رواية اين زوجي الفصل السابع عشر 17 بقلم ايه عطيه

رواية اين زوجي الفصل السابع عشر 17 بقلم ايه عطيه

رواية اين زوجي البارت السابع عشر

رواية اين زوجي الجزء السابع عشر

رواية اين زوجي الحلقة السابعة عشر

 

زين /بجد انتم ايه مصحيكم بدري و جايبكم هنا

كان يتحدث و هو ينظر الي زينه

زينه/اصل النهارده اول يوم لينا في الشغل… فا قولنا نفطر برا و نحتفل و كدا

نظرت ميار الي زين و تحدثن

ميار /بذمتك شوفت حد بيحتفل بدري كدا

نظر لها زين و ابتسم

زين /اها عادي الاحتفال ملوش مواعيد

معتز /سالتي الانسان الغلط

ميار /الظاهر كدا

معتز /بس علي حد علمي انكم لسه بتدرسو

ردت عليه زينه

زينه / و ايه المانع اننا نشتغل و احنا بندرس

معتز /لا مفيش مانع خالص بس مش بنشوف كتير بيشتغلو و هما بيدرسو…….. بس ربنا يوفقكم

زين و ميار و زينه /يارب

و جاء النادل بالطعام و وضعه امامهم و بدأو في تناول الافطار و بعد الانتهاء اصر زين علي دفع الحساب و استئذنت ميار و زينه للذهاب للحاق بموعد العمل

خرجت ميار و زينه من المطعم و في طريقهم للشركه

ميار /تعرفي ان دي اول مره اقعد فيها مع حد معرفوش

زينه /و انا كمان و كنت عماله ابصلك علشان تتصرفي

ميار /و انا كمان كنت عايزاكي تتصرفي انتي كمان بس حصل غير و بعدين اللي طمني شويه انهم جيرنا و كمان بابا يعرفهم و اول ما نوصل هحكي لبابا اللي حصل بدل ما يعرف هو من برا و يزعل مننا

زينه /ايوة كدا احسن….. الا صحيح طنط امبارح قالت ان باباكي اشتغل و كانت فرحانه جدا ليه هو مكنش لاقي شغل زينا و لا ايه

ميار /لا يا بنتي بابا كان شغال في شركه كبيره و كان ليه وضعه و طلع معاش…. و حاول يدور علي شغل في اماكن تانيه بس كانت مش مناسبه…. فقرر انه ميدورش تاني علي شغل خصوصا ان حالتنا الماديه كويسه و المعاش كمان كبير…….. بس اللي فهمتو من ماما امبارح ان الشغل اللي لقاه كويس جدا و مناسب جدا معاه علشان كدا هي فرحانه

زينه /يارب يديم فرحتهم دي و يباركلك فيهم انتي بجد متعرفيش انا بقيت بحبهم اد ايه

ميار /هما كمان حابوكي جدا و الله

زينه /القلوب عند بعضها

ميار /معاكي حق

و مع انتهاء حديثهم كانو امام باب الشركه وصلو الي مكتب استاذ فاروق

ميار /صباح الخير

فاروق /صباح النور اهلا بيكم في ميعادكم مظبوط و دا مؤشر كويس……. تعالو معايا هوريكم مكتبكم

خرج فاروق من مكتبه و ميار و زينه خلفه ذهب في ممر طويل بعض الشئ و به عدد من المكاتب الي ان وقف امام احد الغرف و طرق الباب و دخل

كانت غرفه كبيره بعض الشئ به خمس مكاتب كل مكتب منفصل عن الاخر يوجد ثلاث مهندسين رجلان و امرأه

فاروق /صباح الخير

رد الجميع /صباح الخير

فاروق /احب اعرفكم مهندسه زينه و مهندسه ميار زمايلكم الجداد

ثم نظر فاروق الي ميار و زينه

فاروق /قربو يا بنات احب اعرفكم

و بدأ يشاور علي شخص شخص

فاروق/دا مهندس اسلام و دا مهندس امير و دي مهندسه مريم…… اتعرفو علي بعض و كل واحده تاخد مكتبها و مهندس اسلام هيعرفكم طبيعه الشغل و ايه المطلوب منكم…. بعد اذنكم

و تركهم و خرج و اغلق الباب خلفه نظرت لهم مريم بتعالي و تكبر ثم عادت بنظرها الي جهاز الحاسوب الخاص بها….. اما امير

امير /اهلا بالقمرات المكتب و الله نور و ذاد نور علي نور بوجدكم

ميار /اهلا

امير /ليه الرد الناشف دا دا احنا لسه حتي بتعرف

زينه /احنا هنا علشان الشغل و بس و مش جايين تعرف فكل واحد يعرف حدوده من اولها كدا

ابتسمت ميار داخلها علي صديقتها و علي ردها

اعجب اسلام برد زينه و جاء يتحدث فتحدثت مريم

مريم /الغربال الجديد له شده…. كلكم في الاول بتقولو كدا و بعدين اللي يدور وراكم يلاقيكم مقضينها

جائت زينه تتحدث سبقتها ميار

ميار /علي كدا انتي كمان مقضيها

ابتسم اسلام و امير و نظرت مريم بغضب الي ميار

مريم /انتي بتقولي ايه

ميار /بقول اللي سمعتيه

مريم /انتي بتشبهيني انا بيكم انتم

ميار /و احنا مالنا احنا منشبهش و لا ايه دا احنا حتي ولاد تسعه

مريم /انا هرد عليكي بطريقه تانيه

ميار /تعالي وريني الطريقه التانيه دي

زينه /و لا تانيه و لا تالته يا ميار احنا جايين هنا للشغل و بس
و نظرت ل امير و كملت
لا جايين نتعرف
ثم نظرت الي مريم
و لا جايين نتخانق
ثم نظرت الي صديقها
اقعدي يلا

سحبت زينه ميار من يدها و ذهبت بها نحو مكتبها و نظرت لها بعينها بأنها لا تتحدث ثم ذهبت الي مكتبها هي الاخري

~~~~~~~~~~~~~~~
في مكتب زين كان يعمل بتركيز شديد لدرجه انه لم ينتبه لمعتز الذي دخل

خبط معتز علي المكتب بقوة لكي ينتبه له زين

زين/ايه في ايه

معتز/انت اللي في ايه و مركز في ايه كدا

زين /بخلص شغل و انت سايب مكتبك و جاي ليه هنا

معتز /استاذ اكرم حه و استلم الشغل

زين /طب كويس….. هو دا اللي جايبك هنا

معتز /لا بس كنت جاي اسالك هنقوله ان احنا قبلنا بنته و صاحبتها انهارده و فطرنا معاهم كمان و لا ايه

نظر له زين باهتمام

زين /مش عارف…. انت ايه رأيك

معتز /انا كمان مش عارف و جتلك قولت يمكن الاقي عندك الاجابه

زين /احنا ممكن نقول نتسبب في مشكله للبنات و ممكن منقولش استاذ اكرم يفقد الثقه فينا

معتز /و بعدين هنعمل ايه

زين /بقولك ايه سبها كدا….. و ربنا يسترها بقه

معتز /ماشي…… انا رايح اخلص باقي شغل

و خرج و تركه سرح بخياله و في زينه التي كلما رأها في المرتين شعر بشعور غريب ليس لديه تفسير
نفض تلك الافكار عن ذهنه الان و عاد للعمل مره اخري

~~~~~~~~~~~~~~~
في مكتب زينه و ميار

اسلام /كدا تمام و لا في اي حاجه واقفه معاكم

زينه و ميار /لا تمام

اسلام /خلاص كل واحده تاخد ملف تشتغل عليه

و مر اليوم هكذا بدون اي احداث اخر و انتهي وقت العمل و عاد الجميع الي المنزل

في منزل ميار و هم علي السفر

اكرم /ها عاملين ايه في الشغل يا بنات

ميار /احنا لسه اول يوم يعني هنعمل ايه يعني يا بابا

اكرم /انطبعكم عن الشغل ايه كويس مقبول كدا يعني

زينه /نوعا ما كويس بس دا مبدايا كدا استنا علينا اسبوع و لا حاجه و ساعتها هنحدد اذا كان حلو و لا وحش و حضرتك متخفش علينا
اكرم /انا طبعا مش خايف عليكم لاني واثق في اختيار بناتي و واثق في طريقه تفكرهم ووعلشان كدا انا مش بتدخل في اي حاجه سايبكم براحتكم… بس مش معنى كدا اني مش موجود…. انا موجود معاكم دايما و في ضهركم علي طول

ميار /ربنا يخليك لينا يا بابا

زينه /ربنا يطول في عمر حضرتك…. و ان شاء الله نكون عند حسن حظ حضرتك

اكرم /ان شاء و ربنا يوفقكم يارب

 

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اين زوجي)