رواية شظايا أنثى الفصل العاشر 10 بقلم بتول علي
رواية شظايا أنثى الفصل العاشر 10 بقلم بتول علي
رواية شظايا أنثى البارت العاشر
رواية شظايا أنثى الجزء العاشر
رواية شظايا أنثى الحلقة العاشرة
-“هتفضلي قاعدة على الحال ده كده كتير؟”
أطلقت فتحية هذه العبارة أمام نورا التي كانت تجلس على السرير وتبكي بحــ….ـرقة فهي لم تتوقف عن البكاء منذ مغادرة مروان ووالدته في مساء اليوم السابق.
صاحت فتحية بغضب من ابنتها التي لا تتوقف عن البكاء وكل ذلك من أجل شاب يريد استغلالها:
-“بطلي عياط بقى يا غــ…ـبية، ده مش بيحبك وبيرسم عليكِ عشان يتجوزك ببلاش ومن غير ما يتعب في حاجة وده السبب اللي خلاه يتقدملك أنتِ بالذات ومفكر أن إحنا هنوافق لأن سنك كبر ولحد دلوقتي أنتِ متجوزتيش”.
رفعت نورا وجهها ونظرت إلى والدتها وهي تصرخ بقهر:
-“مروان بيحبني وأنا كمان بحبه ولو هو عايز يستغلني زي ما أنتِ بتقولي مكانش عمل ليا حظر على الواتس بعد ما مشي من عندنا امبارح وده لأنه حس بالإهـ…ــانة لما أنتِ قعدتي تبيعي وتشتري فيه وأصلا هو كان قالي أننا مش هنفضل ساكنين كتير في نفس الشقة مع أمه وأن ده وضع مؤقت لحد ما ظروفه تتحسن وبعد كده هيجيب شقة في منطقة كويسة وهنقعد فيها”.
زفرت فتحية ثم هتفت بعصبية شديدة شعر بها الجيران بسبب صوتها الجهوري:
-”أه يا معــ….ـدومة الكرامة، يعني مموتة نفسك من العياط على واحد عملك حظر لمجرد أن إحنا طلبنا منه يجيب شبكة معقولة ويكون عنده شقة كويسة ينفع تسكني فيها معاه!!”
استكملت فتحية حديثها بعدما جلست أمام نورا:
-“أه يا مــ….ـرارتي اللي هتتــ…ـفقع من الغيظ، بنتي اللي عيشت وكبرتها وربيتها على أنها تبقى ناصحة ومتخليش حد يكســ….ـر عينها عاملة مناحة على مروان اللي عايزها تبقى خدامة لأمه العقــ….ـربة”.
خرجت فتحية من الغرفة وهي تضـ…ــرب كفيها ببعضهما فهي لا تزال غير قادرة على استيعاب حقيقة أن مروان قد سيطر على ابنتها لهذه الدرجة التي تجعلها لا تصدق أنه يستغلها ولا يحبها.
انتظرت نورا خروج والدتها ثم أمسكت هاتفها وفتحت تطبيق الواتس آب حتى ترى إذا كان مروان قد رفع الحظر ولكنها وجدت أنه لا يزال يحظر رقمها فنهضت وتوجهت نحو الخزانة وأخرجت شريحة أخرى من جيب أحد المعاطف المعلقة ثم وضعت هذه الشريحة في هاتفها وأرسلت رسالة إلى مروان كتبت له بها:
-“أنا أسفة على كل حاجة حصلت امبارح، أنت عارف أنا بحبك قد إيه وموافقة أتجوزك حتى لو مش هنلاقي مكان نقعد فيه بس والنبي فك الحظر ومتتخلاش عني وأي حاجة أنت عايزها أنا هعملها”.
أرسلت نورا الرسالة وهي تتمنى أن يستجيب لها مروان ولم تكن تعلم أنه ابتسم بسخرية بعدما قرأ الرسالة وهمس
بشمــ….ـاتة:
-“ولسة يا بهاء أنا هجيب مناخيرك الأرض ودلوقتي جه الوقت اللي هاخد فيه حق ضحى منك، هدفعك تمن روح أختي اللي راحت مني وهي عندها لسة 17 سنة بسببك أنت وأصحابك القــ….ـذرين وزي ما أنا خسرت ضحى أنت كمان هتخسر نورا بس الفرق أنها هتكون عايشة بس هخليها تتمنى المــ….ـوت مليون مرة”.
وصلت سيارة الإسعاف إلى المستشفى وتم نقل رانيا إلى غرفة العمليات على الفور حتى يتم إنقاذ حياتها وإيقاف
النــ…ـزيف الحاد الذي تعرض له رأسها.
اتصل شريف على هاتف رانيا ولكن وجده مغلق فاتصل حينها على هاتف “مليكة” فرد عليه أحد الممرضين وأخبره أن صاحبة هذا الهاتف تقف أمام غرفة العمليات تنتظر مديرتها التي تعرضت لحـ…ـادث خطير وأن الهاتف قد سقط منها وهي تركض في رواق المشفى.
-“طيب لو سمحت ممكن تقولي عنوان المستشفى دي فين؟”
أعطاه الممرض العنوان فأنهى شريف الاتصال وأخبر منصور بما جرى مع رانيا وسكت قليلا ثم استأنف حديثه بقوله:
-“أنا حاسس أن فيه حاجة غلط في الموضوع ده لأن رانيا كلمتني امبارح بالليل وقالتلي أنها سجلت لبهاء كلام يثبت براءة مريم بس النت كان فاصل عندها لأن الراوتر اتكسر وهي معرفتش تبعتلي التسجيل ودلوقتي حصل معاها
حـ…ـادثة فجأة وعلى حسب ما فهمت من كلام الممرض أن عربيتها انفــ….ـجرت على طول بعد ما طلعوها من جواها”.
حك منصور ذقنه قليلا قبل أن يردف:
-“أنت عايز تقول أن بهاء ليه دخل في الموضوع ده بس اللي أنا مش مستوعبه هو هيعمل كده ليه وهو المفروض ميعرفش أن فيه تسجيل بصوته وهو بيعترف فيه أنه لفق القضية ليك ولمريم”.
ضـ…ــرب شريف سطح الطاولة وهو يتحدث بنبرة أظهرت مدى الغيظ الذي يشعر به:
-“ما هو ده اللي هيجنني، بهاء ميعرفش أن رانيا سجلتله ومع ذلك حاول يقتــ…ـلها وهي دلوقتي بين الحياة والموت والعربية بتاعتها انفــ….ـجرت واحتمال كبير تكون شنطة رانيا كانت جواها لما حصل الانفــ….ـجار وده معناه أن دليل براءة مريم راح خلاص بس أنا مش فاهم إزاي الزفـ….ـت ده عرف بموضوع التسجيل لأنه مستحيل يفكر يخلص منها لمجرد أنها بتدافع عن مريم في القضية”.
فكر منصور قليلا ثم نظر إلى شريف قائلا:
-“واضح كده أن فيه حد قريب من رانيا هو اللي قال لبهاء على الموضوع ده وأظن أن مفيش غير شخص واحد بس هو اللي قريب من رانيا ويقدر بسهولة يعمل حركة قــ….ـذرة زي دي”.
حرك شريف رأسه مؤيدا كلام منصور بعدما فهم من هو الشخص الذي يعنيه بحديثه فليس هناك أي أحد يمكنه أن يسرب هذه المعلومة سوى سكرتيرة رانيا التي تدعى “مليكة”.
كان بهاء يجلس وينظر إلى هاتفه من حين لأخر وهو يحك مقدمة رأسه بعصبية شديدة ولكنه توقف فورا عن ذلك بعدما صدع صوت رنين هاتفه.
تملك التوتر من بهاء وهو يمسك الهاتف بعدما رأى اسم المتصل ولكنه تمالك أعصابه وأجاب على الاتصال بقوله:
-“طمني إيه الأخبار، عرفت تنفذ اللي اتفقنا عليه؟”
أجابه الرجل وهو يبتسم:
-“أيوة يا باشا، العربية اتقــ…ـلبت بيها بس للأسف فيه ناس طلعوا رانيا قبل ما العربية تنفــ….ـجر بس اطمن موبايلها وشنطتها ولعــ…ـوا مع العربية ده غير أن أصلا حالتها خطيرة واحتمال كبير تمــ…ـوت في المستشفى”.
تنهد بهاء بارتياح قبل أن يردف:
-“أهم حاجة تكون ظبطت كل شيء والموضوع بان على أنه حـ…ـادثة عادية”.
أومأ الرجل قائلا:
-“متقلقش كل حاجة متظبطة ومش فاضل غير الفلوس اللي اتفقنا عليها وكمان أنا اتصلت بمليكة من رقم مش متسجل باسمي وكلمتها على أني فاعل خير وقولتلها أن رانيا عملت حـ…ـادثة وإديتها عنوان المستشفى”.
-“تمام، كل الفلوس اللي وعدتك بيها هتوصلك النهاردة على أخر النهار”.
أنهى بهاء الاتصال بعدما تفوه بهذه الجملة وابتسم بسعادة لأنه تخلص من التسجيل الذي كان سيـ…ـدمره ويقضي عليه.
تذكر بهاء عندما اتصلت به مليكة مساعدة رانيا وأخبرته أنه يجب عليه أن يلتقي بها في أسرع وقت ممكن لأن هناك
كـ…ــارثة سوف تحل على رأسه إذا لم يفعل ذلك.
ذهب بهاء لرؤيتها مثلما طلبت منه وكانت الصدمة بانتظاره عندما علم أن رانيا سجلت له مقطع صوتي له وهو يقر ويعترف أنه دبر تلك المؤامرة وذلك عندما ذهب إلى مكتبها وتحدث معها في الصباح.
لاحظت مليكة الغضب المرتسم على وجه بهاء فابتسمت ببرود وهي تخرج فلاشة صغيرة من حقيبتها ووضعتها أمامه قائلة بنبرة خبيثة:
-“اهدى ومتخافش يا بهاء بيه ليجرالك حاجة، التسجيل ده مفيش منه غير نسختين، نسخة موجودة على الفلاشة دي وأنا ســ…ـرقتها وجبتهالك والنسخة التانية موجودة على موبايلها ودي بقى شوفلك صرفة وخده منها لأن الموبايل على طول بيكون معاها وأنا مش هعرف أخده منها ده غير أنها عندها برنامج بيرجع كل الملفات المحذوفة”.
صاح بهاء بعصبية وغيظ جعلت مليكة تتأكد أنه لن يرحم رانيا وسوف ينتــ…ـقم منها بأبشع الطرق لأنها فكرت في العبث معه:
-“عايزاني أهدى إزاي وأنا عارف أن فيه نسخة تانية موجودة على موبايلها؟! دي زمانها بعتت التسجيل لشريف وده أكيد هيستغل الفرصة عشان يوديني في داهـ…ــية”.
أجابته مليكة بهدوء بعدما وضعت ساق فوق ساق:
-“أنا كســ….ـرت الراوتر بتاع البيت بتاعها لما روحت معاها امبارح بحجة أني هشيل معاها الطلبات اللي هي جايباها وهي طبعا فكرت أن الراوتر وقع لوحده وبما أن النت اللي عندها فاصل فده هيمنعها من أنها تبعت التسجيل لأي حد وفي نفس الوقت هيكون قدامك فرصة أنك تتصرف وتخلي أي حد تبعك يســ…ـرق منها الموبايل وهي خارجة من بيتها بكرة الصبح واطمن الباقة بتاعتها اللي هي عملاها على الموبايل نظامها مكالمات بس يعني هي مش عندها أي وسيلة تبعت بيها التسجيل لشريف على الواتس أو التليجرام”.
ابتسم بهاء وأعجب بذكاء مليكة وسرعة بديهتها التي أنقذته من ورطة عويصة كاد يسقط بها بسبب رعونته وحديثه عن فعلته الشنيــ…ـعة دون أن يفكر في احتمالية استغلال رانيا هذا الأمر لصالحها من أجل إثبات براءة مريم.
عبر بهاء عن إعجابه بذكاء مليكة بقوله:
-“برافو عليكِ يا مليكة، أنتِ كل يوم بتثبتيلي أن كان عندي حق لما اتفقت معاكِ من أول مرة شوفتك فيها أنك تراقبي رانيا وتبلغيني بكل تحركاتها أول بأول وليكِ عليا أول ما أخلص من موبايل رانيا هديكِ مبلغ محترم مكافأة ليكِ على جدعنتك معايا في الموقف ده”.
ابتسمت مليكة بسعادة بعدما سمعت بأمر المكافأة ولم يخطر في عقلها أنها عرضت حياة رانيا للخطــ…ـر بسبب طمعها وخيــ…ـانتها ووضـ…ـاعتها.
أخذ بهاء في هذه اللحظة يفكر في طريقة يتخـ…ـلص بها من رانيا ثم اتصل بالرجل الذي اتفق معه وأعطاه خط سير بتحركاتها التي عرفها من مليكة التي أبلغته بها ظنا منها أنه سوف يكتفي بســ…ـرقة الهاتف فقط ولن يقدم على
قتــ…ـلها.
استفاق بهاء من شروده بعدما سمع صوت رنين هاتفه بالنغمة التي خصصها لرقم مليكة فابتسم بسخرية قبل أن يغلق الهاتف تماما فهو يعلم جيدا أنها غاضبة منه لأنه لم يتخلص من التسجيل بالطريقة التي كانت تتوقعها والسبب الذي جعله يهتم بإبلاغها بحـ…ـادث رانيا هو الاستفادة من وجودها داخل المستشفى حتى يعلم عن طريقها كل شيء متعلق بحالة رانيا إذا استصعب عليه المعرفة من أحد سواها.
نظر وكيل النيابة إلى مريم التي تخفض رأسها وقال:
-“يعني أنتِ لسة مصرة على أقوالك أن مفيش أي علاقة بينك وبين شريف وأن بهاء هو اللي دبر ليك الموضوع ده عشان يجبرك ترجعيله”.
رفعت مريم رأسها وأومأت مؤكدة هذا الحديث:
-“والله العظيم هو ده اللي حصل، أنا عمري في حياتي ما اتعاملت مع أي راجل بشكل مش محترم ولو فيه أي حاجة مش مظبوطة بيني وبين شريف فأكيد هيكون فيه مكالمات ورسائل بيننا وإحنا بنتفق أننا نتقابل في شقته ولو إحنا اتفقنا نتقابل مثلا من غير ما نتكلم في التليفون أو نبعت رسائل لبعض فإزاي بهاء عرف بالموضوع ده زي ما قال في التحقيقات”.
ظهرت بوادر الاقتناع على وجه وكيل النيابة وخاصة بعدما اطلع على تقرير الفحص الفني لهاتف كل من مريم وشريف والذي أكد أنه لم يكن يوجد بينهما أي تواصل وهذا يتعارض مع أقوال بهاء الذي قال أن الشك تملك منه بعدما رأى رسالة غرامية من شريف لمريم قبل مغادرتها لمنزله ورفعها قضية الطلاق وهذا يؤكد أنه قد كذب أثناء التحقيق معه وأنه يوجد أمر مريب في هذه القضية.
استكملت مريم حديثها بعدما رأت أن وكيل النيابة قد بدأ يقتنع بحديثها:
-“وكمان يا فندم عينة الدم اللي أخدوها منى ومن شريف لما نتيجة التحليل بتاعتها تظهر ساعتها هيبان أننا كنا متخدرين فعلا زي ما قولنا في التحقيقات”.
تنهد وكيل النيابة قبل أن يتفوه بالجملة التي جعلت مريم تتمنى أن ترى بهاء أمامها حتى تمــ…ـزق عنقه وتخرج
أحشــ…ـائه وتطعمها للحيــ….ـوانات:
-“أنا مش قدامي دلوقتي غير أني أحولك على الطبيب الشرعي لأن ده اللي تقريره هيحدد فعلا إذا كنت متهمة ولا بريئة”.
تمالكت مريم أعصابها وهي تعود إلى زنزانتها برفقة العسكري ثم انفــ….ـجرت في بكاء مرير أثار تعاطف السجينات الأخريات وتوجهت واحدة منهن نحوها وأخذت تربت على كتفها وتواسيها.
صرخت مريم بقهر وهي تضـ…ــرب يديها بحافة السرير بشكل هيستيري جعل مجموعة من السجينات يقيـ…ـدن حركتها حتى لا تؤذي نفسها:
-“الشرع قال أن الزوج لما يتهم زوجته باتهام فظيع وبشـ…ــع زي ده ومفيش عنده شهود والزوجة أنكرت عن نفسها أنها عملت كده ساعتها بيحصل بينهم اللعــ…ـان ولو كل واحد فيهم فضل مُصِّر على موقفه فوقتها بيحصل بينهم تفريق أبدي بدون رجعة يعني الشرع مظلمش الست بس القانون هو اللي ظلمها وأهــ…ـانها لما أدى زوج ناقــ…ـص وواطــ…ـي زي بهاء فرصة أنه يتهمني بالزنــ…ـا بعد ما يخــ…ـدرني ويخلي الناس تخوض في عرضي وشرفي وكل ده عشان يساومني ويخليني خدامة تحت رجل أمه القــ….ـذرة اللي أوطــ…ـي منه”.
هتفت إحدى السجينات محاولة تهدئتها:
-“معلش يا حبيبتي، إن شاء الله ربنا هينتــ…ـقم منه في الدنيا وفي الآخرة وحسبي الله ونعم الوكيل فيه”.
صاحت مريم بتوعد قبل أن تغيب بشكل كامل عن الوعي:
-“هقتــ…ـلك وهشرب من د*مك يا بهاء، ورحمة أمي ما هسيبك يا واطـ…ــي”.
تعالى صراخ السجينات بعدما غابت مريم عن الوعي وتوجهت إحداهن نحو باب الزنزانة وطرقت عليه بقوة وعندما فتحت الحارسة أخبرتها بإغماء مريم.
فحصت الحارسة مريم ثم أخبرت الضابط بضرورة نقلها إلى المستشفى لأن حالتها الصحية متدهورة للغاية.
ابتسمت نورا بسعادة بعدما رفع مروان الحظر عن رقمها واتسعت ابتسامتها بعدما اتصل بها فأجابت على الفور قائلة بلهفة:
-“أخيرا يا مروان فكيت الحظر، أنت متعرفش أنا كنت حاسة بإيه لما أنت مكنتش راضي تتواصل معايا، معقولة هونت عليك تعمل فيا كده؟”
كبحت سميرة ضحكتها بصعوبة فهي تجلس أمام ابنها وتستمع إلى صوت نورا التي على وشك أن تتوسل لمروان حتى لا يتركها ويبتعد عنها.
أشار مروان لوالدته ألا تصدر أي صوت ثم هتف بنبرة هادئة يملأها العتاب:
-“وهو ينفع اللي أهلك عملوه معايا ده يا نورا؟ أنتِ شوفتي بنفسك الإهــ….ـانة اللي اتعرضتلها وكل ده عشان ظروفي متسمحليش أجيب شقة دلوقتي، أهلك للأسف مش بيفكروا غير في الماديات ومش مهم عندهم أن اللي هيتجوز بنتهم يكون شخص بيحبها وعايز يسعدها”.
أجل عائلتها بالفعل لا تفكر سوى في المظاهر والأمور المادية والدليل على صحة كلام مروان أن والدتها رفضته
وأهــ…ـانته.
شعرت نورا بالحزن على مروان واعتذرت منه عما بدر من عائلتها ثم قالت:
-“أنا عمري ما هفكر أتجوز واحد غيرك حتى لو الدنيا كلها وقفت في وشنا وصدقني أنا هعمل المستحيل عشان نكون مع بعض حتى لو وصل الموضوع أننا نهرب سوا ونتجوز من غير موافقة أي حد”.
سيطر شعور الشمــ…ـاتة على سميرة وأخذت تتخيل كيف ستكون هيئة فتحية بعدما تقوم ابنتها بعصيانها وتهرب من المنزل من أجل الزواج بشاب لم تقبل به عندما طرق باب منزلها.
في هذه الأثناء دلفت فتحية إلى غرفة نورا ورأت أنها تتحدث مع مروان فأخذت تتشاجر معها وصفــ…ـعتها على وجهها بقسوة وهي تصيح بنبرة حادة:
-“أنتِ الظاهر أن الذوق مش هيجيب معاكِ نتيجة يا بنت أنتِ ولازم أتصرف معاكِ بالطريقة اللي هتخليكِ تفوقي وترجعي لعقلك”.
أخذت فتحية هاتف ابنتها ثم خرجت من الغرفة وأغلقت الباب خلفها بالمفتاح وهي تلــ…ـعن مروان الذي أفســ…ـد نورا وجعلها لا تفكر في أي شيء سوى في الارتباط به.
يتبع
لقراءة الفصل التالي : اضغط هنا
لقراءة باقي حلقات الرواية اضغط على : (رواية شظايا أنثى)