رواية عشقت ممرضتي الفصل السادس عشر 16 بقلم جودي عصام
رواية عشقت ممرضتي الفصل السادس عشر 16 بقلم جودي عصام
رواية عشقت ممرضتي البارت السادس عشر
رواية عشقت ممرضتي الجزء السادس عشر
رواية عشقت ممرضتي الحلقة السادسة عشر
جابر بعشق:تقبلي تتجوزيني يا ليل
العقل:ايه يا ست ليل هتقبلي تتجوزي مجرم و قتال قتله
القلب:علفكرة هو كان مجبور يعني هو متعلم و هيقدر يخرج من العصابه دي
العقل:هه يا سلام طيب تحبي تقوليلي ليه فضل المدة دي كلها مخرجش ايه المبرر عشان يخرج دلوقتي
القلب:انت ايش عرفك هو مر بي ايه في الفترة دي ما يمكن كان بيحاول يخرج و مش عارف
العقل:لا مش منطقي فكري كويس انتِ هتبقي في حضن مجرم مش يمكن لما يتعصب يضربك مثلا وانتِ معندكيش أهل يسألوا عليكي
القلب:ما تبطل تظلموا بقي انا هوافق و هقدر اغيروا
العقل:لا مش هتقدري
القلب:لا هقدر
العقل:لا مش هتقدري
القلب:لا هقدر
ليل وهي حطت أيدها علي ودنها:بس بقي
جابر بإستغراب:ايه ده في ايه مالك
ليل:لا مليش بس اتوترت بس
جابر بنظرة أمل:ها يا ليل موافقه ولا لا
ليل بهدوء و حب:موافقه بس عندي شرط
جابر بفرحة:انا موافق من قبل ما تقولي
ليل:لا لازم تسمع عشان متندمش بعدين
جابر بإستغراب:اندم ليه طيب قولي
ليل:الشرط انوا من النهاردة الراجل اللي اسموا رامز ده تبعد عنوا من دلوقتي و لو هتقولي ازاي هقولك سيبلي انا الطلعه دي
جابر:هتعملي ايه يعني
ليل بتفكير:لا اهدي كده و براحة عليا انا عندي خطة بس محدش يقدر يساعدنا فيها غير رشا و لازم كلنا نجتمع كده عشان نقولها
جابر بمرح:طب انا رجلي وجعتني من كتر القاعدة دي ينفع البسك الخاتم و بعدها نخطط براحتنا
ليل:ههههههه اوكي اتفضل
ادتلوا أيدها و لبسها الخاتم و قبلها بكل حب وقال:انا بحبك اوي وانا من اللحظة دي هتغير عشان نفسي و عشانك
ليل:اوكي
جابر بمرح:ايه مفيش كلمه حلوة كده ولا كده
ليل:تؤتؤ اوعدك اول ما تخلص من العصابة دي و ترجع المهندس جابر عبد الحي ساعتها كل الكلام الحلو هفضل اقولوا لحد ما تزهق
جابر بعشق:وانا عمري ما هزق منك يا لولي
ليل:لا عندك يسطا لولي ده دلع رشروشه انت لازم تقولي دلع تاني
جابر بصدمة:عندك و يسطا كمان مالك قلبتي كده ليه عموما ماشي اقولك مثلا لي لي ايه رأيك
ليل بتفكير مصطنع:مع انوا دلع مش جديد بس اشطا حلو لي لي يلا روحني
جابر:تمام بس بعد كده مش هسيبك هنسهر مع بعض كلنا في يوم اشطا
ليل:اشطات يلا نروح
________________________________________
عند شهاب و رشا…
شهاب اخد رشا و كان مأجر مركب علي النيل و كان مزينوا بطريقه رومانسيه بسيطة و أعجبت بها رشا جدا…
شهاب:ايه رأيك في المفاجأة دي مع أنها مش زي المفاجأت اللي بيعملوها الاغنياء و كده
رشا بإعجاب:لا لا انا عجبني المركب ده كيوت اوي و كمان انا كان نفسي اركب مركب في النيل بس بابي و مامي مكنوش بيوافقوا
شهاب بحب:معايا انا هتعملي كل اللي نفسك فيه
رشا بحزن:بس شهاب انا عايزة اقولك علي حاجه مهمه
شهاب:طب بعد المفاجأة طيب
رشا:لا لا مش هنفع أجلوا ده موضوع يخصك انت
شهاب بإستغراب:يخصني انا طب قولي
رشا بحزن:انا عارفه انك بعد ما تعرف اللي حصل ممكن يما تضربني أو تكرهني بس انا لو سكت هيجرالي حاجه
شهاب بقلق:ما تقولي في ايه يا رشا انا بدأت أقلق
رشا بهدوء و خوف:انا السبب في هروب همسة
شهاب بصدمة اكبر و اكبر:اييييييييييه انتِ بت بت بتقولي ايه؟!!!
رشا بدموع:ايوة انا السبب انا سبب في هروبها انا السبب عشان انا كنت بغير منها و بحقد عليها عارف ليه عشان هي محبوبه و كل ناس بتحبها وانا لا حتي انت انت بتحبها لا انت بتعشقها انا شوفت ده في عينك لما عرفت اني صحبتها يوم النادي و اه علفكرة اللي خلاني اغير اكتر اليوم اللي انت وصلتها في اول يوم الجامعه فاكر
شهاب كان بيحاول يفتكر اللي بتقولوا و فعلا افتكر اول يوم اللي وصلها فيه الجامعة
..((فلاش بااااااااك))..
كان شهاب واقف قدام باب العمارة مستني همسة عشان يوصلها اول يوم الجامعه بعد مناقشات مع ريماس و مع أيمن ليل نهار انوا يوافق و فعلا وافق وهو كان هيطير من الفرحة انوا يوصل همسة و هيقعد معاها في نفس العريبة شافها نزلت كانت لبسه تيشرت pink و بنطلون جينز و كانت لمه شعرها كعكه جميلة و رقيقه و نازل منها خصل يبين جمالها اكتر و اكتر…
شهاب بمرح:ايه الحلاوة دي يا همستي انا كده هخاف عليكي تروحي الجامعة
همسة بإستغراب:تخاف عليا ليه
شهاب بغيرة واضحة جدا:لحسن حد يعاكسك وانا بصراحة لو شوفتوا بس يحاول يكلمك هروح اجيبوا من زماره رقبتوا كده عشان يفكر يبصلك بس يا همستي
همسة بخجل:يلا شهاب هتأخر علي اول يوم وانا مش عايزة اتأخر
شهاب:تمام يلا اركبي يا عسل يلا
همسة ركبت و هو وصلها و قبل ما تنزل مسك أيديها و حط فيها ورقه وقالت:ايه الورقه دي
شهاب بإبتسامة:دي ورقه فيها رقمي عشان لو حصلك حاجه تكلميني و اوعي اسمع اعتراض اكيد مش عايزين نقلق أيمن من اول يوم يعني ولا ايه
همسة بإبتسامة:تمام يا شهاب انا لما اخلص هكلمك تروحني اشطا
شهاب بسعادة:اشطا جدا اشطاااااا يلا سلاموز
هسمة:ههههههههه سلام يا مجنون انت
شهاب بعشق:مجنون بيكي يا همستي
همسة نزلت وهي مكسوفه و طبعا مين كان بيشوف كل ده رشا هانم طبعا و كانت هتموت من الغيظ معرفش ليه ده اول يوم ليها يا مفتريه معلش يا جماعه انفعلت بس معلش😂🤦🏻♀️
رشا:بقولك يا بت يا ميمي من البنت اللي هناك دي
مروة بتفكير:بصراحة معرفش بس تلايقها بنت جديدة بس مين الواد المز اللي معاها ده شكلوا كده حبيبها
رشا بخبث:حبيبها اه الواد ده من النهاردة هيبقي بتاعي انا
مروة بإستغراب:ازاي يعني انتِ تعرفيه
رشا بخبث:و مالو هنعرفوا بقولك يا ميمي ما تيجي نتعرف عليها
مروة بإبتسامة شر:بت انتِ مش سهله ابدا ايه اللي في دماغك
رشا بإبتسامة شر:لما تكبري هبقي اقولك بقي يلا نروح نتعرف عليها..هي اصلا من اول ما شافت شهاب اعجبت بيه و حطتوا في دماغها و مبالكوا بقي بي دماغ رشا😈😈
..((باااااااك))..
رشا بحزن:و من ساعتها وانا قررت اني احاول اقرب منك عشان اعجبت بيك و اللي مكنتش اعرفوا ان حبيتك من ساعتها و انا كنت بطنش عشان كل اللي بالي أني اضايق همسة و بس و يوم الحفلة اللي هي راحتها انا
و سكتت و متكلمتش و هو فهم هي عملت ايه و انصدم…
رشا بدموع:و من ساعت ما شوفتك يوم النادي وانت مضايق من هروب همسة وانا كرهت نفسي اوي و حبست نفسي في اوضتي وليل دلوقتي بتساعدني اني اتغير عشان انا قررت اغير في نفسي وفي شخصيتي اللي كرهتها حرفيا وانت اكيد دلوقتي كرهتني و بتلعن اليوم اللي شوفتني فيه بس انا هتغير و الله هتغير قولي دلوقتي انت عايز ايه قولي اي حاجه وانا هنفذها عايز تعاقبني عاقبني بس متسبنيش يا شهاب انا مش هقدر اعيش من غيرك بجد
شهاب ببرود:انا عندي شرط و هو صعب بس هقولوا لو نفذتيه ممكن اسامحك لو منفذتهوش مش هسامحك و هبعد عنك
رشا بسرعه:انا موافقه عليه من قبل ما تقولوا
شهاب بسخرية:لا يا ماما هو مش بسهولة دي اصبري عليا انا عايزك ترجعي همسة لينا انا و أخوها أيمن اللي منهار بسببك
رشا بصدمة:انا هرجع همسة بس ازاي
شهاب بسخرية:مش قولتلك صعبة بصي يا بنت الناس ترجعي همسة هنبدأ صفحة جديدة مش هترجع يبقي هنبعد و مش هتشوفني تاني و اه في حاجه كان نفسي همسة تعملها بس معملتهاش عشان هي بريئة و طيبه و مستحيل تعلمها
رشا بإستغراب:هتعمل ايه؟؟
قام مرة واحدة لاتشها حته ألم علم علي وشها وقال:انتِ طلعتي زبالة اوي يا رشا اوي..و مشي و قلبوا جوه نار و سمع صوت عيطها و قلبوا كان بيتقطع بس ميقدرش يرجع تاني عشان هو موجوع علي هروب همسة و اللي حصلها من رشا
رشا في نفسها:كنتي مستنيه ايه يعني انوا ياخدك بالحضن شهاب عمروا ما هسامحني حتي لو رجعت همسة انا لازم اصلح الموضوع ده و بسرعه انا بحبوا اوي مستحيل اني اخسروا لا مش هخسرك يا شهاب زي ما قولت قبل كده انت بتاعي انا وانا مستعدة اعمل اي حاجه عشان تصالحني
يا تري قصه شهاب و رشا خلصت قبل ما تبدأ ولا ايه🤔🤔
______________________________________
عند صبري…
كان راكب العريبة و عمال يلف بيها و هو حزين ليه مش قادر ينسي يارا فعلا مش قادر كل ما بيحاول ينسها مش بيقدر هو هيحاول يتكلم معاها تاني يمكن تقبل و هو بيسوق كان سرحان…
جومانا بتعب:عايز ايه يا يزيد بقي انا تعبانه
يزيد بطفولة:عايز حاجات حلوة يا مامي انا جعان
ساهر بعقل:يزيد مش وقتوا مش شايف ماما تعبانه ازاي استني بس نوصل البيت الاول هنبقي نجيب حاجات حلوة صح يا مامي
جومانا بحب:صح يا روح مامي يلا نكمل عموما قربنا نوصل
يزيد كان ماشى جمب جومانا فاجأة شاف محل الألعاب كتير و شاف لعبه كان نفسوا فيها بس عشان يوصل للمحل لازم يعدي الشارع…
يزيد بفرحة:الله كورتي البوعبوع انا عايزها عايزها..و جري بسرعه بس العريبة كانت شالتوا
جومانا بصريخ:يزيييييييد
جومانا جريت عليه و حاولت تفوقوا و صبري نزل عشان يشوف الطفل…
صبري:انا اسف جدا و الله قاعدت اضرب كلاكسات و العريبة مش راضيه تقف و خبطه بالغلط انا اسف..و جومانا لسه هتزقوا بس صبري بصلها و سرح في جمالها و عيونها اللي بتلمع من دموع و الخوف وهي كمان سرحت و قلبهم بيدقوا بسرعه رهيبة و مفقتش غير علي صوت ساهر وهي بيعيط:يا مامي يلا نلحقوا اخويا هيموت يا مامي
فاقت جومانا و قامت عشان تشيل يزيد و توديه المستشفي بس صبري و اقفها و قال:انا هشيلوا و نوديه المستشفي دلوقتي مفيش وقت يلا في مستشفي قريبة من هنا تعالوا معايا
و فعلا شال يزيد و جري و جومانا مسكت ايد ساهر و جريوا وراه عشان يلحقوا و فعلا و صلوا المستشفي و دخلوا غرفه العمليات و حاول يدور علي الموبايل بتاعوا افتكر انوا نسي ياخدوا بس محطش الموضوع في دماغوا…
______________________________________
عند يارا…
كانت بتتمشي في البيت كلوا و زهقت جدا من أنها تفضل مستنيه صبري أو أنوا ينقلها مكان تاني و قررت تعمل حاجه مجنونة وهي أنها تهرب…
يارا بتفكير:بس هرب ازاي و هل اقدر اصلا القي تالين لوحدي اه اقدر ليه لا بس انا محتاجه اني اهرب دلوقتي اول حاجه انا عايزة موبايلي بس يا تري ممكن يكون مخبيه فين
قاعدت تدور علي موبايلها بس ملقتهوش خالص فقدت أمل و خرجت بس لحظت موبايل غريب محطوط علي السرير ليقتوا موبايل صبري و مش حاطط باسورد..
يارا:الله و اكبر ليقت موبايل اما اقفل اي حاجه تخص location عشان لو اخدت الموبايل و صبري مثلا و يكون عايز يوصلي ميقدرش الله عليكي و علي أفكارك يابت يا يارا..فاجأة انصدمت لما ليقت اسم اختها علي الموبايل و قررت أنها ترن علي الرقم بس جالها رد من ست اللي بتقول:اهلا بكم في اورانج عفوا لا يوجد رصيد كافي لأتمام المكالمه
يارا بضيق:راجل معفن صحيح معقول مش بيشحن رصيد كده ايه ده..فتحت الدرج ليقت فلوس كتير مع شويه فكه كده
يارا:مقدرش اعمل كده دي اسمها سرقه بس انا محتاجه الفلوس دي لا لا يارا متبقيش كده خدي الفكة بس و سيبي الباقي اه انا عايزة الفكة عشان اشحن الرصيد بس عشان اهرب محتاجه اركب اوبر و كده ايوة جتلي فكرة أسماء هتقدر تساعدني
لبست البس اللي جيت بي و طلعت علي البيت و لحسن الحظ ان عم لطفي و مراتوا مش موجودين و أسماء بس هي اللي موجودة…
يارا:أسماء أسماء انا جتلي فكرة كده بس هتقولي عليا مجنونة
أسماء بحماس:و ايه هي الفكرة المجنونة انا بحب الأفكار دي اوي اوي
يارا:قررت اني اهرب
أسماء بصدمة:تهربي ايه لا مش هنفع!!
يارا بتفكير:و مش بس كده انتِ كمان هتهربي معايا
أسماء بخوف و توتر:لا ده انتِ مجنونة رسمي اهرب معاكي ليه
يارا بغيظ:يارب انا قاعدة مع واحدة غبيه ليه يابت يابت افهمي ما انا لو هربت صبري اكيد هيسألك انا هربت ليه و روحت فين و مش هسيبك و متنسيش انوا مجرم و مع عصابه مافيا ها ف مش هتردد ثانيه من انوا يوديكي عند رامز وانا مش عايزاكي تروحي هناك ف احنا لازم نهرب و نروح لي تالين لازم
أسماء بخوف:لا لا مش عايزة اتخطف خلاص خلاص نهرب يلا نجهز
و فعلا يارا لبست بنطلون بيج طويل و عليه بلوزة بيضه و عليه جاكيت خفيف بيج…
أما أسماء لبست بنطلون جنيز طويل شويه و عليه بلوزة بيضه بكم طويل عليها طرحه صفراء…
يارا:كده تمام احنا مستاعدين للهرب
أسماء:سامحيني يا ماما و بابا بس لازم اهرب ان شاء هقدر اجيلكوا تاني قريب اوي
يارا:ما تنجزي يا أسماء احنا مش مهاجرين يا حبيبتي
أسماء:معلش يا يارا بس لازم يعرفوا انا كتبت الجواب يلا نخرج بسرعه
و فعلا قدروا يخرجوا و يارا طلبت اوبر من موبايل أسماء و وصل و ركبوا…
يارا:لو سمحت يا كابتن حضرتك متعرفش احنا فين
_حضرتك احنا في المنصورة
يارا بصدمة:المنصورة امم طيب حضرتك ينفع تودينا الإسكندرية أو حتي القاهرة
_يبقي انا حضرتك هاخد مبلغ اكتر لان ده مشوار طويل
يارا:طيب يا كابتن احنا هنتصرف في موضوع الحساب ده المهم بس ودينا اي حته
_يعني يا فندم نروح فين
يارا:ودينا القاهرة
أسماء بهمس:نفسي اعرف هنروح القاهرة نعمل ايه
يارا بنفس الهمس:هنطلع علي شقتي نجيب فلوس و بعدها هنتصرف بس الصبر ونبي يا أختي عشان مش ناقصاكي
أسماء:ماشي ياختي ربنا يستر
و فعلا وصلوا القاهرة و وصفتلوا المكان و وصلوا و قالتلوا يستني و طلعوا البيت و يارا بدأت ترجع لي ذكرياتها مع جوزها و بنتها كاميليا و بدأت عينيها دمع…
أسماء بحزن:بصي انا حاسه بيكي و عارفه انك مش حزينه انتِ مقهورة علي موتهم بس لازم تبقي قويه عشان لما ترجعي اختك هتبقي اضعف بكتير لأنها شافت و عاشت حاجات صعبه
يارا بحزن:معاكي حق..راحت غرفتها و طلعت الخزنة السرية بتاعتها و اخدت كل الفلوس بتاعتها اللي كانت موجودة و اخدت الكردت كارد بتاعتها و اخدت شنطه تانيه فيها هدوم ليها و نزلت ادتوا فلوس و مشي…
أسماء:ها هنعمل ايه
يارا:هنطلع علي الشاليه بتاع بابا و ماما اللي في الإسكندرية يلا
أسماء بإستغراب:هنروح ازاي
يارا بصريخ:أسمااااء مش ناقصه غباء ونبي هنروح بعربيتي يلا
و فعلا ركبوا العريبة و راحوا و وصلوا علي اول استراحة لقوها…
يارا:انا هدخل اجيب شويه مقرمشات و حاجات حلوة عشان نتسلي في الطريق
أسماء:تمام بس انا خايفه اوي
يارا:متخفيش مش هيحصلنا حاجه و صبري اصلا مش هيقدر يوصلنا لا هو ولا رامز
و راحت عشان تيجب الحاجات و طلبت نسكافيه كمان عشان نفسها فيه كأنها رايحه رحلة تقريبا مش هربانه من عصابه😂😂🤦🏻♀️
حاتم:يا ست الكل متخفيش عليا انا مش عيل صغير ما حضرتك عارفه بابا لو مفيش يوم يعدي و يشقيني ميبقاش أبويا اطمني يا حبيبتي انا بس هقعد أسبوع واحد و جي..شاف يارا واقفه جمبوا و بصلها بنظرة اعجاب..أسبوع أسبوعين علي حسب مزاجي يعني يلا سلام
اخد القهوة بتاعوا و مسك الموبايل و كان بيكلم صحابوا و سرح في الموبايل و مش مركز فاجأة خبطها وقع القهوة عليها و قوعوا علي الأرض…
يارا بوجع:اااااااااااه انت حمار يلا مش تحاسب ايه طور بيهجم عليا ما تركز وانت ماشى اووووووف
حاتم بعجاب:والله انا بعد كده مش هركز ابدا وانا ماشى عشان اخبط فيكي يا جميل انتِ
يارا بغيظ:و كمان ليك نفس تعاكس
حاتم بمرح:انا ليا في حاجات كتير اوي انا بعمل اي حاجه تتوقعيها تحبي تشوفي
يارا بضيق:لا محبش و عديني كده عشان اخد النسكافيه و امشي
حاتم بغلاسه و بمرح:لا مش ماشى بقولك ايه انا عندي شاليه بي بسرير مدور متيجي وانا هبسطك
يارا بخبث:طب و مالو ثانيه واحدة..مسكت النسكافية و مرة و واحدة رمتوا في وشوا تفتكروا هتسكت لا قامت ضربتوا بكوعها علي معدتوا و فتحت صبونه و رمتها هو ياعيني تكعبل و وقع…
يارا بإنتصار:يلا تعيش و تاخد غيرها و اه صح ابقي خالي السرير المدور ينفعك سلام يا كابتن عضلات
و مشيت و اخدت والمقرمشات و التسالي و ركبت العريبة و مشيت علي طول…
و هو ياعيني كل ما يحاول يقوم يقع تاني و الناس كلها تضحكت عليه و طفل صغير ساعدوا قال:ربنا يكون في عونك سكلها خطبتك و انت مرتضتس تجبلها سوكولاتة ما تجبلها سوكولاتة بقي متبقاس بخيل
حاتم بصدمة:سوكولاتة و خطبتي و بخيل في جملة واحدة ابن مين ده يا جماعه اوعي كده يا واد اما الحقها البت دي
الطفل:البنوته ام بنطلون بيج مسيت و ركبت عربيتها الكبيرة خالص خالص و انطلقت زي صاروخ
حاتم وهو بيعدل لبسوا و شعروا وقال:زي صاروخ متأكد
الطفل:متأكد جدا جدا
حاتم بإبتسامة:ماشي يا واد يا شقي انت يلا روح شوف مامتك فين
الطفل:مامي هناك اهي باي يا عمو
((نتعرف بقي علي حاتم))
حاتم حسني ٣٠ سنه بيشتغل دكتور تخصص جراحة زي ولدوا مش عصبي اوي مرح و راجل كده فرفوش و مش بحب النكد خااااالص
حاتم خرج و ركب عربيتوا و صل الفندق اللي هيقيم فيه و بالصدفة ان الفندق ده نفس الفندق اللي تالين و سهيل قاعدين فيه دخل غرفتوا و لسه هينام لقي تليفونوا بيرن فتحوا بص عليه بضيق و قرف:اووووف بقي ده انتِ بت لزقه
حاتم بضيق:ايه يا نرمين عايزة ايه
نرمين بزعل مصطنع:ايه يا حاتومي دي معامله تعملني بيها انا قولتلك اني بحبك متفهم بقي
حاتم بنفاذ صبر:نرمين ممكن تعملي لي رقمي بلوك عشان خطبتي بتتضايق
نرمين بصدمة:انت انت تخطبت بس ازاي دي auntie مقالتش لي مامي خالص
حاتم بضيق:مليكش فيه و يلا اقفلي بقي و متنسيش البلوك ها يلا سلام بقي
نرمين بغيظ:انت فاكر انك هتقدر تبعد عني يا سي حاتم لا يا حبيبي انت ملكي انا و بس انت و فلوسك و كل حاجه ملكي انا و مفيش حد يقدر يخدك مني ده انا نيرو شكلك لسه متعرفنيش انا بقي هعرفك مين هي نرمين السعدني
((نتعرف علي نرمين))
نرمين السعدني عمرها ٢٤ سنه بتشتغل بواسطة أبوها في الصحافة و نفسها تبقي غنيه عشان تثبت لي أصحابها اللي هي بتعوزوا بيجلها و طبعا هي بتحلم و بتبص لي فوق ليقت في الإعلانات و مواقع التواصل الاجتماعي عن اكبر دكتور جراح و همسك مستشفي أبوه اللي هو حاتم طبعا ف هي قررت توقعوا عشان تستمتع هي بالفلوس و تثبت نظريتها طبعا أنها تبقي غنيه و تتمتع بحياتها
_______________________________________
عند همسة…
عزيز اخدها و ودها للبيت اللي قال عليه جواد و وصلوا و كان جواد و ريما قاعدين…
ريما:خالي بالك براحة عشان رجلك تعالي ارتاحي علي السرير
و فعلا اول ما طلعت علي السرير نامت بعمق من غير حتي ما تغير هدومها لأن واضح عليها التعب
جواد:عزيز تعالي ورايا
خرجوا و قاعدوا برة و بدأ جواد أنوا يتكلم:اسمها همسة عبد الفتاح مدبولي عندها ١٩ سنه و هتم ٢٠ قريب المهم البنت دي هربت من أخوها و مرات أخوها لسبب بصراحة انا معرفوش أخوها اسموا أيمن عبد الفتاح و مراتوا أسمها ريماس الله يرحمها ماتت من يومين انا اللي اعرفوا انك تحاول تعرف منها ايه سبب هروبها الاساسي و لازم ترجع لي أهلها فورا لأنهم قالبين عليها الدنيا
عزيز:تمام بس تكون صحتها كويسه و تكون هديت نفسيا عشان انا اول ما بجيب سيرة أهلها تقوم بدأت في العياط و الانهيار و بعدها تانم
جواد:تمام بص انت مش هتنام هنا طبعا ريما هتنام معاها انت بقي هتنام في الاوضه اللي فوق السطوح تمام ولا عندك اعتراض
عزيز بخوف:لا لا معنديش اعتراض خالص انا طالع انام سلام سلام
ريما:هههههه ايه ده مالوا خايف كده ليه
جواد:هههههههه معلش اصلي مهددوا لو بس قربلك هخالي البنت اللي جوه دي ترفع عليه قضية و طبعا لأنوا اللي خبطها ف حقها تعمل كده ده لو هي عايزة
ريما:جواد حرام عليك ده شكلوا طيب و كيوت خالص
جواد بغيرة و خبث:طب اسكتي يا كيوت انتِ بدل ما اعمل حاجه كان نفسي اعملها
ريما بخجل:جواد اطلع برة
جواد بصدمة مصطنعه:انتِ بتطرديني
ريما:اه اطلع بقي
جواد قبلها من خدودها بسرعه وقال:شويه تصبيرة لحد ما ترجعي يا جميل يلا سلام يا طماطمايه
_____________________________________
عند كنز…
مجدي بصدمة:انتِ عملتي كل ده يا نعمه
كنز بصدمة:بابا؟!!
نعمه بنفس الصدمة:مجدي!!!!!!
مجدي بصدمة:انتِ ازاي بالقسوه دي ازاي جالك قلب تعملي في ابنك و مراتوا كده انتِ ايه يا شيخة ايييييه كل اللي فارق معاكي كلام ناس كلام ناس و مش فارق معاكي ولادك دول ولادك علفكرة مش ولادي لوحدي لو واخدة بالك اصلا انا بجد مش عارف اقولك ايه انا مصدوم لا مش بس كده كنتي عايزة تجوزي لبنك لي واحدة ماشيه مع كل رجاله مرة مع ده و ده
نعمه بضيق:نعم جيهان دي جيهان دي عسل و حبيبتي و قمر و بنت من حسب و نسب و أهلها معروفين مش البت اللي عايشه دور الضحية و قال ايه انا وحيدة دي دي بت خبيثه وانا عارفها
كنز بسخرية:ده علي أساس جيهان ايه بنت بارم ديلوا دي اخبث من الخبث اصلا و انا بصراحة بكره كره السنين
نعمه بضيق:ايه دلوقتي انا الوحشه و ست تالين هانم هي الحلوة انا هثبتلكم انها شيطانه هثبتلكم ده
مجدي بنفاذ صبر:لا لا انتِ لا مش طبيعيه ابدا لا انتِ تلمي هدومك و حاجات و ترجعي مكان ما جبتك و ورقه طلاقك هتوصلك علي الحارة ها الحارة فكرها ولا نستيها
نعمه بتحدي:ماشي يا مجدي هتشوف هتشوفوا اني مش بقول اي كلام و خلاص انا هثبتلكم و هتشوفوا ان كلامي صح و انت هرتجعلي راكع تحت رجلي عشان تتطلب بس اني ارجعلك علي آخر زمن اطلق بسبب بت حيوانه زي دي و اه انا مش هرجع الحارة ابقي اديلي الورقه في شقتي الجديدة..لمت هدومها كلها و خرجت من البيت و ركبت تاكسي و راحت علي بيتها الجديد
نعمه:الو سعيد انا عايزك في طلعه كده
كنز بحزن:بابا انت بجد هتطلق ماما
مجدي بتعب:كنز سبيني في حالي عشان انا اللي فيا مكفيني
_______________________________________
المستشفي عند تالين…
سهيل بحزن ممزوجة بحب:تالين انتِ كويسه
تالين:___
سهيل بخوف:هي مالها يا سميرة
سميرة بحزن علي حالها:هي كويسه الحمد لله بس واضح انها افتكرت حاجه خالتها كده بس حاول تكلمها عشان متفقدش النطق
سهيل بتعب:طيب انا هتصرف..بعد ما خرجت سميرة
سهيل:تالين ممكن تكلمي تقوليلي مالك
تالين بشرود:انا عايزة اخرج من هنا
سهيل بهدوء:طيب هنخرج دلوقتي استني
سهيل خرج و طلب إذن خروج من المستشفي و فعلا خرجت و راحوا علي الفندق و تالين دخلت سهيل جناحوا…
سهيل مسك ايديها بسرعه وقال:استني يا تالين انتِ وعدتني انك هتحكيلي كل حاجه
تالين بهدوء:انت مستعد تسمع كل حاجه من غير مقاطعه
سهيل:اه مستعد يلا انا سمعك
تالين:___