رواية أنت أم هو الفصل السادس 6 بقلم لوجين جمال

رواية أنت أم هو الفصل السادس 6 بقلم لوجين جمال

رواية أنت أم هو البارت السادس

رواية أنت أم هو الجزء السادس

رواية أنت أم هو الحلقة السادسة

محمد بصدمة: بابي مين؟
هيام: بابا وعد يا محمد في حاجة؟
محمد: طليقك صح؟
هيام: ايوة
محمد: وما دام هو طليقك هتروحيله فين؟
هيام: وانت مالك معلش؟
محمد: صح أنا مالي.. معلش أنا اسف يلا يا وعد
مشي محمد وانا رحت للمكان اللي هشام اتفق معايا اني اروحه
بعد شوية لقيته دخل
هشام: ازيك يا هيام؟
– الحمدلله كويسة وانت؟
• مش كويس ولا مرتاح من غيرك
قلت بنبرة سخرية: يا سلام ما انت كنت كويس طول السنين اللي فاتت إيه؟ افتكرت دلوقتي انك مش مرتاح من غيري؟
– هيام صدقيني أنا اكتشفت ان راحتي مش مع حد غيرك انتي و وعد، اكتشفت اني حبيتك ومبطلتش احبك حتى بعد ما اتطلقنا، حتى بعد ما اتجوزت، انا حتى اكتشفت لما اتجوزت منة اني مبحبهاش

• بدليل انكوا بقى عندكم طفل !
– صدقيني يا هيام انا بعد ما آدم جه الدنيا وانا مش قادر ابطل تفكير في وعد وحاسس اني ظلمتها وظلمتك يا هيام انا اسف بجد على كل حاجة ممكن نبدأ صفحة جديدة.. واهو بصي على موضوع آدم ده إنه خير، وعد بقى ليها أخ
• مش سهل يا هشام صدقني
– فكري ومترديش عليا دلوقتي.. أنا كده كده هستناكي يا هيام لآخر يوم في عمري
• طب أنا ماشية دلوقتي
– تعالي أوصلك
• توصلني فين يا هشام؟ عن إذنك
روحت بيتي وكلمت بسمة قلتلها تخلي وعد معاها النهاردة وانا بكرة هاجي اخدها لاني تعبانة شوية
طلعت البلكونة لقيت هشام باعتلي “روحتي؟”
ابتسمت واستنيت شوية وبعتله: “اه روحت” بعتلي: “ايه رأيك نتقابل بليل ننزل نشتري هدايا لوعد عشان عيد ميلادها؟”
– انت لسة فاكر عيد ميلادها؟
• طبعا فاكر مش بنتي؟
– اه طبعا
• ها قلتي ايه؟
– خلاص ماشي ممكن ننزل على الساعة 8 كده
• تمام
بليل بعتلي ننزل لبست في عشر دقايق ونزلت اخدني ورحنا جبنالها هدوم ولعب وقلتله يجيب العاب لسند معانا ومرة واحدة سيف جه فدماغي بدون سبب فقلتله يشتري لعبة زيادة ودفعنا وروحنا
تاني يوم نزلت واخدت الالعاب بتاعة سند وسيف معايا ورحت لبسمة خبطت عليها ودخلت ندهت على سند اديتله الألعاب واديتله لعبة سيف واخدت وعد وروحنا …
بليل لاقيت محمد باعتلي: شكرا على اللعبة بتاعة سيف بس ليه تعبتي نفسك
هيام: كنت بشتري لعب لوعد عشان عيد ميلادها وجبت لسند وسيف معاها
محمد: شكرا اوي بجد،، انا نفسي معرفتش افرح سيف كده.. ممكن طلب؟

هيام: اه طبعا
محمد: انتوا هتعملوا عيد ميلاد وعد امتى وفين؟
هيام: بعد بكرة في النادي
محمد: طب ممكن اجيب سيف ونيجي واهو بالمرة اردلك الهدية؟
هيام: اخس عليك يا محمد هدية ايه اللي تردها؟
محمد: مش قصدي والله بس يعني اجيبلها هدية زي ما انت ما جبتي لسيف
هيام: خلاص مفيش مشكلة
عدى يومين وجه يوم عيد ميلاد وعد
بسمة وسند كانوا موجودين وناس جيرانا تانيين
شوية ولقيت سيف داخل ووراه محمد
سلمت على سيف وشاورتله على وعد وسند راحلهم فبصيت لمحمد واخدت منه الهدية: مكانش ليه لزوم والله هديتين مرة واحدة؟
محمد: لا مهو مش الاتنين لوعد… واحدة لوعد وواحدة ليكي
هيام باحراج: ليا أنا ؟!
محمد: اه.. ليكي انت مستغربة ليه؟
هيام: شكرا اوي بس دي بمناسبة ايه؟
محمد: بمناسبة ان سيف بيحبك
هيام: ايه؟
محمد: سيف ابن اختي الله يرحمها هي وجوزها ماتوا في حادثة ومن اليوم ده وهو عايش معايا حرفيا الولد كان متدمر، كان بيعيط صبح وليل، مكانش بياكل ولا بيلعب ولا حتى بيرضى يتكلم معايا لحد ما في يوم واحنا راجعين من برة شفنا سند طالع العمارة لوحده واضح انه كان بيشتري حاجة من تحت انا وقفته واتعرفت عليه وقلتله ايه رأيك تيجي تلعب مع سيف قالي هسأل ماما واقولك،، مكنتش اعرف ان مامته تبقى أختك، من ساعة ما سيف اتعرف على سند وهو رجع يضحك ويلعب تاني ولما راح عندكوا اول مرة ورجع فضل يحكيلي اللي حصل عندكوا اكتر من ساعة متواصلة ويوم خناقته هو ووعد لما رجعنا قالي أنا بحب وعد وسند اوي ونفسي يعيشوا معايا، انتي ساعدتيني وساعدتي سيف اكتر من مرة لما كنتي بتشتريله حاجات حلوة ولما كنتي بتاخديه عند اختك، معرفتش اشكرك على كل ده فقلت اجيبلك هدية بسيطة
– أنا معملتش حاجة والله سيف زي وعد وسند بالظبط.. شكرا مرة تانية عالهدية وعلى هدية وعد
• متشكرينيش بقى
ضحكت – حاضر هروح انا وانت ادي الهدية لوعد
• حاضر
رحت لوعد وشاورتلها على محمد راحتله وانا وقفت بعيد شوية عشان ارد على صاحبتي اللي بتتصل خلصت معاها ولسة هرجع لقيت حد بيندهلي من بعيد بصيت عليه لقيته هشام
– هشام إنت ايه اللي جابك؟

• تفتكري يعني مش هاجي عيد ميلاد وعد؟
قلت في سري: يا خبر ده انا نسيت !!
• بتقولي حاجة؟
– لا خالص
• طب هي وعد فين يا وعد يا وعد …
دخل هشام لقى وعد حاضنة محمد وبتضحك
هشام: وعد مين ده؟؟
وعد: ده محمد صاحب مامي
هشام: !!!

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية أنت أم هو)