رواية صدفة غيرت حياتي الفصل التاسع 9 بقلم نشوه عادل

رواية صدفة غيرت حياتي الفصل التاسع 9 بقلم نشوه عادل

رواية صدفة غيرت حياتي البارت التاسع

رواية صدفة غيرت حياتي الجزء التاسع

رواية صدفة غيرت حياتي الحلقة التاسعة

وصل كريم تحت بيت ادهم ورن عليه نزله وبعدين ساق عربيته وراح ع مكان شكله بيتبنى جديد ومفيش سكان كتير وقف كريم ادام واحدة من العمارات ونزل وبص لادهم من الشباك وقاله
كريم: ايه مستنى افتحلك الباب عشان تنزل ولا ايه ما تنزل ي ابنى!
ادهم: هو انت جايبنى هنا ليه يسطا انت ناوى تقتلنى وتتاوينى هنا ولا ايه🥺
كريم: والله يا ابنى كان نفسى بس حرام ادخل النار فى واحد زيك انت😂 ومتسألش كتير انزل وهتعرف
نزل ادهم وطلع ورا كريم وكان السلم من اوله لاخره عليه حرس وحرفيا ادهم مكنش فاهم اى حاجة وصلوا ادام شقة وطلع كريم المفتاح
كريم: جهز نفسك عشان تقابل الحب ي كبير عد الجمايل
برق ادهم وفتح بوقه زى الاهبل وهنا قفله كريم بوقه وهو بيضحك فتح الباب ودخل وكان فيه بنت قاعدة بتتفرج ع كارتون سيمبا وبتعيط لان سكار قتل موفاسا
كريم: احم احم كنزى هانم
كنزى بفرحة: كيمو كووووووونو … وقامت اخدته بالحضن وكملت: وحشتنى اوى وبابا وماما وحشونى هو انا امتى هرجع بقى يا كريم

كريم: قريب اوى ان شاء الله يا حبيبتى المهم معايا ليكى مفاجأة هتعجبك اوى
كنزى: مفاجأة ايه هى!
كريم: غمضى عيونك وعدى لخمسة بصوت عالى
كنزى: حاضر … غمضت عيونها وبدأت العد وبعدين فتحت عيونها وشافت ادهم ادامها ولما شافته عيونها دمعت وتلقائى رميت نفسها فى حضنه وتعالت صوت شهاقتها
ادهم: مش مصدق نفسى اخيرا شوفتك بعد غياب سنتين و7 شهور واربع ايام و 6 ساعات و 19 دقيقة وثانيتين
كنزى بعدت عنه: يااااه انت بتحسبلى غيابى بالثانية 🥺
ادهم: طول عمرى بحسب لقانا وفراقنا عيد ميلادك وعيد جواز ابوكى وامك وكل حاجة بتفرحك بحسبهالك بالثانية
كنزى: ادهم انا اسفة ارجوك تسا………..
ادهم بعد ما حط صوابعه ع شفايفها: اللى بيحب بيسامح وانا بعشقك مش بحبك
وقرب منها عشان يحضنها تانى لكن وقف كريم: اييييييييه انت استحلتها ولا ايه احترم وجودى يا اخى
ادهم: وحشتنى انت ايه حس بيا يحس بيك ربنا😂
كريم: لا يا بابا احنا معندناش الكلام ده اما تبقى تتجوزها ابقى احضنها انما دلوقتى مفيش مسك ايدين حتى مفهوم ويالا بينا عشان نمشى
ادهم: نمشى! نمشى ايه احنا لحقنا نقعد ولا حتى اتكلم معاها
كريم: لا بقولك ايه احنا اتفقنا انى هخليك تشوفها وعشان خاطرى خلينا نمشى وجودنا هنا خطر عليها ولا انت مش خايف عليها
ادهم: لا طبعا خايف عليها جدا
كريم: يبقى خلينا نمشى وحسك عينك تيجى هنا تانى لوحدك انا بقولك اهو
ادهم بص لكنزى وطبطب ع خدها برفق ومسك ايدها باسها ومشى مع كريم ………. فى صباح اليوم التالى صحيت ميرال ولبست دريس اسود وطرحة بيضا ونزلت لقت يونس وهالة وكريم قاعدين بيشربوا القهوة
ميرال: صباح الخير يا جماعة

اول ما شافها كريم انبهر بجمالها الجذاب وقال يونس: ايه الجمال اللى ع الصبح ده حبيبى متشيك ورايح فين بدرى كده؟
كنزى(ميرال): رايحة مشوار مهم وجاية
هالة: ايوة ده سر يعنى؟
كنزى: حاجة زى كده لما ارجع هتعرفى يا قمر
كريم: طيب استنى هاجى معاكى؟
كنزى: لا خليك كمل قهوتك انا اصلا رايحة مكان قريب مش هتأخر
يونس: طيب خلى بالك من نفسك
هزت كنزى ليهم راسها ومشيت ويدوب عدت من البوابة وسمع الكل صوتها بتصرخ: كريييييييييم
وفجأة سمعوا صوت ضرب نار من الجاردات اللى كانت واقفة برة خرج كريم ويونس وهالة يجروا ع برة ولقوا ع بعد عربية سودة بتجرى
فخر: الحق يا كريم بيه الهانم اتخطفت
كريم وقلبه بيتسارع دقاته: مستحيل اسمح يجرى ليها حاجة ده انا اموت فيها دى روحى لا
ركب عربيته واتصل بالشرطة عشان تعمل كماين وهالة عمالة تصرخ وتقول: ميرااااااال الحقوها
صدمة من فخر اللى استغرب ازاى هالة عرفت اسم ميرال الحقيقى
يونس بصدمة: ميرال مين ميرال دى يا هالة دى كنزى
هالة بعياط: لا دى مش كنزى بنتنا دى ميرال
يونس اخدها ع الفيلا جوة وقعد قصادها وقالها: ممكن تفهمينى فى ايه؟
هالة: يونس انا عارفة انك عارف ان دى مش بنتنا كنزى وانك انت وكريم اتفقتوا تجبوها ع انها كنزى عشان تتوهوا العصابة عن بنتى من اول يوم جات فيه ع البيت وانا حاسة انها مش بنتى وشكوكى زادت لما ملقتش الوحمة فى دراعها اليمين ولا الحرق اللى فى كفة رجلها ولا الحسنة اللى فى شفايفها واتأكدت من شكوكى بعد ما شوفت بطاقة ميرال والصور اللى محتفظة بيها لاهلها مخبياهم ف درج المكتب
يونس: طب طب ليه مقولتليش انك عرفتى؟
هالة: عشان مكنتش عايزة اوترك وعشان حبيتها اوى وحبيت وجودها وكأنها بنتى بجد 🥺 عشان خاطري يا يونس رجعلى ميرال وكنزى🥺

يونس: هترجع ان شاء الله كريم هيرجعها انا واثق فيه
عند كريم اللى كان بيسابق الزمن ومراقب العربية وهو بيدمع وبيدعى ربنا انهم ميأذوهاش كان كمين وقف ع الطريق بخرسانة وقدر يوقف العربية ونزل منها الجميع وكان من ضمنهم سعد الديب اللى نزل وهو حاطط مسدس ع راس ميرال
سعد: اللى هيقرب منى هموتها
ظابط الكمين: اللى بتعمله ده عقوبته كبيرة جدا صدقنى الاحسن انك تسلم نفسك بالذوق
سعد: هه مش سعد الديب اللى يقع بالبساطة دى اخلى الكمين ده حالا وعدينى بدل ما افرتك دماغها
لكن قبل ما يكمل صوت ضرب نار وكان من مسدس كريم اللى صوبه ناحية سعد وقتله طلعت ميرال تجرى ع كريم وحضنته وهو حضنها
كريم: انتى كويسة عملوا فيكى حاجة
ميرال: لا بس بس انا كنت خايفة اوى كان هيقتلنى
كريم: مستحيل اسمح بأى حاجة تإذيكى يا حبيبى
ميرال: يا ايه انا قولت يا ايه🥺😳
كريم: قولت يا حبيبى ويا قلبى ويا دنيتى ونصى التانى ميرال انا بحبك وعايزك تبقى مراتى ع سنة الله ورسوله
وقبل ما ترد ميرال جه العميد ووقف ادام كريم: الف مبروك ي حضرت الظابط خطتك نجحت وقدرت تقضى ع سعد ونقبض ع عصابته من اول ما ميرال ظهرت ع انها كنزى الحقيقية وهى لغبطت عليهم خططهم
ميرال باستغراب: ظابط! وخطة! انا مش فاهمة اى حاجة؟
كريم: اهدى وانا افهمك كل حاجة
تدخل العميد وشرحلها كل حاجة وعرفت ميرال ان كنزى عايشة وان كريم كان بيخدعها هو وعمه يونس لانهم كانوا عارفين ان كنزى عايشة وان ميرال كانت كبش فدى وكانت ممكن تموت
كريم: ميرال انا ……………
ميرال مقاطعة: اخرس اسكت خالص مش عايزة ااسمع صوتك ايه لسه هتكدب عليا تانى لسه عايز تخدعنى تانى برافو عليك يا حضرت الظابط خطتك نجحت وعرفت تكون ممثل شاطر
مشيت ميرال من ادام كريم اللى كان واقف مصدوم ومش عارف يعمل ايه وهنا قرب منه العميد وقاله: مبروك عليك التريقة الجديدة يا سيادة المقدم
كريم بص ليه وقاله: مش عايزاها يا فندم
العميد باستغراب: يعنى ايه؟
كريم: هتفهم حضرتك بعدين بس ارجوك سيبنى امشى دلوقتى
هز العميد راسه بالموافقة وسابه يمشى ركب كريم عربيته وطلع يجرى ع الفيلا لانه متأكد ان ميرال هتروح ع هناك
فى فيلا العوامرى وصلت ميرال ع البيت واتفاجئت ان كنزى الحقيقية رجعت ع الفيلا لابوها وامها دخلت ميرال وهى حاطة وشها بالارض وجريت عليها هالة حضنتها
هالة: الف حمدالله على سلامتك يا بنتى
ميرال بدموع: انا اسفة يا مام.. اقصد يا مدام هالة انا والله العظيم كنت شايلة هم اليوم اللى تعرفى فيه انى مش بنتك الحقيقية وكنت بتمنى من قلبى انك تسامحينى
هالة: انا عارفة من اول يوم انك مش بنتى بس حبيتك كأنك حتة منى وكده كده انا من النهاردة هيكون عندى بنتين مش واحدة

ميرال: ده شعور جميل منك وانتى بجد ست طيبة اوى وقلبك كبير بس سامحينى انا مش هقدر اعيش هنا
قربت منها كنزى ووقفت قصادها وقالت: انا حاسة انى شايفة نفسى بالمراية بسمع دايما ان ربنا بيخلق من الشبه اربعين بس عمرى ما اتخيلت ان الشبه بينا يبقى كده بصى انا يمكن معرفكيش بس من كلام بابا وماما وكريم عنك انا حقيقى حبيتك من قبل ما اشوفك وفرحت بقرارهم لما قالوا انك هتفضلى معانا طول عمرى وحيدة لا ليا اخوات ولا اصحاب بس حسيت ان ربنا بعتك فى الوقت ده عشان يعوضنى بيكى ده اول طلب واخر طلب هطلبه منك بس ارجوكى خليكى معانا🥺
ميرال ابتسمت بكسرة: انا ليا الشرف واكيد هنتقابل وهنبقى اصحاب بس انا مستحيل هقعد هنا ارجوكى دى رغبتى الشخصية بعد اذنكم بس هجيب حاجتى من فوق
طلعت ميرال ولمت شنطتها وحاجتها ونزلت سلمت ع الكل وقبل ما تمشى وقفها صوت هالة اللى بتعيط وبتقولها: ورحمة هيام ومحمد ما تمشى
اتسمرت ميرال مكانها واتصدمت لما سمعت كلام هالة و…………….
بووووووم البارت خلص بس ايه ده كنزى طلعت عايشة يعنى كيمو امبارح ظبوطة وكوكى عايشة الاثنين صدمة كبيرة وهنا ينتابكم سؤال بعد هذا الموقف وهو: لماذا نحن هنا 😂 بس اظن كده كل الشكوك راحت يبقى حاجة واحدة بتتقالى كتير هى كنزى وميرال هيطلعوا توأم🤔 الاجابة البارت الجاى يا حلوين
*****ولسه الجاى دمار بحروف وكلمات من نار 🔥*****

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية صدفة غيرت حياتي)