رواية لم تكن خادمتي الفصل الرابع والثلاثون 34 بقلم الفتاة الخجولة

رواية لم تكن خادمتي الفصل الرابع والثلاثون 34 بقلم الفتاة الخجولة

رواية لم تكن خادمتي البارت الرابع والثلاثون

رواية لم تكن خادمتي الجزء الرابع والثلاثون

رواية لم تكن خادمتي الحلقة الرابعة والثلاثون

اسر فضل يبص لملامحها البريئه وحمد ربنا عليها جدا وشالها حطها علي السرير ولما جيه يخرج عشان يغير ويمشي نورا قلقت
نورا:اسر
اسر:ايه يا حبيبتي انتي لسه صاحيه
مورا:خليك هنا النهارده انا بخاف ابات لوحدي
اسر ابتسم:تمام
نام اسر جنبها علي السرير ومخدش دقيقه وكان غرق في النوم من التعب ،واخد نورا في حضنه شدها ليه كأن خايف يخسرها
__________

في شقه حازم رن جرس الباب راح حازم فتح الباب كانت ست رقيقه وشيك لابسه فستان اسود رقيق وشكلها صغيره أو مش مدي سنها الحقيقي
حازم:مين حضرتك؟
ليلي اول ماشافته حطت ايها علي وشه ودمعت
حازم رجع لورا بعدم فهم
ليلي:مش انت حازم!
حازم:ايو انا
ليلي:تسمحلي ادخل ونتكلم
حازم اتردد بس فضوله دخلها:اتفضلي
ليلي دخلت وقعدت بقلق شويه وبصتها لحازم ربكتها
حازم:مممكن اعرف مين حضرتك
ليلي:انا مامتك
حازم:ايه مامه مين مش فاهم
ليلي بدموع:انا هفهمك بس لازم تصدقني انا والله مامتك وبعد ما احكيلك ممكن تعمل تحاليل وتتأكد
حازم:…….
ليلي: من اكثر من 30سنه كنت بحب واحد اسمه حسن كان زميلي في الدراسه انا وهو بنحب بعض واتفقنا علي الجواز بس قبل مايجي يتقدملي كان ابن عمتي راح يتقدم لانه كان بيحبني وانا محبتوش ولما رفضته وقبلت ب حسن ابن عمتي ده لفق لي مصيبه وانا واثقه من أن هو السبب لبسه بضاعه مخدرات واتعدم جوزي وانا كنت حامل فيك وعشان انا واثقه ان جوزي كان برئ والقضيه اتلفقت لي كنت بدور علي حاجات تثبت كلامي ورجع ابن عمتي
ده يطلب ايدي تاني وانا رفضته وشتمته وكان ساعتها ابويا مات ومليش اخوات ولا حد وقولتله اني عارفه ان هو العمل كده في جوزي ولما جيت اولد للاسف تعبت وأنا في الشارع وهو كان دايما مراقبني وكانت حالتي وحشه جدا وهو الخدني المستشفى وبدأت ليلي تعيط من هنا صحيت اسأل عليك ،قالولي ابنك مات وقريبك دفنه عشان انا فضلت فتره في غيبوبه

وسلموني ورق مزور طبعا وأنا مفهمتش بس انا عشان عارفه شره شكيت في الموضوع ولما خرجت دورت عليه كان اختفى كان خد عمتي ومراته واختفى وانا كنت لوحدي تعبت اوي عشان اقدر اقوم تاني وبعدين عرفت انه خدك بعتك مع حد الملجأ
بعدين رجع اتبناك علي انه بيعمل خير وميعرفكش
حازم بصدمه:ايوه مين ده ولا انا ازاي…..
ليلي:ابن عمتي ده علي المفروض اتبناك
حازم قام وقف:ايه علي؟مستحيل ده هو رباني مستحيل
ليلي:والله مابكدب عليك…

ليلي:والله مابكدب عليك حتي هو اتجوز فريده وكان بيديها حبوب توقف حملها علي امل انه يرجع يتجوزني ويطلقها هي مكنش فيها حاجه وي مافهمها
حازم:ايه الجنان ده هو انا المفروض اصدق
ليلي:اعمل تحاليل في المكان الانت عايزه مش هقولك لا
حازم:لا لا طبعا
ليلي:علي العموم انا هسيبك تفكر وده رقمي بس ارجوك متبقاش قاسي عليا زيهم ،سابت ليلي الكارت وخرجت من عند حازم وهو كان زي المشلول او حد ضربه علي دماغه
خرجت ليلي موجوعه اوي وقررت تبدأ تعاقب علي نزلت ليلي وركبت العربيه
فؤاد:حبيبتي انتي كويسه
ليلي:كويسه بس وديني فيلا علي
فؤاد:بس ده مكنش اتفاقنا
ليلي:معلش روح بس
فؤاد:حاضر يا ليلي
___________
في بيت شريف كان قاعد علي السرير وخديجه بتاكله في سكوت نام وكانت لابسه بنطلون اسود وبلوزة كحلي ورافعه شعرها ووشها منفخ من كثر العياط والتعب
شريف:خديجه
خديجه:نعم ي بابا
شريف:متزعليش نفسك بكره يجيلك احسن منه
خديجه بصتله باسف وسكتت
شريف:ماهو انا مش هجوزك واحد ملوش اصل
خديجه:بابا انت تعبان ملوش لازمه الكلام ده
شريف:بس ي بنتي..
خديجه بدموع:بابا لو سمحت انا معاك اهو خلاص بقي علي الاقل دلوقتي
صعبت خديجه علي شريف نوعا ما ف سكت
____________

في فيلا علي دخل بعد يوم متعب جدا لي من كل حته وما صدق رجع بيته بس مكنش في راحه بردو دخل كانت ليلي قاعده مع فريده وفريده وشها احمر
علي:انتي ايه الجابك هنا
ليلي:ايه ي ابني عمتي مجيش
فريده:ايه ي علي حد يرحب بقرايبه كده
قامت ليلي وقفت وقربت من علي وبصت في عينيه بحده ليلي بصوت منخفض:انت اذكي من انك تصدق اني هسيبك كده بسهوله
علي:بقي ده جزائي عشان ربيت ابنك وخليته…
ليلي بصوت عالي:خليته ايه بقي؟انا اقولك خليته لقيط ويتيم ومش من مستواك خليته بعيد عن امه خليته من غير اب
علي:انتي بس المقتنعه بكده انا…
ليلي:لا انا ولا انت انا مش جايه اسألك
علي:امال جايه ليه
لفت ليلي لفريده القاعده مكانها بسلبيتها المعروفه
ليلي:انا جايه لمراتك عشان تساعدني ارجع ابني ليا

علي:فريده ملهاش دخل يمكن هي حبيت حازم زي ولادنا
ليلي:انا مقولتش انها وحشه ولا حاجه وعارفه ده لكن كفايه انها عارفه عمايلك وساكته عليها انتو الاثنين تولعو مع بعض اصلا
لكن انا عايزه ابني الانتو سرقتو مني محدش طلب منها تبقي لي ام وهي عارفه ان امه عايشه
فريده بضيق من كلام ليلي:ازاي ه..

لقراءة الفصل التالي : اضغط هنا

لقراءة باقي حلقات الرواية اضغط على : (رواية لم تكن خادمتي)