رواية ما بين الحب والحياة الفصل التاسع 9 بقلم عمرو علي

رواية ما بين الحب والحياة الفصل التاسع 9 بقلم عمرو علي

رواية ما بين الحب والحياة البارت التاسع

رواية ما بين الحب والحياة الجزء التاسع

رواية ما بين الحب والحياة الحلقة التاسعة

استني انا موافقة
= وطالما وافقتي يبقا هقولك على الحقيقة ، أنا مش جاية هنا بالصدفة ، في حد طلب مني اني اقابلك و اكلمك
مين الحد دا
= اتفضل يا باشا
” ظهر سيف ، سيف هو اللي مخطط لكل دا ، معقولة
برافو يا نجوى ، عملتي دورك حلو ، أما أنتي يا شهد ف انا حاولت معاكي للمرة الأخيرة ، تقدري تقولي كنت بثبت لنفسي اني صح واني مش ظالمك ، أنتي فعلا زي ما بيقولو عنك ، قبلتي عرض واحدة من الشارع متعرفيهاش ولا تعرفي اي حاجة عن الشغل دا ، قبلتي على اساس ايه يا شهد
= والله انا قبلت عشان اعرف هي عايزة ايه ، أنا مبقتش اشتغل ، قولت يمكن تكون فرصة كويسة
طب اقولك ايه هي الفرصة الكويسة ، ريكلام ، حلوة الفرصة صح
= يعني ايه ريكلام ، أنا مش فاهمة
يعني واحدة شمال بتتأجر ب الليلة
= سيف انا مستحيل اعمل كدا ، الفترة اللي قعدناها مع بعض مش كتير اه بس اكيد عرفتني فيها وعرفت أخلاقي
وانا مش حابب اكون عايش بين نارين يا شهد ، أنا مبقتش عارف انا ظالمك ولا لأ ، ازاي هعيش معاكي وانا جوايا شك ناحيتك حتى ولو 1% ، وطالما انا شاكك يبقا مش هينفع تكوني أم ل ولادي اللي هما اكتر حاجة بتمناها من الدنيا ، ف شكرا لحد كدا ، اتمنالك الخير في اللي جاي ، سلام
” كنت فاكرة اني هعيط بس دا محصلش ، واقفة ثابتة مش متأثرة ، شكلي اتعودت على الصدمات لدرجة انها مبقتش تأثر فيا ، بس الموضوع مكنش لسة خلص ، كانت لسة واقفة جنبي
صحيح هي كانت لعبة وانا متفقة مع الباشا اه ، بس دا ميمنعش انك دخلتي دماغي والعرض لسة موجود ، هتاخدي في اليوم 10 الاف جنيه

 

 

 

 

 

 

= 10 الاف بس
هخليهم 20 بس اشوف شطارتك الأول
= وانا موافقة وجاهزة
كويس ، عدي عليا بكرا ، وعنواني……
” قالت العنوان ومشيت ، أنا قدام مرحلة جديدة من حياتي ، مرحلة لا جات ولا هتيجي زيها ، المجتمع كله رفضني ك زوجة و ك موظفة ، بقيت مرفوضة بشكل تام عشان ايه ، عشان مطلقة و رفعت قضية على جوزي ومن ملايين القواضي ، قضيتي انا الوحيدة اللي تتشهر ، روحت البيت لقيت يارا قاعدة ، و اول ما شافتني قامت تجري ، حضنتني
انتي كويسة صح ، ردي يا شهد أنتي كويسة ، حصلك حاجة
= انا كويسة متقلقيش
امال كنتي فين كل دا ، وليه قفلتي موبايلك
= كنت في شغل
شغل ايه دا اللي يقعد يومين
=ّشغل وخلاص يا يارا
انتي بتخبي عني يا شهد
= مبخبيش حاجة ، انا كويسة بس دلوقتي عايزة انام عشان صاحية من امبارح
طب تعالي يا حبيبتي كلي الأول
= مليش نفس ، أنا عايزة انام بس
” كنت محتاجة اكون فايقة اكتر و استغل وقت كتر في اني انام و ارتاح ، عشان عندي شغل الصبح هيحتاج مجهود ، وفعلا دخلت نمت
هااا ، وصلت ل ايه دلوقتي
= البت لسة زي ما هي يا خالد بيه ، بس هو في حاجة كدا
ايه هي

 

 

 

 

 

 

= كان معاها واحدة قاعدة معاها امبارح
مين ، ما تتكلم علطول يلاااا
= نجوى
و دي تطلع ايه
= تقدر تقول انها هي الرئيسة اللي ماسكة سوق البنات الشمال كله
و دي كانت بتعمل ايه معاها ، مسمعتش اي حاجة؟
= لا والله يا خالد بيه
طب راقب زي ما انت و ركز
” المرادي انا مخططتش ، دا أنتي اللي جيالي ب رجلك يا شهد ، بس مش هاخد حقي علطول ، لازم استنا و امتع نفسي شوية وبعد كدا هخفيكي من الدنيا كلها ”
” صحيت من النوم ، قومت خدت دوش ، لبست اشيك طقم عندي ونزلت ، روحت على العنوان ، طلعت وخبطت على باب الشقة ، الباب اتفتح
قولت انك هتووهي
= لا طبعا انا مش بتوه
ايه الثقة دي
= الثقة لازم تكون موجودة
صح
= هنبدأ الشغل امتا
مالك داخلة سخنة عليا ليه ، اهدي يا شهد
= ماشي
مبسوطة من التحول اللي حصل فجأه دا
= يعني ايه
يعني اللي يشوفك امبارح ميشوفكيش دلوقتي
= ودلوقتي وحش يعني

 

 

 

 

 

لا دلوقتي جامد أوي
= قولت اني مش هينفع اعيش طيبة علطول لاني جربتها ومش نافعة يبقا اعيش بالطريقة التانية بقا
و انتي اختارتي صح
= ايه الشغل بقا
ولا حاجة ، احنا بنحب نسعد الناس ، و دا دورنا الأساسي يعني أنتي اللي هتبسطيه مش حاجة تانية ، و في نفس الوقت مش هتكوني مدلوقة عليه ، تحسسيه انك صعبة شوية ، وخدي بالك الرجالة بتحب البنت الصعبة ، يعني مش اي حاجة هيقولك عليها تقولي ماشي ، ثانيا تفصلي تماما حياتك الشخصية عن شغلك ، يعني مينفعش تدخلي على الراجل وأنتي ضاربة بوز ، ساعتها الراجل يسيبك ويمشي علطول ، ثالثا و ركزي على دي لو عجبتي الراجل واتبسط منك هيطلبك تاني وتالت وطبعا نسبتك هتزيد
= وانا ازاي هعمل كل دا
هعلمك ، بس خدي بالك احنا مبنعملش حاجة حرام ، يعني اوعي تفتكري انك هتنامي معاه عادي كدا ، لا طبعا انا مستحيل اعمل كدا في بناتي ، انتو بتكتبو ورقة عرفي الأول وبعد الليلة لما تخلص هتتقطع ، كل حاجة سهلة بس تركزي
= وانا مركزة
تعالي بقا اقولك أنتي هتعملي ايه بالظبط
= يلا
بس ثواني ، اسم شهد دا مش حلو ، أنتي اسمك هيكون ناني
= حلو
نبدأ بقا

 

 

 

 

 

” كنت بسمع حاجات اول مرة اسمعها ، حاجات غريبة ، لكني متحمسة للتجربة
كدا خلصنا ، المهم انتي هتعرفي تعملي دا
= هتشوفي بنفسك
هشوف ، خدي دول و انزلي هاتيلك كام طقم لزوم الشغل ، لازم بناتي تكون اشيك بنات في الدنيا كلها
” دول 5 الاف جنيه ، هتصدقني لو قولتلك اني اول مرة امسك مبلغ زي دا ، عمرها ما حصلت ، خدتهم ونزلت جري عشان اشتري لبس ، لفيت على المحلات اشتري ، بقالي كتير مشترتش هدوم وكان كله بسبب الزفت اللي كنت متجوزاه ، اشتريت وخلصت و روحت ، دخلت الشقة
ايه دا كله
= دي هدوم اشترتها
دول باين عليهم غاليين ، جبتي فلوسهم منين
= خدت المرتب مقدم
وهو عشان خدتي المرتب يا شهد ف تجيبي اللبس دا كله ، وبعدين ايه دا مش استايلك خالص ، وليه مفتوح كدا
= هي دي الموضة
وأنتي من امتا بيهمك الموضة
= تقصدي ايه يا يارا ، تقصدي ان لبسي وحش
لا يا حبيبتي والله ما اقصد كدا بس اللبس دا مش مناسب ليكي
= في الاخر انا اللي هلبسه مش أنتي يا يارا
عموما مبروك يا حبيبتي
” معرفش ليه كنت بكلمها كدا ، حاسة ان اسلوبي متغير معاها ، وبرضو حاسة ان في حاجة غريبة بتبعدني عنها ، بس انا مكتتش مركزة ايه هي ، أنا مركزة دلوقتي في حياتي الجديدة ، دخلت الأوضة عشان اقيس اللبس اللي جبته ، شكله كان حلو عليا ، محسسني ب انوثتي اللي ضاعت مع خالد ، بس خلاص انا مش عايزة افتكره ، قلعت اللبس الجديد ونمت ب هدوم البيت ، صحيت تاني يوم لبست الطقم الجديد و روحت عند نجوى اللي اول ما شافتني ، صفرت وغمزتلي
دا احنا طلعنا قمر اهو
= امال أنتي فاكرة ايه
فاكرة انك قمر بس مستخبي

 

 

 

 

 

= و اهو ظهر
كدا حلو
= هنعمل ايه
عندك اوردر كمان ساعتين ، هتروحي العنوان دا … ، وهتلاقيه ميكانيكي ، ومش عايزة انبهك تاني يا شهد
= متقلقيش يا نجوى
” نزلت و روحت على العنوان ، فضلت واقفة مستنية ، لقيت شاب راكب عربية وباين انها حديثة ، اتكلم وقال
ناني ؟
= اه
اركبي
” ركبت العربية ، باين انه شاب غني وفلوسه متتعدش
بس قمر يا ناني
= قمر بس
قمر اوي
= ايوا كدا عشان مزعلش منك
كنت واثق في ذوق نجوى
= حلو يعني
دا يجنن
” اول خطوة نجحت ، عجبته و دخلت دماغه ، ندخل على الخطوة التانية
ليكي في الشرب
= ليا ، اعملي درينك على ذوقك بقا
” مينفعش اقوله لا و ابوظله مزاجه
يلا
= على فين
ندخل جوا
= وماله هنا
جوا برد

 

 

 

 

 

= دا هنا اللي برد ، تعالي بس
” دخلنا الأوضة ، كل حرف قالته نجوى كنت بطبقه ، وطبعا نجحت وعجبته جدا
دا أنتي تستاهلي اكتر من 20 الف
= عجبتك يعني
جدا
” كدا انا نجحت في مهمتي ، روحت البيت ، كان تأثير الدرينك عالي ، دخلت البيت وانا مش قادرة امسك نفسي وبغني ، الساعة كانت 2 بليل
كنتي فين يا شهد
= خضتيني في ايه
اتأخرتي ليه
= شغل يا يارا شغل
شغل ايه دا
= وأنتي مالك أنتي
انتي بتقوليلي انا كدا يا شهد
= اه بقولك أنتي ، أنتي مين يعني
دا أنتي شاربة كمان ، من امتا يا شهد
= يووه بقا هتعمليلي دور الام دا بقا بلاش منه
ادخلي نامي يا شهد

 

 

 

 

 

= لا بقا مش داخلة انام ، كفاية ان أنتي السبب في اللي انا فيه دا ، أنتي اللي خططتي انك تطلقيني من خالد ، وانتي اللي رتبتي اننا نتفق عليه
وانا عملت كدا عشان مين ، ماهو عشانك
= وايه رأيك في الوضع اللي احنا فيه دا ، حلو صح
انا هدخل انام انا يا شهد ، الحمدلله اني اطمنت عليكي ، تصبحي على خير
” صحيت تاني يوم مكنتش فاكرة حصل ايه ، بحاول افتكر ، تقريبا انا اتخانقت مع يارا ، قومت عشان اشوفها لكن لقيتها مش موجودة ، لبست ونزلت روحت على بيت نجوى
اتفضلي يا برنسيسة
= هو انا بقيت برنسيسة
طبعا ، الزبون كلمني وقالي انه مبسوط أوي منك والاحلى انه محسش ان دي اول مرة ليكي
= اعتقد ان كدا فلوسي هتزيد
هتزيد
= ايه الاوردر الجديد بقا
” بدأت اشتغل أكتر ، عرفت أكتر عن الشغلانة ، بقيت فعلا البرنسيسة و دا كان اسمي بدل ناني ، في وقت قصير عرفت اجيب فلوس لو عيشت سنين مش هعرف أجيبها ، بقيت مشهورة والناس بقت تطلبني ، ولسة مكملة بس دا كان في اثر سلبي ، اتخانقت مع يارا ومشيت من البيت ، بقيت شايفة أنها اوفر جدا ، وانا مكنتش عايزة اسمع حاجة او اعرف حاجة من اي حد قديم ، لاني اعتبرت ان مرحلة دخولي الشغل دا هي مرحلة جديدة من حياتي واللي فات دا كله ماضي وهيتنسي ، بس كل دا كان كويس لحد ما جاتلي نجوى وقالتلي
عندك أوردر جديد
= فين

 

 

 

 

هقولك ، بس خدي بالك الزبون المرادي تقيل شوية ومعاه فلوس قد كدا ، يعني لازم يطلع مبسوط يا شهد
= عيب الكلام دا دلوقتي ، العنوان بقا
” روحت على العنوان ، كان راجل عضلاته بارزة منه
انت شاهين
= اركبي
” ايه دا ، باين عليه جد أوي ، كان عندها حق نجوى ، ماشيين في مكان مقطوع مفهوش اي صوت
هو انت ساكن هنا
= اه خلاص قربنا
” بعد دقيقتين العربية وقفت ، و دا لان في شخص ظهر و وقف قدام العربية
ايه المجنون دا
= انزلي
انزل فين
= انزلي بقولك
” نزلت وشوفت الشخص اللي كان واقف قدام العربية ، دا ، دا خالد
انت ايه اللي جابك هنا
= جاي اباركلك على الشغل الجديد ، بس هو دا مقامك ، واحدة شمال
ولما انت يمين ، جاي هنا ليه
= عشان الحق يرجع
حق ايه

 

 

 

 

 

 

= حقي
ملكش حقوق عندي
= لا طبعا ليا
” كان بيطلع حاجة من ضهره ، لسة هجري لقيت الراجل اللي كان سايق واقف ورايا ومانعني اني اجري
عايزة تهربي يا شهد
= انت عايز مني ايه
ما قولتلك
= خالد سيبني امشي وانا هعملك اللي انت عايزه
لا ما انا خلاص مبقتش عايز حاجة ، أنا اكتفيت ، بس ناقصني حاجة واحدة يا شهد
= ايه هي
” قرب مني ، وغرز السكينة في بطني
اني اقتلك ، ومش اقتلك وبس ، لا انا استمتع بموتك ، و دي عشان المرة الأولى اللي فلتي منها
و دي عشان المرة اللي بعدها ، و دي عشان اللي عملتيه فيا ، أنا نسيت اقولك اني عرفت ، و دي عشان اكافئك بيها على كل حاجة ، هتوحشيني يا شهد ، و دب
” 5 طعنات فيا ، كل حاجة بتغيب عن عيني ، الدنيا سودا تماما ، وقعت على الارض ، بس كل دا مخلصش
فلاش باك

 

 

 

 

 

للاسف المدام دخلت غيبوبة ، احنا لحد دلوقتي منعرفش ايه السبب ، الأعضاء كلها سليمة ، وحتى مش عارفين هتفوق امتا ، ادعيلها
” سندت راسي على الحيطة وانا ببصلها من ورا الازاز و افتكرت
مفيش فلوس يا شهد
= كل ما اقولك على حاجه تقولي مفيش فلوس ، ليه ، مفيش فلوس ليه
انا نازل وسايبلك البيت احسن
” ليه يارب احنا معناش فلوس ، ليه معندناش عربيات ، قولي يارب ، هي الناس احسن مننا ف ايه ، ليه ، قولي ليه يارب ، حرام اللي بيحصل فيا دا ، أنا زهقت من العيشة المقرفة دي بقا ، دي حاجة تقرف ، وانا بتكلم حسيت اني دايخة و وقعت على الارض
بااك

 

 

 

 

 

حصلك ايه يا شهد ، يارب اشفيها يارب
” لقيت الممرضة بتجري وقالت
يا استاذ سيف المدام بتاعت حضرتك فاقت
” جريت زي المجنون و دخلت
شهد ، شهد ، حمدالله على سلامتك يا روحي ، في حاجة بتوجعك
= هو ايه اللي حصل
انتي في غيبوبة بقالك شهر
= غيبوبة!
اه ، بس المهم انك قومتي بالسلامة
= الله يسلمك يا سيف
” كان نفسي اقول ان دا حلم بس دا درس ، درس قوي جدا لازم اتعلم منه ، مينفعش اقول ليه و اعترض على قضاء ربنا ، ربنا شايف ان دا الاحسن ليا ، ربنا مش هيمنع عنك خير جايلك ، لكن كله في معاده ، إنما انا كنت مستعجلة واعترضت و مكنتش راضية باللي مكتوبلي ، ف دا كان عقاب ربنا انه يوريني الدرس دا ، متجوزة راجل زي خالد ، الرحمة متعرفلوش طريق ، امه ست مش كويسة ، اشتغلت مع واحدة شمال ، ضيعت من ايدي يارا و سيف اللي هما الطريق الصح اللي كانو موجودين عشان امشي وراهم ، ومشيت في الطريق الغلط ، وعرفت آخرتي هتكون ايه ، الموت ، ربنا رحيم جدا انه اداني فرصة تانية عشان اتوب و ارضا باللي مكتوب واكون متأكدة ان الخير جايلي في اقرب وقت ، اوعا تكرر غلطي عشان ممكن متاخدش الفرصة التانية وساعتها هتندم ندم كبير جدا 💛

تمت

لقراءة باقي حلقات الرواية اضغط على (رواية ما بين الحب والحياة)