رواية بين عالمين الفصل السادس 6 بقلم هنا محمد فهيم
رواية بين عالمين الفصل السادس 6 بقلم هنا محمد فهيم
رواية بين عالمين البارت السادس
رواية بين عالمين الجزء السادس
رواية بين عالمين الحلقة السادسة
بيرن جرس الباب و بيفتح كريم و بتخش ريتاج وهي معيطه و بتترمي في حضن كريم
كريم باستغراب: في ايه يا ريتاج مالك
ريتاج بعياط: احمد اللي كان متقدملي…. و رجعت تعيط
صفا: اهدي يا ريتاج… ماله احمد
بيقعدها كريم و بيقول: مالك يا قلبي
ريتاج:مامته كانت عايزه تشوفني ولما عرفت ان عندي ٣٤ سنه و مطلقه رفضت الجوازه دي و احمد سمع كلامها و مشي معاها
صفا: هي امه مكنتش عارفه
ريتاج بعياط:لأ
بتروح فرح تقعد جنبها و بتاخدها في حضنها وبتقول: معلش يا عمتو ان شاء الله هيجي اللي هيعوضك
بتمسح ريتاج دموعها وقالت: انا رايحه اغسل وشي
بيجي تلفون ل فرح و بترد
فرح: الو ازيك يا حور
حور بصوت واطي: الحقيني يا فرح في حد في الشقه
فرح: مش فاهمه
حور: حرامي يا متخلفه… انا تحت السرير وهو برا في اصوات كتير اوي
فرح: استني انا جيالك… قفلت معاها وقالت ل كريم: بابا تعالي وصلني بسرعه في حرامي في شقة حور
كريم: طب تعالي بسرعه
صفا: استنوا…. خلي بالكم من نفسكم… و بيخرجوا و بيروحوا لحور
عند حور
بتطلع من تحت السرير و بتمسك فازه و بتخرج برا
بتلاقي شخص بيمسك ساعه و بيحطها في شنطه
حور: ساعه ماما!!!
خرجت بسرعه و راحت تضربه بالفازه بس متكسرتش
الشخص بألم: ااااااااه
لف و بيلاقي حور وهي بتقول: اي ده هي متكسرتش ليه
الشخص: انتي مين يا غبيه… ااااه
حور بخوف: انت اللي مين وايه اللي جابك شقتي
و بتشم ريحته و بتقول: وبعدين ايه الريحه دي… بتشهق و تقول: خمره!!!!… انت سكران
طلع مط*وه و حطها علي رقبتها و قال: وانتي مال اهلك انتي… يلا يلا هاتي الساعه دي و الفازه دي حالا. وقال بزعيق: يلا
راحت حور وادتله الفازه وهي بتعيط
الحرامي: والساعه دي
حور بعياط: الا الساعه دي ونبي دي بتاعت ماما الله يرحمها
الحرامي مسكها من شعرها و قال: يلا يا بت
مسكت حور الساعه وهزت راسها وهي بتعيط
مسك المطو*ه و جت في بطنها
حور كانت مبرقه و هي ماسكه بطنها و عينيها مدمعه…. وقعت علي الارض و الحرامي اخد الساعه و جري
بعد ربع ساعه
بتخبط فرح علي الباب و هي بتنده علي حور
و بيروح كريم يكسر الباب و بيدخلوا و بتنصدم فرح من منظر حور. صرخت وقالت «حوووور!!»
في المستشفى
بيجري كريم وهو شايل حور اللي غرقانه في د*مها و بيقول: دكتور بسرعه
بيجيبوا الممرضات ترولي و بيحط كريم حور عليه و بيجروا علي اوضة العمليات
بتحضن فرح كريم و بتعيط و هي بتقول: حور…. بابا انا خايفه انا مستحيل اخسر حور
كريم وهو بيمسح علي شعرها وبيبوس راسها: متقلقيش يا حبيبتي الطع:*نه جت في بطنها يعني ان شاء الله هتبقي كويسه… ادعيلها انتي بس
فرح: يا رب
عند كرم
بيقوم يخرج و بيروح يراقب فرح كعادته و لكن سمع صوت من شقتهم… صوت حد بيعيط. اتخض جامد و اتردد انه يرن الجرس لكن رن فعلا
بتفتح صفا وبتقول: حضرتك مين
كرم بتوتر: كنت طالع فوق بس سمعت صوت عياط… في حاجه
صفا وهي بتمسح دموعها: لا ولا حاجه صاحبة بنتي في المستشفى
كرم: لا حول ولا قوة الا بالله ربنا معاها
صفا: يا رب
كرم: استأذن انا بقي
بيمشي كرم و بتقفل صفا الباب و بتخش تغير هدومها
عند فرح في المستشفى
بعد ربع ساعه بتوصل صفا المستشفى و بتجري علي فرح و بتحضنها وبتقول: ان شاء الله هتبقي كويسه متقلقيش يا حبيبتي
بعد وقت
بتطلع الممرضات حور وبتجري عليها فرح
فرح وهي بتتكلم بسرعه: حور… هي كويسه طمنوني ونبي
الدكتور: متقلقيش يا انسه ده كان جرح بسيط يا دوب خيطنا الجرح و بس حتي انها مفقدتش دم كتير
كلهم اتنهدوا و بيروحوا مع حور وهي بتتنقل للأوضه
عند كرم
بيجيله اتصال من مساعد المدير
كرم: الو ازي حضرتك استاذ محمد
محمد: ازي حضرتك استاذ كرم
كرم بضحك: استاذ ايه بس
محمد بضحك: استاذ طبعا ده انت هتبقي من اكفأ الموظفين بخبرتك واجتهادك
كرم: اشكرك جدا
محمد: انا كنت متصل عشان اقولك ممكن تبدأ شغل من بكره
كرم قام وقال: بجد
محمد: اه بجد
كرم بتوتر و فرحه: مش عارف اعمل ايه بجد ولا قادر اوصفلك سعادتي
محمد بضحك: قوم ظبط نفسك وهاتلك هدوم جديده للشغل
كرم: حاضر…. سلام
محمد: سلام
كرم لنفسه: استني شويه يا فرح شويه بس
عند فرح في المستشفى
بتصحي حور و بتقول فرح: حمد الله على سلامتك يا قلبي
حور بتوهان؛: فين ال ٥٠ ج اللي استلفتيهم مني يا كلبه…… فين جزمتي انا محتاجها عشان اضربك بيها .. بتشتميني يا فرح طب اهو. و بتروح تضرب في الهوا
فرح كانت ماسكه الموبايل وبتصورها و بتمنع ضحكتها اما كريم سأل الدكتور وقال: من ايه ده يا دكتور
الدكتور: الحقيقه ده تأثير البنج هيقعد شويه و يروح متقلقوش
حور بتضحك وبتقول: يا بت انتي لسه بتفكري فيه ده سافر من زمان شكله مش راجع خالص. وبترجع تضحك تاني
اما فرح ف بصت علي باباها ومامتها اللي كانوا بيبصولها برضو
فرح لحور: ششششش اسكتي فضحتيني
صفا: قصدها علي كرم مش كده
فرح متكلمتش فضلت باصه قدامها وهي بتمسك السلسلة اللي في رقبتها
عند كرم
بيروح يجيب هدوم لكن و هو بيعدي الطريق كانت هتدوسه عربيه لكن صاحب العربيه فرمل في اخر لحظه
بيبص كرم لصاحب العربيه وبيبرق…..
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية بين عالمين)