رواية غرور انثى الفصل الأول 1 بقلم آية عبدالسلام

رواية غرور انثى الفصل الأول 1 بقلم آية عبدالسلام

رواية غرور انثى البارت الأول

رواية غرور انثى الجزء الأول

رواية غرور انثى الحلقة الأولى

كنا قاعدين فى المحاضرة وكان الدكتور خلص شرح وحب يفرفش معانا فطرح سؤال للبنات واحنا نجواب عليه
الدكتور بمرح:معلش عايز اسال سؤال للبنات تقبلوا انكم تتجوزا واحد على قده وتقفوا جمبه وتساعدوه ولا تروحوا للغنى وتريحوا نفسكم وخلاص
معظم البنات جاوبت ب اه اقبل وفى بنات مردتش بس انا قولت بكل جرأه لا..الكل بصلى بإستغراب وصدمة بس انا كملت ومهتمش بنظراتهم..مش قبل ما اعرف هو يستحق التضحية ولا لا
الدكتور بعدم فهم:مش فاهم وضحى
قولت بكل ثقة:مش يمكن لما اقف جمبه وبعدين لما ربنا يرزقه يرمينى ويتجوز عليا وكملت وبرضو الغنى مقبلش انى اتجوزه عشان اريح نفسى واتدلع وخلاص طب ما يمكن يكون بيخونى وانا مش حاسة او برضو يتجوز عليا ويرمينى بعد ما يزهق منى
الدكتور بصلها بإستغراب:يعنى البنت تعمل إيه دلوقتى مش فاهم كانت لسة هتتكلم بس الدكتور قاطعها وقالها اسمك ايه الاول

البنت:اسمى سيلا
الدكتور:جميل الاسم يا سيلا كملى اللى كنتى عاوزة تقوليه
سيلا بثبات وثقة:السؤال اللى حضرتك سألته غلط السؤال الصح هو تقبلى تستحملى وتقفى جمب الشخص اللى يستاهل بجد ولا لا..ابن الاصول اللى عينه مليانة اللى لما ربنا يرزقه من وسعه يعوضك عن كل اللى عشتيه معاه ويشيلك فوق الراس ولا قليل الاصل ابو عين فارغة اللى ساعت لما الفلوس تجرى فى ايده ينسى كل اللى عملته عشانه ويبقى ناكر للجميل ويروح يتجوز عليها واحدة وهى اللى تتدلع بفلوسه لا وكمان ممكن يرميها ويقولها بكل برود وقسوة لو مش عاجبك اتطلقى ولا كأن كان بينهم عيش وملح
انا مقتنعة تماما ان الحياة مبتتعش غير مرة واحدة فاينعشها صح مع الشخص اللى يستاهل يإما نعيشها لوحدنا احسن
خلصت كلامى والكل كان بيبصلى بإقتناع والدكتور قال بإعجاب..حبيت طريقة تفكيرك بس عايز اسألك سؤال
سيلا بهدوء:اتفضل
الدكتور:دلوقتى البنت تتأكد منين ان الشخص دا يستحق التضحية ولا لا

سيلا:من افعاله مش كلامه ودا لوحده مش كفاية لانه ممكن يكون شخص بيتصنع الاخلاق الكويسة لحد ما يضمن انك بقيتى تحت طوعه وبعدين يرجع لحقيقته احسن حاجه عشان نتأكد هى صلاة الاستخارة يعنى بنستخير اللى عُمره ما هيخذلنا والصلاة دى مش بس للبنات اللى متقدملها عريس لا وكمان للشباب اللى راحة تتقدم الافضل انهم يصلوا صلاة استخارة عشان يطمنوا انهم اختاروا الشريكة الصح
خلصت كلامها فقال شاب من اللى قاعدين فعلا كلام الانسة سيلا صح لانى لما كنت رايح اخطب امى نصحتنى انى اصلى صلاة استخارة بس انا ساعتها طنشت بس اصَرت عليا لحد ما صليتها وحسيت بعدها بإحساس وحش بس قولت لا اكيد مستحيل دى اللى قلبى اختارها لدرجة انى صليت كمان مرة عشان اتأكد بس حسيت بنفس الاحساس وقتها قولت اكيد فى حاجة غلط قولت يمكن عشان خايف الموضوع ميتمش ومحطتش فى بالى وروحت خطبتها وللاسف ندمت لانى مريت معاها بتجربة صعبة وقلبى انا اللى اتك”سر فى الاخر
الدكتور بفخر:هما دول تلاميذى احيِكى يا انسة سيلا على كلامك و نصايحك اللى متاكد انها فادت شباب وبنات كتير ونتعلم كلنا من خطأ مروان
تمت

بصراحة امبارح وانا بقلب فى الفيس لقيت بوست بيطرح السؤال دا..توافقى ان انتى تبقى اصيلة وتتجوزى واحد على قده وتقفى معاه وتستحملى؟!
فشوفت الكومنتات لقيت اللى بتقول اه طبعا من غير ماتفكر وبرضو لقيت اللى بتقول لا انا هاخد واحد غنى عشان اتدلع فحبيت اكتب الاسكريبت دا اقول رأى الشخصى..ايه رايكم لما انزل كل شوية حاجة زى كده اتكلم فيها عن فكرة معينة زى دى وانتو برضو تقولوا رأيكم فى الكومنتات لان طبعا هنختلف فى الارآء فاهنستفيد كلنا من بعض ولو حد عنده تجربة معينة مر بيها يحكيهالنا عشان نتعلم من اخطاء بعض واللى عايزنى اتكلم فى فكرة معينة يقول

يُتبع ..

• لقراءة الفصل التالي : اضغط هنا
• لقراءة باقي حلقات الرواية اضغط على (رواية غرور انثى)