رواية خلف أسوار القلب الفصل الثالث 3 بقلم سهيلة عبد الجواد

رواية خلف أسوار القلب الفصل الثالث 3 بقلم سهيلة عبد الجواد

رواية خلف أسوار القلب البارت الثالث

رواية خلف أسوار القلب الجزء الثالث

رواية خلف أسوار القلب الحلقة الثالثة

مروان_تتجوزيني!!
نور_بص يمروان انت لسه مفقتش يبني يعني وبص كمان انت لسه بتحب مريم وانا من حقي اتحب وكدا برضو
مروان_ فاهمك طيب بصي خطوبه بس نبينلها بيها انها مش فارقه معايا وبعدين نفركش
نور بحزن_ طيب يا مروان سلام دلوقتي هنام ونبقى نتكلم بعدين
مروان_ تصبحي علي خير
نور _وانت من اهله
_____________________
رنا_ الو يانور في ايه
نور_مروان عاوز يتجوني
رناا_ طب دا اللي هو ازاي
نور_ قالي كدا فموافقتش فقالي نخليها خطوبه بس نبينلها بيها انها مش فارقه معاه فقلتله ماشي
رنا_انا من رايي توافقي
نور_طب ما انا وافقت علي الخطوبه
رنا_ لا قصدي ع الجواز ..انتي هتقدري تنسيه مريم ..وانا متأكده من كدا وانتي بتحبيه يا نور وبعدين انتي اتقلي كدا وبس كدا
نور_طيب سلام دلوقتي هنام
رنا_طيب
__________________

 

 

يوسف_ الو ي مروان
مروان_ انا هخطب نور
يوسف_ اهدي يا مروان انت كدا هتأذيها معاك
مروان_ محتاجها جمبي
يوسف_ انت هتأذيها كدا
مروان_متخفش عليها نور فاهماني كويس
يوسف_ طب اوعي تزعلها ولا تعملها حاجه تضايقها
مروان بعصبيه_ ماخلاص ياعم انت هتوصيني عليها يعني سلام يعم
يوسف_ سلام
_____________________
تاني يوم الصبح
نور_ ماما انا نازلة
هبه_ رايحه فين
نور: رايحه الكليه ياماما انما صحيح بابا صلحلي العربيه
احمد_ انا صلحتهالك اي خدمه ياكش يطمر
نور : ماشي
احمد: بيعرج
نور: هيهي لا خفه
احمد : طب يلا اتنيلي روحي كليتك هتتاخري
نور_اتنيل! طب تمم ماشي اي اخبار البت بتاعتك!!
احمد_ يخربيتك هتفضحيني!! يلا غوري
_ حاضر حاضر بس متزوقش!!
____________________

 

 

نور_انت واقف كدا ليه
مروان _جايه اخدك اوديكي الكليه
نور_ احمد صلحلي العربيه
مروان _طيب يلا اركبي انتي نسيتي اننا هنتخطب
نور _ لا الحوار دا فكك منه !!
مروان _ لا
نور_ هو بالعافيه
مروان_ هنتجوز
نور _يبني مش هينفع
مروان _ليه بقاا
نور _ يعم انا عاوزة اتحب مش اتجوز واحد في دماغه واحده تانيه
مروان_ ……
نور _سلام انا ماشيه
مروان_ طيب!!
_____________________
يوسف_ اهو نور ومروان جم اهو
رنا _ايوا… شوفت لايقين علي بعض
يوسف_ بصراحه ايوا
رنا_ سمعت عن اللي صحبك عاوز يعمله
يوسف_مجنون بس دي خطوة حلوة !!
رناا_ فرصه حلوة لنور هي تعبت معاه كتير
مروان_ بتتكلمه في ايه ياحلوين
يوسف _ وانت ايش حشرك انت
مروان_ كدا هزعل !!

 

 

وبدا يهزر معاهم ويوسف ورنا مستغربين
نور بعصبيه _طب يلا ياست رنا بقاا ورانا محاضرة
وقامت رنا ونور عشان يخشو المحاضرة
رنا_ ايه اللي مزعلك يا نور بس دي فرصه وجتلك
نور _كان نفسي مروان يحبني لكن متجيش كدا
رنا_ اديله فرصه وهو هيحبك بعد الجواز
نور_ تفتكري هيقدر ينسي مريم!!
رنا_ ان شاء الله هينساها خليكي جمبه بس عشان دي صدمه كبيرة له انا مستغربه انه بيضحك ويهزر كدا
نور _ انا مش عارفه جايب البرود دا منين
رناا _انتي عارفاه مبيحبش يبين زعله لحد استحمليه
نور_ حاضر
ودخلوا المحاضرة
_____________________
يوسف _ انت واثق انك عاوز تتجوز نور
مروان_ مش احسن ماتجوز واحده تانيه وتتظلم معايا
يوسف ضحك بسخرية_ علي اساس انك مش هتظلم نور
مروان _ نور فاهماني وهتستحملني انا واثق من كدا
يوسف _طب ومريم
مروان بحزن _هحاول انساها
_____________________

 

 

بعد المحاضرة نور ورنا راحوا
الكافي اللي بيقعدوا فيه وفجاه جه عمر _ بقولك ايه
نور _افندم!
عمرو: انتي ايه اللي بينك وبين الواد التاني دا
نور _وانت مالك!
عمرو – طيب مانتي حلوة ومدوراها معاه اشمعنا انا
نور وهي بتضربه بالقلم _انت حيوان ومش محترم
عمرو _ يعني انتي اللي محترمه اوي
وفي نفس اللحظه شافهم مروان وهو بيضربه _انت تاني انا مش قلتلك تبعد عنهاا
عمرو _وانت مالك انت
مروان _ خطيبها يا حيوان
يوسف وهو بيحوشهم عن بعض_ خلاص اهدي يا مروان انت ضربته كتير ..وانت لو شفتك جيت ناحيتهم تاني مش هحجز لكن هضربك ماشي ويالا غور من هنا
عمرو في نفسه_ والله لاندمكوا علي الضرب دا وسابهم ومشي
مروان _ اوعي اشوفك بتتكلمي معاه تاني
نور _وانت مالك انا محدش يتحكم في تصرفاتي
مروان بزعييق جامد_
نور !!
نور سابتهم ومشيت
يوسف _مكنش لازم تزعقلها كدا
مروان _ انت مشفتش ردها
يوسف _ هي تعبانه يا مروان واعصابها مضغوطة انت عاوز تتجوزها فالموضوع صعب حبه عليها
مروان _ طيب انا هروحلها
_____________________

 

 

مروان وهو بيحاول يلحقها وبيمسك ايديها_ استني يانور
نور_ ….
مروان _ استني بس
نور _عاوز اي
مروان_يعني انتي عاجبك اللي حصل وايه هو اللي متحكمش في تصرفاتك
نور _ونبي بلاش جو المخطوبين وتمثيل الغيرة دا مش لايق علينا بصراحه
مروان_ حتي ولو قبل ماتكوني خطيبتي انتي اختي
نور _ خطيبتك اي انت اتقدمت اصلا !!
مروان ابتسم بثقة وغرور _ لا ماهما اكيد هيوافقوا
نور _ لا واثق اوي
مروان_ اه واثق وهتشوفي
نور _ يالهوي دا انت مستفز انا ماشيه
_____________________
مروان ونور وصلوا في نفس الوقت
مروان _ يلا نطلع
نور _ نطلع فين !! انا طالعه بيتي انت بيتك في العمارة اللي قصادنا دي شايف
مروان_ يالا خلصي انا طالع معاكي
نور _ طالع فين يلا اجري روح عمارتكوا
مروان _ انا طالع اخطبك
نور بعصبيه_ دلوقت في حد يخطب حد كدا لا وكمان في العصر وهدخلك البيت كدا ورايا واقولهم يجماعه جي يتقدم
مروان ضحك_ اهدي بس ليطقلك عرق وبعدين دا البيت بيتي اصلا
نور _ لا هطلع لوحدي ووريني مين هيطلعك في الاسانسير
مروان وهو بيجري ناحيه الاسانسير _وريني انتي هتطلعي ازاي من غيري
نور _يووووو صبرني يارب اتنيل خش !!
_____________________

 

 

نور _ ماما انا مروان معايا
هبه باستغراب _ تعالوا خشوا
نور _ انتي فين يا ماما
هبه _في البلكونه بتكلم مع هدي
دخلت نور ومروان البلكونه
نور_ انت حتي البلكونه داخلها معايا
مروان _ملكيش دعوة انا قاعد عند طنط هبه ميخصكيش
نور_يووووو
بصي ياطنط ابنك
هدي_ يبني انت اي اللي موديك عندهم
مروان _هخطب نور
هدي بصدمه_دا امتي دا
مروان _ دلوقت هاتي بابا وتعالي
هدي بنفس صدمتها : طيب هو في حد بيخطب حد كدا!!
هبه _ يبني انت لسه مفركش امبارح هتخطب النهاردة
مروان _آه نور فاهماني وانا عاوزها تبقي معايا
هبه _ عمك محمود لسه مجاش
وفنفس اللحظه اتفتح باب الشقه
مروان_ اهوو جه
محمود باستغراب_ اه جيت في ايه وانتوا واقفين كدا ليه كلكوا في البلكونه ومروان هنا ليه
هبه_ جي يخطب نور
محمود _ هو حد بيخطب حد كدا !! وفي البلكونه
مروان_ تعالي بس ياعمو اقعد
محمود _طب تعالي في الصالون
مروان_صالون اي انا مش غريب انا هقعد في الصاله
محمود _طيب اتهد في اي حته ياكش نخلص
مروان _ها يا عمو قلت ايه
محمود_ فين اهلك يبني
مروان _جايين اهم
محمود_ طيب
مروان _ياعمو قلت ايه

 

 

محمود _ يبني مش نتكلم في التفاصيل
مروان _ ياعمو الشقه جاهزة ناقص العفش وهجيبوا انا ونور الفلوس موجودة وانا بشتغل معاكوا في الشركه يعني وانت عارف ظروفي كدا
الباب خبط ونور فتحت لإبراهيم وهدي
ابراهيم_ اي يبني انت حد يخطب كدا
مروان _ هو كلكوا بتقولوا نفس الكلمه كدا ليه
هدي_ماهو محدش بيخطب كداا
مروان_ معلش ياماما المرة الجايه هبقي اقولكوا
نور بعصبيه _وهو فيه مرة جايه كمان
فضحك كل اللي موجودين
مروان_ اتفقوا انت ع التفاصيل وانا هاخد نور مشوار كدا
محمود _ مشوار ايه وهو انا لسه وافقت
مروان_ معلش بقا يعمو اعتبر نفسك وافقت
محمود _ طب هتروحوا فين
مروان_ هنروح انا ونور نشتري طقماية كدا عشان بكرة خطوبة واحده صاحبه نور وواحد صاحبي وكدا يعني
محمود_ طيب متتأخروش
مروان _تمم ياعمو…
وبعدين بص لنور انتي لسه قاعده ما تقومي تلبسي وانا هروح انا كمان البس وهستناكي تحت وانتوا اتفقوا ع التفاصيل يالا سلام
وسابهم ونزل
_____________________

 

 

مروان _ساعه عقبال ماتلبسي وتنزلي
نور بنرفزه_ هو دا اللي عندي
مروان_ ياستار يارب طب يلا اركبي
نور بعصبيه _ ممكن افهم انت ازاي كدا
مروان _ انتي ليه دايما عصبيه كدا اهدي شويه وقصدك اي ب ازاي كدا
نور _قصدي يعني بتضحك وتهزر مع اهلك واهلي ومع صحابنا ولا كأن فيه حاجه
مروان_عادي يعني بصي انتي عارفه ان انا مبحبش ابين زعلي لحد وكدا وبعدين انتي عاوزاهم يقولوا انك متجوزاني غصب عني
نور. بعصبيه_ انا برضو اللي متجوزاك غصب عنك وبعدين استني احنا هنتخطب بس
مروان_انتي ليه من ساعه ما قولت اخطبك وانتي متعصبه اوي اهدي شويه انا عارف اني خطبتك بطريقه غريبه وفي ظروف غريبه بس ممكن تستحمليني انتي ع طول بتستحميليني مجتش ع المرة دي وعلي فكرة هنتجوز ها
نور_اسكت بقاا متعصبنيش!! سيبها تيجي بظروفها
مروان_ انما اي القمر دا الفستان حلو اوي عليكي
نور بكسوف_شكراا ومتمثلش عليا جو المخطوبين دا
مروان _ طيب بس اما نروح الخطوبه بتاعت مريم هبقي اعاملك زي المخطوبين واكتر كمان خالصه
نور خالصه واستي بقاا هرد علي الفون : الو ي ايمو
ايمان:………
نور: اه يا حبيبي كلنا هنروح
ايمان……….
نور: طيب يا حبيبي اقابلك هناك
ايمان :……
مروان : بتكلمي مين
نور: دي ايمان صحبتي كانت بتسألني رايحه الخطوبه ولا لا وبعدين مبحبش جو التحقيقات دا ها
مروان_ مانتي اللي شغاله حبيبي حبيبي الله
نور_ ملكش دعوة انت
_____________________

 

 

هبه_ احمد يا احمد..
احمد خرج من اوضته_ فيه ايه نعم يا ماما
هبه بحماس وهي بتشده يقعد جنبها_علي فكرة سمعت النهاردة نور وهي بتقولك اخبار البت وكدا هاا بقاا احكيلي
احمد: لا يماما مفيش حاجه.
هبه وهي بتضربه في كتفه: يااض دا انا امك وستر وغطا عليك
احمد_طيب هقولك وامري لله بس انتي بس متروحيش تسيحيلي عند اخواتك!!
هبه_ انا برضو كدا انجز بقا قابلتها فين واتكلمتوا امتي وكدا
احمد_ قابلتها في الدرس
هبه _ ماشي بس علي فكرة هعرف وبقولك ايه انا عاوزة اشوفها
احمد _تشوفي مين يا ست انتي
هبه _ اشوفها انما صحيح اسمها ايه
احمد _ سلمي اسمها سلمي ياماما
هبه – طيب بس متخليش الموضوع دا يبعدك عن مذاكرتك
احمد _ ان شاء الله
_____________________
يوسف_باباكي جاي يسافر في اليوم اللي هتقدملك فيه
رنا ضحكت_ظروف والله
_طب هييجي امتي
– يعني علي يوم الخميس ..طيب انا يوم الجمعه ان شاء الله هكون عندكوا
رنا ابتسمت _ماشي
يوسف_ يعيني يعيني شايف عيونك بتطلع قلوب
رنا _ يوسف بس بقاا بطل غلاسه
يوسف ضحك _وشك بقا طماطم يا طماطم
رنا _والله هسيبك وامشي

 

 

يوسف بضحك_ طيب طيب خلاص
رنا_ماتكلم مروان ونور يجوا يقعدوا معانا
يوسف_ تمم اهي فكرة برضو ..بحبهم اوي وهما ناقر ونقير بيفصلوني ضحك
رنا _طب انجز
يوسف_ اهو حاضر لسه بيرن ..اهو رد اهوو
يوسف _ اي يا سطا فينك !!
مروان:…….
يوسف : والعه معااك يبااا
مروان:…..
يوسف : طيب ماشي سلام!!
رناا : ايه مش هيجي
_لا راح هو ونور يشتروا هدوم وكدا
رنا_اممم ربنا يتمم ليهم علي خير
يوسف _يارب
رنا _انا هقوم امشي انا
يوسف _ طب ما تروحي معايا
رنا_:ما انا معايا عربيتي وفجأة جت بنت وحطت ايدها علي كتف يوسف
رودينا _ ايه يا حبيبي عامل ايه
يوسف اتوتر_نعم عاوزة ايه !!
رنا _مين دي يا يوسف
رودينا_انا رودينا خطيبة يوسف
رنا_ انتي هبله يابت خطيبه مين انتي بتهرجي
رودينا _ لا مش بهرج ودي دبلتنا اهي
رنا _هو فيه ايه يا يوسف مين دي
يوسف_ دي بنت عمي
رودينا كملت بخبث_ وخطيبته!!
رنا _بجد الكلام دا يا يوسف
يوسف _……..

 

 

رناا وهي بتقوم _ خلاص يا يوسف كدا وضحت وسابتهم ومشيت
يوسف _ ممكن افهم ايه اللي انتي عملتيه دا
رودينا _ ايه يا حبيبي عاوزني اعمل ايه وانا شايفه خطيبي مع واحده تانيه
يوسف- مبدأيا انا مش زفت حبيبك ثانيا انتي عارفه كويس اننا مخطوبين عشان ابوكي وابويا بس وانا وانتي عارفين ان دا حوار عملته انا وانتي قدامهم مش اكتر
رودينا بدلع_بس انا حبيتك
يوسف_ وانا مبحبكيش الاه هو بالعافيه
رودينا ضحكت_ اه بالعافيه
يوسف_ يووو سايبهالك وماشي وعلي فكرة الخطوبه دي مش هتدوم كتير وسابها وقام
رودينا في نفسها _ هتشوف يا يوسف انت ليا انا وبس!!

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية خلف أسوار القلب)