمر وهي وأهلها عنهم مليانه يعني دي أقل حاجه هتعملها ليها هتشوفها كبيره جدا وطبيعي من خوفها تطلب إن الجواز يكون كده بس انت تقدر تكسب قلبها
عاصم. غريب كنت فاكر انك هتتعرضي عليها عشان المستوى
وفاء. لا طبعا ما انت اتجوزت من مستواك ومن دمك وعن الحب والنتيجة كانت زفت
عاصم. مش عايز اعيد تجربه تاني يلا ننزل نفطر
وفاء. صباح الخير يا بنات
نرمين. خرجت من الأوضه بسرعه صباح الخير يا ماما اناااا
عاصم. أول ما شافها راح مصفر
نرمين. بخجل راحت راجعه اوضتها.
زينب. عاصم بطل رخامه انا بقالي ساعه بقنعها ان لبسها عادي متكسفهاش
عاصم بضحك. وانا عملت حاجه بيميل على مامته. هي اللي بطل مش كده ولا ايه
وفاء. مش انت مش عايز تعيد التجربه اسكت بقى

وفاء. ايه الغزاله دي
نرمين. بكسوف شكرا بصي زينب جبتلي الهديه دي
عاصم. لا بتفهمي يا زينب
زينب. طبعا يلا بقى الفطار جاهز في الجنينه
بعد شويه.
عمت عاصم مريم البيك. صباح الخير
عاصم. صباح النور اتفضلي
العمه. انا قولت اجي افطر معاكو وبالمره أشوف نرمين
عاصم. لا يا عمتو بس ايه رايك في العروسه
العمه بضحكه مصطنعه. طبعا قمر بس عندي سؤال يا نرمين
نرمين. اتفضلي
العمه. انتي ازاي طلبتي فرح في عز اللي انتو فيه يعني هتجوزي راجل متعرفيهوش طلبتي جوازك يبقي مؤقت مهدده بالقتل وخايفة على اهلك!
نرمين ببرأه. مش فاهمه ايه دخل دا في ده في دولم في دوكها ؟
عاصم بضحك. اه صحيح يا عمتو ايه اللي دخل دا في ده في دولم في دوكها؟
نرمين. بضبط
العمه. يعني انتي مش شايفاها غريبه يعني
عاصم. انا اللي طلبت اننا نعمل فرح عشان نروق على نفسنا شويه كفايه نكد ومشاكل وكمان عشان ابسطها
العمه. اممممم طيب اللي تشوفوه تيجي تتمشى معايا على اما تيجي زينب ووفاء؟
نرمين. اكيد اتفضلي

العمه. خليك انت يا عاصم
عاصم. تمام خدو راحتكو
العمه. بعد شويه. بصي بقي يا نرمين انا في كلمتين عاوزه اقولهملك واسمعيني كويس مفهوم
نرمين. في إيه؟

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قوة الحب)