رواية لا تترك يدي الفصل الثالث 3 بقلم سلسبيل أحمد

رواية لا تترك يدي الفصل الثالث 3 بقلم سلسبيل أحمد

رواية لا تترك يدي البارت الثالث

رواية لا تترك يدي الجزء الثالث

رواية لا تترك يدي الحلقة الثالثة

– انت اية الى جابك هنا!!!
= جيت اطمن عليكي بس متخفيش مفيش تحكمات تاني
دموعها نزلت:
– انا مش عاوزة حد سبني لوحدي ، ومتجيش تاني ابدا فاهم انتي جبتني هنا مش عاوزاك تشوفني
= مانا شوفتك فالبار..
أدركت معني الجمله فا اتكلمت بسرعه:
انا مقصدش بس انا جمبك في اي وقت واي مكان حتي لو انتي مش عايزه ده هفضل معاكي برضو
– و ده ليه انت مش قولتلي اني قد اي مقر*فه و..
قاطعتها:
انا وقتها كنت مصدو*م ومكنتش مصدق الى عملتيه انتي مخبتيش حاجه سهله والموقف كان صعب عليا
= وانا طلبت منك تسمعني كنت محتاجه فرصه
– مقدرتش انتي مش فاهمه كنتي حطاني في موقف عامل ازاي؟؟ جميلة انتي مخبطيش فواحد فا هستني تبرري انه كان غصب عنك!
= تمام و الى فهمته انك اتخليت عني
– متخلتش عنك كنت محتاج وقت ، انتي لو مش فارقه معايا مكنتش .. مكنش هيحصلي كدا!

= يحصلك اية!
– احس اني عاجز! مش عارف اتصرف احس اني ضيعتك ومختش بالي منك كفايه ، ازعل ودمي يفور لمجرد انك بتأذي نفسك
= اطمن محدش بيضيع حد انا الى عملت كده عشان عندي نقص وهيفضل عندي ومحدش هيحس بيا سبوني بقي
عيطتت بق*هر وانا قربت من غير تفكير وحضنتها:
– انا جمبك مش هسيبك تاني
= لاا ابعد انت سبتني
– والله ابدا انا مقدرش ، هفضل معاكي لحد متعدي المرحله دي الدكتور قال انك لسه فى الاول هتخرجي قريب وتكملي حلمك يا جميلة
= انتوا محتاجني كامله يا ياسين وده مش هيحصل هيفضل عندي نقص عشان يتيمه ويمكن كمان متقدروش تعالجوني من المخد*ا*رت
– ششش اهدي ومتقوليش كدا انتي احسن حد فالدنيا ، وهتتعالجي وانا واثق
مسكت فحضني وهي بتعيط:
انا مكنتش اقصد كل الى قولته ليك انا بجد اسفه انا عمري ما كرهت تحكماتك عارفه انها خوف عليا انا حتي مستاهلش كل ده يا ياسين
= طيب بس بطلي عياط بس اهدي
كنت سامع انفاسها بتهدي وانا برتب على شعرها وبطبطب عليها لحد ما راحت فالنوم خت بالي من حركه ايدها وازاي ماسكه فيا وهي نايمه ، زي زمان لما تعمل حاجه غلط وتجري تمسك فيا وتستخبي وراه ضهري
مكنتش فاهم اني بالنسبالها امان ، يمكن هي كمان مش ملاحظه ده عشان كدا بتقول انها لوحدها ، بعدت بهدوء
و قعدت قدامها وبصتلها وقررت احسسها بده وفضلت جمبها طول الوقت.
______________________

– صباح الخير يا كسولة
= ياسين؟! هو انت ممشتش
– امشي واسيب القمر ده لمين بس؟
ابتسمت وانا روحي رجعتلي اول ما شوفت ابتسامتها:
= بجد كنت جمبي طول الليل؟
مسكت ايدها و بوستها: طبعا وانا عندي كام جميلة
– انا مش عارفه اقولك اية ، هو احنا اتصالحنا؟
= يعني هو انا كدا كدا مبعرفش ازعل منك وعارف انك هتقرفيني اوردي فا يعني اه بس لينا قاعده هنتكلم فيها وهنقعدها هنقعدها ملكيش مهرب
– امته
= بعد ما تخفي ان شاء الله
– تفتكر هنجح
= وانتي من امته كنتي فشله؟
– لا انا فاشلة ومش هلحق الكليه
= لا لا في فرق بين لما تبقي فاشلة و لما تقعي الفشل ده يعني خلاص مفيش حلول وانتي مش عايزه تحاولي انما انتي اهو بتحاولي وهتخفي والكليه وقعتي فيها وهتقومي وتكملي برضو ولا اية؟
– اكيد!
= طيب اين الفشل ده انا لا اراه.
– انا بجد بشكرك انك جمبي ، انا عارفه اني غلط يا ياسين وخيبت ظنك فيا وكمان خونت ثقتك
طبطبت على ايدها = جميلة الاحسن منتكلمش في اي حاجه وحشه صح
– صح
الباب خبط فا سمحت بالدخول وانا فاكرها طنط فاطمه مامت جميلة واتفاجئت بتلت بنات شكلهم مقر*ف و شاب
لابس سلاسل وجسمه مليان وشو**م

اتكلمت بنت منهم بمياعه:
جميلة ازيك اول ما عرفنا جينا علطول حتي ادم كان قلقان عليكي اوي اوي
رديت عليهم بحده:
– انتوا مين.؟؟؟
رد عليا الشاب ببجاحه:
احنا صحابها يا بابا انت الى مين.؟
بصتلها و…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية لا تترك يدي)