رواية زوجتي الصغيرة الفصل الثامن 8 بقلم هنودة النايلي
رواية زوجتي الصغيرة الفصل الثامن 8 بقلم هنودة النايلي
رواية زوجتي الصغيرة البارت الثامن
رواية زوجتي الصغيرة الجزء الثامن
رواية زوجتي الصغيرة الحلقة الثامنة
في المربوعة …
خال مصعب :سامحنا ع داره مصعب والله ناوين نرجعو بنتك
اب غزل:والله لدارة مش شوية شك ف بنتي وضربها
خ مصعب: عارفينه لدارة مش شوية ولتبي منه هو حاضر
أب مصعب:والله بنتك مافي زيها وبنت اصل الله غالب سوء فهم
اب غزل:شك او شخص يتهم ف شرف حد هدا ماأسماش سوء فهم
المهم وصلوووو لحل بعد عناء طويل وقعدت فترة مش رجعت
في سيارة صغار فرحانين ببوهم وهو أكتر منهم
مصعب:تعرفي كلامك قبل تنزلي من سيارة وجعني
غزل:صراحة ف وقتها تستاهل أكتر حت من هكي😂
نرجعو بالوقت ونشوفوو غزل شن قالتله ……
غزل: حسبي الله ونعم الوكيل فيك😢 حسبي الله ونعم الوكيل😭 والله مامسامحتك على كل دمعة نزلت مني وعلى كل ضربة ضربتهولي وفي ربي ياخدلي حقي منك
غزل:قصدك هدا لوجعك ماوجعكش وقت تضرب فيا وع فكرة اني يوم يلي نرجعلك فيه نرجع على خاطر صغاري
مصعب:سكت وصلنا للحوش
غزل:تفاجأة وقت لقيت مزين الحوش واخد طورطة
مصعب:كل سنة وانتي طيبة ان شاءالله سنة جاية مع بعض يارب
غزل:يارب
مصعب:ربي يحفظك ليا ي روحي
غزل:ياربي ويحفظك ليا
وكلينا طورطة وفرحنا وكان جونا يهبلللل
تاني يوم صبح نزلت ودرنا شوا وكان مصعب فرحان ودورا دورا هو يشوفلي ويضحك ويحظن ف صغار
مريم:دار العار مش رجعك
غزل:قعدت نشوفله ومبتسمة
مريم:كل شوية وهو نازل يعيط ويقولي رجعوهالي ولا ياكل ولايشرب تلاتة شهور مرو عليا اني وخواته مامرتش ع الكلاب
غزل:الله غالب مش مني واني ماغلطش
مريم:حت انتي شاركتي معش تبي ترجعي
غزل:ناضت معش تبي تفتح الماضي وسكتتت
ومرووو علينا كانو حلوات وصغار صح كانو صغار لكن كانو فرحانين كأنة عارفين 💔
وبدي يخدم وغر شني تبي بس وقعدنا ع الحب والود
بعد مرور سنة …..
غزل:تعرفي مش عارفة شن نطيب الغدي
وصال:اني درت كسكسي
غزل:اني امس درته
وصال:اه معش نزلتي لوطة
غزل:لالا ليا يومين مانزلتش
وصال:امس نزلت
غزل:اه به
وصال:تعرفي امس عمتي شكلها تسمع ف عياطك انتي ومصعب قالت شكلهم متعاركين
غزل:لالا مش متعاركين ولكن انتي سمعتك قلتيها😂🤣
وصال:اهه😨لالا
رواد(ولد وصال) :ماما شوفي لقينا بطشا
وصال:بطشة شني هاتها
غزل:شن هدا
وصال:شكلهم حبوب
غزل:حي زعما بتع مني
وصال:مش عارف زعما بتع لوأي (سلفي صغير)
غزل:مش عارفة
وصال:تو نكلم حمزة
غزل:وين لقيتها
رواد:ف جنان وحت ياسين عنده
غزل:حي ياسينننن
ياسين:نعم ماما
غزل:تعالا
ياسين:نعم
غزل:وين البطشا
ياسين:طلعه من جيبة هيا
غزل:غبارة اخدتها هي برو معشو تاخدو الحاجات هدي حطيتها ف فمك
ياسين:لالا
غزل:قول الحق
ياسين :وحق ربي
رواد:اي حقه عمتو غزل لعبنا بيها بس
غزل:تشوفو زي هدي معش تاخدوها
رواد&وياسين:حاضر
وصال:هي برو العبو
غزل:شن صار
وصال:بعتها لحمزة قال نوع من المخدرات
غزل:حي زعما مني
وصال:مانعرفش حت حمزة قال مش لوأي
غزل:زعما مش مصعب
وصال:مانعرفش
غزل:خشيت للحوش
وصال:حمزة
حمزة:نعم
وصال:عرفت بتع مني
حمزة:لا
وصال:تي اني عرفت بتع مني
حمزة:مني😟
وصال:مصعب
حمزة:ومن قالك 😏
وصال:غزل قالت حبة مصعب
حمزة:تو نكلمة
مصعب:ايوا
حمزة:لقينا الحبة بتعك ي راجل معش تخلي لقوها عند صغار
مصعب:حبة شنو شن تخرف
حمزة:حبة###
مصعب:شن تقول انت مستحيللل اني صح ناخد ف حشيش بس مانصلتش لدرجة هدي وناخد حبوب وصكر ع وجهة
وجييي مصعب خاش متكنطي
غزل:شن في
مصعب:تبي قهوة
غزل:بندير قهوة مالقيتش سكر خلي ننزل ناخد من لوطة سكر
وصال:غزل قالت حبة مصعب
لمياء(اخت مصعب اكبر اخت ف البنات) مصح وجهة تشك ف خوي
غزل :نزلت خديت سكر من المطبخ نسمع ف حمزة ينادي ف مصعب
مصعب:تي معقولا هكي وبدي 🤬
وحمزة:🤬🤬المهم
لمياء:شن تتعارك مع خوك وانت وهيا مرتك لقاتله
مصعب:جي ضرب غزل كففف 🤬
غزل😵💫😵💫حول يدك وقعدت نبكي واني راكبة
مصعب:طالق طالق
غزل:زدت ف البكي وركبت لوصال
وصال:ضربك
غزل:اي علاش قلتي اني ماقتلكش هكي
وصال:اني قتلها قالت غزل بالك بتع مصعب
غزل:علاش قلتي قصدي اني قتلك انتي وعلاش وخشيت لحوشي وقعدت نلمد ف حوايجي ونزلت ومشيت لحوشنا زي كل نهاية سنة طبعاً عيلتي بدو متوقعين كل نهاية سنة نجيهم
خوتي وقفو عليا وقالولي خيرك وحكيتلهم من البداية لنهاية
في العشية بوي هيا نمشو نغيرو جو وطلعنا غيرنا جونا لكن والله الوجع ف القلب ونظاهر اني فرحانة وغيرت جوي
المهم واهني مصعب بدي يبي يتواصل معاي كلمني برقم غريب ع رقم امي نرد اني يسمع صوت ويسكت وقت امي ترد يصكر اني حسيت مصعب
وكان كل يوم هكي
غزل:حي وين ياسين زعما شن يدير بديت ندور فيه
ياسين:يبكي
غزل:خيرك ي ماما
ياسين:ياماما احني علاش مش زيهم كلهم مع بعض إلا احني بابا ديما يحط فينا ف حوش أميمة(حوش جداي )
غزل:تأثرت بكلام ياسين قعدت تبكي وحظناتة
طبعا اني من خلاص قلبي وجعني كتبت رسالة لي مصعب وكتبلا حسبي الله ونعم الوكيل فيك حتى من ياسين ركبتلا حالة نفسية خليت ولد يبكي بروحه
وقعدت نبكي ع حال ولدي
طبعا مصعب تاثر وكلمني وقالي انا حتى هوا قعد يبكي لي بوه ومعاش يبي يكلم بوه ويبكي لي حناه وقاللها نفس دوة يلي قالهولي لان فترة اولا حرمته من صغار وبعدها بدو يمشولا
طبعاً هدا بعتاتة صاحبة القصة درتلا نسخ المقطع لفوق
وخلاص بديت ندير في أجراءت الطلاق وبنطلق وكلت محامية
ومصعب وقت لقاني مسكرة راسي امشي للمحكمة وقالولا على اجرايات بتاع طلاق ورقة رسمية قالولا صورهم وغدوة جيبهم امشي صور الورق وتاني يوم امشي للمحكمة ولما وصل ماقدرش يخش للمحكمة قعد يبكي في سيارته وروح وقال والله مامطلقها وماقدرتي تهوني عليا
لما مابيتش نرجعلا امشي زين سيارته زي بتاع العرسان وقعد يخطم قدام حوشنا يبيني نشبحه باش نخاف نغير ونقول انا تزوج تاني مسكين صرف فلوسه على تزين على فاضي ماشفتاش بكل😂😂😂
وروح بي سيارة في حوش يحسابوه العيلة تزوج تحت حس مس🤣🤣
ركبت عمتي دور ف العروسة مالقتهاش 😂
بدي
ومشوو اليمات وهو يتبع فيا كل مانمشي لمكان وفي يوم مرضت بديت نمشي للمستشفى ونضرب ف إيباري مع ساعة 9 فليل
غزل:ياسو كلم بابا قوله ماما مريضة وبتمشي تضرب يبرا توا
ياسين:به ،،،ايوا بابا
مصعب:ايوا حبيبي
ياسين :ماما مريضة بتضرب يبرا بتمشي توا
مصعب:خيرها
ياسين:رقبتها لوزتين
مصعب:به هي مع سلامة حبيبي
في المستشفي ….
واقفة نراجي ف دوري سمعت صوت تلفتت
مصعب:كيف حالك
غزل:كويسة
وبعدها قعمزت قعمز ف جنبي وحسيت شعور غريب
مصعب:به غزل لامتي هكي وقعد يبكي نزل نظارتة
غزل:شفته كيف دمعتة طاحت قلبي تقطع
مصعب:استاحشتك❤️
غزل:حلوة نظارتك،توترت طبعاً😂😂
مصعب:نحاها ماتغلاش عليك
غزل:وخديتها بعدها نشوف ف بابا جاي ،،،قعدت نضرب فيه ع رجلة حييي بابا نوض
مصعب:ناض يجري من الدروج تاني وجي طايح😂😂
😂
وطبعاً بديت نكلم فيه وكل مانمشي نشوف فيه وهكي بدينا
وبعدها بدي يغير ف الحوش وغير صقف المعلق ودار هلبااا حاجات جديدة فيه
بأختصار رجعو وحياتهم تهبلللل تبارك الله ليهم توا قداش من سنة معش يضرب فيها ويحترم فيها وطبعاً كان سحر وحسبي الله ونعم الوكيل ف جبس العلق بتعة وكان امورهم حلوة وربي رزقها بزوز ولاد تبارك رحمان واحد اخلا من تاني ف ولدها الاخير مرضت نحسابوها غير بتموت وجاها ضعط وصار فينا حالة وقتلكم اني توا بديت واعرة😂ناخد ف حقي وهو يساير فيا 😂😂😂
نحب نتكلم توا بلساني اني ،،،،،،
لشخصية لمثلة بغزل
هيا قريبتي هلبااا بجديات الانسانة طيبة وهلبااا عانت وتحملت صح عيلت راجلها يدرولها ف مواقف بس عادي متحملا وقاعدة ع خاطر صغارها تحملت ونالت ويحبها لدرجة كان مستعد يدير أي شي ع خاطرها ف نحب نقولك ربي يهنيك ويبعد عليك صحاب سووو وشر يارب
الكاتبة هنودة النايلي 🌟
تمت…
- لقراءة الرواية كاملة اضغط على : (رواية زوجتي الصغيرة)