رواية التضحية الفصل الثلاثون 30 بقلم آية حسن
رواية التضحية الفصل الثلاثون 30 بقلم آية حسن
رواية التضحية البارت الثلاثون
رواية التضحية الجزء الثلاثون
رواية التضحية الحلقة الثلاثون
اكرم: تعالي شهد فكينا من رقية توا تقولك كلمة اضايقك🥲
شهد مادوراتاش ركبت العمارة وطقطقت عالباب، فتحو🥲
رقية: اهلا شهودة تفضلي وتين تلبس في بوثها لحظة❤🤞🏻
شهد: اهلين رقية كيف حالك، والله استاحشتها هالفرخة🤤
وتين: ماما، ماما جت …نقزت تجري في حضنها 🤤❤🦋
شهد: وتيني حبيبي، بطني ماما حولي شوية، هيا اطلعي🥺
رقية ولت طيبة مع شهد، خشت وتين وطلعت حناها🥀🥀
عبير: اهلا يابنتي، انشالله انتي كويسة، شكلك حامل؟🤔❤
شهد مستغربة من معاملتهم الطيبة: اي انشالله🥲🦋❤
رقية: الف مبروك، تنوضي بالسلامة يارب العالمين❤🔥
عبير: شكرا يابنتي علي كل شي، والله وتين تعاملي فيها احن من امها الله يرحمها، سامحينا علي اي غلط درناه معاك انتي واكرم، سامحينا وانشالله ربي يهنيكم ويسعدكم🥺❤
رقية: شهودة سامحيني علي كلامي عليك، ربي يحفظك وانشالله تشوفي وليدك بين يدياتك يارب العالمين❤🥺
شهد شكرتهم وخدت وتين وطلعت، يوخيتي علي دموعها مسهل نزولهم، كالعادة نزلو دميعاتها 🥲🥺❤🔥🦋
اكرم: شن قالولك، وربي نهارهم اغبر توا هي🤌🏻😡😡😠
شهد: ماقالو شي، شكروني وطلبو السماح، مساكين راه🥺
اكرم حضنها: وربي مافي اطيب منك ربي يخليك ليا🥺❤
وتين: وين بنمشو؟ مانبيش نروح للحوش، نبي ملاهي🤞🏻🤤
اكرم: وتيني شوفي البيبي في السيارة جنبك محلاه، شن رايك في خو زيه، يولي عندنا بيبي نلعبو معاه؟ 🤤🤌🏻❤
شهد تستنى في ردت الفعل ومتوترة 🥲🥲🤌🏻🦋
وتين: حقا ياماما بتجيبلنا بيبي؟ اي جيبي بيبي حلو زيك🤤
اكرم: الحمد لله مش بروحي نبي البيبي يشبهلك 🤪🤤❤
شهد: حاضر ياحبيبت ماما، نبيه زيك انتي حلو هكي🤤🦋
وتين: شارع حوش رهف هدا، مهناش هما يا بابا راهو🥲❤
اكرم: جايين لحوشنا الجديد، دفعت نص حقه، شريته🤤🤌🏻
شهد: تبصر ولا؟ مزال حوشنا مانباعش، امتا بنكملو حقه🤔
اكرم: نفس الشخص اللي شريت منه هدا خدي حوشنا، مزال توقيعتك يامدام ونملكوه، انزلي تفرجي بش تاثثي🤤❤🔥
نزلو تفرجو، كان الحوش عبارة ع صالون خارجي بحمامه، صالة نسائية، دار نوم لوتين ومطبخ وحمام ودار نوم ليهم فيها جناح خاص بالبيبي، زي الغرفة الملحقة صغيرونة🥲
بعد مرور 6اشهر……🔥🔥🤞🏻
انتقلو لحوشهم الجديد وكانت معاهم ندى تساعد في شهد لانها خلاص مزال شهر وتجيب 🥺❤🤌🏻🦋
وتين ورهف صاحبات زي شهد وندى زماان 🥺❤🖇🤞🏻
خلاااص تمت الحوسة وشهد ارتاحت من دروج العمارة 🦋
شهد: اكرم اكرم، تعالا بسرعة، هات يدك حطها وشوف🤤🤞🏻
اكرم: شن في؟ ها حطيتها …حي يتحرك، وربي ولدنا 🤤🤍
شهد: مستعجل زي بوه، يبي يطلع، هههه، اهوا تاني ها🥲🦋
اكرم: هههههه، تنوضيلنا بالسلامة يارب العالمين🥺❤🖇
بعد اسبوع كان (متين) في حضن شهد، سموه متين علي وزن اخته🥺🦋👩🏻🍼
وتين واكرم قعدو معاها، ووتين اكتر وحدة فرحانه لانها قعدت بروحها …🥺❤🥰
اكرم: الحمد لله علي سلامتك اهم شي، والبيبي بخير الحمد لله 🥺❤
شهد: الله يسلمك، وتين وين، لابسة كويس حسيت الجو صقع برا، مع ندى هي ولا؟ 🥺🦋
اكرم: ديما تفكري في غيرك، فكري في روحك شوية ❤🥺
شهد: بنتي هادي، من لما شفتها يعلم ربي حبيتها 🤤❤🦋
اكرم: ري اللي درتيه في بوها، هيا نوضيلنا بالسلامة الحوش مظلم منغيرك، ربي مايغيبك علينا يارب🥺🔥
روحت شهد وكلهم فرحانين بيها وبالولد، سهام دارت سبوع لشهد، واللي زاد سعادتها انها جنب ندى تسكن 🤞🏻🖇🦋🤍
بعد مرور 6سنوات 🔥🔥
وتين ورهف عمرهم توا 15سنة، نتيجت الشهادة الاعدادية اليوم تطلع 🥲🤌🏻🖇🤞🏻
سبحان الله نفس الموقف من 20سنة فاتت صار مع وتين ورهف زي ماكانو شهد وندى مع بعضهم🥺❤🖇🤞🏻
جي خو ندى احمد ومرته خنساء وولده عبد الرحمن، عندهم الولد هدا بس، عمره 19سنة توا، الولد مؤدب وخلوق كله علي بعضه زي عمه الله يرحمه 💕
طلعت النتيجة والكل سعيد ومبسوط🤤🥰🔥
شهد وخنساء ليهم وقت طويل مع هدرزو كبرو خلاص عزايز ولو، راحت عليهم ايامات الضحك والهياجة😂😂🤍
متين مع اكرم ونوري واحمد وعبدو برا في الصالون💕🥀
وتين ورهف كالعادة في الدار يصورو ويهيجو ويغنو🖇❤
عبد الرحمن عجباته وتين هلبا، وحتى هي معجبة، وسبحان الله حتى كبعها زي شهد مش مبينة حبها ليه نهاائي🥲🤌🏻
عبدو: وتين عادي تجي معاي في جنان حوشكم شوية نبي نكلمك شوية❤🤤
وتين: انت ديما بمقالبك، بلا برادة باهي؟ لحظات نقول ل ماما ونجيك هي اسبقني انت 🤌🏻❤🥺
شهد: عادي به، ردي بالك بابا يشوفك، عينك من روحك تمام حبيبتي❤🥰🥺
وتين: خت فت مش حنعطل، بنهدرزو كلمتين وجاية❤🤌🏻
خنساء: مشالله عليها قداش تحبك، ربي يخليهالك 🤤🥺❤
عبدو يستنى في وتين ع احر من الجمر، واخيرا وصلت🔥
وتين: ووه دهشت جيت نجري، نعم استاذ عبدو تفضل🤔
عبدو: وتين اني منحبش نلف وندور، قداش ليا نعرفك ومعجب بيك، لا اني مش معجب بيك…وتين اني نحبك🔥
النهاية ……🔥
الحمد لله كملت الرواية، اني كاتبتها صح لكن اسم شهد كان اسم لا اكتر ولا اقل 🥀
بطلت الرواية بنت ليبية خديت اني اسمها لانها ماتبي حد يعرف هويتها 🥀
اسماء الشخصيات مجرد اسماء وهمية ولا ليها اي صلة بالواقع🥀
الغاية والغرض من روايتي نوريك ان الدنيا مش دايمة لحد، كل من عرفتهم بطلت الرواية (شهد) شاف حياته الا هي لاخر لحظة وهي تفكر في راحة غيرها، وهدا سبب اختياري اسم “التضحية” 🔥🥀
اول شي نترحمو علي “عبد الرحمن” البطل الاول في روايتي🥀
نشكر كل من ساهم في كونه شخصية من شخصياتنا وندعولهم ربي يهنيهم مع عائلاتهم واحبابهم، بطلتنا (شهد) تحبكم وتتمنالكم حياة سعيدة للكل🥀
نتمنو ل عبدو ووتين حياة اجمل من اللي قبلهم وربي يسعدهم يارب العالمين🥀
رهف ربي يعطيها ماتتمنى زي ماعطي امها علي قد نيتها الطيبة🥀
متين ربي يكمله بعقله ويكون ابن بار لوالديه وخصوصا امه 🥀
واني ك كاتبة نتمنى لكل من قري الرواية يوم سعيد وحياة اسعد منه يارب، وربي مايخيبلكم ظن ولا يكسرلكم قلب ولا خاطر يارب العالمين 🥀
تمت
- لقراءة باقي حلقات الرواية اضعط على (رواية التضحية)