رواية اين زوجي الفصل الرابع 4 بقلم ايه عطيه

رواية اين زوجي الفصل الرابع 4 بقلم ايه عطيه

رواية اين زوجي البارت الرابع

رواية اين زوجي الجزء الرابع

رواية اين زوجي الحلقة الرابعة

تمر الايام يوم يليه الاخر دون اي جديد في حياه زينه الي ان اتي يوم الجمعه و هو اليوم الموعود

ظلت زينه خلال تلك الايام القليله تفكر و تفكر في القادم و لم تصل الي قرار نهائي قررت ان تترك كل شيئ علي الله و هو قادر علي تيسير الامور لها

في صباح يوم الجمعه استيقظت ولده حازم و ايقظت زينه لكي تبدأ في تجهيز المنزل

و بالفعل قامت زينه بعد ان ادت فرضها في تنظيف المنزل باكمله

و بعد مرور وقت كبير قد انهت زينه كل شيئ و اصبحت غير قادره علي فعل شيئا اخر فا اصبحت متعبه بشده ذهب الي المرحاض كي تاخذ حماما دافئا لعله يخفف بعض من الارهاق التي تشعر به

و عند خروجها من المرحاض وجدت الجميع مجتمع علي مائده الطعام و يتناولون الطعام دون انتظارها الوحيد الذي كان بانتظارها هو حازم

نظرت الي الجميع بحزن شديد ثم الي حازم الذي ابتسم لها بحب جعلها لم تعطي للامر اهميه او توهم نفسها ان الامر لا يعنيها فا لولا وجود حازم بجانبها لكان الامر مستحيلا

اخرجها حازم من شرودها الذي طال
حازم /يلا يا زينه علشان تتغدي

زينه/……….

حازم /زينه. زينه. زييييينه

انتبهت له زينه

زينه/بتقول حاجه يا حازم

حازم /بقولك يلا علشان الغدا

شهد /اللي واخد عقلك يا اختي

زينه /معلشي سرحت شويه

حازم /و لا يهمك تعالي يلا

زينه /حاضر

و ذهب و جلست بجوار حازم و بدأت في تناول القليل من الطعام

و بعد الانتهاء ذهبت الي غرفتها

و جلس الجميع بانتظار العريس

بعد مرور وقت ليس كبير استمعت زينه الي جرس الباب عند خروجها من غرفتها لكي تعد كوبا من القهوه لها نظرت الي ساعه الحائط وجدت الساعه الخامسه اذا الذي بالخارج لم يكن العريس فا موعده في تمام الساعه الثامنه

فا ذهب و فتح الباب وجدت شخص اول مره لها ان تراه نظرت له باستغراب

و هو الاخر نظر لها يحاول ان يتعرف عليها

الشخص/السلام عليكم

زينه /و عليكم السلام

الشخص/دا منزل عمي سعيد

زينه/ايوة

الشخص/هو موجود

زينه /ايوة موجود اقوله مين

الشخص /قوليله…………

انت ايه اللي رجعك تاني

كان هذا سعيد الذي خرج من غرفته للتو

الشخص/طب مفيش حتي حمد لله علي السلامه

سعيد /حمد لله علي السلامه خير جي ليه

الشخص /هنتكلم و احنا علي الباب كدا

سعيد /انا جيلي ضيوف دلوقت اخلص و قول اللي عندك

الشخص /بس اللي عندي كتير…… يا ادخل و نتكلم بهدوء و نتفاهم بالادب يا اما………

سعيد /يا اما ايه انت جاي تهددني في بيتي

الشخص/بيتك… هههههه هههههه… طب قول الكلام دا لحد غير

توتر سعيد قليلا

سعيد /انت قصدك ايه

الشخص /بقول ندخل جوه و افهمك قصدي ايه

وجد سعيد ان من الافضل الاستماع لما يقول

سعيد /اتفضل بس مش اكتر من ربع ساعه

الشخص /متقلقش هما خمس دقايق

استدار سعيد لكي يتحرك للداخل و خلفه ذلك الرجل

وجد سعيد ان زينه ما زالت تقف بجانب الباب و من الواضح انها استمعت الي هذا الحوار

نظر لها سعيد بشر و اقترب منها و امسكها بقوة من ذراعها

سعيد /انتي ايه اللي موقفك هنا يا بوز الاخص غوري من وشي

ثم قام بدفعها بقوه الي الخلف مما جعلها تسقط و تتالم بشده من قوة سقوطها

نظر لها سعيد بتشفي و شماته و تحرك للداخل و نظر له الشخص باشفاق ثم اقترب منها و مده يده لها لكي يساعدها في الوقوف مره اخري و لكنها اعتذرت له و شكرته و قامت بمفردها و هي تتالم بشده و ذهبت الي غرفتها

وقف الشخص قليلا ينظر في اتجاها ثم التفت و تحرك نحو الغرفه التي دخل بها سعيد
________________________
&بقلم ايه عطيه&

اما في غرفه شهد كانت تتحرك في الغرفه ذهابا و ايابا بعصبيه شديده و تكاد تخرج دخانا من اذنيها من شدده الاحتراق الذي بداخلها

و ولدتها تجلس علي الفراش تنظر لها تنتظر ان تهدأ لكي تتحدث معها و لكن دون فائده

الام /يا بنتي اتهدي بقه دوختيني منك لله

شهد /عايزاني اعمل ايه يعني ها عايزاني اعمل ايه

الام /تهدي و تعقلي كدا

شهد /اهدي و اعقل ازاي انتي مش سامعه نفسك بتقولي ايه

الام /تصدقي و تأمني بالله انا غلطانه اني حكتلك

شهد /ياريتك ما حكيتي ياريتك ما حكيتي…….

الام /بقولك ايه انا عايزه الليله دي تعدي خلينا نخلص منها و نفوق لحالنا بقه

شهد /و النعمه زينه نفسها لو سمعت اللي انتي حكتهولي علي العريس دا لتقول لا تعليم و لا نيله……… مكنتيش عارفه تجبهولي انا……… انا عارفه طول عمري حظي مهبب و حالي اتقف اكتر و اتركنت علي الرف من ساعه ما المخفيه دي شرفت

الام /خلاص هانت و هنخلص منها اهو و ميبقاش علي الحجر غيرك

شهد/بردو هتكون منصوفه مقصوفه الرقبه و اتجوزت جوازه متحلمش بيها

الام /خلاص بقه ادعي بس ربنا يهديها و مطفش العريس منها

شهد /ياريتها تطفشه و انا هنط مكانها علي طول

الام /يا بت اتقلي مش كدا

شهد /يا اما اتقل ايه بس دا انا عمر سبعه و عشرين سنه عارفه يعني ايه يعني خلاص فرصي في الجواز قلت خالص يعني احمد ربنا لو لقيت كلب عبرني و لا تف في وشي حتي

الام /ان شاء الله نصيبك هيجيلك بس انتي قولي يارب

شهد /يارب يا………. ايه دا في ايه و مين اللي بيزعق كدا

الام /مش عارفه تعالي اما نشوف في ايه

________________________

في الخارج بداخل غرفه الصالون بعد مرور القليل من الوقت اتنتفض سعيد من مقعده و هو يصيح بذلك الشخص الجالس بكل برود امامه

سعيد /انت اتهبلت و لا ايه شكلها هبت منك و لا تكونش اتجنيت زي ابوك

الشخص /اتهبلت علشان بطالب بحقي

سعيد/حق ايه يا ابو حق انت جتك كسر حوقك

الشخص/انا لحد دلوقت بتكلم بادب متطرنيش استعمل اساليب تانيه معاك

سعيد /اساليب تانيه…. هههه ههههه هههه تصدق خوفتني

الشخص /انت لازم تخاف علشان اللي عندي كتير و ابسط شيئ ممكن اعمله اني ممكن اخرب بيتك دا و دي هتكون البدايه و قرصه ودن

سعيد /و لا تعرف تعمل حاجه و اخرك فاضي

في ذلك الوقت كانت الام و شهد قد خرج من الغرفه و وقفو يستمعو لم يحدث بصمت و ايضا زينه

لمح ذلك الشخص الذين يقفو بالقرب من الغرفه فا اكمل حديثه ببرود

الشخص/تحب تشوف اولي ايه و ساعتها هتتاكد ان اخري مليان

سعيد /مش عايز اشوف و اعلي ما في خيلك اركبه انا دراعي مابتلويش

الشخص/و ان انا لويته

سعيد /معاش و لا كان و متخلقش لسه اللي يلوي دراعي و انا معنديش حاجه اخاف منها

الشخص/و لما مراتك ام شهد تعرف ان متجوز عليها وحده ايه… وتكه زي ما بيقول هتعمل فيك ايه

نظر له سعيد بصدمه شديده لمعرفه بجوازه السري هذا و جاء لكي يتحدث و ينفي او يكذب ذلك الخبر

و لكن لم يكن لديه الوقت في الحديث

فقد سبقه صوت زوجته التي اقتربت منه و هي تصيح بشده و تمسكه من تلبيب قميصه

الام/يا نهار اللي جبوك اسود متجوز عليا دا انا هخلي يوم اهلك اسود من ارن الخروب يا واطي

نظر له الشخص بتشفي

الشخص/انا قولتلك اللي عندي كتير و دي البدايه

ثم اخرج كارتا من جيبه و وضعه علي المائده

الشخص/دي ارقامي فكر كويس في كلامي و كلمني علشان متندمش و تقول ياريت

نظر له سعيد بذهول من الذي حدث في اقل من دقائق و خرج و كأنه لم يكن السبب في الذي حدث
_______________________

&بقلم ايه عطيه&

في الغرفه التي يوجد بها معتز و زين

زين /كدا كل حاجه تمام هنروح بكرا نخلص الاوراق كلها في الشهر العقاري

معتز/تمام و بعد كدا نطلع علي اي جرنال كبير نعمل اعلان عن طلب موظفين في مجال الهندسه

زين /تمام و كمان انا كلمت واحد هيعمل لينا اعلان كبير علي الفيس بوك و نزل فيها الاعلان بردو

معتز /ان شاء الله اقل من شهر و تكون الشركه شغاله

زين /ان شاء الله

معتز/صحيح انا روحت…………..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اين زوجي)