رواية احبني اناني الفصل الأول 1 بقلم هبة المعداني

رواية احبني اناني الفصل الأول 1 بقلم هبة المعداني

رواية احبني اناني البارت الأول

رواية احبني اناني الجزء الأول

رواية احبني اناني الحلقة الأولى

اسمي ارجوان عمري 19سنة نقراء او نخدم في محل لي الفلوة عرائسة
نعرفكم بي عائلتي
عمران(بابا)يخدم عمل حر عمر54
خديجة (ماما) حنية العلم كله فيها متخدمش عمرها 48
مندر خوي الكبير عمر 28 مهاجر ومن يوم ما هاجر ماعندهمش عليه ولا خبر كل اللي يعرفوه ان وصل بس
امل اختي عمرها 24تقراء طب وتخدم معاي في نفس المحل
طبعا أمل وارجوان يخدموا علي مصاريفهم متع الدراسة
والمحل اللي تخدم فيه ارجوان كان لي ركان طبعا ركان بطل الرواية عمره 33 موصفاته
اشقر وعيونه ملونات
كان جميل ومغرور هلباا
وهكي تكونوا تعرفتوا ع الشخصيات
طبعا ركان عنده شركات لي تصميم الفساتين
وكان عنده محلات لي بيع الفساتين
ومن ضمن هذه المحلات المحل اللي تخدم فيه ارجوان واختها
طبعا ارجوان متعرفش ركان بكل ولا عمرها شفاته وهوا نفس الشي لكن امل تشوف فيه بحكم امل كانت تخدم الصبح وارجوان العشيه
وركان كان معظم الايام يجي الصبح للمحلات ويشوف في البضاعه
في يوم من الايام ركان جي العشيه وكانت ارجوان موجودة ولي اول مرة يشوفها ركان
طبعا حتى هيا اول مرة تشوفه لكن مدورتش عادي يعني اما هوا من اول ماخش وشافها مواطاش عيونه من عليها لان ارجوان كانت جميله وكل اللي يشوفها تعجبه
حست ارجوان بنضراته لدرجة انها تحشمت وهوا فاق علي روحه لكن من اللحضه هذه حطها في راسه خلاص
سال عليها اللي في المحل وقالوله انها تخدم. هيا واختها بس كل وحدة كانت في فتره
وقالوله ان يقروا و ضروفهم صعبه هدا لاش يشتغلوا
اخذي ركان كل المعلومات وطلع وقبل لا يطلع وقف يشبح لي ارجوان
شفاته ارجوان وبسرعة غيرت نضراتها
ارجوان:خيره هذا من اول ما جي وهوا يشبحلي
طلع ركان وركب السيارة وكان حاط في راسه هلبا حاجات
كان يحساب ان ارجوان ساهله واول ما يكلمها حتوافق اتكلمه كان مستغل ان ضروفهم صعبه وهيا حتوافق عليه وتكلمه وتطلع معاه
ركان عجباته ارجوان هلبا لكن كان تفكيره اتجاه ارجوان زي باقي البنات يقضي معاهم الوقت وياخدو فلوس وخلاص
اما ارجوان ف ركان محركش منها شي ولا فكرت فيه من الاساس كانت تخدم في خدمتها وتروح
وثاني يوم تمشي لي الجامعة كانت ارجوان تحب شخص والشخص هذا يحبها وكان من نفس الطبقه هوا وياها يعني كانت ضروفه بسيطه يقرا ويشتغل
اسمه احمد عمره 25سنه
بعد ماكملت الخدمة روحت لي الحوش
طق طق
خديجة :مني
ارجوان:اني ياماما
فتحتلي الباب
خديجة:خيرك يابنتي اليوم شغلتني عليك تأخرتي
ارجوان :كانو عندي 3بروفات لي عرايس تعبت اليوم
خديجة :خشي استريحي
خشيت لي الدار والقيت امل تقراء افتحت الدولاب اخديت احوايجي او بدلت
امل :خيرك ساكته
ارجون:شي اليوم جي لي المحل راجل وقعد يشبحلي هلبا نظراته خوفتني
امل : كيف ايخش اعليك راجل في المحل ممنوع
ارجوان: مقدرتش نتكلم ولا انقول شي سميرة لي شادة المحل اول ماخش رحبت بي وكان من شافت
امل: اسمه ركان واشقر
ارجوان:اي اشقر لكن منعرفش اسمه
امل:هذا صاحب المحل ردي بالك منه سامعه اعليه كلام مش كويس ردي بالك منا بس
ارجوان:هوا في حاله واني في حالي ربي ايباعده عليا
عند ركان
محمد:وين سارح
ركان:عندي صياده حلوه لكن باين اعليها من نوعيه الشريفه😂
محمد:ههههههه وريلها الفلوس بس تو يتنحى الشرف 😂
ركان :هذا اللي بي ايصير
ثاني يوم كالعاده امشت ارجوان للجامعه
وتلاقت هيا واحمد وهدرزت معاه
ارجوان:شن صار معاك افتحت الموضوع لي امك
احمد:مزال خلي نكمل اخر سيمستر ونفتحلها الموضوع لان لو قلت لها توا مش ح ترضى واني قاعد نقره
ارجوان:تمام
ارجوان :خلاص واني بنمشي للمحل
احمد: تمام ردي بالك ع روحك اني مزال عندي محاضرة ونطلع
ارجوان : به
كيف او صلت لي المحل القيته في هوا بس خشيت من غير منقول ولا كلمه
ركان :غير قولي حت سلام
ارجوان :سمحني بس مكنتش امركزها
ركان:ولا ايهمك
واني نوسي في الفساتين ايجي يتلصق بي حجات ايسعد كل ميقرب اني نبعدا بس زد قرب🔥
ارجوان:لو سمحت بعد من اعليا
ركان :وانتي خيرك متسنج مع بعضك مفي شي يعني عادي
كمل دومي
اخديت شنطي وجيت ليه نبي ناخد مرتبي
وطبعا كان اليوم نهاية شهر يعني يوم الاخلاص
ارجوان: لو سمحت نبي معاشي من روح اكمل دوامي
ركان اعطاها الزرف في امعاشها
ارجوان اخدت الزرف او كيف بي تطلع
ركان: اسمعي بدل 500كل شهر نعطيك 1500
ارجوان:امم او لي شنو 1500اتمدهم
ركان:واضحه يعني روحي معاي او خوديهم يعني او كيف متشوفي مش ناقصني شي
ارجوان:بي غضب..صح انت مش ناقصك شي كا ماديا بس ناقصك اخلاق ناقصك تربيه هذا كله ناقصك او اعتبرني موقفه الخدمة من عندك
طلعت او سيبت المحل
وكان صاحبه محمد واقف قدام المحل
او خشله المحل
محمد : مسحت بي كرامتك البنت😂😂
ركان حس بي الاهانه وكانت اول وحده ترفضه
ركان:وربي لما تندم
محمد:خلاص فوتك منها بس تبي الحق البنت طرف وباين اعليها بنت ناس وصغيره البنت عليك
ركان :بنت ناس ع روحها مش اعليا تو تطلع اورها وتشوفلي اخبارها
محمد:تم
وطالع محمد الحقها
واني في اطريق اتصلت بي احمد
احمد:الو
ارجوان:وهي تبكي ..انت وين
احمد: خيرك تبكي شن فيك
ارجوان:صاحب المحل كان يبي يتحرش بيا
احمد :اني جايك وين انتي تو
ارجوان :اني في جهت…….
احمد:خلاص خليك في مكانك اني جايك
قعدة ارجوان تستنى في احمد
ومحمد صاحب ركان وراها
وصل احمد وع طول ارجوان حضناته وقعدة تبكي
محمد قعد يضحك واتصل بي ركان
ركان:الووو
محمد: انقولك شن ريت
ركان:ادوي
محمد :البنت مش قصة شريفه لالا كل القصة انها عندها حبيب
ركان :اممم اعرفلي الولد مني او وين يشتغل وشن عنده
محمد:تمام
صكر ركان الخط وقال صار عندك حبيب توا نشوفوا لو منسيتكش فيه
هدرزت ارجوان هيا او احمد وحاول يهديها
وقلها معاش تمشي للمحل
ارجوان:خلاص اصلا سيبت الخدمة
لازم نشوف مكان ثاني منقدرش نقعد من غير خدمة وانت تعرف
احمد :باهي ياحبي اني توا نشوفلك محل ثاني
ارجوان: تمام
روحت ارجوان واحمد كل حد بروحه
وع طول طلع محمد وراه احمد
وصل احمد للقهوة
وقعد محمد يستنى فيه برا لي عند ما كمل احمد دوامه
طبعا احمد كان يخدم في القهواه
ومحمد يحساب احمد جاي لي اصحابه
طلع احمد ومحمد كان وراه
لي عند ما وصل للحوش وكان حوش بسيط واضح ان الناس اللي فيه ع قد حالهم
سأل محمد ع احمد وقالوله ان حالتهم ع قدها وبو احمد متوفي
وعنده زوز بنات وامه وان يخدم في قهوة باش يصرف علي اماليه
عرف محمد كل المعلومات وع طول اتصل بي ركان وحكاله
ركان :صار هكي معناها مدايره جو التقه وانها تحبه بجديات تمام
صكر ركان الخط بس اللي خلاه يحس بالاهانه اكثر كيف ترفضه علي خاطر واحد ماعنده شي
واعرف ان مش موضوعها فلوس وهذا لللي خلاه يصكر راسه عليها وفكر ان يجرب معاها طريقه ثانيه
#تسريع في الاحداث
فاتو اسبوع وارجوان معاش تمشي للمحل
وامها واختها استغربوا بس اختها شكت وقالت لها ان ركان دار حاجه
صارحتها ارجوان بكل شي بس حلفتها انها ما تقول لي حد وما ادير شي وتكمل خدمتها
طبعا ركان كان بيهبل يبي يوصل في ارجوان
كلم جماعة ليه وخطط لكل شي
وفي يوم كانت ارجوان ماشيه للجامعه وكانت في سيارة تراقب فيها
واول ما جتهم الفرصه خطفوها طول
ارجوان قعدة تعيط بس هما صكرولها فمها
واول ما وصلت لي الاستراحه
لقت ركان قدامها

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية احبني اناني)