رواية روح الزين الفصل الرابع عشر 14 بقلم شهد الشيخ

رواية روح الزين الفصل الرابع عشر 14 بقلم شهد الشيخ

رواية روح الزين البارت الرابع عشر

رواية روح الزين الجزء الرابع عشر

رواية روح الزين الحلقة الرابعة عشر

فى يوما ما
روح كانت راكبه تاكسى وواقفه قدام الشركه واول ما زين نزل وركب عربيته قالت للسواق يمشى وراه
«««««««««
عند بيت زين
فى العربيه
زين: ربنا يقومك بالسلامه يا عمو لطفى
لطفى: الله يسلمك يا زين بيه
زين:انا هتكلف بمصاريف عمليتك ومصاريف العلاج ماشى
لطفى: ربنا يخليك ويحميك ويوفقك ويبارلك فى صحتك
زين بابتسامة: يارب.. تصبح على خير
لطفى: وانت من اهله
ونزل زين دخل بيته ولطفى دخل العربيه ومشى وروح نزلت دخلت ورا زين
«««««««««««
فى بيت زين
روح رنت الجرس واستنت خروج زين
زين فتح الباب واول ما شافها بصلها ببرود
زين: اى اللى جابك
روح: عايزة اتكلم معاك
زين: انتى مش بتزهقى قولتلك مش عايز اتكلم معاكي ولا اشوف وشك تانى
روح بدموع فى عينها:ادينى فرصه واحده اسمعنى
زين:اتفضلى روحى مكان ما جيتى
روح ودموعها نزلت لفت ومشيت وزين قفل الباب
««««««««««««

 

 

 

 

 

 

 

فى شقه روح
روح: السلام عليكم
دعاء ووليد: وعليكم السلام ورحمة الله وبركاته
دعاء: لسه يا روح
روح: لسه يا ماما مش عايز يسمعنى
وليد: هو مين يا روح
دعاء: ملكش دعوه انت يا وليد ويلا ادخل اوضتك
وليد: حاضر
روح: وانا كمان هدخل انام تصبحي على خير
دعاء: وانتى من اهله ربنا يريح قلبك يا بنتى
«««««««««««
فى اوضه روح
كانت روح لابسه بيجامه وقاعده ع السرير وضامه رجلها لصدرها وبتعيط
روح بعياط:انا عارفه انى غلطت… ولازم استحمل نتيجه غلطتى.. بس صعب عليا اوى استحمل كل الوجع ده
««««««««««««
تانى يوم فى شركه Ze
ياسمين:طيب يا روح هتعملي اى تانى
روح:خلاص اخر محاوله هتكون النهارده سمعنى وسامحنى كويس مرضيش مش هظهر فى طريقه تانى لانى تعبت خلاص
ياسمين بحزن:خلاص يا حبيبتى اللى يريحك اعمليه

 

 

 

 

 

روح:ماشى يبقى سلميلى ع عدى
ياسمين: حاضر
روح: سلام
ياسمين: سلام
وقفلت معاها المكالمه
««««««««
فى بيت روح
روح: اللى هيريحنى هو ان زين يسامحنى
««««««««
فى شركه Ze
فى مكتب زين
عدى:هتفضل لحد امتى كده تعبان ومهمل فى نفسك ومش عايز تريح نفسك وتريحها وتسامحها وتبدا معاها من جديد
زين: عشان روح متستاهلش انى اسامحها ونبدا من جديد
عدى: انت مش بتحبها
زين: للاسف اه
عدى: خلاص سامحها اديها فرصه اللى بيحب بيسامح
زين: وانت شايف ان الخيانه فيها سماح
عدى: لو كانت بمزاجها يبقى متستاهلش السماح لكن هى عملت كده غصب عنها
زين:تعرف لو كانت من الاول جت وحكتلى كل حاجه هو طلبها منها قبل ما تغلط يمكن ساعتها كنت هسامحها
عدى: اديك قولت يمكن يعنى مش اكيد كنت هتسامحها وهى مرضتش تقولك لانها خافت تخسرك زى دلوقتي فحبت تخرج من حياتك من نفسها
زين:عدى كفايه بقى مش عايز اسمع كلام فى الموضوع ده تاني يلا روح شغلك
عدى: ماشى يا صاحبى بس فوق من اللى انت فيه قبل ما تخسر روح خالص هى لسه باقيه عليك وبتحاول تخليك تسامحها استغل الفرصه دى
وسابه وخرج
وزين رجع راسه لورا وغمض عينه
««««««««««««

 

 

 

 

 

بليل قدام شركه Ze
روح كانت مستنيه زين وهو اول ما خرج راحت ناحيته ووقفته قبل ما يركب
روح: استنى يا زين
زين: اووف قولتلك مش عايز اشوفك تاني روح انا مش هسامحك وابعدى عنى بقى انا زهقت
روح: ماشى يا زين مش هتشوف وشى تاني بس خليك فاكر انى حاولت معاك كتير عشان تسامحنى وانت اللى رافض تسمعنى حتى
وسابته ومشيت وزين بص عليها بحزن وركب عربيته ومشى
««««««««««««
بعد يومين فى شركه Ze
فى مكتب زين
سمير: تمام شكرا يا مستر زين بعد اذنك
زين: اتفضل
وقام خرج
«««««««««««
وهو خارج قابل عدى
عدى: ازيك يا مستر سمير
سمير: بخير الحمدلله انت اخبارك اى
عدى:تمام الحمدلله
سمير: كنت عايز اسالك عن حاجه
عدى: اتفضل
سمير: متعرفش عنوان روح اللى كانت بتشتغل مع مستر زين
عدى باستغراب: ليه فيه حاجه

 

 

 

 

 

سمير: ايوا اصل عايزها تشتغل معانا موديل اصل الحمله اللى هى عملتها جابتلنا مكسب كبير وكل الشركاء اللى معايا عجبتهم روح اوى بس لما كلمت مستر زين رفض ساعتها انها تكمل موديل عشان بتشتغل معاه ولما عرفت انها سابت الشغل كلمته تانى قالى ميعرفش عنوانها ولا رقم تليفونها عشان كده بسالك ع عنوانها او رقم تليفونها لو معاك
عدى:معايا رقم تليفونها واعرف عنوان بيتها كمان
سمير:طيب حلو هات رقمها
عدى: ماشى اكتب عندك
«««««««««««
فى شقه روح
روح كانت قاعده جنب دعاء
دعاء: روح كنت عايزة اتكلم معاكي فى موضوع كده
روح: اتكلمى يا ماما
دعاء: انا عارفه انه مش وقته الكلام ده عشان الحاله اللي انتي فيها دى بس..
روح: ادخلى فى الموضوع يا ماما
دعاء: الفلوس اللي معانا قربت تخلص وانتى قاعده ومش بتشتغلى ومش عارفه بعد كده هنصرف منين
روح: متشليش هم يا ماما من بكره ان شاء الله هنزل ادور ع شغل وان شاء الله هلاقي
دعاء: ربنا يخليكي لينا ويحميكى ويريح قلبك
روح: اللهم آمين
وفجاه رن فون روح
روح:رقم مين ده
وردت تشوف مين
روح:الو مين معايا

 

 

 

 

 

سمير: انا سمير اللى بشتغل مع مستر زين
روح: اه ازيك يا مستر سمير
سمير: بخير ازيك انتى
روح: تمام الحمدلله.. كنت بترن ليه فيه حاجه
سمير: ايوا عايزك فى شغل ممكن تجيلى الشركه
روح: شغل اى
سمير: لما هتيجى هتعرفى
روح: طيب انا هاجى دلوقتي بس ممكن العنوان
سمير: اه طبعا العنوان………..*
روح: ماشى سلام
سمير: سلام
دعاء: خير يا روح سمعاكى بتقولى شغل
روح:فعلاً واحد كلمنى عشان شغل بس لسه هروح اقابله واشوف تفاصيل الشغل ده
دعاء:طيب خلى بالك من نفسك
روح: حاضر
دخلت روح غيرت لبسها ونزلت راحت لسمير
««««««««
فى شركه ما
سمير: ها اى رايك
روح: هو الشغل حلو بس انا مش موديل ومعرفش اى حاجه فى الشغلانه دى اصلا يعنى ازاى عايز تعتمد عليا فى شغلك
سمير:متشليش هم اى حاجه كل اللى عايزه منك انك توافقى وصدقينى مش هتندمى ع شغلك معانا
روح: وانا موافقه
«««««««««««

 

 

 

 

 

وبعد اربعه شهور
فى شركه Ze
زين بضحك: ماشى موافق بس المرة دى بحساب مش زى المرة اللي فاتت
سمير:واللى تطلبه انا موافق عليه
زين: لا يا راجل انا بهزر انت عارف ان التصوير ده هوايتى.. بكره ان شاء الله هتلاقينى فى مكان التصوير
سمير: ماشى نتقابل بكره بقى سلام
زين: سلام
وقفل معاه المكالمه
وفتح فونه ع صور روح اللى كان مصورهالها مع سمير وبص للصور بحزن
««««««««««
عدي:ياسمين ما تيجى اخطفك
وغمزلها
ياسمين بابتسامة: هتخطفنى فين بقى
عدى:نروح نقعد فى مكان
ياسمين: مستر زين هيوافق
عدى: ملكيش دعوه بيه يلا
ياسمين ضحكت وقالت: يلا
«««««««««««
فى العربيه
عدى: زين انا خدت ياسمين وخرجت من الشركه
زين: ليه رايحين فين
عدى: هنروح نقعد فى اى مكان شويه وهنرجع
زين بابتسامة:طيب متاخروش
عدى: ماشى سلام
زين: سلام
««««««««««

 

 

 

 

تانى يوم فى مكان التصوير
زين: هى الموديل اخرت كده ليه
سمير:ثوانى هبعت رحمه تشوفها… رحمه شوفى الموديل اخرت ليه
رحمه: حاضر
«««««««««««««
فى اوضه روح
رحمه: روح اخرتى كده ليه يلا
روح:خلاص انا خلصت يلا
««««««««««
زين كان واقف ومدى ضهره ليها وبيتكلم مع سمير
روح: انا جاهزة
زين اتصدم لما سمع صوتها وبصلها وقال
زين لسمير:هى بتعمل اى هنا ويعنى اى جاهزة
سمير: روح بتشتغل معانا وبقت الموديل الجديده بتاعتنا
زين: يعنى انا جاى هنا عشان اصورها
سمير: ايوا
زين بصلها وقال: تمام روحى مكانك عشان هبدا تصوير
وبدا يصورها وبكل فستان هى بتلبسه وبعد ما خلصوا روح دخلت تغير وزين وقف مع سمير
زين: لو سمحت يا سمير اى شغل هيكون فيه روح بلاش تكلمنى عشان… انا عملت الشغل ده عشان انا اديتك كلمه وجيت لحد هنا لكن اى شغل تاني معاها مش هعمله

 

 

 

 

 

 

 

سمير باستغراب:طيب ليه يا زين
زين: اهو كده وخلاص مش عايز اشتغل معاها
سمير: ماشى خلاص
زين: طيب يلا بقى همشى انا
سمير:احنا مش اتفقنا اننا نتعشا سوا
زين: معلش خليها مرة تانيه
سمير: ماشى براحتك
زين: مع السلامه
وسابه ومشى وروح كانت خلصت وكانت رايحه ليهم بس وهى خارجه شافت زين ماشى ف راحت وراه
زين ركب عربيته وروح ركبت من الناحيه التانيه
زين: عايزة اى
روح: وحشتنى
زين: روح انزلى
روح: مش هنزل يا زين كفايه بقى بعد انا غلطت وحاولت اصلح غلطت
زين بمقاطعه: روح مش عايز اسمع كلمه فى الموضوع ده ويلا انزلى
روح: وانا مش هنزل

 

 

 

 

وربعت ايدها وبصت قدامها
زين: ماشى يا روح خليكى
وساق العربيه وبدا يسرع جامد وروح خافت
روح بخوف: زين اهدى السرعه انت كده هتعمل حادثه بينا
زين:خايفه كده انزلى
روح بعند: مستحيل مش هنزل انا هفضل معاك لحد ما تسامحنى
زين: براحتك استحملى بقى
وزود السرعه اكتر وروح كانت خايفه اوى من السرعه دى
وكانت فيه عربيه جايه من الناحيه التانيه وبتلف الملف وزين بيلف هو كمان بالعربيه بس بسرعه كبيره
روح بصريخ: زيييين حاسب
وزين ملحقش يسيطر ع العربيه ودخلوا فى بعض
ووووووو

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية روح الزين)