رواية قوة الحب الفصل السادس 6 بقلم تقى حسام

رواية قوة الحب الفصل السادس 6 بقلم تقى حسام

رواية قوة الحب البارت السادس

رواية قوة الحب الجزء السادس

رواية قوة الحب الحلقة السادسة

عاصم. احم اتجوزهااا
الأب بعد تفكير . وهو دا الحل بالعكس دول هيحطوك في دماغهم اكتر
عاصم. لا متقلقش طلاما هتبقى في البيت وفي أمان محدش يعرف يقربلها منا اختي قاعده معانا ووالدتي زي ما حضرتك عارف دا غير بنات عمي ميقدروش يقربلهم وملهمش مصلحه فإنهم يخطفو الانسه جرمين الخوف على نرمين بس ولو قلقانين انا ممكن اخدها ونسافر برا
الأم بإستغراب. هي فكره كويسه بس انت ايه رايك
الأب. طيب احنا هنبقي نقول لنرمين ونتشاور
يوسف. بس نرمين مش هتوافق وانتو عارفين كده
عاصم. وليه بقى؟
الأم. اسكت انت دلوقتي احنا هنبقي نكلمها ونقولك

عاصم. على كلا انا جاهز في اي وقت وطبعاا لو وافقتو هنكتب الكتاب بسررعه
الأب. إن شاء الله بس هي تصحى بس
عاصم. طيب عن اذنكو
ركب عاصم العربيه وهو بذهول في سره هي فعلا ممكن متوافقش عليا؟ معقوله حاجة زي دي ولا اخوها بيقول كده وخلاص
في الطريق. ياسين انتي منمتيش من إمبارح
جرمين. اكيد مش قادرة انام خايفه اووي ومش عارفه انا هاروح الكليه بتاعتي ازاي
ياسين. حاولي بقى متروحيش ولو مضطره ابقى كلميني وانا هبعتلك حرس بزياده
جرمين. انا تعبتك معايا معلش.
ياسين. احنا اللي تعبنكو
جرمين. خايفه اوي على اختي نرمين تبان انها قويه ومبيهمهاش حد بس في الحقيقه هي أرق من كده وأقل حاجة بتأثر عليها
ياسين. وعاصم مستحييل يسبها
في الفيلا. الجد ها يا ابني فتحتهم في الموضوع
عاصم. اه ولسه هيتشاورو
وفاء. ربنا يقدم اللي فيه الخير
زينب. البنت دي صعبانه عليا اوي وبذات لو اتجوزت بطريقه دي
عاصم. ليه هو انا مشبهش؟
زينب. مقصدش بس برضو دي واحده متجوزتش قبل كده ولسه صغيره وفي فرق في السن بينكم واكيد كانت رسمه قصه حب في دماغها او على الاقل هتبقى سعيدة انها عروسه لاكن دي هيتكتب كتابها وهتعيش مع راجل متعرفوش عشان مهدده
وفاء. ايوه بس عاصم انسان ناجح ومحترم ومش بتاع بنات واي واحده تتمناه دا لغايه دلوقتي فريده هتجنن وترجعله خصوصا بعد ما كبر اكتر في شغله يعني حظها مش وحش ولا حاجه
زينب. كل واحد أولاوياته في الحياة بتختلف مش شرط كل البنات زي فريده
عاصم. بس هي توافق الأول وبعدين نبقى نشوف المواضيع دي

الجد. وانا بقول كده برضو
نرمين ببكاء. مش عايزه مش موافقه
الأب.يابنتي هو دا الحل الوحيد انتي مش خايفه على روحك
الأم. وهو ماله عاصم بقى دي اي واحده تتمناه انتي هتبقي مرات راجل أعمال بطلي هبل بقى وبصي لقدام بصي على مستقبلك هتفضلي كده كتير
نرمين. وانا مش عاوزه اتجوز لاعاصم ولاغيرو خليه يبلغهم اني انا مش خطبتو ولازفت
يوسف. دا كلام فارغ ومحدش هيصدق
جرمين. سلام عليكم في ايه صوتكو عالي
الأم. تعالي شوفي اختك الكبيره اللي عاجبها الفقر والخوف اللي احنا فيه عاصم عرض انه يتجوزها والهانم رافضه
الأب. اهدي شويه يا عايده واطلعي برا انتي ويوسف وانتي يا جرمين اقعدي مع اختك انتو بنات زي بعض عقليها ولازم تعرفي يا نرمين اننا كلنا حياتنا في خطر ودا بسبب تهورك متنسيش
جرمين. حاضر يا بابا
نرمين ببكاء محدش حاسس بيا ولا حد راضي يصدقني
جرمين. احنا كلنا حاسين بيكي ومصداقينك عارفه ان اللي مريتي بيه مش سهل علي اي بنت بس في نفس الوقت انتي ربنا نجدك وطلعتي منها على خير دلوقتي بقي لو لقدر الله خطفوكي متوقعه ان برضو هتطلعي منها؟
نرمين. طب اعمل اي
جرمين. بصي على الجانب الايجابي في الموضوع شوفي هتبقى مرات مين وعندك ايه بالإضافة انه راجل محترم مش عيل تافه مافيش وراه غير البنات
نرمين. وانتي بقى متوقعه إن واحد زي عاصم ده هيرضي يكمل معايا دا كان مصدوم اما عرف اني بروح الشغل بالمواصلات السواق بتاعه نفسه لما وصلني البيت كان مستغرب الحي بتاعنا رغم انها مش حاره ولا عشوائيات حي سكني عادي كان شايفني مش لاقيه اكل

عاصم دا كان متجوز بنت عمه عارضه الأزياء شوفتي صورتها! جمال وفخامه وفلوس عايزه تفهميني انه عاوز يجوزني على طول وهيستبدل بنت عمه بيا؟ دا هيتسلي شويه وبعدين يتلكك ويطلقني
جرمين. ليه التشاؤم دا بس مش كل الناس سطحيه بالمنظر ده
نرمين. على الاقل الوسط ده كده وفي جميع الأحوال انا مقدرش اني اكون زوجه لحد ولا افرض على شخص انه يجوزني
بعد فترة
خرجت نرمين على الصالون بابا
الأب. نعم
انا موافقه اجوز عاصم بس بشرط تفرضه عليه
الأب بحيره. شرط ايه
نرمين. الجواز على الوارق وأنا ليا اوضه مستقله ولما يتم القبض عليهم يتم الانفصال
الأب. ايه الهبل دا وانا اقول لراجل الكلام ده ازاي
الأم. نرمين مينفعش واحنا اللي محتاجينه مش هو اللي محتاج لينا
نرمين. وانا اللي أنقذت حياته يعني فضلي عليه ودا اقل حاجة يقدمهالي وبصراحة بقى دا اللي اقدر عليه وكفايه اني هجوز بطريقه دي
وانا اقوله الكلام ده ازاي!؟
خلاص اقوله انا يابابا
الأب. يا دي النيله السوده
في المساء
فريده. ازيك يا عاصم عامل ايه دلوقتي
عاصم. الحمد لله احسن بكتير

فريده كنت متوقعه انك هتتصل بيا بعد اللي حصل تصالحني
عاصم. ولله انا مغلطش اساسا
فريده. انت شايف كده!؟
عاصم. عمرك ما هتتغيري يافريده ومافيش مره اتقابلنا إلا وشدينا مع بعض
موبايل عاصم رن
عاصم. الو ايوه يا محمد بيه
محمد الأب. ايوه يا ابني لما تفضي بكره ابقي تعالي
عاصم بإبتسامه داخليه. تمام بكره ان شاء الله العصر هكون عند حضرتك
في اليوم التالي
ارتدي عاصم بنطلون جينز اسود وقميص رصاصي داخل البنطلون وحزام جلد اسود
ياسين. صاحبي العريس هتخرج من حياه العزوبيه خلاص
عاصم وهو بيلبس. ياعم بس متقرش ابوها لما كلمني كنت حاسس ان صوته غريب شويه
ياسين. ماهو برضو بنته وخايف عليها ومهما كان هما ميعرفوناش
عاصم. منا بقول كده برضو هنشوف المهم شكلي حلو
ياسين. جامد
في البيت. ها يا نرمين جهزتي
نرمين. اه يا ماما لبست الجيبه البيضه والبلازر اللموني والطرحه المخططه
الأم. تمام حلو اوي اطلعي بقى عشان هتبقى تقابليه
الأب. جه ياجماعه اهلا وسهلا اتفضل
عاصم. اهلا بحضرتك
الأب. احم بص يا ابني احنا اتشاورنا مع بعض ووافقنا
عاصم بفرح حاول يداريه. تمام وانا جاهز في اي وقت
الأب. ايوه بس فيه حاجات لازم نتكلم فيها

عاصم. تحت امرك اتفضل
الأب. بنتي لسه صغيره ومش راضيه على اللي هي فيه وانت كمان اكيد ليك حياتك الخاصه عشان كده الجواز هيبقى مؤقت لغايه ما يتقبض على الناس دول وكل واحد يروح لحاله
عاصم. بصدمه. نعم؟

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قوة الحب)