رواية عشقت ممرضتي الفصل التاسع عشر 19 بقلم جودي عصام

رواية عشقت ممرضتي الفصل التاسع عشر 19 بقلم جودي عصام

رواية عشقت ممرضتي البارت التاسع عشر

رواية عشقت ممرضتي الجزء التاسع عشر

رواية عشقت ممرضتي الحلقة التاسعة عشر

ركبوا العريبة و وصلوا للمخزن و كان في حراس كتير اوي حاولين المكان دخلوا رشا و ليل و كان جابر قاعد و واحد تاني بس مش شايفنوا عشان لابس مسك علي وشوا…
ليل بإستغراب:ايه جابر مش قولنا أن خططنا هتبقي بينا مين الراجل اللي شبه ممثل أجبني في فيلم V for Vendetta
رشا:اه صحيح مين ده يا جابر
_انا اللي هساعدكم في انكم تخصلوا من رامز لأنوا من الد اعدائي
ليل و رشا:انت مين يا باشا
_انا الرجل الأسود
ليل و رشا بإستغراب:مين الرجل الأسود
الرجل الأسود:انا اسمي الرجل الأسود زعيم مافيا تلاقي اختطاف تلاقي مخدرات تلاقي استكشاف آثار تلاقي انا بشتغل في كل دول
ليل بغضب:انت مش قولت هتسيب كل ده يا جابر
الرجل الأسود:ايوة فعلا قالي علي حاجه زي كده وانا و واحد تاني نقدر نخرجوا من عصابه رامز و من عصابات المافيا كلهم
جابر:احنا محتاجين مساعدتهم يا ليل مينفعش نكون لوحيدنا وسط عصابه رامز دي مش سهله ابدا
ليل:ماشي مع اني مش مقتنعه بس همشي معاكوا للأخر مين بقي الشخص التاني اللي هساعدكوا
الرجل الأسود:الصياد و الوحش
ليل:نفسي اعرف ايه الالقاب الغريبه دي الوحش و الديب و الثلعب و النمر ليه بتسموا نفسكوا كده انا مش فهمه بجد
رشا بذكاء:عشان هما مافيا و مش عايزين حد يعرف هوياتهم الحقيقه
الرجل الأسود بنبهار:ده حقيقه فعلا عجبني تفكيرك المهم دلوقتي الصياد و الوحش هيجوا هنتفق علي الخطه مع بعض تمام
جابر:طب و صبري يا باشا هنعمل في ايه ده هرب هو خالد و كمال
الرجل الأسود:لا سيبك منهم دول عندهم مهمات اهم بكتير من الخطط بتاعتنا وبعدين مش عايزين نجيب في سيرتهم خلينا في الخطه
ملحوظة صغنونه((الرجل الاسود و الصياد و الوحش هنتعرف عليهم اكتر في روايتهم يعني الرجل الأسود ده من روايه عروس للإيجار و الصياد في روايه عشق الصياد و الوحش في روايه عندما يعشق الوحش كل دول رواياتي انا نزلت ليهم اقتباسات تقدروا توصللها علي وتباد واللي مش عندي علي الوتباد يقولي🙃❤))
______________________________________
في فيلا سهيل…
زينب قاعدة في غرفتها بتفكر كل الايام دي في كلام رأفت و قررت أنها هتكلم حازم و تقولوا قرارها…
زينب:الو ازيك يا حازم
حازم بحب مصطنع:زوزو عاملة ايه وحشتيني اوي اوي اوي ايه كل ده بتفكري دي سلمي مقعدتش تفكر كتير مع عمر
زينب بإستغراب:سلمي و عمر مين
حازم بمرح:اللي فيلم عمر و سلمي تموره و مي عز الدين
زينب بحزن:حازم انا اسفه بس ملناش نصيب مع بعض..و قفلت السكه في وشوا و شالت الخط و كسرتوا و كسرت كل الماضي الأليم اللي عاشت فيه و طلعت خط جديد و ركبتوا و اخدت شنطه السفر و هترجع علي بلادها بس لازم تقول لي كريمه هانم بس لازم تلاقي واحدة غيرها و افتكرت الست اللي كانت مربيها من وهي صغيرة مسكت الموبايل و طلبت الرقم…
زينب:ازيك يا ماما عاملة ايه
أمال:كده يا بت بقالك كتير مش بتسألي عليا ايه اللي فكرك بيا
زينب:اصلي هسيب الشغل و قولت محدش ياخد مكاني غير ماما أمال
أمال بفرحة:بجد يا بت يعني انا هشتغل عند الناس الاغنياء دول و اخد فلوس كتير كتير
زينب:ايوة يا ماما و هترتاحي معاهم اوي انا هكتب رقمك عشان كريمه هانم هتتصل بيكي تقولك امتي هتبدأي الشغل
أمال:ربنا يكرمك يارب و يحفظك يجيلك ابن الحلال اللي يصونك و يحافظ عليكي اقدر يا كريم
زينب بحزن:يارب يا ماما يلا سلام
مسكت الشنطه و سابت الرسالة علي السرير و نزلت من باب الفيلا اللي وراه من غير ما حد يشوفها و مشيت علي طول لحد ما وصلت عند القطر اللي هوديها بيتها و قالت قبل ما تمشي:سلام يا سهيل هتوحشني اوي
______________________________________
في بيت همسة…
ريما:الو جواد انت لازم انت و عزيز تجيوا دلوقتي حالا
جواد:حاضر انا جي بس اوعي تتصلي بي عزيز انا لما اوصل هخبط عليه و ننزل سوا تمام عارفه لو كلمتيه و دخل البيت انتِ عارفه رد فعلي هيكون ايه
ريما بحب:بحب غيرتك عليا يا مجنون يلا سلام
بعد ساعتين بالظبط جه جواد و عزيز و هي دخلت و حطت التسجيل علي الترابيزة و شغلتوا شافت جواد قاعد بيستمع بإهتمام اما عزيز بيطلع نار من الغضب و الغيرة و الحب و الحزن عشان هو بدأ يحبها و قرر أنوا لازم يساعدها حتي لو بالعافية المهم انوا يساعدها و يرجعها لي أهلها بس هي لسه متعرفش أن ريماس ماتت و هو بيفكر هيقولها الموضوع ده ازاي…
ريما:ها يا جماعه هنعمل ايه عشان نساعدها في مشكلتها
جواد:اول حاجه انا عايز اقعد معاها لوحدنا عشان افهم منها الموضوع من الاول تاني حاجه لازم اعرف مين رشا و مين جابر بس انا حاسس أن جابر ده لي علاقه بي قضيه تانيه بس انا مش متأكد بس هتأكد
عزيز بغيرة واضحه:تقعد معاها لوحدكوا ده اللي هو ازاي يعني
جواد بإستفزاز مصطنع:عادي يا عزوز انا هساعدها مش اكتر
عزيز بغضب و غيرة:لا مش عادي انت لو هتقعد معاها يبقي انا كمان هقعد معاكوا مليش دعوة بقي قال تقعد معاها قال
ريما و جواد:انت بتحبها يا عزيز صح
عزيز بغضب و غيرة:اه بحبها و بحبها اوي كمان و انت يا جواد اول ما تقولها انك هتقعد معاها تقولي أو علي ايه ريما تقولي وانا هاجي..خرج من الشقه بغضب و رزع الباب و هو خارج ريما اتخضت من رزعه الباب
ريما بدهشة:ايه ده ده مالوا اتعصب اوي كده ليه
جواد بنفس الدهشة:الواد بيغير عليها مني بس بصراحة معاه حق
ريما:ايه اخبار ميس حبيبتي وحشتني اوي
جواد:كويسه وهي كمان وحشتك اوي بصي هي قالتلي أنها عندها اجازة من المدرسة هبلغ السواق يجبهالك الصبح تقعد معاكي و لو عايزة تبات هخليها تاخد كام طقم معاها كده تمام
ريما:اوكي تمام
______________________________________
عند كنز…
كانت قاعدة في مكتبها اللي بترتاح فيه و حوليها اللوحات بتاعتها و لوحة تانيه بس محطوطه علي ازاز دي كانت من ضمن المسابقات اللي كسبت فيها و المكان اللي قاعدة فيه زي مرسم كده في أمريكا أبوها فتحهولها عشان هي كانت بتحلم بيها و كان حوليها بنات و ولاد بيرسموا وهي بتشرف عليهم هي و المساعدة بتاعتها…
Natalie:Professor, are you okay?
ناتالي:أستاذتي هل انتِ بخير
Kenz:I’m fine Natalie Don’t worry the girl there draws the wrong way Go and tell her to draw the right way
كنز: أنا بخير ناتالي لا تقلقي الفتاة التي هناك ترسم بطريقه خطأ اذهبي وأخبرها أن ترسم بالطريقة الصحيحة
Natalie: Ok, I’ll go. in two hours, You have your first meeting
ناتالي:حسنا سوف اذهب بعد ساعتين لديكي اول اجتماع
Kenz: The first meeting, but I don’t do any meetings, I just draw and display paintings in the big exhibition
كنز:اول اجتماع لكن انا لا افعل اي اجتماعات أنني فقط ارسم و اعرض اللوحات في المعرض الكبير
Natalie: Designer Lisa is the biggest designer in France. She knows that you are the best painter in the world and wants you to paint the best summer clothes for her.
ناتالي:المصممه ليزا اكبر مصممه في فرنسا انها تعلم أنكي افضل الرسامات في العالم و تريدك أن ترسمي لها افضل ملابس لي فصل الصيف
Kenz: Natalie, I want you to tell her that the meeting has been postponed to tomorrow because I am so tired and exhausted
كنز:ناتالي أريدك أن تقولي لها أن الاجتماع تم تأجيله للغد لأنني في غاية التعب و الارهاق
Natalie:ok, as you like
ناتالي:حسنا كما تحبي
كنز اخدت حاجتها و خرجت و راحت لي بيتها عشان تهرب من تفكير في حسام لأنها من ساعت ما وصلت وهي مش بتفكير غير في حسام و بتقول يا تري هو بيعمل ايه دلوقتي…
_____________________________________
في بيت عند جومانا…
صحيت بدري طبعا و ودت ولادها المدرسة معادا يزيد عشان رجلوا و ايدوا طبعا و هي راحت المحل اللي كانت بتشتغل فيه و اعتذرت لي مديرة المكان أنها مجتش الشغل يعني بقالها كتير و بدأت تشتغل و صبري كان بيتمشي حاولين المكان و شافها هي بتشتغل بتدي البنات الهدوم و بتقترح و هو ابتسم لأول مرة من ساعت ما يارا هربت و هو مكنش بيضحك اصلا عشان قالب عليها دنيا و بعدها دخل المحل كأنوا بيتفرج و جومانا شافت راجل بيتفرج هي مركزتش مين هو ف راحت عشان تساعدوا…
جومانا بإبتسامة:اهلا هو حضرتك بدور علي حاجه معينه
صبري عارف صوتها ف لف لقها انصدمت و هو كتم ضحكته و قال:اه انا بشوف حاجه كده لي مراتي حبيبتي تعرفي تساعديني
جومانا بهدوء:اه طبعا اقدر بس هي فين مش المفروض تكون معاك
صبري بإبتسامة:اه بس هي مش فاضيه اصلها بتشتغل كتير ف قررت كده اعملها مفاجأة و اشتري ليها حاجه علي ذوقي بقول لي حضرتك ايه
جومانا:اتفضل
صبري:مقاس حضرتك ايه
جومانا بغضب:نعم يا عنيا
صبري كتم بقوها وقال:ايه اهدي انتِ فهمتي ايه انا مراتي بتلبس تقريبا نفس مقاس حضرتك يا انسه جومانا مش ده اسمك برضوا
جومانا شالت ايدوا وقالت بضيق:اه اسمي ثانيه واحدة اشوف المقاس بس حضرتك عايز ايه
شاور علي فستان لونوا أبيض طويل عليه ورق شجر و ورود…
جومانا في نفسها:طب والله طلع عندوا ذوق يا بخت مراتوا بيه بس ده مش لابس دبلة يمكن الدبلة ضيقه و انتِ مالك ركزي في شغلك
جومانا بإبتسامة:الله ذوق حضرتك هايل الفستان فعلا جميل ربنا يخليلك مراتك
صبري في نفسه:اه لو عرفتي انا اشتريت الفستان ده ليه هتفرجي عليا المحل كلوا
صبري:شكرا يا انسه جومانا انا هشتريه
جومانا:تمام حضرتك روح لي كاشير
و فعلا راح و دفع الحساب و مشي راح لي محل بتاع الهدايا و جاب شنطه هدايا و كرت و كتب عليها و بعدها راح لي حته معينه…
صبري:بص يا بني انت هتروح علي العنوان ده هتلاقي ست كده هتفتح الباب قولها لما انسه جومانا تيجي خليها تشوف الهديه بس اوعي تخالي الست دي تفتح الشنطه فاهم
_حاضر يا استاذ صبري عن اذن حضرتك
صبري في نفسه:انا مش عارف انا بعمل معاكي كده ليه يا جومانا بس شكلي هبقي معجب
العقل:و نسيت يارا علي طول كده
القلب:هي اصلا محبتنيش و انا بصراحة اعجبت بي جومانا
العقل:ياسلام لحقت تعجب بيها دي هي مرة يتيمه اللي شوفتها
القلب:و من ساعتها وانا براقبها و عرفت حاجات كتير عنها و حسيت اني اعجبت بيها يارا بقي ان شاء الله هتلاقي حد تاني يحبها بس يارب جومانا توافق تقابلني
صبري:يارب توافق يارب و مترفوضش
_______________________________________
عند يارا..
صحيت من النوم و ليقت أسماء نايمه راحت دخلت تاخد شور دافئ و بعدها اتوضت و صلت بعدها طلعت لبس بلوزة توب لونها pink و white و عليها بنطلون جينز و صندل لونها بيج..
و طبعا منسيتش أسماء طلعت ليها jumpsuit طويل لونوا ازرق فاتح و حجاب لونوا رمادي..
يارا:أسماء يا أسماء قومي يا أسماء
أسماء بنوم:اممم في ايه سبيني انام ونبي يا يويو
يارا بإستغراب:يويو مين يا أسماء قومي بقي
أسماء:صباح الخير يا يويو
يارا:انا بيقت يويو ايه يويو دي
أسماء:بدلعك اصلي ليقت قاعدتنا مع بعض شكلها هتبقي طويلة ف قولت اخترعلك اسم دلع و ملقتش غير يويو حلو صح
يارا بحزن:مع انوا مش اختراع ده دلع ده كانت تالين اختي بتندهني بيه
أسماء قربت منها و طبطبت عليها بحنان وقالت:معلش يا يويو ان شاء الله هتقابلي اختك قريب قوليلي ايه القمر ده و رايحه فين
يارا:قصدك رايحيين فين بصي يا ستي انا اكتشفت اننا لما هربنا مخلتكيش تجيبي هدومك ف طلبت من محل لمحجبات تحفه اوي طلبت الاوردر و جالي علي طول امبارح بليل قبل ما انام و طلبتلك كمان مايو للمحجبات انما ايه تحفه اوي هعيجبك
أسماء:يارا حبيبتي انتِ مدركه حجم الموضوع حبيبتي احنا هربانين احنا مش جايين نتفسح
يارا:لا بقولك ايه انا مودي ظبط اول ما جيت هنا و قررت اننا هننزل البحر يعني هننزل البحر و بعدها ال pool شكلوا يجنن و بعدين متخفيش ده pool جوه شاليه مش بره ف محدش هيشوفنا اشطا يلا البسي هدومك الحلوة دي و ننزل نفطر و بعدها هنروح محل موبايلات انا عارفه كنا بنتعامل معاه قبل كده اجيب ليا و ليكي
أسماء:ايوة بس انا جايبه موبايلي
يارا بصدمه:يا نهارك اسود و منيل جبيتي الموبايل معاكي يا أسماء الله يخربيتك يا أسماء انتِ عايزة تتخطفي يابت
أسماء:في ايه يا يويو ايه المشكلة اني جبت الموبايل
يارا بخوف:انتِ فتحتي موبايلك
أسماء:لا بيتشحن عندك اهو
يارا:حلو اوي احنا هنرمي الموبايل بالخط بكلوا و هبقي اجبلك خط جديد و اوعي اسمع اعتراض عشان لو كان مفتوح كان سي صبري باشا هيعرف مكانا يلا يلا البسي عشان شويه و كده و مرارتي هتتفقع منك
و فعلا لبست و نزلوا يفطروا و بعد كده راحت لي محل موبايلات و اشترت ليها و لي أسماء و بخط جديد خالص و سجلت يارا رقم تالين عشان طبعا تبقي تعرف تكلمها و أسماء و يارا غيروا هدومهم و لبسوا المويهات و نزلوا ينبسطوا و شافها من بعيد حاتم…
حاتم بفرحة:ياااا اخيرا شوفتها تاني بس يا تري بتعمل ايه هنا
_______________________________________
في المستشفي…
سهيل فاق و تالين بدأت تساعدوا أنوا يأكل و هي محرجه اوي و سهيل مبسوط وهي موجودة جمبه و نفسوا يعرف حكايتها كلها و يعرف هي ليه دايما بتبقي حزينه جه في يوم قررت تالين تعمل حاجه مجنونة هي انهم يقعدوا في سطوح المستشفى طبعا المدير مرديش بس تالين فضلت تتحايل عليه لحد ما وافق بس يكون في أمن معاهم عشان لو حصل حاجه و فعلا طلعوا و كانوا بيتفرجوا علي النجوم…
سهيل:مش جه الوقت انك تحكيلي كل حاجه يا تالين ولا ايه
تالين:ماشي يا سهيل هحكي بس ياريت من غير مقاطعه تمام
سهيل:تمام يا ستي احكي والله بيقت اخاف من الجملة دي
تالين بإستغراب:ليه يعني
سهيل بمرح:اصلك المرة اللي فاتت قولتي انا هحكي بس من غير مقاطعه هوب اقومت اتصبت زي ما انتِ شايفه كده و احنا دلوقتي في الهواء الطلق ف ربنا يستر بقي و ميحصلش حاجه تقطع الحكاية اللي متحكتش دي
تالين:متقلقش..انا يا سيدي اسمي تالين ده اسمي الحقيقي انما انا قولتلك اسم سالي لسبب مش هعرف احكيه دلوقتي المهم انا طول عمرى بحلم اكون اكبر دكتورة جراحة في مصر و بدأت احقق حلمي عن طريق اني اذاكر و اجتهدت بس جه وقت خلتني ابعد شويه عن حلمي أن بابا تعب ف طلع معاش مبكر و ماما سابت شغلها و قاعدت عشان تاخد بالها من بابا ف انا قررت اني بدل ما اكون دكتورة بيقت ممرضة اهي حاجه قريبه من الطب برضوا و بعدها جه يوم كان صعب لأن شوفت حاله شقلبت حياتي كلها الحالة دي مش بس اهتميت بيها لا ده انا حبيتها كمان ده كان واحد عمل حادثة بصراحة لحد دلوقتي معرفش سببها هل هي صدفه ولا حاجه مقصدوه معرفش الحقيقة يعني كل الحكاية اني أهتميت بي حالتوا دي اكتر من اي حد تاني و راجل ده خف و بعدها بكام يوم عازمني علي عشاء رومانسي و ساعتها طلبني للجواز فرحتي مكنتش سيعاني كنت مبسوطه اوي اوي لأني من ساعت الحادثة بتاعتوا وانا كنت يعني اعجبت بيه أو كنت بكرش عليه يعني المهم جه لي ماما و بابا و اتقدملي و كنت بحس أن مامتوا مش بتحبني بس طنشت ده قولت وانا مالي بي مامتوا انا هعيش معاه هو فعلا اتخطبنا و بعدها فرحتي مكلمتش لأن جالي خبر زي صاعقه أن ماما و بابا ماتوا في حادثة انا ساعتها مش بس جالي اكتيئاب لا انا فقدت النطق لي فترة لحد ما قدرت اكون كويسه ده طبعا مع مساعدة اختي و خطيبي أمير المهم بعد شهور من موت ماما و بابا اتجوزنا و أمير حاول يخرجني ساعتها من الموود الحزن و الاكتئاب و فعلا قدرت و عاشت معاه احلي أيام حياتي كنت طايرة من السعادة كان كل يوم لما يحس اني زعلانه يعملي مفاجأت و نسافر حتت كتير بس طبعا في مصر مسافرتش برة مصر خالص و بعدها حصلت حاجه تعتبر صدمة بالنسبالي اول حاجه روحت للدكتورة عشان اعرف ليه كل ده محصلش حمل قالتلي اني عندي مشكله في الرحم و محتاجه عملية بس مينفعش اعملها دلوقتي و لازم استني ٤ شهور عشان اعرف اعملها و إلا البيبي هيموت أو انا اللي هموت طبعا انا روحت جري علي أمير و قولتوا الموضوع كنت فاكرة انوا هيصبر بس للأسف أموا ضغطت عليه أنوا يطلقني و فعلا ده اللي حصل و طلقت و روحت قاعدت في بيت كده موقت لحد ما ارجع لي شغلي تاني اصل البيه مخلنيش انزل الشغل لما كنت مراتوا و بعد كده شوفت إعلان صحبك ده اللي هو عزيز و كلمتوا و جيت و الباقي انت عارفوا
سهيل:طب و اليوم اللي كنتي هتفقدي فيه النطق و دخلتي المستشفى عشان تكشفي و بعدها عملتي عملية كان ايه السبب
تالين بدموع و إنهيار:السبب اني كنت غبيه كنت غبيه اوي اوي اوي اني قدرت اصدقوا السبب اني عرفت اني كنت حامل قبل كده سقطت البيبي و حصل مشاكل بسيطة تقدر تتحل بي عملية عشان اقدر اخلف بعد كده و عملتها زي ما انت شايف كده..و اكملت بتمني
انا نفسي ابقي مبسوطه نفسي احقق حلمي و ابقي دكتورة و اعلاج ناس و يبقي عندي عيادة خاصه بيا و مستشفي خاصه ليا انا و نفسي كمان الف العالم ده كلوا
سهيل بفزع:حسبي يا تالين..و كان عايز يقف بس طبعا وقع
تالين بخضه:في ايه يا سهيل في قناص تاني ولا ايه
سهيل:لا ما انتِ مش هتصدقني
تالين:لا هصدقك قول
سهيل:وانتِ بتشرحي انك نفسك تلفي العالم ليقتك بدوخي حولين نفسك فكرتك هتوقعي من علي السطوح ف انا قولتلك حسبي و كنت هقوم بس وقعت
تالين بصتلوا بصدمة و بعدها هما الاتنين ضحكوا علي الموقف و ساعدتوا انوا يقوم يرجع الكرسي تاني و نزلوا تحت ، بعد كام يوم كانت بدأت معاه الجلسات تاني انوا يحاول يمشي و كان بيتقدم يوم عن يوم…