رواية قمر الزين الفصل الخامس 5 بقلم ساسو محمد
رواية قمر الزين الفصل الخامس 5 بقلم ساسو محمد
رواية قمر الزين البارت الخامس
رواية قمر الزين الجزء الخامس
رواية قمر الزين الحلقة الخامسة
وصلوا عند البيت وقمر ويارا شافوا زين خارج من العماره شدت قمر يارا عشان يستخبوا
يارا : مش ده زين خطيبك يا قمر
قمر : مبقاش خطيبي
يارا : مش مهم خطيبك ولا مبقاش خطيبك المهم هو كان هنا بيعمل اي
قمر : اكيد ماما اللي بعتاه
يارا : ولي متقوليش ان هو جاي من نفسه عشانك
قمر : معتقدش
يارا : لي متعتقديش
قمر : مش مهم اهو مشي يلا نطلع
وطلعوا الشقه
قمر ويارا : مساء العسل يا ياسمينه
ياسمين : مساء السكر علي بناتي الحلوين
قمر : خالتو عايزه اسألك سؤال
ياسمين بتفهم : كان هنا وبيسأل عليكي
قمر : طب قولتيله اني هنا
ياسمين : متخافيش يا حبيبتي قولتله انك مجتيش هنا
قمر بارتياح : تمم يا خالتو انا هدخل انام عايزه حاجه
ياسمين : تسلمي يا قمرايه
قمر : تصبحوا علي خير
ياسمين ويارا : وانتي من اهل الخير
دخلت قمر الاوضه وقالت
ياسمين : سامحيني يا بنتي اني كدبت عليكي
يارا باستغراب : كدبتي عليها في اي يا ماما
ياسمين : كدبت اني قولتلها ان محدش عرف مكانها
يارا : لي انتي قولتي لحد
ياسمين : اه قولت لخالتك وزين
يارا : طب لي قولتلهم
ياسمين : خالتك كانت لازم تعرف انتي مسمعتيش صوتها وهي بتكلمني
يارا باستغراب اكبر : كلمتك ازاي وانتي موبايلك بايظ وبيتصلح
ياسمين : كلمتها من عند زين
يارا : صح هو جه هنا ازاي وعرف العنوان منين
ياسمين : اكيد من خالتك
يارا : طب قولتيله اي
ياسمين بتذكر فلاش باك
الباب بيخبط
ياسمين وهي بتفتح الباب : برضو نسيتي مفاتيحك يا يارا
زين : لا ده انا يا طنط ينفع
ياسمين بترحاب : طبعا ينفع يا حبيبي اتفضل
زين : يزيد فضلك
ياسمين : تشرب اي
زين : تسلمي انا جاي عايز حضرتك في كلمتين وهمشي علي طول
ياسمين بتفهم : طلبك عندي
زين بعدم فهم : طلب اي
ياسمين بابتسامه : هعمل كوبايتين شاي وهاجي افهمك
بعد قليل
ياسمين : اتفضل الشاي
زين : شكرا
ياسمين : الشكر لله
زين : ممكن تفهميني بقي طلب اي اللي عند حضرتك
ياسمين : قمر مش انت جاي من القاهره مخصوص عشان تسأل عليها
زين : اه هي فين
ياسمين : خرجت مع يارا بنتي
زين بارتياح أنه عرف مكان محبوبته : الحمدلله اني لاقتها وهخدها معايا
ياسمين : انت لاقيتها اه لكن هتاخدها معاك لا
زين باستغراب : لي مش هاخدها معايا
ياسمين : عشان هي مش هتعرف انك جيت هنا أو انك عرفت مكانها
زين باستغراب اكبر : لي
ياسمين : عشان تاخد وقتها في التفكير وتعرف تحسم قرارها
زين : هي حكيتلك اللي حصل
ياسمين : حكيتلي وغلطتها انها مدتكش فرصه تبرر اللي حصل وعشان كده قولتلك سيبها تفكر مع نفسها عشان تعرف توصل للقرار الصح لكن طول ما انت بتجري وراها كده هتحس انك بتضغط عليها ومش هتعرف توصل لقرار
زين بتفهم : خلاص ماشي يا طنط بس في طلبين عايزهم من حضرتك ممكن
ياسمين : انت تؤمر
زين : تسلميلي اول طلب انك تكلمي طنط هند تطمنيها عشان هي قلقانه عليها
ياسمين : طبعا انا كمان كنت هطلب منك كده بس ممكن اكلمها من عندك عشان تليفوني بايظ
زين : طبعا يا طنط اتفضلي
ياسمين كلمت هند وفمتها نفس الكلام اللي فهمته لزين وهند ارتاحت واطمنت نوعا ما لما عرفت مكان قمر
خلصت ياسمين كلام مع هند
ياسمين : اتفضل يا حبيبي
زين : ممكن بقي اطلب منك تاني طلب
ياسمين : طبعا
زين : ممكن اسيب لحضرتك رقمي ووقت ما تعرفي تكلميني كلميني عشان اطمن عليها
ياسمين بتفهم : عيوني
زين : تسلم عيونك امشي انا بقي قبل ما تيجي
ياسمين : كان نفسي اقولك اقعد شويه
زين : ان شاء الله لما تهدي والامور تتصلح هجيبها هي وطنط هند وهنيجي نقضي يوم من أوله هنا
ياسمين : دا انتوا تنورا
زين : بنورك بس الحق انا امشي عشان منلقهاش داخله علينا دلوقتي
ياسمين : تمم
زين : السلام عليكم
ياسمين : وعليكم السلام
باك
ياسمين : بس هو ده اللي حصل
يارا بعدم فهم : طب لي مقولتيش لقمر انه عرف مكانها
ياسمين : عشان تعرف تفكر براحتها وتاخد القرار اللي يريحها متحسش ان حد ضاغط عليها منهم وبرضو متحسش اني مش عايزاها هنا عشان كده قولتلهم
يارا بفهم : اه تمم
ياسمين : انا هدخل انام بقي كفايه كده وانتي كمان قومي نامي عشان شغلك الصبح
يارا : حاضر تصبحي علي خير
ياسمين : وانتي من اهل الخير
في الغرفه عند قمر جلست ع السرير تفكر هل هي ظالمه زين هل يستحق فرصه ثانيه هل هي غلطت لما بعدت ومواجهتش فضلت تفكر وتفكر لحد ماغلبها النوم
تاني يوم
صحيت ودخلت الحمام وتوضأت وخرجت تؤدي فرضها وهي ساجده دعت ربها أن يريح قلبها ويرشدها للصالح ثم خرجت
قمر : صباح الخير
ياسمين ويارا : صباح العسل
ياسمين : نمتي كويس
قمر : اه الحمدلله
ياسمين : طب تعالي افطري
وجلست تفطر واثناء الفطار
قمر : خالتو
ياسمين : عيون خالتو
قمر : انا عايزه اشتغل
ياسمين باندهاش : تشتغلي
يتبع..
لقراءة الفصل التالي : اضغط هنا
لقراءة باقي حلقات الرواية اضغط على (رواية قمر الزين)