رواية اين زوجي الفصل الثامن 8 بقلم ايه عطيه

رواية اين زوجي الفصل الثامن 8 بقلم ايه عطيه

رواية اين زوجي البارت الثامن

رواية اين زوجي الجزء الثامن

رواية اين زوجي الحلقة الثامنة

تذكير لاخر الاحداث
في الفلاش باااااك
عندما كانت زينه تحكي لشهد عن ماضي خالد و علمو ان جميله اخت جني صديقه زينه في المستشفي و توفها الله

في المستشفي

الدكتور /لازم تتحول للطب الشرعي لانها جايه و اثار ضرب عليها و تقريبا دي محاوله قتل

جني /ايوه يا دكتور دي محاوله قتل و انا عارفه مين اللي حاول يقتلها

الدكتور /عموما اداره المستشفي بلغت البوليس و حالا يوصلو ابقي قولي اللي انتي عايزاه في التحقيق

بااااااااك

شهد /و ايه اللي حصل بعد كدا

زينه/حققه معاه و لكن مفيش اي دليل علي ان هو اللي عمل كدا

شهد /خلاص خلصتي اللي عندك و لا لسه عندك حاجه تقوليها

زينه /هو دا كل اللي اعرف عنه و حبيت انبهك

شهد /انا شاكره لافضالك يا ست زينه و عايزه اقولك ان الفيلم العربي اللي انتي حكتيه دا و لا دخل دماغي بنكله……….. و اتفضلي يلا علي اوضتك نامي و ملكيش دعوه بيا و متعمليش فيها حبيبه و خايفه عليا علشان انا عارفه النار اللي قايده جواكي من ناحيتي و دا كله ليه…. علشان العريس اللي كان جايلك شافني انا و فضلني عليكي

زينه /انتي فاكره اني بقولك كدا علشان انا عيزاه……. دا انتي عبيطه قوي يا شهد ما هو من قبل ما يطلبك و انا اللي قولت لا

شهد /اها قولتي لا لكن لما نفضلك و طلبني انا حلي في عينك و قولتي تعملي فيها كرسي في الكلوب

زينه /تصدقي بالله ان انا غلطانه اني خايفه عليكي

شهد /وفري خوفك لنفسك يا حببتي……… و اها صحيح جهزي نفسك يوم الاتنين علشان رامز ابن خالتي جي من مصر علشان يكتب عليكي

نظرت لها زينه بصدمه كبيره

زينه /ايه رامز مين اللي اتجوزه انتي هبله

شهد /ايه دا هو انتي معرفتيش لسه….. اصل انا من شويه سمعت ماما و هي بتقول لبابا و قولت لازم اكون انا اول واحده تقولك الخبر الجميل دا

زينه /انا استحاله اوفق علي الخمرجي الشمام الصايع دا

شهد /بت انتي انتي ناسيه انك بتتكلمي علي ابن خالتي و هتتجوزيه غصب عنك

زينه / دا لو انطبق السما علي الارض استحاله اتجوزه…. دا الموت اهون عندي من اني اتجوز رد السجون دا

… هو مين دا اللي رد سجون

كانت هذه جمله ام حازم التي جائت الي غرفه شهد لكي تنام بجوارها

التفت شهد و زينه الي مصدر الصوت

شهد /بقولها يا ماما علي رامز قالت مش ممكن اتجوزه و قاعده تشتم فيه و تقول خمورجي و شمام

ام حازم /بقه انا ابن اخت شمام دا سيد الرجاله

زينه /دا بلطجي

ام حازم/بلطجي… طب ايه رأيك يا زينه انك هتكوني مرات البلطجي دا و من بكرا الصبح انا هكلمه دلوقت و مش هستني ليوم الاتنين و يا انا يا انتي

زينه /انا مش موافقه علي الجوازه دي

ام حازم /هتوفقي و رجلك فوق رقبتك

ثم انقضت عليها و امسكتها من شعرها و اخذت تطيح بها يمين و شمال ثم القتها علي الارض و اخذت تضربها بقدمها جعلتها اشبه بقطعه القماشه الباليه

ثم سخبتها من شعرها و القتها خارج غرفه ابنتها و اغلقت الباب

ظلت هي كما تركتها ام حازم تبكي في صمت لا تقوي علي الحركه حتي مري بعض الوقت و تحاملت علي ذاتها و ذهبت الي غرفتها جلست علي الفراش تبكي و تبكي الي ان نامت كما هي حتي موعد اذان الفجر استيقظت و هي تتالم بشده من جميع انحاء جسدها تحاملت و ذهبت الي المرحاض و توضأت و صلت فرضها و جلست تقرأ بعض ايات القرأن

و بعد الانتهاء ظلت تفكر ما عليها فعله فلو ظلت هنا لم يستطع احد الوقوف امام ام حازم و منع تلك الزيجه و ينتهي بها المطاف لتكون زوجه لبلطجي

و الي هذا الحد و قررت الا لا تستسلم و تحركت من موضعها و قامت بجمع متعلقاتها الشخصيه و القليل من ملابسها و وضعهتهم جميعهم في حقيبه صغيره بعض الشيئ و بدلت ملابسها و خرجت ببطئ من المنزل

و هي تفكر الي اين تذهب هل تذهب الي ميار في منزل الطالبات و لكن من السهل ايجادها

ظلت تمشي و تمشي لا تعلم اين وجهتها الي ان اخرجت هاتفها و قامت بالاتصال علي صديقتها و قصت عليها ما حدث منذ الامس

ميار /طب انتي فين دلوقت

زينه/و الله ما انا عارفه انا فين

ميار /طب اسمعيني يا زينه انتي تاخدي تاكسي و تسبقيني علي المحطه

زينه /المحطه

ميار /ايوة المحطه و انا هلبس في ثواني و اجهز شنطتي و اقبلك هناك

زينه /هنروح فين

ميار/هنروح لاهلي نقعد هناك

زينه /طب و الكليه

ميار /ربنا يحلها…. بس دلوقت اعملي اللي بقولك عليه

زينه /ماشي

ذهبت زينه الي المحطه كما قالت لها ميار

و بعد وقت ليس بقليل ذهبت اليها ميار

و عندما رأتها و رأت ما حدث بها صدرت منها شهقه كبيره و بدون اي حديث اخذتها في احضانها و بكت زينه بشده و اكملت معها ميار البكاء و بعد ان هدأو تمام اعلنت المحطه عن وصل القطار الذي سوف يذهب الي القاهره

________________________
اما زين و معتز في مقر الشركه الجديد يقومون بترتيب الاشياء و تجهيز المكان بالكامل علي اكمل وجهه

معتز /الحمد لله كدا بقت ميت فل و عشره و نبدأ الشغل بقه

زين /ايوة الحمد لله ان شاء الله نبدأ من بكرا نقابل الموظفين اللي مقدمين هنا

معتز /علي خيره الله… بقولك ايه انت بقه روح استلم العربيه و انا هروح اجمع حاجتنا من الفندق علي ما انت تيجي و نروح علي الشقه

زين /ماشي يلا بينا

و خرج الاتنين من الشركه كل واحد الي وجهته

________________________

اما في القطار بعد مرور وقت كبير قد قارب القطار علي الوصول الي محطه القاهره

كانت زينه في حاله يرثي لها فا هي منذ صباح امس لم تتذوق اي طعام بجانب الضرب الذي تلقته من ام حازم دا غير الاجهاد النفسي

ميار /زينه مالك انتي تعبانه

زينه /انا…. كويسه… متقلقيش

كانت تتحدث بتعب شديد و تحاول السيطره علي حالها حتي لا تقلق ميار

ميار/كويسه ايه انتي مش شايفه نفسك عامله ازاي

زينه /انا……..

و قبل ان تتحدث كان القطار يعلن عن وصوله الي محطه القاهره

ميار /يلا هاتي شنطتك دي و تعالي اسندي عليا

زينه /انا تمام امشي انتي بس

تحركت ميار خارج المحطه و خلفها زينه تمشي ببطئ شديد حتي وصلو الي خارج المحطه و في طريقهم الي الطريق الاخر حتي يجدون سياره اجري تنقلهم الي منزل

ميار

كانت ميار في الامام و زينه في الخلف و…………

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اين زوجي)