رواية وكان هو قضيتي الفصل الرابع 4 بقلم مريم سمير

رواية وكان هو قضيتي الفصل الرابع 4 بقلم مريم سمير

رواية وكان هو قضيتي البارت الرابع

رواية وكان هو قضيتي الجزء الرابع

رواية وكان هو قضيتي الحلقة الرابعة

*وانتي عرفتي منين أنها اكبر مني ؟
=ها !
الباب خبط وانا فتحت بسرعه لقيته احمد ف برقت
_اي يبنتي عملتي أي ؟ كله تمام ؟ الخطه ماشيه حلو؟
=محمد ، دا احمد ابن خالتي
*اهلا ، خطه أي ؟
=احمم ، انت عامل أي صحيح؟ اقصد أي دا يهانم راجل غريب في اوضتك ، قلبي قلبي اهههه مش مصدق يرتني مت قبل مشوف المنظر البشع دا ، شرفي يهانم لطختيه بالتراب ، أنا لازم اقتلك واشرب من دمك
_احمد مالك ؟ مش خير !
همس في ودني =اوفر ؟
_جدا ! واي الأسلوب والأداء الغير مقنع بالمره دا !
=دا انا كنت عاوز ادخل فنون مسرحيه

_دا الحمد لله أنه محصلش ، أي القرف الي سمعته دا يبني؟ وبعدين مفيش ميا ! متشرب ميا لي تشرب من دمي؟ حد قالك أن دمي بيبسي؟
*اسف اني بقطع الوشوشه الي بتحصل بس انتي مجوبتنيش علي سؤالي
_سؤال أي ؟
*عرفتي منين أنها اكبر مني؟ وخطه أي ؟
_انت بتدقق علي حاجات ملهاش اي لازمه علي فكره
*يشيخه! ، انتي مين ؟
طلع من جيبه مسدس ووجهه علي راسي
*زي الشاطر اقفل الباب وارجعلي تاني
شدني ليه ولسه موجهه المسدس نحيه راسي ، وأحمد قفل الباب ووقف قدامنا
_محمد انت كده بتخلي موقفك في القضيه وحش ، احنا ممكن نساعدك
*قولتيلي بقي ، انتوا حكومه مش كده ؟
_ايدا ما شاء الله نبيه بروح خالتك ، لا برافو
*هه ، الصراحه محدش طلع نبيه غيركم ، طب بصوا بقي انتي هتيجي معايا ، أنا كده كده مسافر برا مصر ، وانتي يحضرت الظابط مفتاح خروجي ، يرضيكي اتسجن
_يرضيني اه
*انتي هتسكتي ولا لا ! ، يلا قدامي
_مش راحه في حته ، سلم نفسك يمحمد انت قاتل يعني هتتجاب هتتجاب
*ممكن زي مقتلت مره اقتل التانيه لو منفذتيش كلامي
_قتلتها لي ؟ ذنبها أي تقتلها
*‏ذنبها انها وليه كركوبه يعني كده كده كانت هتموت ومحدش هيورثها قولت اورثها أنا ، أنا طول عمري تحت مش من حقي أعلي بقي
_تعلي ب الدم؟ بقتل نفس ملهاش اي ذنب؟ احيه يابا والله
*‏خلصتي؟ قدامي بقي
_قولتلك مش جايه

*‏وانا قولت اني ممكن اقتل للمره التانيه عادي ، وكده كده خربانه
_اي ينجم انت! مش بتتكلم لي؟ هو انت مشارك معانا كمستمع ولا اي ؟ مالك يا احمد انت عاوزني اموت ولا اي نظامك معلش!
=يريت
_نعم؟
=قصدي ، نزل مسدسك خلاص انت انكشفت
_انت لسه فاكر ؟ احمد اسكت يريتك متكلمت
=مش انتي الي قولتي اكلم انتي مش عاجبك أي حاجه!
_حيوان والله ، الي دخلك شركه ظلمك الله وكيل
=أنا رأيي تلمي لسانك عشان لسالك خمس دقايق بالكتير وتقابلي رب كريم
_بقولك أي يا محمد اقتله عشان صدعني
زعق *‏اخرسوا انتوا الاتنين
_متهدي يروش مش بحب حد يزعقلي
*قدامي يلا
_طب متخليك انت قدامي عشان مش عارفه الطريق
*‏اه انتي بتهزري بقي
_هو احنا في عزا ؟ وبعدين بقولك أي اقتلني مقرفنيش
*‏ ..
بصيت ب ابتسامه -بقولك اقتلني أي مبتسمعش؟
*‏هتندمي علي فكره ، ف اسكتي وامشي قدامي من سكات
فجأه احمد طلع مسدس من جيبه
_احيه ! انت معاك مسدس من ساعتها؟
=ايوه مستنيه يقتلك عشان أطلعه
_انت بتقول أي ؟ انت معاك مسدس من ساعتها!
=انتي غايبه ولا اي ؟ بقولك ايوه
_متقتله يلا
=طب ميسلم نفسه !
_طب متقتله اسهل عشان والله فرهد
شدني ليه *اسكتوا انتوا الاتنين ، ونزل مسدسك دا عشان مقتلهاش والله
_طب حلفه بحاجه غاليه عنده طيب!

=نزل سلاحك المكان كله محاصر
_بتهزر ! القوات تحت ؟
=لا بس كان نفسي اقول الكلمه دي من زمان
_بقولك أي يا احمد اقتلني انت عشان تعبت والله
=اسكتي عشان اشوف شغلي
_هو دا شغل مش تهريج! طب تمم
بصيت لمحمد فلقيته موجه المسدس ل احمد وأحمد موجه عليه المسدس شديت المسدس منه بس طلقه خرجت جت في كتف احمد
_احيه انتي بتعملي اي ؟
=ايدا هتموت؟ سلملي علي جدي بالله عليك
_انتي بتهزري يمريم دا دم
=امال هتخر ميا ساقعه ! بقولك أي يمحمد أنا رأيي تسلم نفسك عشان وربي أنا مجنونه واقتلك ومش هاخد فيك يوم، وهقتل احمد معاك واقول انت الي قتلته وتبقي جريمه كامله
_تقتلي مين يختي؟ وبعدين أي تخر ديي!!
=ششش اخرس
كلمت القوات وجت قوه من القسم خدوه ونقلوا احمد علي المستشفي
_شد حيلك يبطل
=انتي الي طالقه الرصاصه الحقي يفندم هي الي كانت ..
حطيت ايدي علي بوقه _انت داخل العمليات بلاش اخليك تدخل الاخره ، وبعدين مالك يلا متنشف دي حيالله طلقه في كتفك !
دخل العمليات واي التصويت دا ؟ هو بيصوت عشان هيتخدر؟ أنا حاسه بالذنب ثواني دا كان عاوزني اتقتل! حلال فيه الي حصل الكلب الخسيس
طلع من العمليات بعد ساعتين وهو مغمض ! اغمي عليه دا ولا اي؟
دخل الاوضه والدكتور قال لازم الراحه التامه ، طب تمم استغنا علي الشقا بالله لو أجله مجاش علي ايدي مبقاش أنا
خطبت الباب ودخلت
_انت كويس؟
=كويس الحمد لله
_يخساره
=مريم انتي بتكرهيني لي ؟
ضحكت_يعم والله بهزر متبقاش قفوش كده
=طب اقعدي
_قعدنا اما نشوف اخرتها ، علي فكره جدي كان راقد نفس رقدتك ديي
=منك لله

ضحكت_ ربنا يقومك بالسلامه ، بسيطه أن شاء الله
=تعرفي يمريم انك مصيبه
_اه هنبدأ قله ادب
=مش بهزر والله، بس مش كل المصايب وحشه ، فيه مصايب حلوة كده وغريبه مختلفه زيك ،مختلفه عن اي بنت ممكن اي حد يتعامل معاها ، البنت الي بيتقال عليها بميت راجل ديي ، من الكليه وانتي ملفته ومحدش يقدر يلفتك لو حتي مين ! الي هو أول مره اعرف يعني اي بنت تقيله، كنت بذاكر عشان انافسك في الترتيب ، كنتي دافع حلو ليا ، وفي التدريب وانا بشوفك وانتي بتنجزي كل التمارين في وقت قياسي وانا فاتح بوقي وبرمش كل فين وفين من كل التتنيح!! الي هو فيه بنت فيها القوه دي كده ؟ وفي حفله التخرج لما كنتي لابسه الفستان وكنتي احلي واحده في المكان ساعتها اثبتيلي انك ممكن تكوني ناشفه بس لما تحبي تليني بتبقي اجمل واحده ممكن الواحد يشوفها في حياته ! اول مشوفتك وقعت العصير علي البدله وكان شكلي نيله الي هو منك لله أي الحلاوه دي؟ ، وبعد متخرجنا واتعينا في مكان واحد كنت بكون عاوز اكلمك بس الهانم كانت هوايتها المفضله تخريب العربيه وتعصيبي أنا صرفت علي تصليح عربيتي اكتر من تعليمي والله، وخوفت عليكي لما كان عاوز يقتلك كل دا كان هزار ونكش فيكي عشان عارف أنه مستحيل يضربك بالنار عشان هو قاتل الست بالسم ولما انتي قولتيله اقتلني كانت أيده بتترعش وكان بيهدد وبس، أنا عاوزك يمريم ، عاوز اتجوزك عشان .. ، طب انتي فاتحه بوقك لي دلوقتي؟
_انت بتقول أي ؟
=انتي بتحلمي لو قولت كل دا تاني !
_عاوز تتجوزني عشان أي ؟
=عشان ، عشان بحبك
ابتسمت وبعدين كشرت _اسفه مش بتجوز مصابيين
=لا منا أن شاء الله هبقي كويس
_اسفه مش بتجوز ناس سليمه
=خلاص بلاش جواز من أصله
_الخميس تجيب اهلك وتيجيلنا هبقي ابعتلك العنوان فل؟ فل
خرجت من الاوضه وانا بتنطط زي الهبله ، طلع بيحبني ! وكل دا جواه؟ يعني مش انا بس الي بحبه ، أنا دايما بظهر بعكس الي جوايا ، أنا كان قلبي هيتخلع من مكانه لما الطلقه جت فيه ، قد أي أنا جبروت ومش بيبان عليا مشاعر ولا زفت !!
الخميس جه وهو جه وثواني! دا احمد بجد! حد يفوقني بقي عشان شكلي هيغمي عليا حالا ، خرجت بالصنيه الي عليها البيبسي ومامته وماما دخلوا المطبخ وباباه وبابا خرجوا البلكونه
_هي فين مريم ؟
بصوت واطي= أي يا احمد منا اهو !!
بلع ريقه -بقول فين مريم ؟ انتي مبتسمعيش ولا اي !
=جرا أي يااابا مقولت أنا مريم هو أي لكلك في الكلام !
_ايوه كده دي مريم لكن الرقه دي متكلش معاكي

=معاك حق يبني والله
_مكنتيش بتيجي القسم لي الاسبوع دا
=مكسوفه منك
_والسبب الحقيقي؟
=كنت تعبانه يبن والله مقادره ولا فيقالك اصلا
_نقرأ الفاتحه طيب ولا مش حفظاها
=ايدا هو انا وافقت؟
_مش موافقه؟ تمم هنادي عليهم ونمشي
=انت حافظ آيات أي من القرآن عشان نقرأها بعد الفاتحه؟
_يعني موافقه ؟
=..
_اتخلي عن جبروتك وقولي، معلش تعالي علي نفسك
=ايوه موافقه
_لي بقي ؟
=عشان بحبك يا احمد ها ارتحت ؟
_انا بقول نجيب مأذون حالا ولا نقرا الفاتحه الاول؟
=احمد !!
_بيحبك والله بيحبك
=اكتب عليا وقتي يلا

تمت…