رواية معذبي الفصل الثاني عشر 12 بقلم رانيا عصمت
رواية معذبي الفصل الثاني عشر 12 بقلم رانيا عصمت
رواية معذبي البارت الثاني عشر
رواية معذبي الجزء الثاني عشر
![معذبي](https://darmsr.com/wp-content/uploads/2021/12/معذبى-300x187.jpg)
رواية معذبي الحلقة الثانية عشر
هيثم…لا انتي كويسه وزي الفل بس دي شويه خدوش وهتروح مع الوقت
مروة مستخبيه في حضنه وبتعيط…لا انت بتضحك عليا
هيثم بإبتسامة…تعرفي عني كده وبعدين انتي زي القمر في كل حالاتك ويلا بقي قومي بسرعه علشان عايز اتجوز
مروة ضربته ونسيت تعبها…واحد قليل الادب انت صدقت نفسك ولا اي واحد اهبل
هيثم مسك ايدها…بقي انا واحد اهبل مش مهم بس برضو هتجوزك اصل انتي مش هينفع تكوني لغيري
مروة…انت بجد واحد قليل الادب بتقولهالي كده في وشي عادي
هيثم…الله امال اقولهالك ازاي وبعدين انتي اي اللي وصلك للعربيه اللي حصل فيها الحادثه
مروة بتذكر وخوف…انا..اا كنت معاك وخرجت ورحت اوضتي وهو دخل ورايا وخدرني انا خوفت ليعملي حاجه
هيثم بهدوء…اهدي ومتتكلميش وبعدين محدش يقدر يعملك حاجه طول ما انا عايش ماشي
مروة بخوف… بس انت مكنتش معايا انت هتسيبني
هيثم…انا اسف اني مقدرتش احميكي بس اوعدك محدش هيقدر يقرب منك تاني
مروة…وعد
هيثم بابتسامه…وعد
مروة بطفوله…طيب انا جعانه
هيثم…اممم اميرتي تطلب وانا انفذ عايزة تاكلي اي
مروة…اي حاجه اي حاجه
هيثم بضحك…خلاص انا هخترلك علي مزاجي
مروة ابتسمت…وبعدين بصت حواليها باستغراب
هيثم…في اي
مروة…امال فين مالك ولا انا كنت بحلم بس انا شفته
هيثم…مالك مين..قالها بغيره
مروة بحزن…مالك اخويا
هيثم…انت ليكي اخوات
مروة…ايوة مالك اخويا الوحيد وكان بيشتغل برا
هيثم…يبقي هو الشاب اللي كان قاعد معاكي هنا لما انا جيت
مروة بلهفه…طيب هو راح فين
هيثم…هو خرج شويه وراجع اهدي انتي وارتاحي انا هروح اجبلك اكل وهاجي
مروة مسكت ايده…هترجع تاني
هيثم…انا مقدرش ابعد عنك
مروة ابتسمت ليه وهيثم بادلها الابتسامه وخرج
مروة رجعت راسها لورا وبعدين سمعت صوت الباب بيتفتح
مروة…هيثم انت جيت بسرعة ليه
مفيش رد..مروة فتحت عينيها باستغراب واتصدمت
_____♡_____
عند شمس
خرجت من الاوضه وقابلت مالك في طريقها
مالك…مروة تقدر تخرج امتا من هنا
شمس…اسبوع علشان نشيل الشاش
مالك…تمام هيكون في اثر للندوب علي وشها
شمس…لا مش هيكون في اثر انشاء الله
مالك…تمام
شمس… عن اذنك انا هروح اشوف المرضي
مالك…تمام اتفضلي
شمس مشيت وبتمر علي المرضي
خلصت وراحت علي مكتبها
شمس دخلت المكتب وقفلت الباب وبعد ما قفلت الباب سمعت صوت هي بتكره…اممم شموسه وحشتيني
شمس بصدمه…انت بتعمل اي هنا
شهاب…وحشتيني قولت اجي ازورك
شمس…انت اي معندكش اي دم انت مش بتفهم انا مش بطيق ابص في وشك
شهاب مسكها من دراعها جامد…مش انا اللي يتقال ليه كده انا شهاب رشاد فاهمه يعني لو عايزك دلوقتي هاخدك غصب عنك بس انا عايزك برضاكي
شمس باحتقار…بقولك اي انا مش هخاف منك علشان اسمك وانك ابن اكبر تاجر مخد”رات وسلا”ح فيكي يا مصر لا فوق انا شمس فاهم يعني اي شمس يعني مستحيل اخاف من مجرد تهديد
شهاب…اللي بيعجبني فيكي شراستك يا شمس وبعدين انا طلبتك في الحلال وانتي اللي رفضتي
شمس…ده بعينك انت فاهم لو اخر راجل علي الارض انا مش موافقه عليك
شهاب…بقولك اي يا شمس اللي كنتي مسنوده عليه بيحب غيرك فمتحاوليش تبعديني عنك علشان متشوفيش حاجه مني مش هتعجبك
شمس بحده…حسبي الله ونعم الوكيل فيك وفي ابوك ابعد عني يا اخي انت اي معندكش دم
شهاب بيقرب عليها وشمس بتبعد لوراء… انتي فاهمه غلط مش انا السبب في موت اهلك افهمي بقا
شمس…بس ابوك كان السبب في موت اخوه وعيلته انا خسرت ماما وبابا واخويا بسببكم
شهاب…شمس انتي عارفه اني بحبك ومش فارق معايا الماضي وكمان عارفه اني واقف ضد االي حصل في الماضي
شمس…شهاب ارجوك سيبني في حالي انت متعرفش انا قد اي بكرهك
شهاب بعصبيه…ماشي يا شمس بس اوعي تفكري اني هسكت وهسيبك لا يا شمس تبقي بتحلمي
شهاب طلع من الاوضه وشمس انهارت ودموعها نازله بقهر علي حياتها اللي ادمرت
_____♡_____
في الحاره سلوي راحت لعمر
عمر واقف وسلوي واقفه قصاده
سلوي بحرج…عمر انا اسفه
عمر بجمود…علي اي
سلوي بصوت مهزوز…والله انا مكنش قصدي اقولك كده
عمر ببرود…انتي قولتي الحقيقه انا مين وانتي مين
سلوي بدموع…عمر انا مكنتش واعيه بقول اي انا لما شوفتك بتضرب الشاب انا خوفت ليموت بين ايديك وتضيع مستقبلك
عمر…خلاص مفيش كلام في الموضوع ده انا مين اصلا عشان اتدخل في حياتك
سلوي…عمر اسمعني
عمر…تقدري ترجعي لمكانك الحقيقي يا بنت الاكابر ومن النهارده كل حاجه بينا منتهيه
سلوي من الصدمه اتجمدت مكانها
_____♡______
يتبع…
- لقراءة الفصل التالي : اضغط هنا
- لقراءة الرواية كاملة اضغط على : (رواية معذبي)