رواية المنكوش الفصل الأول 1 بقلم سلسبيل أحمد

رواية المنكوش الفصل الأول 1 بقلم سلسبيل أحمد

رواية المنكوش البارت الأول

رواية المنكوش الجزء الأول

رواية المنكوش الحلقة الأولى

آه يا خيبتو انا
يا خيبتو انا انا اه يا خيبتو انا
– الله!
كان صوت عرفاه الى كمل الاغنيه
لفيت لاقيته واقف بشكله العشوائي وشعره المنكوش كالعادة عشان لسه صاحي
= انت بتيجي امته ومنين
– صوتك وانتي بتغني صحاني وبعدين الاغنيه مش كانت يا ستو انا برضو؟
= اسكت بقي يا يوسف خليني في خيبتي
اتكلم وهوا بيلمس شعره- وانتي بتغني لخيبتك
= اها ، اية يا بني دا النسكافيه بتاعي!!
بعد ما اخد بق – الله ابن خالتك وختو خساره فيا!
= انا عايزه اركز فى ام الفينال بقي
– وهوا النسكافيه الى هيخليكي تركزي بطلوا حجج
بقي
– اها بيساعدني اصحي مش انام زي الناس الكسلانه الى اول حرف من اسمهم يوسف
بصلي بنص عين وقبض ايده= الله طب وليه جر الشكل ده عالصبح ولما اديكي بالبونيه فوشك
– ولما اجيبك من شعرك المعفن ده
= ولما اكسر الفازة على دماغك
– اسمها فاظه

= واريفر
– ادخل يلا بشكلك الى يخض ده قبل ما خالتو تيجي تشوفك وتتسرع
= وانتي متسرعتيش ليه
قالها وهوا بيسند عالمكتب وبيقرب يبص لعيوني
– عشان.. ع عشان متعوده بقي
= امممم طيب انا داخل اغير ونازل اصلا ساب الكوبايه الى شربها كلها ببرود ومشي
– انسان عشوائي و فوضوي وغير مرتب بالمره عايش معانا كدا لا بضحك عليكم انا الي عايشه معاه هو و خالتو في الجيزة لاني بعمل ماجستير يخص الاهرامات وحاجات معقده كدا تبع كليه الآثار الى دخلتها بكامل اراداتي لاني خن.ز.يره
كنت في بيت طلبه و…
فلاش باك #
– ازيك يختي
= كويسة يخويا منزلني ليه على ملا وشي
– خالتك الى جيباني انا اصلا مش طايقك
= جاي ليه؟
– قالتلي اطمن عليكي من انتي ضيفه عندنا فالجيزة
= انت هتحور انا جمبك فالقاهره
– ايوا وجيتي الجيزة عشان الماجستير يا دحيحه هانم وقاعده في بيت طلبه كمان
= مش وحش يعني طمنها
– المهم اخبار الدراسه اية
= والله بحاول اطلع حاجه كويسة
– امال انتي هتتجوزي امته عاوزين نخلص منك
= بعد ما اخلص تعليم ونخلص منك
– الى قادره عالتحدي والمواجهه؟

= امال يبني طبعاه
قاطعنا صوت – انسه ليلي؟
بصله يوسف بحده: افندم؟
– حضرتك اخوها؟
= نعم عاوز اية؟
– ممكن رقمك وعنوان البيت
بصلي يوسف بعيون هتنفجر..
____________
– اها ياض يغبي براحه دراعي هيتخلع ياض
= لمي هدومك ربع ساعه بالظبط واللقيكي تحت
– انت عايز اية م انت هزقت الواد خلاص وقولتله انك خطيبي يكداب يمنافق
بصلي بشر فا رجعت لورا – خمس دقايق وابقي تحت عندك
باك #
من ساعتها وانا على قلبهم سيبنلي اوضه انام فيها براحتي وبصحي الصبح اذاكر ..
– اوبا اية الشياكه دي بقي انت المنكوش بتاع من شوية؟
= احنا جامدين اوي.
– انت رايح تقابل ولا اي .. نهيت كلامي بغمزه
= ماهو قرك ده الى طفش البنات مني
– ياجدع بقي

= بقولك اية؟
– قول
= متيجي انتي معايا اهو مننا وعلينا
– اجي فين؟
= فرح
– لاء شكرا
= ماشي هستناكي تحت اهو متتأخريش
– انت يا!…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على (رواية المنكوش)