رواية حطام الفصل الرابع 4 بقلم مريم محمد

رواية حطام الفصل الرابع 4 بقلم مريم محمد

رواية حطام البارت الرابع

رواية حطام الجزء الرابع

رواية حطام الحلقة الرابعة

^ اى يا دكتور اخبار ماما اي ؟
_ متقلقش يا بشمهندس يوسف الحمدلله هى كويسة بس ضغطها وطى شوية اهم حاجة تاخدوا بالكم منها
^ شكرا يا دكتور . اتفضل
دخل الغرفة وجد والدته تجلس على السرير و سماء تجلس داخل احضانها و الدموع تسقط من عينيها قبّل هو يد والدته
وقال : كده يماما تخوفينا عليكى
ابتسمت والدته بإرهاق وقالت : لا خوف ولا حاجة يا حبيبى انا كويسة
ابتسم يوسف لوالدته ثم قال : تعالى يا سماء خلى ماما ترتاح
لم تبدى اى ردة فعل فقالت والدته : انا مرتاحة كده يا يوسف روح شوف شغلك انت يابنى
هز يوسف رأسه و خرج ولم يجد زوجته ذهب إلى شقته و التى تعلو شقة والدته
وجد زوجته تتناول وجبة الإفطار دون أن يظهر على وجهها اى تعبيرات
ابتسم بسخرية فى نفسه فهو وافق على زواجها من أجل عمه فقط
ما إن رأت يوسف قالت : اى الصوت اللى كان تحت ده و مالها سماء
قال يوسف : و متفضلتيش حضرتك علشان تشوفى ده اى ليه
ردت زوجته و التى تُدعى “ريم” : انا كنت لسه صاحية من النوم
لم يرد عليها وذهب كى يتجهز ليذهب لعمله وبعد عدة دقائق خرج و وجدها ما زالت تجلس
فقال لها وهو يستعد للخروج : ابقى اعملى اكل و نزليه لماما و سماء
قالت ” ريم ” : ما يعملوا هما وانا مالى

 

 

 

 

 

 

 

 

رد عليها وهو يتحكم بإعصابه بصعوبة : ماما تعبت ولسه جايبنلها الدكتور ومش هتقدر تعمل أكل و بعدين مانتى طول النهار بتأكلى تحت اعمليلهم اكل مرة
^ وهى سماء اتشلت ولا اى ما تعمل هى أكل و بعدين انا مش هنزل النهاردة
_ والهانم مش هتنزل ليه ؟
^ مليش نفس
وقف أمامها و قال : هروح الشغل و ارجع الاقى ماما اتغدت وإلا هتشوفى منى وش مش هيعجبك.
____________________________
مرت عدة ساعات حتى سمعت سماء طرق على الباب ذهبت لتعرف هوية الطارق ففتحت الباب فوجدته زين
صُدمت مما رأت و ألجمت الصدمة لسانها
فقال هو بمزاح : اى يا ستى مش مصدقة انك شوفتينى ولا اى
احتضنته سماء بقوة حتى ارتد هو للخلف فقال : براحة براحة هتوقعينى
قالت والدة سماء من الداخل: مين يا سماء
ابتعدت سماء عن زين وهى تمسح دموعها وقالت : تعالى بسرعة علشان ماما متقومش ؟
قال هو بإستغراب : ليه مالها خالتو ؟
قالت وهى تسحبه للداخل: تعبت النهاردة و جبنالها الدكتور
دخل هو مسرعا ليرى خالته التى تعتبر والدته
شهقت والدة سماء عندنا رأته : زين .. انت جيت امتى
احتضنها هو وقال : لسه جاى دلوقتى

 

 

 

 

 

 

 

 

 

 

اخرجته من احضانها و قالت : مقولتش ليه كنت خليت يوسف يستناك فى المطار
^ حبيت اعملهالكم مفاجأة جلست سماء بجواره و قالت : طب سبت دراستك وجيت ازاى ؟
_ هو انا مقولتلكيش ؟
^ لا
_ يبقى مش عايزك تعرفى
ضحكت والدة سماء على مشاكستهم مع بعضهم
فقالت سماء ^ اخلص بقا
_ قررت أحول لجامعة هنا
^ بتتكلم بجد . انت اكيد بتهزر
_ لا مبهزرش
^ ده احسن قرار شوفته فى حياتى
دخلت زوجة يوسف وهى تحمل صينية بها طعام و قالت : يوسف قالى ان انتى تعبانة يطنط الف سلامة
_ الله يسلمك يبنتى . حطى الصينية هنا
^ زين ؟ انت جيت امتى ؟
_ لسه واصل من شوية
^ حمدلله على السلامة
_ الله يسلمك

 

 

 

 

 

 

 

 

خرجت وهى تتمتم و تقول هى ناقصة قرف
_ روح يا زين يا حبيبى ارتاح شوية لغاية ما يوسف يجى
^ واحشنى الواد ده والله
ذهب إلى غرفته و أدخلت سماء حقائبه إلى الغرفة
ما إن رآها هو حتى قال : لينا قعدة طويلة مع بعض يا سماء
هزت هى رأسها و خرجت
مر الوقت حتى جاء يوسف من عمله و دخل ليطمئن على والدته فقال لها : ريم جابتلك الاكل
هزت والدته رأسها و قالت : جابتلى يا حبيبى تسلم ايديها
فرأى زين يجلس بجوارها فقال : زين
وقف أمامه زين و قال : هو كل اللى يشوفنى هيتصدم ولا اى
ثم احتضن يوسف و قال : وحشتنى يا جو
_ وانت كمان يا زين . اى اللى فكرك بينا كده
^ ارجع يعنى يا يوسف ارجع
_ يعم اقعد هروح اغير و اخرج انا و انت ناكل برا
^ هو ده اخويا اللى اعرفه
ابتسم يوسف لأول مرة منذ زمن تراه سماء يضحك
قالت والدة يوسف : انا مش عارفة اى جراله خلاه يتغير كده
قال زين بغموض : يوسف شايل كتير اوى
قالت سماء بإستغراب : شايل اى
رد زين : هتعرفى كل حاجة فى وقتها يا سماء ….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على (رواية حطام)