رواية ذكريات الماضي الفصل السادس 6 بقلم دنيا يسري

قصر عائله السيوفى

يخرج كلا من مراد وعمار ونورين وبجوارهم أسر وعز ويذهبون إلى العائله فى هذه الأثناء كانت العائله تنتظر بلهفه لمعرفه سبب مجىء عمار مبكرا ودخولهم إلى المكتب وعدم التحدث أمام الجميع

تذهب الجده إلى مراد فور رؤيتهم يخرجون من المكتب تتحدث الجده بلهفه إلى مراد

الجده بلهفه فى اى يا مراد ولى عمار طلب منك تتكلموا على انفراد ينظر مراد الى عائلته يلاقيهم يترقبون حديثه يقوم بامساك يد جدته

مراد بنبره حانية متقلقيش يا حبيبتي مفيش داعى للقلق دا كله عمار بس طلب منى أن نورين تقعد عندنا فتره بسبب ظروف خاصه بيها علشان كدا طلب منى نكلم على انفراد وانا طلبت من عز يروح معاها تجيب هدومها من البيت عندها تقوم بالنظر إلى مراد بنبره ذات معنى وتنظر إلى نورين بحب

الجده بحب تنورى يا حبيبتي اعتبرى البيت بيتك

نورين تبتسم لها و تتحدث بلطف شكرا يا فندم

الجده باعتراض اى فندم دى انت قولى ليا يا تيتا انتى زى حفيدتى تبتسم لها نورين بلطف

الجده تقول بحنيه يلا خدى عز و روحوا هاتى هدومك وحاجاتك وانا هطلب من الخدم يظبطوا ليك أوضه الضيوف لما تيجى يقوم عز بالذهاب مع نورين إلى منزلها لجلب أغراضها

يقوم عمار بالنظر إلى مراد ويتحدث بنبره هادئة أنا همشى أنا يامراد ولو احتاجت حاجه كلمنى يقوم مراد بمصافحته ويتحدث بلطف شكرا يا عمار مع السلامه

يتحدث محمد بهدوء واحنا يا امى هنروح الشركه يقوم باقتراب هو واحمد من والدتهم وتقبيل يديها ويقول أحمد بهدوء هنسبقك يا مراد على الشركه متتاخرش علشان الإجتماع

مراد بهدوء تمام يا بابا خمس دقائق وهاجى ورا حضرتك فى هذه الأثناء كان أسر يتحدث بالهاتف مع الدكتورة هبه تخبره أنه يجب أن يأتى ضرورى إلى المشفى يقوم بإنهاء المكالمه ويتحدث إلى مراد بهدوء

أسر أنا مضطر امشى ورايا عمليه مهمه وفيه دكتور مهم جاى ليا ولازم اقابله

ويذهب أيضا كلا من مها ونيرة الى الاعلى ويظل كلا من مراد والجده تنظر الجده إلى مراد وتتحدث بنبره واثقه وذات معنى

الجده أنا واثقه أن فى سبب تانى أن نورين تقعد معانا فى القصر أنا مش هسالك اى هو السبب بس هستنى لما تجى تعرفنى لوحدك

يقوم مراد بالربط على كتفها ويتحدث بلطف متقلقيش يا حبيبتي كل حاجه هعرفك عليها فى وقتها بس لازم امشى دلوقتى ورايا صفقه مهمه لازم اراجعها قبله عليا اجتماع علشان عندى عشاء عمل بالليل

تقول الجده بحب تمام يااباااا صحيح عرفت انك قابلت لورين عملت معاها اى

يقول وعنيه يكسوها الحزن مش راضيه تسامحنى وبتكلم معايا ببرود ولا اكنها تعرفنى يقول بإصرار بس انا مش هسبها الا لما ترجع ليا تانى يعود إلى جموده مره اخرى أنا لازم أمشى على الشركه ويذهب مراد وتنظر إليه الجده بحزن على حال حفيدها وتدعو الله أن يريح قلبه

عربيه عز

عز يتحدث بمرح انا فاكر أن شوفتك قبل كدا

نورين بهدوء اتقابلنا مره فى شرم كنت بتعمل ايفنت مهم وانا كنت فى عمليه ساعتها

عز بتذكر صحيح وساعتها خطبتى فيا وانت بتجرى صحيح قبضتى على العصابه

نورين اها العمليه نجحت الحمدلله

عز بهدوء مبسوط أن شوفتك تانى واتمنى الفتره ال هتقضيها معانا فى القصر تعجبك

تبتسم له نورين يسرح عز فى هدوءها

مستشفى عائله السيوفى

مكتب أسر تدخل إليه هبه

هبه بعمليه دكتور أسر الدكتورة الالمانيه أنا كلمتها وزمانها على وصول ودا ملف المريض المفروض يتعمله العمليه

أسر برسمية تمام يا هبه روحى انت واطلبى منهم يجهزوا اوضه العمليات علشان لما الدكتورة تجى نبدأفورا وانتى خارجه قولى لعمى عبده يجيب ليا قهوة

تذهب هبه وتفعل ما اطلب منها

فى هذه الأثناء تأتى فتاه لابسه بنطلون قماش واسع بيج على قميص ابيض وتقوم بإدخال القميص بالبنطلون وهيلز ابيض وعامله شعرها كحكه وشنطه كروس ابيض بدون وضع ميكب تقوم بالخبط على الباب فيسمح لها أسر بالدخول ويطلب منها الجلوس وهو ينظر فى الأوراق يقوم برفع عنيه وينظر إلى الفتاه بصدمه واستغراب يأتى إليه العامل ويقوم بوضع القهوه فينتبه إليه أسر وينظر إلى الفتاه ويتحدث بهدوء تشربى اى

الفتاه ببرود ونبره هادئه ممكن هوت شوكلت

يذهب العامل

فيحدث أسر بهدوء لوليا بتعملى اى هنا

لوليا ببرود اى يادوك مش حضرتك قدمت طلب لمستشفى ألمانيا أن دكتورة جراحه تجى ليك بنبره واثقه أقدملك نفسى الدكتورة لوليا الجارحى تخصص جراحه

مراد مكنتش اتوقع انك أنتى ال تجى وخصوصا زمانك عرفتى اسم المستشفى

لوليا بثقه أنا اتعلمت أن مدخلش حياتى الشخصيه في الشغل وانا جاية هنا بصفتى الدكتورة لوليا الجارحى مش اخت لورين

ينظر إليها أسر بإعجاب ولكن يتصنع البرود تمام يا دكتورة هطلب من الدكتورة هبه تعرفك مكتبك فين وجهزى نفسك علشان العمليه بعد نصف ساعه

يطلب أسر هبه علي الفون وتاتى إليه

أسر بعمليه دكتورة هبه تعرفك دى الدكتورة لوليا المتخصصه الالمانيه عرفيها مكتبها فين وخليها تجهز نفسها علشان العمليه تنظر هبه إلى لوليا وتقول تشرفنا يا فندم تبتسم لها لوليا بلاش كلمه فندم دى اظن احنا من نفس السن ممكن تنادى عليا ب اسمى عادى الفتره ال هقضيها سوا تبتسم لها هبه على لطفها يرن هاتف لوليا ثانيه واحده وهاجى معاكى فتجيب على الفون

لوليا بنبره حب ازيك يا حبيبي عامل اى أنا ساعه بالكتير وهاجى ليك

حسين يقول بعتاب يعنى ينفع تنزلى من المطار على الشغل على طول مش تجى ترتاحى شوية وطمنينى عليكى

تقوم لوليا بضحكه خفيفه يا حبيبي انت عارف انا بحب شغلى قد اى متقلقش هخلص على طول وهاجى ليك

حسين يقول بحب متتاخريش يا حبيبتي علشان انتى واحشانى واحنا مستنينك علشان نخرج نتغدى سوا

تقوم لوليا بالضحك بصوت عالى وانت كمان يا حبيبي واحشنى خالص متقلقش هخلص واجى على طول ونخرج سوا يلا سلام تقوم بإنهاء المكالمه وتنظر إلى أسر تلاقيه ينظر إليها بضيق وغضب فتتظر باستغراب له

وتتحدث إلى هبه بلطف يلا يا هبه عرفينى المكتب علشان نبدا على طول ويذهبان إلى الخارج لكى تستعد لوليا وتعرف مكتبها

أسر بعد ذهاب لوليا يتحدث مع نفسه بضيق مين دا ال هى بتقول له حبيبي ولى فرحت كدا لما رن عليها ولى أنا اضيقت كدا من فكره أنها ممكن تحب حد يقول بإشغال نفسه لكى يبعد تفكيره عنها

فيلا عائله الجارحى

يجلس حسين مع آدم ويسأله عن اخبار دراسته وكيف أحوال مذاكرته وهل يستوعب مع المدرسين ولالا

تنزل لورين إليهم وتتحدث بمرح اى اخبار القاعده الهادئه دى اوعوا تكونوا بتفكروا تعملوا مصيبه

فيضحك آدم على كلام لورين

حسين بغضب مصتنع اى يا مهزءة هو لازم يكون فيه حاجه علشان نقعد سوا

لورين بمرح اى يا بوب بهزر معاك أنا كلمت لوليا وهى نصف ساعه وجاية يلا قوموا اجهزوا علشان لما تجى نخرج على طول يذهب ادم الى الاعلى لكى يستعد

ينظر حسين الى ابنته بهدوء وانتى مش جاية معانا ولا اى

لورين بهدوء لا يا حبيبي مش هقدر اجى زمان مروان على وصول ولازم اكون فى استقباله وانت عارف أن عندى عشاء عمل ومش لازم أتأخر

حسين بحنيه يقوم بالطبطه على رأس لورين ماشى يا حبيبتي فى هذه الأثناء يرن جرس الباب تذهب الخادمه لفتح الباب يدخل شاب لابس بنطلون جينز وتيشرت اسود أظهر جمال بشرته البيضاء وكوتش ابيض يذهب إلى حسين ويقوم باحتضانه ويسلم على لورين

“” مروان السعدانى شريك لورين فى الشركه الخاصه بهما بعيدا عن شركات الجارحى ابن صاحب حسين والده متوفى عايش مع والدته ولكن والدته لسه فى ألمانيا هو ال نزل لما لورين طلبت منه علشان الصفقه الجديده مع عائله السيوفى ذات بشره بيضه وعينين باللون الأخضر له جسم رياضى وشعر اسود مرح ولكن جاد فى شغله بيعتبر لورين ولوليا اخواته “”.

حسين بحنيه حمدالله على السلامه يا مروان أخبار والدتك اى جت معاك من السفر ولا لا

مروان بلطف لا هى لسه في المانيا أنا نزلت هعقد هنا فتره وعلشان الصفقه الجديده ويقول بمرح انت عارف بنتك مش بترحم

فى الشغل

يقوم مروان بالضحك ويشاركه حسين وتنظر إليه لورين بغضب

مروان بخوف مصتنع خلاص سكت

حسين بحنيه يلا يا ابنى اطلع ارتاح وانا هطلب من الخدم تجهز ليك اكل

مروان باعتراض لا مش هقدر اكل أنا يدوبك اغير وعلشان معاد عشاء العمل هطلع أنا

لورين بهدوء وانا كمان يا بابا هطلع البس ولما اجى هقعد مع لوليا

حسين بحب ماشى يا حبيبتي

مستشفى عائله السيوفى

لوليا تخرج من غرفه العمليات ومعاها أسر وهبه

أسر بابتسامه يقوم بمصافحة لوليا مبروك نجاح العمليه يا دكتورة كنت هايله

لوليا بهدوء تقوم بمصافحته شكرا يا دوك ومبروك ليك انت كمان

أسر بهدوء اتفضلى تعالى معايا المكتب علشان نكلم فى الشغل وعلشان الفتره ال هتقعدى فيها معانا

لوليا بتنهيده تعب مش هقدر النهارده لازم اروح ورايا مشوار مهم ينفع يقوم بمقاطعة حديثهم رنين هاتفلوليا

لوليا بنبره اسف معلش والله انا عارفه أن اتاخرت عليك يا حبيبي بس العمليه خدت وقت خمس دقائق وهاجى

حسين بحنيه تمام يا حبيبتي يشاور له مروان ويقوم مروان باخد الهاتف منه ويتحدث معاها بمرح ازيك يا لولى واحشانى عامله اى

لوليا بفرح مروان انت جيت مصر امته واحشنى خالص مسافه الطريق وجاية لينا قاعده كبيره سوا

مروان بضحكه خفيفه متخفيش أنا قاعد هنا فتره وياستى اختك ال طلبت منى انزل علشان فيه شغل مهم لازم اكون موجود

لوليا بفرحه طب اشطااا احسن حاجه انك هتقعد هنايلا سلام خمس دقائق وجاية وتقوم بإنهاء المكالمه وتنظر إلى أسر وتتحدث بهدوء أنا مضطره أمشى باذن الله نكلم بكرا

أسر بضيق وغيره لا يعرف سببها اها أكيد طبعا باين من فرحتك أن الشخص مهم فعلا عندك

لوليا بفرحه وهى تتذكر مكالمه مروان فعلا الشخص عزيز عليا يلا مع السلامه وتذهب لوليا ويقف أسر بضيق من طريقه البارده التى تتحدث بها معه وطريقتها المرحه مع المدعو مروان هذا

شركه السيوفى

مراد يتحدث مع والده وعمه بخصوص الصفقه يدخل زين يلا يا مراد هنتاخر على عشاء العمل مع الوفد وينظر مراد الى ساعته ويقف يعدل زرار بدلته يتحدث مع والده أنا لازم أمشى دلوقتى ونكمل بعدين

مراد ببرود يلا يا زين

فى مطعم فاخر على النيل يقعد مراد وزين مع الوفد منتظرين وصول صاحب الشركه

تدخل لورين بجوار مروان لابسه فستان اسود طويل بفتحه يصل إلى ركبتها بدراع شيفون وعامله شعرها تسريحه منظمه شيك حاطه مكياج وروج باللون الاحمر وهيلز اسود ومروان يرتدى بدله سوداء وتحته قميص ابيض فاتح اول زرارين وجذمه سوداء وتسريحه شعر شيك وساعه فاخره سوداء

يذهبان إليهم ويقومون بالسلام على مراد وزين

مراد ينظر إليها بحب وفرحه ولكن ينظر باستغراب وصدمة من وجود لورين هو متأكد أن قرأ اسم الشركه كويس مكنش موجود أن الشركه تبع عائله الجارحى

لورين ببرود ازيك يا مراد

مراد باستغراب لورين بتعملى اى هنا يوجه نظره إلى الواقف بجوارها وينظر بغضب وغيره ومين دا

لورين بجمود اعرفك مروان شريكى وصديقى وانا صاحبه الشركه و تبع الوفد الألمانى ال انت مضيت العقد معاها

مراد ازاى أنا قرأت الورق كويس ومكنش مكتوب اسم شركه الجارحى نهائى

لورين ببرود لا ما دى شركه خاصه بيا بعيد عن شركات بابا ومروان شريكى اظن كفاية كلام ونقعد علشان العشاء ولا اى

يقوم مروان بتحريك الكرسى تبتسم له لورين وتجلس على الكرسى يجلس بجوارها مروان

ينظر مراد بغضب وغيرة ل مروان ينادى زين الجارسون ويتحدث بلطف ل لورين و مروان تطلبوا اى

مروان بهدوء اطلب لورين نجرسكو وانا عايز فراخ وشوربة خضار وسلطه ياخد الجارسون طلبات ويذهب لكى يحضر الاكل

يهمس مروان فى اذن لورين شكل مراد مش طايقنى نهائى

لورين بضحكه خفيفه أهدى كدا انت خايف ولا اى

مروان بغرور مصتنع لا يا حبيبتي انا مش خايف طبعا أنا مروان السعدانى اخاف منه هو انا اى حد ولا اى

تضحك لورين على كلامه ومراد ينظر إليهم بغيره وغضب لا يتحمل وجود مروان بجوار لورين وتضحك معه

يضع زين يده على رجل مراد ويقوم بتهدئته

نسيب الجو المشحون بالتوتر دا ونروح مكان اول مره نروحه

مخزن قديم يجلس رجلان يبدو عليهم الشر ويقف أمامهم رجاله ضخمه

الزعيم بنبره تغلبها القسوه اخبار مراد وعائلته اى عايزك تراقبهم ليا كويس

الشخص بخوف عرفنا أن فيه بنت جت قعدت معاهم فى القصر النهارده وهو دلوقتى فى عشاء عمل مع وفد من برا وعرفنا أن حبيبته رجعت تانى

الزعيم بتفكير وغموض عايزك تراقب حبيبته هى كمان وعايز اخبارها كله توصل عندى

الشخص بخوف واحترام أوامرك يا زعيم

المجهول1 انت ناوى على اى معاهم

الزعيم بشر ناوى على كل خير الصبر بس

فى المطعم

يتحدث مروان مع مراد عن الصفقه

مروان بجدية اظن كل حاجه كانت واضحه فى ورق الصفقه والبنود كانت واضحه احنا كدا اتفقنا ويقوم بمصافحة مراد

يسلم عليه مراد ببرود ويقوم بالضغط على يديه ينظران إلى بعض بتحدى وبرود يترك مراد يد مروان

لورين بهمس ل مروان مالك كدا

مروان مراد باين كرهنى خالص دا لو طال يموتنى دلوقتى هيعمل كدا تضحك لورين بصوت عالى على رياكشن مروان المضحك مراد وعنيه تطق شرار يقوم بشد يد لورين ويسحبها وراه

ينتبه مروان ويتحدث بغضب اى الأسلوب دا انت واخدها ورايح فين كدا مين سمحلك اصلا تلمسها

مراد بغضب اعمى متدخلش فى حاجه مش تخصك علشان مش تزعل فى الاخر

لورين ببرود خلاص يا مروان اهدى استنى شوية وجاية ليك

ياترى مراد ناوى يعمل اى مع لورين ؟

ومين الأشخاص المجهوله دى؟