رواية الحفلة الفصل الثاني 2 بقلم مجهول

رواية الحفلة الفصل الثاني 2 بقلم مجهول

رواية الحفلة البارت الثاني

رواية الحفلة الجزء الثاني

رواية الحفلة الحلقة الثانية

بصيت ل مرام لقيتها مركزه معايا وفي عيونها
نظرة غريبة انا مش فاههمها
طفوا الشموع ..وبعدها حضنت بنتها
وباستها ..كل سنه وانتي طيبة يا روح قلبي انا
مراتي
كل سنه وانتي طيبة يا روما
اتفضلي الهدية بتاعتك
خدت الهدية وقالت ميرسي يا طنط
قعدنا شوية ناكل التورته ..
ممكن بعد اذنك ادخل البلكونه اولع سيجاره
اه طبعا ..مع عمو يا مرام
اتفضل
مشيت وراها

اتفضل يا عمو
شكرا يا حبيبتي
ولعت السيجارة ووقفت جنبي ومدخلتش
قوليلي بقى انتي في سنه كام
انا ؟
ايوه ..انا المفروض مخلصة جامعة
هههه ضحكتيني
بتكلم جد
جد أزاي انتي كام سنه
قربت مني وقالت
على فكرة انا معجبه بيك
نعم ؟؟
رققت صوتها اكتر ورفعت شعرها
وقالت
انا معجبه بيك يا شريف
ايه اللي انتي بتقوليه دا ؟ انتي اتجننتي
ايوه انا بحبك بجنون ..وشايفه اني أحق
بيك منها
من مين ؟

من زينب
لا انتي شكلك مش طبيعيه
انا هنده لك ماما عشان تشوف شغلها معاكي
يا أسما…مدام اسما
هي مش بترد ليه ؟
ماانا قدامك أهو ؟
ألتفت لورا لقيت البنت ملامحها اتغيرت
جسمها كبر ..طولت بقت نسخه من اسما
لكن بسن وحده تعدي الأربعين سنه
وقفت مذهول وانا مش مصدق اللي بيحصل
طب ازاي ؟؟
شريف انا بحبك من زمان وجوازي من أيمن
كان غلطه او كان محاولة لنسيانك
لأنك كسرتني وقت ما فضلت عني زينب
رغم اني اجمل واذكى منها والأهم اني بحبك أكتر منها
بس دي غلطتى اني محاولتش اقولهالك صريحه
رغم اني كنت بلمح لك اوقات ..لكن زينب كانت شاغلاك
انا مش فاهم حاجه انتي اسما ولا مين ؟
ومين الست الي كانت بره دي
وفين الطفلة اللي كانت معايا هنا في البلكونه ؟
مفيش حد بره أصلا ..ولا حتى مراتك
يعني ايه ؟

تقدر تقولي وانتوا جاييين هنا ركبتوا ايه
انت فاكر اصلا جيتوا هنا أزاي ؟
احنا كنا .. احنا !!
ها ؟
مش فاكر أنا جيت هنا أزاي !!
كل اللي انا فاكره ان زينب كلمتني
ع الموبايل وقالت وانا راجع من الشغل
اننا معزومين على عيد الميلاد و..
وايه ؟
وبس !!
مش فاكر غير وانا قدام العمارة وطلعت
رنيت الجرس ودخلنا
مش فاكر اني روحت البيت اصلا واخدت زينب وجينا
بصيت لنفسي وقولت
دا حتى انا لسه بلبس الشغل ومغيرتش
أبتسمت وقالت
انا اللي زرعت في دماغك فكرة
الدعوة عشان تيجي واشوفك
ومراتك متعرفش حاجه عن الموضوع دا
أزاي ! أزاي دا حصل

سكتت شوية وقالت
انا موت في مع بنتي من 10 سنين في حادثة
ايه موتوا في حادثة؟؟
جوزي طلع انسان بخيل في كل حاجه
مشاعره قبل فلوسه
كان كل يوم ضرب واهانه وذل وبهدلة
كان انسان متخلف وجبان
حتى فلوسه بيحطها في البيت مش في البنك
حاولت كتير اغيره واحنن قلبه علينا
لكن اللي فيه طبع مبيغيروش
في يوم كنت رتبت كل حاجه عشان نهرب ونسيبه
لميت هدومي واخدت مرام وركبت عربيتة
وكنت سايقة بسرعه عالية ..خايفه يوصلي
وبسبب خوفي وسواقتي المتهورة
عملت حادثة وموتنا احنا الاتنين
شقتنا دي المهجوره من سنين قبل ما نسافر
ساعات بحن ليها ..وبحن ليك ولذكرياتي معاك
قبل الجواز وايام الجامعه
الليلة ذكرى عيد ميلادي
ال 43

قررت اقضيه مع احب 2 لقلبي ..انت ومرام
جمعتكم لأني حسيت اننا ممكن نكون اسره
مع بعض ..وتخيلت انها بنتنا
هندهلك عليها ثواني
مرام … يا مرام
دخلت مرام وسلمت عليا
بس لقيتها كبرت عشر سنين !!
بصيت ل أسما وسألتها
ممكن اعرف انتي عايزه ايه مني ؟
انا مش انانيه ومش هحرمك من مراتك وولادك
كل الموضوع اني حبيت اعيش الشعور دا معاكم ولو للحظات ..وبس، سامحنى يا شريف
معرفتش اقول ايه
وبعدها حسيت الدنيا بعدها بتلف بيا
والنور طفا مرة واحده ..ولما رجع تاني
لقيتني واقف قدام باب شقتي
فتحت الباب ودخلت

لقيت زينب بتقولي
حمدلله ع السلامه ..انت كنت فين ؟
الله يسلمك ..انا
انت ايه مالك ؟
مفيش انتي كويسه
ايوه ..انت كنت فين ؟
كنت في حفلة عيد ميلاد
عيد ميلاد مين !
ها …
عيد ميلاد مين بقولك ؟
عيد ميلاد صديق قديم زمان مقابلتوش
انا اعرفه
اممم ممكن ..بس هو عارفني من زمان
وكان بيعزني من أيام الجامعه.
تمت

لقراءة باقي حلقات الرواية اضغط على : (رواية الحفلة)