رواية المشعوذة الصغيرة الفصل الثامن 8 بقلم نجلاء

ودخل مكتب وقال

رحيم/ اسمع من الاخر البنت دى خدوها انا لاقتها وسمعت ان الدار عندك كويسة خلوها هنا لاحد مانعرف أهلها فين وعانخدها

مدير الدار/ بس يارحيم بية دى مسؤلية ولازم اذن نيابة وموال

رحيم/ أعطى لة شيك وقال وكدة قولت يومين بالكثير وعانخذها مش عارف اشوف نفسى منها

مدير الدار/ طمع بالمبلغ وقال تحت امرك رحيم بية مع انها مسؤلية لكن عمل الخير واجب

رحيم/ بقرف ماهو واضح الخير اللى بيشر منك حاسب حاسب اللى الشيك بتاعى اقصد الخير يضيع منك وسابة وجة يمشى

دموع/ نظرت الى مدير الدار وهى مش عارفة المكان دة اية ونظرت لرحيم بخوف انة ينجدها لأنها شافت فى مدير الدار صورة ناجى ابن عمها وطلعت تجرى وراء رحيم وجلست فى الأرض وهى ماسكة رجلة علشان تمنعة من الحركة

رحيم/ نظر اليها وهو قرفان منها وشاور انها تروح داخل المكتب

دموع/ نظرت الى مدير الدار اللى عنية نسخة من ناجى وهى خايفة تهز رأسها بالرفض وتتمسك برجل رحيم كانة الأمان الخاص بيها

مدير الدار/ راح بالقوة مسك دموع وقال اتفضل يا رحيم بية الأمانة فى الحفظ والصون واول لما رحيم مشى واختفى مدير الدار القى دموع بالقوة فى الأرض ونظر اليها وقال ياترى بعد ما الجروح اللى فى وشك دى تختفى ووعنيكى الورمة دى تخف وتاخدى شاور عايكون شكلك عامل ازاى واخذ يلف حوالين دموع وقال اممممم معروف عن الزفت اللى جابك انة زير نساء بس ماكنتش اعرف انة لية فى البنات الاوز الصغير اكيد هو اللى عمل فيكى كدة وقال اية يومين ثلاثة لما يلاقى اهلك لا اقصدة لما تخفى وبعدين يرميكى لأهلك انتى بقا بنت مين اممم شكلك من لبسك القذر دة ولا نقولك مش مهم انا بنفسي عانعرف انة قرب ليكى ولالا

دموع/ مش سامعة ولا حرف كل اللى حاسة بة ان ناجى ابن عمها واقف ادامها وبقت ترجع للوراء وعنيها تنظر الى الباب عايزة رحيم اللى رغم الإهانة منة اللى اصلا هى مش سامعة بيقول ايه عليها حاسة معاه بالأمان

ملحوظة (مدير الدار مايعرفش ان دموع مش بتسمع ولا بتتكلم ولا حتى اى معلومة )

مع كامل احترامي لأى مدير لدار أيتام كل مهنة فيها الحلو وفيها السىء لان معروف ان مدير الدار بيكون اب لايتام واى مديرة بتكون ام ليهم ،،

هذا الموقف من وحى خيال الكاتبة ولا اقصد بة شىء سورى

رحيم/ ركب عربيتة وجة علشان يمشى مش قادر مش عارف لية وحاسس انة لو مشى عايندم العمر كلة ،،اووووف بقا مالك يا رحيم أمشى دى بنت يعنى أنثى قلبك عايحن وبقا يقول لنفسة هذا الكلام ويردة ونظر الى مكانها اللى كانت تجلس فية فى المقعد الخلفى انصدم لما لاقى كيس الاكل ذى ماهو وهى ماكلتش حاجة والكيس ذى ماهو حطة جنبها وافتكر منظرها وهى جعانة وقال اوووف برضو دى طفلة واحنا العصر واكيد من انبارح مش أكلت حاجة وبرر لنفسة السبب علشان يدخل الدار واخذ كيس الاكل معة وحاسس انة قلبة فى نغزة قوية اوى لدرجة بقا كل ما يخطى خطوة فى الدار يشتد علية الوجع فاوضع يدة على صدرة من الألم

_________________

“””فى القرية “”

ناجى / عاتجنن مش عارف دموع راحت فين يا ابويا وموضوع انها مشعوذة دة عاتجنن منة دى دموع وجدها ذى عدمه عاتجنننن

وهدان/ انا سمعت منك ومن امك، امك عندها حق البت سرجتها وهربت لكن انها تهربها لية عيب تقول الكلام دة على امك فاهم

ناجى/ الله حلو جوى الكلام دة يا بويا نفرض ان اماا كلامها صح هى فين

وهدان/ اسمع يا والدى بنت عمك امك جالتلى جبل اكدة انها تنام وتجول كلام مش حصل ذى انك جربت منها وانك شربتها حاجة وانت وانت يا والدى كنت بايت عند صاحبك وانا كنت مسافر وجالت ان العروسة ده فيها سر ان دموع مش بتسبها مهما حصل اكيد يابنى اللى تحت الارض خدوها وانت بتقول انك لاجيت العروسة على الطريق الزارعى للبلد وده حتة واعرة جوى بذات فى الليل

ناجى/ اسمع يا حاج وهدان انا صحيح معايا دبلوم بس متعلم مافيش حاجة اسمها اللى تحت الارض خدوها طب لية مش خدوها وهى اهنى فى بيتنا ولا تحت الارض هناك غير الارض اهنة

وهدان/ هى كلمة دموع بنت عمك مشعوذة وخلاص البلد عرفت واصلا معروفة من زمان ماهو انا كنت حابسها فى الدار لية مافيش يابنى بنت بالجمال دة الجمال اللى فى دموع لازم يكون جمال جنية فاهم بنت عمك تحت الارض مش راجعة وسابة ومشى

ناجى/ اية التخاريف دى انا الكلام دة مايدخلش راسى ببصلة ومدام امااا حورت الكلام يبجى ليها يد فى الموضوع ماشى انا وراكى يا دموع تحت الارض او فوج الارض

__________________

رحيم / اول لما وصل لمكتب مدير الدار وفى يدة الاكل على اساس انة عايدهلها ويمشى تعب اكتر ومش عارف لية وفتح الباب وانصدم من اللى شافة ورمى كيس الاكل

يتبع